အိပ်စက်မရတဲ့ ည…
လွမ်းပါးပါးနှင့် အသည်းတွေကို မွှန်းနေသလား
အိပ်မွေ့ချတဲ့ ည…
ကမ္ဘာလေးကို ခေါင်းအုံး ပေးအုံးနေလား

ငိုရလွန်းည…
တာရှည် နှိပ်စက်နေသလား…
ပျော်လွန်တဲ့ည…
ပေးဆပ်သက်နည်း အချိန်တွေ တိုတောင်းနေသလား

သတိရဆို့နင့်နေတဲ့ ည…
အောက်မေ့ဘွယ် လိုက်ကာတွေ ပိတ်မှောင်နေသလား
လွမ်းဆွတ်ဆွေးကျန်လိုက်တဲ့ည…
စကားမပြောတတ်တဲ့ အရိပ်တွေ ငါ့ အနား လာနေသလား

ငြိမ်သက်နေလွန်းတဲ့ ည..
မှန်တွေ အက်ကွဲကြေမွ အခြားတစ်ဘက်စီလား
လေပြေဆော့ကစား လူးလွန်းတဲ့ ည…
ပြတင်းပေါက်တံခါးနား ညဌက်တွေ တေးဆိုနေလား

အရောင်တွေ မမြင်ဘူး
ဘာသာစကား မရှိဘူး
အဓိပ္ပာယ်လွန် စိတ်ကူးမဆန်းဘူး
အထီးမကျန်တဲ့ညက…
မင်းကို အထီးကျန်ဆန်စွာနှင့် အဖော်လုပ်နေတယ်…

စိတ္တဇနှင့် ပြေးလွင့်နေတဲ့ ည…
မင်းကို မရယ်လှောင်တတ်တာ အမှန်ပါ..
ပုံပြင်တွေ မပြောတတ်ဘူး…
ညက… အခန်းဆက် ပြဇာတ်တစ်ပုဒ်…
မရှင်းနိုင်တာက…မင်း မဟုတ်လား

ညက …. မသိ
မင်းက…. မိ
တစ္ဆေတစ်ကောင် မဟုတ်ဘူး…
အိပ်ဆေးတွေက အလကား
ပျော်အောင် နေလိုက်နော် မင်း…
အိပ်ပျော်အောင် အိပ်လိုက်ပါ….
ညနှင့်အတူ…. ။      ။

နရီထက်
( ၃၁ ၊ သြဂုတ်လ ၊ ၂၀၁၁ )