လိုအင်ဆန္ဒများပြားချင်း
ပွင့်လွှာတွေ ခြွေချခံထားရတဲ့ နှင်းဆီတစ်ပွင့်ရဲ့ သိက္ခာကို
ဘယ်လိုစကားလုံးမျိုးနဲ့ မြှင့်တင်ပေးချင်သေးလဲ
ဗေဒင်ဆရာဟောတဲ့ မိုးလေဝသလိုမျိုး
တောက်တဲ့ အော်သံကြားတိုင်း
လေလား မိုးလား ရွတ်နေရတဲ့ ဘဝမှာ
ဘယ်နှခါမှန်းမသိတဲ့ သက်ပြင်းတွေက မှင်နီတွေရဲလို့
နယူတန် ရဲ့ နိယာမတွေကို မုန်းတယ်
မျက်ရည်တစ်စက်ရဲ့ တင်းအားဟာ
ဘယ်အရာနဲ့များ အချိုးကျပါသလဲ
ကတ်ကိုဘိန်း ရဲ့ လက်ညှိုးတစ်ချက် ကွေးသံကို
တစ်ကမ္ဘာလုံးက ကြားလိုက်ရတယ်ဆိုရင်
သင်ယုံမှာလား။
အ “အ” တစ်ယောက်ရဲ့ အဆိုတော်ဖြစ်လိုမှုမှာ
ဆန္ဒက ဘယ်နှရာခိုင်းနှုန်း
သံသယက ဘယ်နှရာခိုင်နှုန်း ပါဝင်ပါသလဲ
ဆိုလိုရင်းက
ချက်ကော့ဗ် ရဲ့ သေနတ်လိုမျိုး ရှင်းတယ်
တယောသံ ကြားရင် လွမ်းမယ်
နှဲသံကြားရင် ငိုမယ်။
နောက်ဆုံး နတ်သံနှောပီးတော့
ဘဝကို ဘဝနဲ့ ရင်းပီးနာပစ်လိုက်မယ်
ကျွန်တော့ရဲ့ မသိတတ်လိုက်ပုံများ ပြောပါတယ်
စိတ်ရူးနဲ့ လက်ပစ်ကူးခဲ့ လိုက်တာ
ကမ်းကိုတောင် မမြင်ရတော့ဘူး။
ကောင်းမြတ်