Professional Authors

“ နှင်းဆီ ဖတ်စာ ”-ရွှေကြယ်မိုး

ဇာတ်လမ်းတစ်ခုရဲ့ အစဟာ အခြားဇာတ်လမ်းတစ်ခုမှာ အမြဲတမ်းဆုံးတယ်
ခရေတွေထပ်ကြွေမယ်မှန်းသိရင် ဒဏ္ဍာရီကို ထပ်အရောင်မဆိုးနဲ့တော့ပေါ့
ဆင်ခြင်တုံတရားကို မပစ်ပယ်တတ်ခင်တုန်းက အမှန်တရားတိုင်းကို ချစ်ခဲ့ဖူးတယ်
အတ္တ layer ကို hide လုပ်ထားလို့ရပေမယ့် လုံးဝမရှိပဲနေမှာမှ မဟုတ်တာ
သူတို့ပဲဖြစ်ဖြစ် ခင်ဗျားတို့ပဲဖြစ်ဖြစ် ဘုရားသခင်မရှိလဲ ပုံမှန်အတိုင်းစီးဆင်းခွင့်ရှိတာပဲ
လူဆိုတာ အကိုင်းတစ်ကိုင်းနဲ့တစ်ကိုင်း စပ်ယှက်ထားတဲ့ ယဉ်ကျေးမှုမဟုတ်ဘူး
ဘယ်နည်းနဲ့မှ အလင်းမဖွင့်နိုင်တော့ဘူးဆိုရင် သေချာတာက ဒါ အမှားမဟုတ်တော့ဘူး
သူရူးတစ်ယောက်ကလည်း လူသားဆန်ခွင့်ရှိမှန်းခင်ဗျားသိရင် ခင်ဗျားငိုမိမှာ မလွဲပဲ
တစ်သက်တာလုံး စွန်းထင်းသွားစေတဲ့ အရာဟာ အမှတ်တရကောင်းတစ်ခုဖြစ်တယ်
ပုခက်လွှဲနေတုန်းမှာ အငိုတိတ်တဲ့ကလေးတစ်ယောက်လို သာယာမှုကို ကြိုက်ကြမှာပဲ
ပျော်ပျော်ရွှင်ရွှင်နေလို့ထိုင်လို့ရတယ်ဆိုတိုင်း အလွမ်းဇာတ်ကားကြည့်တာ ဆန်းမှမဆန်းတာ
ဥယျာဉ်တစ်ခုလို ခံစားခွင့်ရှိပေမယ့် ကိုယ့်ကိုယ်ကိုဖားလျားချထားရတာကို လိမ်လို့မရဘူး
လူဖြစ်ပါလျက်နဲ့ လူသားဝါဒကို ကျမ်းမကြေတဲ့သူတွေဟာ နိဗ္ဗာန်တရားကို လိုနေဦးမှာပဲ
အရာရာကိုအရှုံးပေးထွက်ပြေးတတ်တဲ့ လူတွေက သူတော်စင်ဆိုတဲ့ ဂုဏ်ကိုခံယူကြတယ်
စာပိုဖတ်လာတယ်ပဲပြောပြော ဖြစ်တည်မှုဝါဒီ ဖြစ်လာတယ်ပဲပြောပြော ခေါင်းညိတ်မိမှာပဲ
တစ်ယောက်နဲ့တစ်ယောက် သေနတ်ချင်းယှဉ်ပစ်ကြသလို အကုန်လုံးကစားနေကြတာ…
နာကျင်စရာကောင်းတဲ့ ထိရှမှုတိုင်းကို တွယ်ငြိလာတဲ့အခါ အချစ်ဆိုတာဖြစ်လာမှာ မလွဲပဲ
ကျကျနနငြင်းဆန်တတ်သူတွေမှာ မာယာပဲဖြစ်ဖြစ်၊ မေတ္တာပဲဖြစ်ဖြစ် ဆိုးကျိုးရှိမှာမဟုတ်ဘူး
ခင်ဗျားဘယ်လောက်ပဲမှန်နေမှန်နေ  မှားနေတဲ့လူသုံးယောက်နဲ့တွေ့ရင် ခင်ဗျားဟာရှုံးတော့တာပဲ
ထိကရုန်းတွေလို ပျော့ခွေကျသွားခဲ့ရတဲ့ လမ်းမထီးထီးကြီးတွေပေါ်မှာ မိုးတွေပြန်ရွာဦးမှာ သေချာတယ်
ပုဇင်းတစ်ကောင်လောက်ပဲဖြစ်ဖြစ် အသံကုန်အော်ခဲ့ဖူးတယ်ဆိုတာကလည်း အနှစ်သာရမဲ့ပဲ
ကုန်သွားတဲ့အချိန်တွေမှာ လွန်သွားတဲ့အရာတွေ ပြန်မရနိုင်တော့တာက လွမ်းစရာပဲပေါ့
တကယ်တမ်း ငါတို့ဆီမှာ အချစ်မပါဘဲနဲ့လည်း ချိုမြိန်တဲ့အနမ်းတွေကို ဖန်တီင်္းလို့ရနေတာပဲဥစ္စာ
Enter တစ်ချက်ခေါက်လို့ တက်လာတဲ့ စကားတစ်ခွန်းဟာ ခံစားမှုကို ရောင်းဝယ်မှုပြုတယ်
သူပုန်ပဲဖြစ်ဖြစ်…စစ်သားပဲဖြစ်ဖြစ် အေးအေးလူလူနဲ့ ဘ၀ကို ရှင်သန်သွားချင်သူချည်းပါပဲ
                                                                               ရွှေ ကြယ် မိုး
                                              www.shwekyalmoe.blogspot.com
In: ကဗျာ Posted By: Date: Jan 28, 2013
Comment #1

like like like …. 😀

commentinfo By: အသဲကွဲ မိုး at Jan 29, 2013

Leave Comments

Name*

Email*
Website
Email me whenever there is new comment