“တစ်စေ့ တစ်ဆုပ် တစ်မှုတ်တစ်ခွက်”

တစ်ရက် ကျနော်အလှူတစ်ခုရောက်တဲ့အချိန်က ဧည့်သည်တွေအတော်လေးကို စည်ကားတဲ့အချိန်လေးဖြစ်နေပါတယ်။

ကျနော်ကလည်း ဒီပြင်ဆွမ်းကျွေးတစ်ခုကို ၀င်နေရသေးတော့ အရောက်နောက်ကျပါတယ်။

အဲတော့လည်း ခါတိုင်းလို ကိုယ့်မိတ်ဆွေတွေရှိတဲ့နေရာကိုတကူးတကလိုက်ရှာမနေနိုင်ဘဲကြုံတဲ့လွတ်နဲ့နေရမှာ

ဝင်ထိုင်လိုက်ရပါတယ်။

ကျွန်နော်နဲ့အတူထိုင်ဖြစ်တဲ့သူတွေက ယူနီဖောင်းလေးတွေနဲ့ဆိုတော့ပုဂ္ဂလိကလုပ်ငန်းက၀န်ထမ်းလေးတွေဖြစ်မယ်လို့ဘဲထင်မိပါတယ်။

သူတို့အထဲက နည်းနည်းလေးသွက်လဲသွက်တဲ့ကလေးမလေးက ထမင်းအုပ်ထဲက ဒန်ပေါက်တွေကို သူနဲ့အတူပါလာတဲ့ သူငယ်ချင်းတွေရဲ့ ပုဂံထဲကိုလိုက်ထည့်ပေးနေပါတယ်။

ပန်းကန်ထဲကို အပြည့်အမောက်ကြီးထည့်ပေးတာပါ။

တစ်ချို့ကလေးက” မကုန်လောက်ဘူးနော် လျှော့အုံး”လို့ပြောတာတောင် သူက ခပ်တည်တည်ပါဘဲ။

တကယ်တမ်းစားတော့လဲ မကုန်တဲ့သူတွေကများပါတယ်။

ဒန်ပေါက်ဆိုတာ နဂိုရ်ကထည်းက အီတဲ့အမျိုး တော်ရုံလူအများကြီးမစားနိုင်တဲ့ အစားအစာကိုးဗျ။

အဲတော့ သူတို့ကုန်အောင်မစားခဲ့တဲ့ ဒန်ပေါက်တွေက ပုဂံထဲမှာ ပိုးလိုးပက်လက်နဲ့ကျန်နေခဲ့ပါတယ်။

စားသောက်ပြီးတော့အအီပြေသောက်ရအောင်ချထားပေးတဲ့ လိမ္မော်ရည် ကျပြန်တော့လဲ အရင်အတိုင်း။

ခွက်တွေထဲကို အပြည့်ထည့် မသောက်နိုင်တော့ တစ်ဝက်တစ်ပျက်နဲ့ ခွက်တိုင်းနီးပါးလောက်ကျန်နေတာပါ။

ကျနော်မှာအလှူ့ရှင်အစား ကြားထဲကနှမျောနေမိပါတယ်။

 

နောက်နေ့မနက်ရုံးရောက်တော့ ရေသောက်မယ်လုပ်တော့ ရေအေးစက် အောက်ခံခွက်ထဲမှာရေတွေ့ပြည့်နေတော့

အမြင်မတော်လို့ယူသွန်ပေးလိုက်ပါတယ်။

ခဏနေတော့ ကောင်လေးတစ်ယောက်ရေလာသောက်ပါလေရော။

ခွက်အပြည့်ကြီးရေတွေထဲ့ တစ်ဝက်ကျော်ကျော်လောက်သောက်ပြီး အောက်ခံခွက်ထဲကို ပက်ကနဲ့ သွန်ထည့်လိုက်ပါတယ်။

ကျနော်အဖွားနဲ့သာ အဲဒီကောင်နေရင် ဒီလို လုပ်လို့ကတော့ ကောင်းကောင်း အဆဲခံရ အခေါက်ခံရမှာသေချာပါတယ်။

ကျနော်တို့ငယ်ငယ်က အဖွားက စည်းကမ်းအတော်လေးကြီးပါတယ်။

ထမင်းစားစား ရေသောက်သောက် ကုန်နိုင်လောက်အောင်ဘဲထဲ့ရပါတယ်။

လောဘတကြီးနဲ့မကုန်နိုင်မခမ်းနိုင်ထည့်ပြီး သွန်ပစ်တာတွေ့လို့ကတော့ နောက်တစ်ပါတ်လောက်ကတော့

အဖွားတိုင်းထည့်ပေးတာဘဲစားရပါတယ်။ အဆူအပူလဲခံရပါတယ်။

ပြီးတာနဲ့သာလွန်မင်းတရားကြီးပုံပြင်ကိုပြောပါတော့တယ်။

ကျနော်တို့မှာအလွတ်ရနေလဲနားထောင်ရပါတယ်။

သာလွန်မင်းတရားကြီးအကြောင်းက တတိယတန်းတုံးကထင်ပါရဲ့ မြန်မာဖတ်စာအုပ်ထဲမှာပါ ပါတယ်။

လူတိုင်းလည်းကြားဘူးသိဘူးနေမှာပါဘဲ။

စနစ်ကျတဲ့ထူးခြားတဲ့မြန်မာဘုရင်တစ်ပါးလို့ဆိုရင်လဲမမှားနိုင်ပါဘူး။

မြန်မာ့အလေးချိန်တင်းတောင်းစနစ်ကိုတီထွင်ခဲ့သူလို့ မှတ်သားရဘူးပါတယ်။

တစ်ရက်ဘုရင်က တိုင်းခန်းလှည့်လည်တဲ့အချိန်မှာ မိန်းမတစ်ယောက်က လမ်းဘေးမှာ ထမင်းရည်တွေကိုငှဲ့နေတာကိုတွေ့တော့

အသုံးချလို့ရတဲ့ပစ္စည်းကို လွှင့်ပစ်ရကောင်းလားဆိုပြီး မင်းချင်းတွေကို အဲဒီမိန်းမကိုခေါ်ခိုင်းပြိးဆုံးမပါသတဲ့။

ကြံဖန်ဂုဏ်ယူလို့ပြောရရင် တော်တော်လေးကို စေ့စပ်တဲ့ဘုရင်ဘဲလို့ပြောနိုင်ပါတယ်။

သဘာဝယုတ္တိကျမ ကျ တွက်ရင်တော့ သက်ဦးဆံပိုင် ဘုရင်တစ်ပါးလာနေတာကို လမ်းမမှာ ထမင်းရည်သွန်နေတယ်လို့ရေးထားပြန်တော့

မလာခင်ကတည်းက တတွီတွီနဲ့လမ်းတွေရှင်းနေတဲ့ခုခေတ်နဲ့ယှဉ်ကြည့်ပြန်တော့ အဲဒီပုံပြင်က သဘာဝမကျသလိုပါဘဲ။

နေ့လည်ထမင်းစားချိန်ရောက်တော့ ကျနော်ထမင်းစားနေတုံး ရုံးက ကလေးမတသိုက်လဲ ထမင်းစားနေကြပါတယ်။

သူတို့စားပြီးတဲ့အချိန်ကျနော့်ရှေ့မှာရှိတဲ့ တစ်သျှူးဘူးထဲကနေပြီး လက်သုတ်ဘို့ တစ်သျူးတွေကိုလာပြီးဆွဲထုတ်ကြပါတယ်။

တစ်ယောက်လာလဲ အရှည်ကြီး အများကြီး ဆွဲထုတ် နဲနဲလေး ၀ါစာကမာသုတ်ပြီး လွှင့်ပစ်လိုက်ကြပါတယ်။

နောက် တစ်ယောက်က တစ်သျှူးအများကြီးဆွဲထုတ်သွားပြီးသူတို့ ထမင်းစားထားတဲ့ခုံကို သုတ်ပါတော့တယ်။

တကယ်ဆိုရင်ရုံးမှာ လွှင့်ပစ်ရမယ့် စက္ကူတွေအများကြီးရှိပါတယ်။

ဒါပေမယ့် အလွယ်ရှိတဲ့ ဘူးထဲက တစ်သျှူးကို ယူပြီးသုတ်လိုက်တာပါ။

စိတ်ထဲမှာ တွေးမိတာကတော့ သူတို့အိမ်ဆိုရင်ကော ဒီလို စည်းမဲ့ကမ်းမဲ့သုံးကြပါမလားဆိုတာကိုပါဘဲ။

ထားပါတော့ ဘယ်လိုဘဲပြောပြာ အသုံးချနိုင်တဲ့ပစ္စည်းကို အသုံးမချဘဲလွှင့်ပစ်တာ ကိုယ်တကယ်မသုံးစွဲနိုင် မစားနိုင်ပါဘဲနဲ့အကောင်းကိုအ

ပျက်ဖြစ်အောင် စည်းမဲ့ကမ်းမဲ့လုပ်တာတွေမြင်ရတော့ တကယ်နှမျောမိသလို ဒီလူတွေကိုပြောချင်လိုက်တာ ပါးစပ်ကိုယားနေတာပါဘဲံ။

 

သူများကိုသာပြောနေတာ ကျနော်ကိုယ်တိုင်လဲ ဒီလိုအလဟဿဖြစ်အောင် လုပ်ခဲ့ဘူးတာပါဘဲ။

လွန်ခဲ့တဲ့ အနှစ်သုံးဆယ်လောက် အဖြစ်အပျက်လေး အခုထိ မမေ့သေးပါဘူး။

ကျနော်ငယ်စဉ်ကာလ သင်တန်းတစ်ခုသွားတက်တုံးကဆိုပါစို့။

အဲဒီတုန်းက ကျနော်တို့ ထမင်းစားခန်းထဲမှာအရှည်လိုက်ကြီးခင်းထားတဲ့ခုံတန်းလျားကြီးပေါ်မှာ ကိုယ့်ရဲ့ ကိုယ်ပိုင်နံပါတ်အတိုင်းထိုင်စားကြရတာပါ။

ထမင်းကတော့ သင်တန်းတွေမှာကြွေးနေကျပုံစံအတိုင်း စတီးပုံစံခွက်နဲ့ကြွေးတာပါ။

သင်တန်းဆိုတော့ အသီးအရွက်ကြော်အသားနည်းနည်း ပဲဟင်းနဲ့ ငပိအစိမ်းသုတ်ပေါ့။

ပဲဟင်းရယ် ထမင်းရယ် ငပိသုတ်ရယ်ကလိုရင်ထပ်ယူလို့ရပါတယ်။

ထမင်းစားဆောင်ထဲမှာ ခုံတွေကို အရှေ့အနောက်တန်းလို့ ဘယ်ဘက် တစ်တန်း ညာဘက်တစ်တန်း ခင်းထားပါတယ်။

အနောက်ဘက်အစွန်ဆုံးမှာ ထမင်းတောင်းရယ် ပဲဟင်း ဒါန်အိုးရယ် ငပိသုတ်ဇလုံရယ်ရှိပါတယ်။

ကျနော်က အပျင်းထူတော့ ထမင်းကုန်တယ်ဆိုရင် ထ မယူ ဘဲ ထမင်းသွားထဲ့တဲ့လူကို လူကြုံမှာတတ်ပါတယ်။

တစ်ရက် ထမင်းစားနေရင်း ဧရာဝတီတိုင်းဘက်က လာတက်တဲ့ကိုအောင်စည်ကို ထမင်းယူခဲ့ဘို့မှာလိုက်ပါတယ်။

ဖြစ်ချင်တော့ ဘေးနားက သူ့အရင်ထမင်းသွားယူတဲ့ ကိုငွေကလည်း ကျနော်အတွက်မမှာဘဲထည့်လာပါတယ်။

ကိုငွေက ယူလာတာ ကျနော့်ပုဂံထဲ ထည့်ပေးနေတဲ့အချိန် ကိုအောင်စည်ကလဲ ထမင်းတွေ ယူလာပါရော။

ကျနော့် ထဲမှာ ထမင်းတွေ များနေတာ တွေ့တော့ ကိုအောင်စည်က ကျနော့်ကို” ဒီလောက်အများကြိးကုန်ပါ့မလား”

လို့မေးတော့ “မကုန်ရင်လဲ သွန်လိုက်တာပေါ့ ကိုကြီးအောင်ရာ “လို့အလွယ်ပြောလိုက်ပါတယ်။

အဲလိုပြောတော့ ကိုအောင်စည်က မျက်နှာပျက်သွားပြီး

“ ငပေါက်ရာ မင်းက ထမင်း မငတ်ဘူးတော့ ထမင်းတစ်လုပ်တစ်ဆုပ်စားရဘို့ ခက်ခဲတာမင်းဘယ်သိမလဲ”လို့ပြောပြီး

သူယူလာတဲ့ ထမင်းတွေကို သူမကုန်ကုန်အောင်စားပါတော့တယ်။

 

ထမင်းစားပြီးလမ်းလျှောက်ထွက်တဲ့အချိန်မှာ ကိုအောင်စည်က သူဘ၀ထဲက ထမင်းနဲ့ပါတ်သက်တဲ့ ဘ၀တစ်ပိုင်းတစ်စကိုပြောပြပါတယ်။

သူတို့ အိမ်က လယ်ယာအလုပ်နဲ့အသက်မွေးတော့ ငယ်ကတည်းက အားတာနဲ့မိဘကူခဲ့ရပါသတဲ့။

မိဘခိုင်းလို့သာ လုပ်ရတယ် ဒီအလုပ်တွေကို သူအနေ့နဲ့မလုပ်ချင်ပါဘူးတဲ့။

ဒီလိုကိုယ်တိုင်လုပ်ကိုင်ခဲ့ရတော့ အတော်လေးကို ပင်ပင်ပန်းပန်းလုပ်မှ စပါးတစ်ဆုပ် ဆန်တစ်ထုပ်ရတယ်ဆိုတာကို သိနေပါတယ်။

ဒီတော့လဲ ထမင်းကို အလဟဿသွန်ပစ်ရင် အင်မတန်စိတ်တိုပါသတဲ့။

ငွေနဲ့လွယ်လွယ်ကူကူ ၀ယ်လို့ရသူတွေက တန်ဖိုးမထားပေမယ့် ပင်ပင်ပန်းပန်းလုပ်မှ ထမင်းတစ်ဆုပ်ဖြစ်လာနိုင်တာကို သိနေတဲ့

သူ့အဖို့ တော့ လွှင့်မပစ်ရက်ပါဘူးတဲ့။

ဖြစ်ချင်တော့ သူကိုးတန်းအရောက် သူ့ရီးစားနဲ့ချိန်းအတွေ့ မှာ အပြန်မိုးချုပ်တော့ မပြန်ရဲဘူးပြောတာနဲ့ ခိုးပြေး၊

ငယ်ငယ်ရွယ်ရွယ် မရည်ရွယ်ဘဲ အိမ်ထောင်သည်ဖြစ်တဲ့အချိန် နှစ်ဖက်မိဘက မိုက်လုံးကြီးတဲ့ကောင်တွေဆိုပြီး

နောင်ကျဉ်အောင်ပစ်ထားကြပါသတဲ့။

အဲဒီအချိန် လင်မယားနှစ်ယောက် သင်အူအခစားနဲ့ခုတ်တာ တစ်ရက် သုံးကျပ်ဘဲရပါသတဲ့။

အဲတော့ မနက်မိုးလင်းရင် ညက ကျန်တဲ့ ထမင်းကြမ်းခဲကို ထညက်နဲ့စား၊

နေ့လည်စာကတော့ အလုပ်ရှင်က ချပေးတဲ့ရေနွေးကြမ်းနဲ့ မရွေး နှစ်ခု နဲ့မျှောချ ။

ညနေအလုပ်က ပြန်မှ ထမင်းချက်စား ဒါတောင်မနက်အတွက်ကျန်အောင်လို့ချန်စား ရပါသတဲ့။

သူ့မိန်းမလုပ်တဲ့သူ မျက်ရည်စို့တာမြင်ရင် သူမှာ အတော်ဝမ်းနည်းပါသတဲ့။

ဒါပေမယ့်လည်းကိုယ်မိုက်တာ ကိုယ်ခံရုံဘဲဆိုပြီး ကျိတ်မှိတ်လို့ ဘ၀ကိုရုန်းကန်ခဲ့ရပါသတဲ့။

အဲဒီအခါမှာ မှ မိဘလက်ထက်က တစ်နေ့ထမင်းသုံးနပ်စားခဲ့ရတာကို ပြန်လွမ်းမိပါသတဲ့။

နော က်လေးငါးလလောက်အကြာမှာ သူတို့လင်မယား ခြံသွားရှင်းပေးတဲ့ အိမ်ရှင်ဆရာမကြီးက ဂုံနီအိတ်လုပ်တဲ့စက်ရုံမှာ

လင်မယားနှစ်ယောက်လုံးကို အလုပ်သွင်းပေးခဲ့လို့ ထမင်းနပ်မှန်တဲ့ဘ၀ကိုပြန်ရပါသတဲ့။

အဲတော့ ထမင်းကို ကုန်လောက်ရုံမထည့်ဘဲသွန်ပစ်ရင် လက်သီးနဲ့ထထိုးချင်ပါသတဲ့။

ဒါကတော့ ကိုအောင်စည်ပြောပြတဲ့ဘ၀မှတ်တမ်းလေးပေါ့။

 

ကျနော်ကြုံခဲ့ရတာကတော့ တစ်နှစ် ကျောက်ပန်းတောင်းဘက်ကို အလုပ်ကိစ္စနဲ့ခရီးထွက်တဲ့အချိန်ကပါ။

အဲဒီတုံးက အခုခေတ်လို့ ရေသန့်ဘူးတွေ ဘာတွေမရှိသေးတဲ့ကာလပေါ့။

ကျောက်ပန်းတောင်းနဲ့ မိထ္တီလာကြားဆိုတော့ ထန်းပင်နဲ့ ထန်းချက်တဲ့ဖိုလေးတွေကပေါမှ ပေါပါဘဲ။

ဘေးဘက်မှာမြင်နေရတဲ့တောင်ကုန်းကြီးကလဲလှမှလှ။

အညာဒေသပေမယ့် စိမ်းစိမ်းစိုစို။

သွားနေရင်းက ဗြုန်းဆို ကားက လမ်းဘေးမှာထိုးရပ်လိုက်ပါတယ်။

ဒရိုင်ဘာလေးက ရေတိုင်ကီ ရေခန်းသွားတာလို့ပြောပါတယ်။

အဲဒါနဲ့ဘဲ အနီးအနားက ထန်းတဲလေးတွေကို ၀င်လိုက်တော့ ဖော်ဖော်ရွေရွေ နဲ့ ထန်းညက်စား ကြ

ကြိုက်တတ်ရင် ထန်းရည်သောက်လို့ပြောပါတယ်။

ကျနော်တို့ကရေနည်းနည်းလောက် ကားရေဆူနေလို့ဆိုတော့ ရေကတော့ မပေးနိုင်ဘူးတဲ့

သုံးလို့ရတယ်ဆိုရင် ထန်းရည်သာ ထည့်မောင်းသွား ပိုက်ဆံမပေးခဲ့နဲ့လို့ပြောပါတယ်။

အဲတော့ မှာ ယောကျာ်းလုပ်သူက ဒီနေရာက ရေရှားတဲ့အကြောင်း ၀ယ်သုံးချင်ရင်တောင်မှ လွယ်လွယ်ဝယ်မရတဲ့အကြောင်း။

လိုချင်ရင်တော့ သွားခပ်လို့ရတဲ့နေရာပြမယ်ဆိုတာနဲ့ ကားထဲမှာပါတဲ့ရေပုံးယူပြီးလိုက်သွားတော့ အတော်ဝေးဝေးသွားမှ ရေအိုင်စပ်စပ်ကလေးက ရွှံ့ရေတွေကို ခပ်ယူခဲ့ရပါတယ်။

အဲဒီတော့မှ ၀န်ကြီးပဒေသရာဇာရေးဖွဲ့ခဲ့တဲ့ ထန်းတက်သမားကဗျာထဲက

“ပြီးလျှင်ရေမရှာ ခွေးသာကြွေးတော့သည်”ဆိုတာလေးကို သွားသတိရမိပါတယ်။

ပိုလို့လည်းခံစားလို့ရသွားပါတယ်။

 

အခုခေတ်မှာ ငွေရှိရင် ဘာမဆို လွယ်လွယ်နဲ့ဝယ်ရတော့ လူတွေကလည်း သုံးတာ စွဲတာ ပစ္စလက်ခတ်နိုင်လာတာကို

နေရာတော်တော်များများမှာတွေ့လာရပါတယ်။

အလွယ်ကူဆုံးနေရာလေးပြောရရင် ခေါက်ဆွဲဆိုင်မှာ သွားစား ရင် မုန်ညင်းချဉ်ကို ပုဂံလေးနဲ့ထည့်ပေးတတ်ပါတယ်။

မကုန်ဘဲကျန်နေတော့လဲ သွားပေါ့ အမိူက်တောင်းထဲကို။

သူများနိုက်စားထားတာကို ဘယ်သူက ယူစားမလဲနော။

တကယ်ပြန်တွက်ကြည့်ရင် ဒီမုန်ညင်းချဉ်လေးဖြစ်လာအောင်လုပ်ကိုင်ရတာကလဲ နည်းပညာအဆင့်ဆင့်နဲ့ပါ။နောက် အသုံးပြုတဲ့ကုန်ကြမ်း အများကြီး

ရင်းနှီးပြီးမှ ဒီအချဉ်လေးဖြစ်လာတာပါ။

စကတည်းက အများကြိးထဲ့ မကုန်တော့ သွန်ပစ်အလွန်ကို နှမျောစရာ ကောင်းလှပါတယ်။

အဲတော့ အခုလို ထည့်ပေးမယ့်အစား ပုဂံလုံးနဲ့ထည့်ပေးထား လိုသလောက်ယူစားရင် အလဟဿမဖြစ်နိုင်တော့ဘူးပေါ့၊

ကျနော်တို့ ၀န်းကျင်မှာ အထူးသဖြင့်မြို့ပေါ်မှာ ဘာမဆို ၀ယ်လို့ အလွယ်ရနေတော့ အားလုံးက တန်ဘိုးသိပ်မထားကြပါဘူး။

တကယ်တမ်းတော့  ကိုယ် ကုန်နိုင်ရုံ လောက်သာထည့်သင့် လိုအပ်သလောက်သာ အသုံးပြုသင့်တယ်လို့ထင်ပါတယ်။

စည်းကမ်းတကျနဲ့ကုန်နိုင်ရုံလောက်သူ သုံးမယ်ဆိုရင် လူများများလဲ အသုံးပြုလို့ရသလို ငွေကလဲ ကုန်သင့်တာထက်ပိုမကုန်မှာတော့

ဧကန်ပါဘဲ။

“ကုန်နိုင်ရုံထည့် လိုသလောက်သုံး” ဆိုတာလေးကို 

လိုက်နာ စောင့်ထိန်းဘို့ဆိုတာကလဲသိပ်မခက်ခဲ့တဲ့အလုပ်လို့ ယူဆပါတယ်။

ဒီလိုအလဟဿ မဖြစ်အောင် ၀ိုင်းဝန်းလို့လုပ်မယ်ဆိုရင်

တစ်စေ့ တစ်ဆုပ် တစ်မူတ် တစ်ခွက်ကနေ တစ်အိတ် တစ်ပုံး ဖြစ်လာနိုင်ပါတယ်။

ကဲ အခုက စလို့ ကျနော်တို့ကိုယ်တိုင်ရော ကိုယ့်အနီးအနားမှာရှိနေတဲ့ မောင်တွေ ညီမတွေ သားသမီး တူ တူမတွေ

တပည့် တွေ ကိုယ့် ၀န်ထမ်းတွေကို စည်းရုံးလို့ ဒီအကျင့်လေးကို မွေးမြူလိုက်ကြမယ်ဆိုရင် မကောင်းဘူးလားဗျာ။

 

 

ကိုပေါက်လက်ဆောင် အတွေးပါးပါးလေး

(1-10-2011)