မြစ်တွေတစင်းပြီးတစင်း
ပင်လယ်ကို ချင်းနင်းသွားကြ
ကောင်းကင်ကကျတဲ့ ၂၄နာရီဟာ
သဘာဝကိုဆန့်ကျင်တယ်…

တိမ်ရိုင်းတွေ ခွာသံအောက်
ရာသီတွေ ကောက်ကောက်ပါအောင်လိုက်သွားကြ
မိုးစက်တွေ
တသောသောကြွေကျတယ်…

ခိုးထုပ်ခိုးထည်တိတိကျကျရှိတယ်
ကဗျာနဲ့ ခိုးရာလိုက်တဲ့ ည
ရှိသမျှအကုန်သွန်ချပြီး
မျက်ရည်ပျပျနဲ့ ဆစ်ခဲ့တာ
တဘ၀စာတိတိ…

နောက်ဆုံးထွက်တဲ့ အဖြေလွှာ
စကားတခွန်းရဲ့ဈာပန
ကျကျန်ရစ်ခဲ့သော အိပ်မက်အပိုဒ်ခွဲများ
တစုံတရာ အပိုအလိုမပါ
အသေးစိတ် သိလိုသမျှ
အဲဒီကောင်မလေးကိုသာ
ဆက်သွယ် မေမြန်းလိုက်ကြပါ…