(၁)

ချစ်သူကိုရှေးဦးစွာဖန်ဆင်းပြီးနောက်

ဘုရားသခင်သည်ကိုယ့်အားကောက်ယူလိုက်သည်..

နံရိုးတစ်ချောင်းကိုဆွဲနုတ်ရင်းသူဆိုသည်

မင်းကသူ့ကိုလက်ခုတ်တီးပေးရုံသက်သက်..

မင်းကသူ့ကိုလက်ခုတ်တီးပေးရုံသက်သက်..

ကျမ်းစာဆန်သောထိုစကားကို ထပ်ခါထပ်ခါဖတ်၏..

ထို့နောက်

စင်္ကြာဝဠာထဲသို့ကျွန်တော့ကိုပစ်ပေါက်လိုက်တော့သည်။

(၂)

သုံးရာခြောက်ဆယ့်ငါးတို့ဆယ့်ရှစ်ခါလွန်သောအခါ

ယမင်းရုပ်ကလေးကိုကျွန်တော်မြင်တွေ့လိုက်ရ၏။

ဆောင်းတစ်ညမှာဖြစ်သည်။

နွေးထွေးခြင်းတွေသွေးအံသလိုအံသောဆောင်းညမှာ ဖြစ်သည်..။

ကျောက်ရုပ်တစ်ရုပ်ပမာ

ကိုယ်ငြိမ်သက်နေမိ၏ ။

(၃)

လေပြည်ညင်းတို့က  

ပန်းရနံ့တို့နှင့်အစားထိုး

သူမ ကိုယ်သင်းရနံကိုခိုးရန်ကြိုးစားခဲ့၏။

ကိုယ်

ဓါးမိုးပြီးကာကွယ်ခဲ့သည်။

(၄)

သူမသည်မီးတောက်တစ်ခုသဖွယ်ဖြစ်၏..

တ၀ုန်းဝုန်းတောက်လောင်လျက်

ကောင်းကင်ယံကိုဆန့်ထွက်ပျံသန်းသည်…

ကြည်လင်ရွှန်းမြ

ကိုယ်ရောင်ကိုယ်ဝါတို့အတောမသတ်ခဲ့ကြ…

သူမ….

ကိုယ့်ရင်ထဲကမီးလျံ…။

(၅)

ကိုယ့်လက်နှင့်ဂလက်ဆီတစ်ခုခတ်၏…

တေလေငှက်၏တောင်ပံခတ်သံပမာ

ကိုယ့်မာန်ဟုန်ကိုကိုယ်ပြန်ကြားသည်…

ယမင်းရုပ်ကလေးကကိုယ့်ကိုကြည့်နေ၏။

(ဤသို့ကိုယ်ထင်သည်)

ယမင်းရုပ်ကလေးကကိုယ့်ကိုပြုံးရယ်သည်။

(ဤသို့ကိုယ်ထင်သည်)

ပင်လယ်ရေကိုကုန်အောင်ခပ်သောက်၍

တွန့်ခေါက်တောင်တန်းတွေအဆင့်ဆင့် အထပ်ထပ်..

ကိုယ်ရောက်အောင်တက်မည်.။

(၆)

ချစ်သူ၏နှုတ်ခမ်းဖျားထက်

အဘယ်သောဓါးသံလျက်သည်ပိုထက်မည်နည်း…

ချစ်သူ၏မျက်တောင်အခတ်တွင်

မြားအစက်စက်တို့ပြိုပျက်ကျလာကြပြီ….

နားထောင်ကြလော့…..

ချစ်သူ၏အပြုံးတစ်ချက်သည်လက်နက်ဖြစ်မည်ဆိုပါက

စင်္ကြာဝဠာတစ်ခုလုံးကိုဓါးတစ်ချက်မ၀င့်ပဲငါသိမ်းမည်.။

(၇)

သူမသည်.. လူသားစင်စစ်မဟုတ်

နတ်တို့ဖန်ဆင်းသောမင်္ဂလာတရားမှာ

လူသားနှလုံးသားတစ်ခုကပ်…

အသက်ဝင်လာသောယမင်းရုပ်တစ်ရုပ်သာဖြစ်သည်..။

(၈)

မိုးသက်လေတို့သည်ဘာကြောင့်တိတ်ဆိတ်နေခဲ့သနည်း…

မိုးရာသီတနင်္လာတစ်ရက်တွင်

လူသားမိခင်တစ်ယောက်

ပန်ဒိုရာသေတ္တာထဲကနောက်ဆုံးလက်ဆောင်ကိုဖွင့်ဖောက်ရရှိခဲ့၏..

ဘာကြောင့်တိတ်ဆိတ်လွန်းနေခဲ့သနည်း။

(၉)

၁၉၉၀ ပြည့်လွန်နှစ်များသည်

ကျက်သရေကြီးမားလှသောနှစ်များဖြစ်ကြသည်ဟု ကိုယ်ထင်သည်.။

လူသားတို့သည်တခြားလူသားတို့အား

အလှပဆုံးတင်စားနိုင်ခဲ့ကြပြီ….

** ကျောင်းရှေ့စံပယ်ရုံမှာ

ဗီးနပ်စ်ရဲ့နက္ခတ်တို့တလက်လက်ဖြာဝေမှုန်သင်း..

စာသင်ခန်းတွင်းမှာလည်းလမင်းတွေသာခဲ့ကြ၏။——–(မီးတောက်ရစ်သမ်)

** သစ်ပင်၊တောတောင်၊နေရောင်ငါ့သခင်အောင်နိုင်ခဲ့၏ ———(မနှင်းဖြူ)

(၁၀)

နောက်ဆုံးတွေ့ခဲ့စဉ်ကဖြစ်သည်..။

ယမင်းရုပ်ကလေးကားတည်ငြိမ်လွန်းလှ၏

မြင့်မြတ်သောဦးခေါင်းထက်၌

မည်းနက်သောဆံနွယ်များကိုဖြန့်၍

စောင်းတစ်လက်ကိုပိုက်ထားသည်..။

ကိုယ့်ရှေ့တွင်သူရှိနေသော်လည်း

သူ့နောက်တွင်ကိုယ်မရှိ…

တိုးညင်းစွာလက်ခုတ်တီးပေးရင်းကိုယ်ပြန်လာခဲ့သည်။

(၁၁)

ချစ်သူ၏ဥပေက္ခာ

တိုးတိတ်သောနာကျင်မှု..

စနစ်တကျကွာဝေးခြင်းခံရသောလူသားနှစ်ယောက်..။

ချစ်မိသူမှန်သောကြောင့်

ကိုယ်

အိမ်ပြန်ချိန်ကိုကြောက်သည်…။

(၁၂)

သူမ၏  မီးအိမ်ကလေးကိုငြိမ်းလိုက်ပြီးနောက်

လသာဆောင်ကိုသာကိုယ်ငေးနေခဲ့ရသည်..

သူမမအိပ်စက်ခင်ထိလရောင်သည်ဘာကြောင့်မှိန်သနည်း

သူမအိပ်စက်ပြီးသည့်နောက်ဘာကြောင့်တောက်ပလာသနည်း..။

(၁၃)

မနက်ဖြန်မှာ

ယမင်းရုပ်ကလေး၏ဖျော်ဖြေပွဲရှိသည်..

ခရစ်စမတ်ကိုကြိုဆိုနှုတ်ဆက်ရင်း

ကကွက်တစ်ခုနှင့် သူမဖျော်ဖြေရလိမ့်မည်…

မည်သို့ပင်ဖြစ်စေ…

ကိုယ်..လက်ခုတ်တီးနေပါဦးမည်…

ကိုယ်..လက်ခုတ်တီးနေပါဦးမည်..

ကိုယ်..လက်ခုတ်တီးနေပါဦးမည်….။

နိုးဆက် နေ့

(လက်ခတ်ဂလက်ဆီ)