ဒီထက်ပိုပြီး ရိုးသားရမယ်ဆိုရင်တောင်
ဒီလောက်ရိုးသားနိုင်တော့မယ်မထင်ဘူး
ငါပဲ ဆုတောင်းမှားခဲ့တာလားအချစ်ရယ်
ဆွံ့အသွားရလောက်အောင် တိုင်ဆိုင်လွန်းတော့
ယုံရခက်မယ်
အဖြစ်အပျက်ဟာ လျှပ်တစ်ပြက်ရိုက်ချက်နဲ့
အငွေ့ပျံမတတ် မီးမြှိုက်တယ်
အိမ်အပြန်ရှုမျှော်ခင်းက တစ်စစီပြိုကွဲ
လမ်းယောင်ဆောင်ထားတဲ့ငရဲက တံလျှပ်ခိုးဝေ
သူ့ဘာသာသူ ကြွေကျလာတဲ့သစ်ရွက်ကလည်း
မျက်ရည်တွေ ထပွက်စေခဲ့
ပူလောင်ဖို့သက်သက် ဘယ်သူ လောင်ကျွမ်းချင်မလဲ
ခုတ်လှဲခံရဖို့သက်သက် ဘယ်သူ စိမ်းလန်းချင်မလဲ
ငါ့အသားစိုင်ထဲ စိုက်ဝင်နေတဲ့ မင်းသံသယကို ဆွဲနှုတ်ပေးပါ
မင်းချိုးယူသွားခဲ့တဲ့သစ်ခက်လေးမှာ ငါ့လိပ်ပြာ တွဲလွဲခိုနေတာ
တကယ်မသိခဲ့ဘူးလား
အိပ်မပျော်တဲ့ညတွေမှာလည်း ငါ အိပ်လို့မပျော်တော့ပါဘူး
စားမ၀င်တဲ့နေ့တွေမှာလည်း ငါ စားလို့မ၀င်တော့ပါဘူး
ဒီအသက်ဒီအရွယ်ရောက်မှ မြီးကောင်ပေါက်တစ်ယောက်လို
လက်မောင်းသွေးဖောက်ပြီး အချစ်ကို သက်သေပြရဦးမှာလား
အသည်းကွဲရင် စိတ်လွတ်ကိုယ်လွတ် အော်ရယ်ပစ်တဲ့ခေတ်ပဲ
ကြိုးပြတ်သွားတဲ့စွန်ကိုကြည့်ရင်း ကလေးတစ်ယောက် ငိုနေသလိုမျိုး
ဖတ်နေရတဲ့ဒဏ်ရာက သွေးမတိတ်တော့ဘူး

                                                          ကိုသျှား