ရတု ဟူသော ဝေါဟာရ

ရတုဟူသည် သက္ကဋဘာသာ – ရိတု မှ ပျက်လာသော ရတုလည်း ရှိသည်။ မြန်မာဘာသာ ပေါရာဏသက်သက် ရတုလည်း ‎ရှိသည်။ သက္ကဋဘာသာ – ရိတု မှာ ‘အခါရာသီ’ ဟူသော အနက်ရသည်။ မြန်မာဘာသာ ရတုမှာ “သဘင်” ‎ဟူသောအနက်၊ “အခမ်းအနား” ဟူသောအနက်၊ “အခြေအနေ” ဟူသောအနက်၊ သုံးမျိုးရသည်။ ဤသို့ ဌာနအားဖြင့် ‎သုံးစားကွဲပြားလျက် ရှိရာ အကြင်အဖွဲ့တခုသည် အများနှင့်စပ်ဆိုင်လျှင် ထိုအဖွဲ့မျိုးမှာ ‘သဘင်’ အနက်ရ၏။ အများနှင့် ‎မစပ်ဆိုင်ဘဲ တဦး တယောက် အတွက်တည်းသာ စပ်ဆိုလျှင် ‘အခမ်းအနား’၊ ပကတိဖြစ်ထွန်းသည့် သဘာဝဓမ္မ ‎အခြေအနေများကို ပြလျှင် “အခြေအနေ” သဘောပေါက်ရောက်သည် ဟူ၍ ယူဆကြ၏။
မြန်မာစာပေတွင် ပုဂံခေတ်အတွင်းကပင် ရတုကဗျာများ ပေါ်ပေါက်နေသည်ဟု ထင်မြင်ယူဆဘွယ်ဖြစ်သည်။ ပုဂံခေတ် ‎ပေါ် ရတုများကို မျက်ဝါးထင်ထင် မတွေ့ရှိကြငြားသော်လည်း ရတုသဘော သက်ဝင်သော လင်္ကာတိုကလေးများကို ‎တွေ့ရှိရခြင်းဖြင့် လည်းကောင်း၊ ပုဂံခေတ်ပေါ်ကျောက်စာများတွင် ကာရန်အစပ်အဟပ်ညီသော အဖွဲ့ကလေးများကို တွေ့ရ ‎ခြင်းဖြင့် လည်းကောင်း၊ ထို ထင်မြင်ယူဆချက်မှာ မှားသည်ဟု မဆိုနိုင်ပေ။ ဥပမာ ပြရမည်ဆိုသော် သက္ကရာဇ် ၅၃၆ ခုနှစ် ‎နရပတိစည်သူမင်းကြီးလက်ထက်တွင် မင်းယဉ်နရသိင်္ခ၏ အထိန်းတော် အနန္တသူရိယအမတ်သည် မင်းပြစ်မင်းဒဏ် ‎ရာဇသံကြောင့် သေရအံ့ဆဲဆဲတွင် ရေးခဲ့သော …‎
‎”သူတည်းတယောက်၊ ကောင်းဘို့ရောက်မူ၊ သူတယောက်မှာ၊ ပျက်လင့်ကာသာ၊ ဓမ္မတာတည်း”‎
အစရှိသည့် လင်္ကာတိုကလေးကို ဖွဲ့ဆိုခဲ့သည်ကို ထောက်၍လည်းကောင်း၊ ထိုခေတ်ထိုကာလလောက်ပင် ဖွဲ့ဆိုသည်ဟု ‎ယူဆအပ်သော …‎
‎”သိုးကလေး။ ။ပုပ္ပါးနတ်တောင်၊ အခေါင်မြင့်မား၊ စုံတောဖျား၌၊ နံ့ရှားကြိုင်လွင့်၊ ခါတန်ပွင့်သည်၊ ‎ရွှေနှင့်ယိုးမှား၊ ပန်းစကား”‎
အစရှိသည့် ပုပ္ပါးနတ်တောင်ဘွဲ့ လင်္ကာသည်လည်းကောင်း၊ ထို့ပြင် ကျစွာမင်းလက်ထက် ဖွဲ့ဆိုသည်ဟု ယူဆအပ်သော …‎
‎”မြကန်သာ။ ။တောင်ကျချောင်းတေး၊ ရေဝင်ပြေးလှည့်၊ ရေအေးကြည်စွာ၊ ကန်ပိုင်မာလျက်၊ ‎ကြာပေါင်းထုံထုံ၊ ငှက်မျိုးစုံသည်၊ ဘုံဝတိံက၊ နန္ဒာလော၊ တူစွဟုတ္တာ။”‎
အစရှိသော ‘မြကန်ဘွဲ့’ လင်္ကာတိုကလေးသည်လည်းကောင်း၊ ပဒလေးလုံး၊ ပဒသုံးလုံးဖြင့် အစချီ၍ လေးလုံးစပ် ကာရန် ‎ဖြင့် ဖွဲ့ဆိုပြီးလျှင် အချအပိုဒ်တွင်လည်း ရှစ်လုံး၊ ခုနစ်လုံး စသည်ဖြင့် ချဆိုဖွဲ့နွဲ့သည်ဖြစ်၍ လင်္ကာဟုပင် တပ်အပ်ခေါ်သော် ‎လည်း စင်စစ်သော်ကား ရတုသဘော သက်ဝင်သည်ဟု ဆိုရပေမည်။
စင်စစ်အားဖြင့် ရတုသည် လင်္ကာမှပေါက်ပွားလာသော ကဗျာအဖွဲ့အနွဲ့ဖြစ်သည်။ သို့သော် လင်္ကာကဲ့သို့ မဟုတ်မူ၍ ဖွဲ့ဆိုရာ ‎တွင်လည်း စည်းစံနစ်ရှိသည်။ လင်္ကာ၌ ပုဒ်ရေပေါင်း ဖွဲ့လိုသမျှ ဖွဲ့နိုင်သည်။ အဖျားချတွင်လည်း စာလုံးရေ အကန့်အသတ် ‎မရှိ၊ ရတုတွင်ကား တပိုဒ်တည်းဖွဲ့စပ်လျှင် ဧကပိုဒ်၊ နှစ်ပိုဒ်ဖွဲ့စပ်လျှင် အဖြည့်ခံ၊ သုံးပိုဒ်ဖွဲ့စပ်လျှင် ပိုဒ်စုံ ဟူ၍ ခေါ်ဆိုသည်။ ‎သုံးပိုဒ်ထက်ပို၍လည်း မဖွဲ့နွဲ့ကြချေ။ တပိုဒ် တပိုဒ်တွင်လည်း ပဒ အရေအတွက်အားဖြင့် “၁၀၈” ပဒထက် ပိုမို၍ မဖွဲ့ကြချေ။ ‎အဖျားချများတွင်လည်း (၇)လုံး၊ (၉)လုံး၊ (၁၁)လုံး၊ (၁၅)လုံး၊ (၁၉)လုံး စသည်ဖြင့် အဖျားချစာလုံး အရေအတွက် သီးသန့် ‎ထားသည်။
သက္ကရာဇ် ၇၀၀ ကျော်လောက်တွင် ရတုကဗျာအဖွဲ့မှန်ဟု ဆိုအပ်သော စတုရင်္ဂဗလ အမတ်ရေးသည့် …‎
ရွှေဘွားတော်အောက်၊ ကျွန်၏လျှောက်ဖြင့်၊ မလျှောက်ဝံ့ဝံ့၊ လျှောက်ဝံ့ဝံ့တည့်၊ ကြောက်ရွံ့လျက်ပင်၊ ‎စက်ရွှေစင်ကို၊ ထိပ်ပြင်ပန်းနှယ်၊ ဆင်းစမ္ပယ်လျက်၊
အစချီသောရတုကို မြန်မာစာပေနယ်ပယ်တွင် ရှေးဦးစွာတွေ့ရသည်။ တွေ့ရှိရသမျှ ရတုတို့တွင် အထက်ပါ စတုရင်္ဂဗလ ‎အမတ် ရေးသည့် ရတုသည်ပင်လျှင် အဟောင်းဆုံးရတုဟူ၍ ဆိုရပေမည်။ သို့သော် ထိုရတုသည် မယ်ဘွဲ့၊ မောင်ဘွဲ့ ‎မဟုတ်ပေ။ မြတ်စွာဘုရား၏တရားတော်အကြောင်းနှင့် စပ်လျဉ်း၍ ရေးသားထားသော ဓမ္မသဘောသက်ဝင်သည့် ရတု ‎ဖြစ်သည်။ ‎
အင်းဝခေတ်မှ အစပြု၍ ရတုနယ်ပယ်သည် ကျယ်ဝန်းလာသည်။ ထိုခေတ်တွင် မယ်ဘွဲ့၊ မောင်ဘွဲ့၊ ကျေးစေရတုများ ‎ပေါ်ပေါက် လာချေပြီ။ သက၁ကရာဇ် ၉၀၀-ကျော်လောက်တွင် ရတုနဝဒေးကြီးဟု ကျော်စောထင်ရှားသော စစ်ကိုင်း ‎ထောင်သင်းမှူးသည် ရတုပုဒ်ရေပေါင်း ၃၀၀-နီးပါးမျှကို စပ်ဆိုဖွဲ့နွဲ့ခဲ့သည်။ ထိုနောက် တောင်ငူခေတ်တွင် ရတုကဗျာအဖွဲ့ ‎သည် များစွာ ခေတ်စားလာပြီးလျှင် လူပုဂ္ဂိုလ်တို့ အများအပြားဖွဲ့ဆိုလာကြသဖြင့် ထိုတောင်ငူခေတ်ကို ရတုခေတ်ကြီး ဟူ၍ ‎လည်း ခေါ်တွင်လေသည်။