Professional Authors

လရောင်တမ်းချင်း

                  ကျွန်တော်ငယ်ငယ်က ဘုန်းကြီးကျောင်းတစ်ကျောင်းမှာ ကျွန်တော့်မိခင်၊ကျွန်တော့်ညီအစ်ကိုမောင်နှမတွေနဲ့အတူ
နေထိုင်ခဲ့ရပါတယ်။ဘုန်းကြီးတွေ၊ကိုရင်တွေ စွန့်တဲ့ဆွမ်းကျန်တွေကို ပျော်ရွှင်စွာ လုယက်စားသောက်ပြီး နေ့လည်နေ့ခင်းတိုင်းမှာ
မန်ကျည်းပင်ကြီးတွေ၊တမာပင်၊ထနောင်းပင်တွေအောက်မှာ ကျွန်တော်တို့ညီအစ်ကိုမာင်နှမတစ်တွ တစ်ဦးနဲ့တစ်ဦး ပုတ်ခတ်ကျီစယ်
ကစားခဲ့ကြတယ်။ပရိတ်ကြီးရွတ်ဖတ်သံ၊ဘုရားဝတ်တက်သံတွေနဲ့လုံးထွေးပြီး ကျွန်တော့်ဘ၀ဟာ ငြိမ်းချမ်းစွာ လုံခြုံနွေးထွေးခဲ့ဖူးတယ်။
                    ကျွန်တော်နေထိုင်တဲ့ကျောင်းကိုညနေစောင်းတိုင်းပန်း၊ရေချမ်း၊ဆီမီးကပ်လှူပူဇော်ဖို့ရောက်လာတတ်တဲ့မိန်းမပျိုလေး
တစ်ယောက်ရှိပါတယ်။ကျောင်းထိုင်ဘုန်းကြီးနဲ့အဲဒီမိန်းမပျိုလေးရဲ့ဆက်ဆံရေးဟာကျွန်တော့်အစ်မနဲ့သူစိမ်းကောင်တွေရဲ့ဆက်ဆံရေး
လိုပဲလို့ ကျွန်တော် ထင်မိတယ်။သူစိမ်းကောင်တွေဟာ ကျွန်တော့်အစ်မကို မြင်ရင် သွားရည်ကျမတတ်ကြည့်ကြတယ်။သူတို့ရဲ့မျက်
လုံးတွေကလည်း ဘာကြောင့်မှန်းမသိဘဲ အရောင်တလက်လက် တောက်နေတယ်။ကျောင်းထိုင်ဘုန်းကြီးကလည်း အဲဒီမိန်းမပျိုကို
မြင်ရင် မျက်လုံးတွေ အရောင်တောက်လာတတ်တယ်။ဘာရယ်လို့တိတိကျကျပြောမပြတတ်ပေမယ့် ဘုန်းကြီးကိုရော၊မိန်းမပျိုကိုပါ
ကျွန်တော် စက်ဆုပ်ရွံ့ရှာနေမိတယ်။
                    တစ်နေ့တော့ သားသားနားနားဝတ်ဆင်ထားတဲ့လူကြီးတစ်ယောက် ကျောင်းကို ရောက်လာခဲ့တယ်။လှူဖွယ်ဝတ္ထုတွေ
လှူပြီး ကပ္ပိယကြီးဆီ ရောက်လာ၊အတန်ကြာအောင် စကားပြောနေကြတယ်။အဲဒီအချိန်ဟာ ကျွန်တော်တို့ ကစားနေတဲ့အချိန်ပေါ့။
စကားပြောနေရင်း လူကြီး ကျွန်တော့်ကို လှမ်းလှမ်းကြည့်နေတဲ့အကြည့်တွေကို ရင်မဆိုင်ရဲလောက်အောင် ကျွန်တော် ထိတ်လန့်
သိမ်ငယ်နေမိတယ်။ခဏကြာတော့ ကပ္ပိယကြီးက ကျွန်တော့်ကို ချော့မြှုပြီး လူကြီးလက်ထဲထည့်လိုက်တယ်။လူကြီးက ကျွန်တော်
နားမလည်တဲ့စကားတွေ တတွတ်တွတ် ပြောနေတယ်။ကျွန်တော့်မိခင်က မာန်ဖီပြီး လူကြီးကို ရန်ရှာမယ်လုပ်တော့ ကပ္ပိယကြီးက
အမေ့ကို ကန်ကျောက်ငေါက်ထုတ်ပစ်လိုက်တယ်။
                  အမေ ဘာမှမတတ်နိုင်ဘူး။လူကြီးလက်ထဲကကျွန်တော့်ကိုသာ နှမြောတသစွာ ယူကြုံးမရကြည့်နေတယ်။အဲဒီအကြည့်
ဟာ ကျွန်တော့်အတွက် သေရာပါတော့မယ့်နာကျင်ကြေကွဲဖွယ်ဓားချက်ပါပဲ။ကျွန်တော် ကပ္ပိယကြီးကို စိမ်းစိမ်းကားကား စိုက်ကြည့်
ပစ်လိုက်တယ်။ဖြစ်နိုင်မယ်ဆိုရင် ကပ္ပယကြီးကို အရိုးတခြား၊အသားတခြားဖြစ်အောင် ကိုက်ဆွဲပစ်လိုက်ချင်တယ်။ဒါပေမယ့် ကျွန်ေ-
တာ့်အမေကိုယ်တိုင်တောင် ဦးညွှတ်ရိုကျိုးနေရတဲ့ကပ္ပယကြီးကို ကျွန်တော်က ဘာများလုပ်နိုင်မှာလဲ။
                 ကျွန်တော့်အတွက်တော့ အခါးသီးဆုံးနာကျည်းချက်ပါပဲ။ကျွန်တော့်ရာဇ၀င်ရဲ့အမှောင်ဆုံးစာမျက်နှာပါပဲ။အမေက ကျွန်
တော့်ကို တွေတွေကြီး ငေးကြည့်ရင်း ကျန်ရစ်ခဲ့ရှာတယ်။ကျွန်တော်က ရုန်းရင်းကန်ရင်း လူကြီးနဲ့အတူလိုက်လာခဲ့ရတယ်။ကပ္ပိယကြီး
က အမေ့ရဲ့ရင်ကို ဓားထက်ထက်နဲ့ခွဲပြီး လူကြီးက အမေ့ရင်ထဲကနေ ကျွန်တော့်ကို ဆွဲထုတ်ခဲ့တယ်။လုံခြုံငြိမ်းချမ်းတဲ့အရိပ်အာဝါသ
အောက်ကနေ အရည်ပျော်မတတ်ပူတဲ့လောကထဲ ကျွန်တော့်ကို ဆွဲခေါ်ခဲ့ကြတယ်။
                 အခုချိန်ထိ ကျွန်တော်ဟာ ကျွန်တော့်မိခင်နဲ့မောင်နှမသားချင်းတွေကို ပြန်မတွေ့ခဲ့ရတော့ပါဘူး။ကျွန်တော့်ကိုယူလာတဲ့
လူကြိးက ကျွန်တော့်ကို ယုယပါတယ်၊ကြင်နာလည်း ကြင်နာရှာပါတယ်။ကောင်းကောင်းမွန်မွန်းလည်း ကျွေးမွေးပြုစုပါတယ်။ကျွန်
တော့်အတွက် အစားအစာထည့်ပေးတဲ့ခွက်ကလေးဟာလည်း အင်မတန်သန့်ရှင်းလှပါတယ်။ကျွန်တော့်လည်ပင်းမှာကြိုးလှလှလေးနဲ့
ခြူလေးတစ်လုံး၊ကျွန်တော်လမ်းလျှောက်တဲ့အခါတိုင်း အဲဒီခြူကလေးက တချွမ်ချွမ်ရယ်တယ်။ကျွန်တော့်ကိုယူလာတဲ့လူကြီးက
သူအလုပ်မသွားခင်မှာ ကျွန်တော့်ကို တယုတယ ပွတ်သပ်တတ်ပြီး သူ အလုပ်ကပြန်လာတဲ့အခါမှာလည်း ကျွန်တော့်ကို ကြင်ကြင်
နာနာ ပွေ့ပိုက်တတ်ပါတယ်။
              ကျွန်တော် မပျော်ရွှင်ပါဘူး။ဘယ်လောက်ကောင်းတဲ့အစာတွေကို စားရစားရ၊ဘယ်လောက်တင့်တယ်တဲ့ ဘ၀မှာပဲနေရ
နေရ၊ကျွန်တော့်အတွက်တော့ ကျွန်တော်မိခင်နဲ့ညီအစ်ကိုမောင်နှမတွေရှိရာ ဘုန်းကြီးကျောင်းလောက် လုံခြုံငြိမ်းချမ်းမှုမရှိပါဘူး၊
ကျွန်တော်မပျော်ရွှင်နိုင်တဲ့အကြောင်းတွေလည်း ရှိပါသေးတယ်။လူကြီးမှာ သားလေးတစ်ယောက်ရှိပါတယ်။သူက ကျွန်တော့်ကို သူနဲ့
အတူ ကစားဖို့ ခေါ်တယ်။ကစားနေရင်း သူစိတ်တိုင်းမကျရင် ကိုင်ပေါက်လွှင့်ပစ်တတ်တယ်။ခြေထောက်နဲ့လည်း ကန်တတ်တယ်။
တစ်ရက်မှာတော့ အဲဒီကလေးဟာ ကျွန်တော့်ကို တုတ်အကြီးကြီးနဲ့ လိုက်ရိုက်တယ်။အဆက်မပြတ်ကျရောက်လာတဲ့တုတ်ချက်တွေ
အောက်မှာ အလူးလူးအလှိမ့်လှိမ့် နာကျင်ရင်း ကျွန်တော် ကိုယ့်ဘ၀ကိုယ် စိတ်နာလာခဲ့တယ်။ကျွန်တော် ဒေါသတကြီး မာန်ဖီရင်း
တုတ်ကိုင်ထားတဲ့လက်ကို မလွှတ်တမ်း ခဲပစ်လိုက်တယ်။အဲဒီမှာပဲ ကျွန်တော့်ကိုယူလာတဲ့လူကြီးက ကျွန်တော့်ကို ကန်ကျောက်
မောင်းထုတ်ပစ်လိုက်တော့တာပါပဲ။
                   အဲဒီအိမ်ကထွက်လာပြီးတဲ့နောက် ကျွန်တော်ဟာ လမ်းတကာလှည့်ပြီး ခြေဦးတည့်ရာ လျှောက်သွားနေခဲ့တယ်။
တစ်နေ့မှာ . . . မိုးတွေ သည်းသည်းထန်ထန်ရွာနေတဲ့တစ်နေ့မှာပေါ့ . . .။ကျွန်တော် နီးစပ်ရာအိမ်တစ်လုံးရဲ့တံစက်မြိတ်မှာ မိုး
ဝင်ခိုလိုက်တယ်။ဒါပေမယ့် အဲဒီအိမ်ကလူတွေက ကျွန်တော့်ကို မိုးခိုခွင့်မပေးခဲ့ဘူး။အတင်းအဓမ္မမောင်းထုတ်ပစ်လိုက်ကြတယ်။
ကျွန်တော် မိုးသည်းကြီးထဲမှာ ချမ်းတုန်မောဟိုက်စွာ လျှောက်သွားနေခဲ့တယ်။ဆာလောင်နေတဲ့ဝမ်းမီးဟာလည်း ကျွန်တော့်တစ်
ကိုယ်လုံး ခြစ်ခြစ်တောက် ပူ . . . လို့။ဆာလောင်မွတ်သိပ်စွာ ချမ်းတုန်မောဟိုက်ရင်း ကျွန်တော် မိုးခိုဖို့ နေရာရှာရတယ်။လမ်းမှာ
တွေ့တဲ့ဇရပ်ပျက်ကြီးတစ်ဆောင်ထဲမှာ မိုးဝင်ခိုရင်း ကျွန်တော် အိပ်ပျော်သွားခဲ့တယ်။
                 ကျွန်တော် ဘယ်လိုဖြစ်ပြီး ဘုန်းကြီးကျောင်းထဲပြန်ရောက်ခဲ့သလဲမသိဘူး။ဘုန်းကြီးကျောင်းမှာ အမေ့ကို မတွေ့ရဘူး။
ညီအစ်ကိုမောင်နှမတွေကို မတွေ့ရဘူး။ကပ္ပိယကြီးကို တွေ့ရတယ်။ပြီးတော့ . . .လူကြီး . . . ကျွန်တော့်ကို ခေါ်ယူသွားခဲ့တဲ့လူကြီး။
မီးတောက်မတတ်မျက်လုံးတွေနဲ့ ကျွန်တော့်ကို ကြည့် . . . လို့။ကျွန်တော် ထိတ်လန့်ကြောက်ရွံ့စွာ လှည့်ပြန်ထွက်ပြေးခဲ့ပေမယ့်
အရမ်းကို နောက်ကျသွားခဲ့ပြီ။လူကြီးက ကျွန်တော့်ကို သူ့လက်ထဲက တုတ်ကြီးနဲ့ မသေမချင်းရိုက်သတ်လိုက်တယ်။ကျွန်တော်
သေသွားတော့ လူကြီးက ကျွန်တော့်ကို အရှိန်ကုန် ကန်ဆောင့်ပစ်လိုက်ရော . . .။
                 ကျွန်တော် ဇရပ်ဘေးက လမ်းပေါ် လွင့်စင်သွားတယ်။အိပ်မှုန်စုံမွှားနဲ့ အယောင်ယောင်အမှားမှား ကြည့်မိတော့ ဘယ်ကဘယ်လိုရောက်လာမှန်းမသိတဲ့လူကြီးတွေ . . .။`ဘယ်ကခွေးလေခွေးလွင့်လည်း မသိပါဘူးဗျာ၊ဘုရားဒကာရဲ့ဇရပ်ပေါ်မှာ
အိပ်နေလိုက်တာများ တစ်လောကလုံး သူတစ်ကောင်တည်း ရှိနေတဲ့အတိုင်းပဲ´။လူကြီးတစ်ယောက်က ဘာတွေပြောနေမှန်းတော့
မသိဘူး။သူ့အမူအရာကို ကြည့်ရတာကတော့ ကျွန်တော့်ကို စက်ဆုပ်ရွံ့ရှာနေပုံပေါ်ပါတယ်။ကျွန်တော် သူတို့ကို မကျေနပ်ဘူး။
ဒါပေမယ့် ရန်မူချင်စိတ်လည်း ကုန်ခမ်းနေတယ်။အခုလောလောဆယ် ကျွန်တော် သိနေတာကတော့ ကျွန်တော် ဗိုက်အရမ်းဆာနေ
တယ်။သူတို့နားကနေ လှည့်ထွက်လာခဲ့ပြိး အစာရဖို့ပဲ ကြံစည်နေမိတယ်။
                လမ်းကြိုလမ်းကြားတွေထဲ လျှောက်သွားနေရင်း အိမ်တစ်အိမ်ရဲ့နောက်ကျောဘက်က ခွက်ကလေးတစ်လုံးထဲမှာ
ထည့်ထားတဲ့ ထမင်းနဲ့ဟင်းတွေကို တွေ့လိုက်ရတယ်။ကျွန်တော် ဘာကိုမှ စဉ်းစားမနေတော့ဘူး။သတ်တော့မှ သေပါစေတော့။
အဲဒီထမင်းနဲ့ဟင်းတွေကို ကျွန်တော် အရဲစွန့်ပြီး ၀င်စားနေလိုက်တယ်။အဲဒီအချိန်မှာ လူရွယ်တစ်ယောက်ရောက်လာပြီး ကျွန်တော့်
ကို တယုတယ ပွတ်သပ်တယ်။ဟင့် အင်း . . . ကျွန်တော် ကြောက်တယ်။လူတွေရဲ့ပွတ်သပ်မှုတွေဟာ တုတ်ချက်တွေအဖြစ်
ဘ၀ပြောင်းသွားတတ်တာကို သိနေတော့ ကျွန်တော် ကြောက်တယ်။ကျွန်တော် တွန့်ဆုတ်ပေကပ်နေမိတော့ လူရွယ်က စုပ်သတ်
လိုက်၊လက်ဖျစ်တီးလိုက်လုပ်ပြီး ကျွန်တော့်ကိုသိမ်းသွင်းမြှုဆွယ်နေတယ်။သူ့ကိုကြည့်ြ့ပီး ကျွန်တော့်ကို ဒုက္ခမပေးလောက်ပါဘူးလို့
တွေးမိတော့ ကျွန်တော် သူ့လက်ဖ၀ါးအောက် ခေါင်းငုံ့ငြိမ်သက်နေလိုက်တယ်။လူရွယ်က ကျွန်တော့်ကို သံကြိုးမျှင်မျှင်လေးနဲ့ ချည်
လိုက်တယ်။ကျွန်တော့်တစ်ကိုယ်လုံးကိုလည်း ရေတွေလောင်းပေးတယ်။မွှေးတဲ့အရည်တွေ သုတ်လိမ်းပေးတယ်။
                          ကျွန်တော့်လည်ပင်းက ကြိုးလေးဟာလည်း ပိုပြီးဖြူစင်လှပလာခဲ့တယ်။ခြူလုံးကလေးဟာလည်း တလက်လက်
တောက်ပလာခဲ့တယ်။ဒီလိုနဲ့ပဲ ကျွန်တော်ဟာ လူရွယ်လေးနဲ့အတူ ပျော်ရွှင်စွာ၊ရဲရင့်စွာ နေထိုင်ခဲ့ရပါတော့တယ်။ညနေတိုင်းမှာ
လူရွယ်လေးနဲ့အတူလမ်းလျှောက်ထွက်ရတာကိုလည်းကျွန်တော်သဘောကျကြည်နူးနေမိတယ်။တစ်နေ့မှာတော့အဲဒီလိုလမ်းလျှောက်
လာထွက်ရင်း သူနဲ့သက်တူရွယ်တူကောင်မလေးတစ်ယောက်နဲ့ သူ စတင်ဆုံစည်းခဲ့ရပါတယ်။အဲဒီကောင်မလေးမှာလည်း ကျွန်တော့်
လို ကောင်တစ်ကောင်ပါလာတယ်။ဒါပေမယ့် အဲဒီကောင်မှာ ကျွန်တော့်လို ခြူလုံးနဲ့ကြိုးလှလှလေး ရှိမနေခဲ့ပါဘူး။
                      ညနေစောင်းတိုင်း ကောင်လေးနဲ့ကောင်မလေး လမ်းလျှောက်ထွက်ရင်း တွေ့ကြတယ်။စကားတွေပြောကြတယ်။
ကောင်မလေး ရယ်မောနေတဲ့အခါ ကောင်လေးက လှိုက်လှိုက်လှဲလှဲ ပြုံးနေတတ်တယ်။တစ်ညနေမှာ ကောင်မလေးက ကောင်လေး
ကို စကားပြောနေရင်း ကျွန်တော့်လည်ပင်းက ကြိုးကလေးကို ရုတ်တရက်ကိုင်ကြည့်ပြီး ကောင်လေးကို တစ်စုံတစ်ခု ပြောလိုက်
တယ်။ကောင်လေးက ရယ်ရယ်မောမောနဲ့ပဲ ခေါင်းညိတ်ပြလိုက်တယ်။
                    အိမ်ပြန်ရောက်တော့ လူရွယ်က ကျွန်တော့်ရဲ့ကြိုးကလေးနဲ့ခြူကလေးကို ဖြုတ်ယူလိုက်ပါတယ်။ကျွန်တော် ခွက်ထဲ
ကအစာကိုစားတော့ သူက ကျွန်တော့်ကို ကန်ကျောက်မောင်းထုတ်ပါတော့တယ်။ကျွန်တော့်မှာ အံ့သြလွန်းလို့ ဘယ်လိုနာကျင်ရမှန်း
တောင် မသိတော့ပါဘူး။ကျွန်တော် လူရွယ်ကိုသာ အံ့သြမှင်သက်စွာ ငေးကြောင်ကြည့်နေမိတယ်။သူကတော့ ဘာအပြစ်မှ မကျူး
လွန်တဲ့ပုံမျိုးနဲ့ အေးစက်စက် . . .။ကျွန်တော် မျက်ရည်စို့လာတယ်။ရင်ထဲမျာလည်း ကတုန်ကယင်နဲ့ . . .။
                     ဘာထူးလဲ . . .။ဒီလူရွယ်လည်း ဟိုလူကြီးလိုပဲ။ငါ့ကို မလိုလားတဲ့လူရဲ့အရိပ်မှာ ငါ မခိုလှုံနိုင်ဘူး။ငါ သွားမယ်။ဒီအိမ်၊
ဒီနေရာနဲ့ဝေးရာ . . .၊ဒီလူရွယ်နဲ့ဝေးရာ . . . ငါ သွားမယ်။ကျွန်တော့်ရင်ထဲမှာ မုန်တိုင်းတစ်ခုလွယ်ပိုးပြီး ကျွန်တော် ထွက်လာခဲ့တယ်။
                      ကျွန်တော်ဘယ်သွားရမလဲ။ဘာလုပ်ရမလဲ.။ဒဏ်ရာအနာတရတွေသာ ဖွေးဖွေးလှုပ်ပွင့်နေတဲ့ခန္ဓာအိမ်ဟာလည်း
 မြင်မကောင်းကြားမကောင်းအောင် ယိမ်းယိုင်နေခဲ့ပြီ။ဘ၀ဆိုတာ ဒီလောက်ခက်ခဲကြမ်းတမ်းလိမ့်မယ်လို့ ဘယ်သူများ တွေးထင်ခဲ့ဖူး
မှာလဲ။အိမ်ဝင်တစ်အိမ်ထွက်၊တစ်မြို့ဝင်တစ်ရွာထွက်နဲ့ ကျွန်တော့်ဘ၀ကျွန်တော် သွေးပျက်ဖွယ်မာယာတွေထဲ  အမဲလိုက်ခံရတဲ့
သားကောင်လို တုန်လှုပ်ခြောက်ခြားနေမယ့်အစား အမေနဲ့ညီအစ်ကိုမောင်နှမတွေရှိရာ ကျွန်တော် ပြန်မယ်။
                      ကျွန်တော် ပြန်မယ်။ကျွန်တော့်ဘ၀ရဲ့နာကျည်းခါးသက်တဲ့နေ့ရက်တွေအကြောင်း အမေ့ကို ပြောပြတိုင်တည်ရင်း
အမေ့ရဲ့ရင်ခွင်မှာ မျက်နှာအပ်ငိုကြွေးပစ်လိုက်ဖို့ ကျွန်တော် ပြန်မယ်။ကျွန်တော့်နေ့ရက်တွေရဲ့အပူလောင်ဆုံးအတွေ့အကြုံတွေ
အကြောင်း ရင်ဖွင့်ပေါက်ကွဲရင်း ညီအစ်ကိုမောင်နှမတွေနဲ့အတူ ပျော်ပျော်ရွှင်ရွှင် ကြေကွဲဝမ်းနည်းဖို့ ကျွန်တော် ပြန်မယ်။
                       လောကမှာ သွေးရင်းသားရင်းတွေဆီ အပြန်လမ်းဟာ အရှည်လျားဆုံးပါပဲ။ထွက်ပြူစလမင်းကြီးကို မော့ငေးကြည့်
ရင်း အမေနဲ့ညီအစ်ကိုမောင်နှမတွေကြားအောင် တရှိုက်နင့်နင့်သံရှည်ဆွဲအူလိုက်တဲ့ကျွန်တော့်ရဲ့အသံဟာ ကောင်းကင်နံရံတွေမှာ
ပဲ့တင်ထပ်နေပါတော့တယ်။                   ။

                                                                                                                            လင်းသန့်ကိုကို
                                                                                                                                
                                                                                                                                                                                                                                                                                                                                                                                              
                                                                                              17,september,2008(A.D)

                                                                                                    [  Wednes ]                                                           
         

In: ဝတ္ထု Posted By: Date: Mar 23, 2012
Comment #1

အရှည်လျားဆုံးလမ်းးးးးးးးးးး

commentinfo By: နတ်သမီး at Mar 23, 2012
Comment #2

so sorry to read that story ….

commentinfo By: cynthia at Mar 24, 2012

Leave Comments

Name*

Email*
Website
Email me whenever there is new comment