အတွေးလှသလောက် အရေးမလှခဲ့ဘူး
အနေကောင်းသလောက်  အဖြေမကောင်းခဲ့ဘူး
ဟောဒီ  ရင်ဘတ်ကျဉ်းကျဉ်းလေးထဲ
အိပ်မက်လို  စကားလုံးလို  ပင်လယ်လို
ဆုပ်ကိုင်မပြနိုင်တဲ့  ဆန္ဒတွေ……
မုန်တိုင်းတွေ ငါ့နှုတ်ခမ်းဖျားမှာ
အားလျော့ပျက်ပြယ်
ရုပ်သေးရုပ်လိုမျိုး
လွယ်ကူပေမယ့်  ဖြေရှင်းခွင့်မရခဲ့ဘူး ချစ်သူရယ်
ကြိုးပေါ်တင်ပြီးကာမှ  ပစ်ခွင့်ရုတ်သိမ်းခံရတဲ့
မြားချက်တွေ
ဟောဒီရင်ဘတ်ထဲ  ကိုယ့်အတတ်ကိုယ်စူးနေရဲ့
အဲဒီအခါ   အဲဒီနေရာ
ရင်ပြည့်နေတဲ့  မီးငြိမ်းတောင်လိ်ုပဲ
ကိုယ့်မျက်နှာပေါ်  ပြန်အန်ချ
လေတွေပဲ   ထွက်ကျလာခဲ့…….။           ။