သူမက ဟာလာဟင်းလင်း
ကောင်းကင်းယံထက်..
လွတ်လပ်စွာ အမုန်းပျံသန်းရခြင်းကို
သဘောကျတယ်..
ကျွန်တော်ကသူမကို
နှစ်သက်တယ်။

ကျွန်တော်ကတော့
ကြိုးကကိုင်ပြီး ကိုယ့်စေရာ
\’က\’ ခိုင်းဖို့ အင်အားမဲ့ခဲ့တဲ့
ရုပ်သေးရုပ်ဇာတ်ဆရာ
သက်သက်ပါ။

တမ်းတတဲ့ စက္ကန့်တိုင်း
အချစ်ကြိုးသူမကို
တစ်ကြိမ်ရစ်ပတ်ခဲ့ရင်
တစ်နေ့တာ အတွက်
ရစ်ပတ်ခြင်းက ၈၆၄၀ဝ..
ဒါပေမယ့် စက္ကန့်တိုင်းက
သူမကိုယ်လွတ်ရုန်းဖို့
ဆင်ခြေတစ်ခု
ဖြစ်ခဲ့တာလား…..။

ကပွဲရဲ့အဆုံးသတ်က
ကြိုးပျက်သွားတဲ့ သူမကို
အလွမ်းမလှမပတွေနဲ့
သူမရဲ့ အပြန်လမ်းကို
ဝေဒနာပိုက်ကာမျှော်ရမယ်လို့
ဘယ်ဇာတ်ထဲမှာမှ
ထည့်ရေးမထားခဲ့တာ။

ပွဲအစမှာပဲ
အရှုံးတွေပုံပေးခဲ့တဲ့
အချစ်ဆိုတဲ့ ဒိုင်လူကြီးကို
မတရားမှုနဲ့ စွဲချက်တင်မယ်..
လျှောကြေးအဖြစ်
\”ကျွန်တော့်ကိုအရမ်းချစ်သော
\’သူမ\’\” လို့သာ
ပြန်ပြောင်းလို့ပြင်ပေးပါ။

ကျွန်တော်ဟာ
သူမကိုအလွန်မြတ်နိုးတဲ့
အသည်းကွဲ ဇာတ်ဆရာတစ်ဦး။

Kitty Yang
19th October 2010 [6.58 PM]