ကျွန်တော်တို့ လူ့အဖွဲ့အစည်းကိုက တွန်းတွန်းတိုက်တိုက်ဘဲ
ယဉ်ကျေးမှုတွေ အတွေးအခေါ်ဒဿနတွေ ဖိုက်ဘာဆက်ကြောင်းတွေ
အိုင်ဒီယော်လော်ဂျီတွေ အနုမြူလက်နက်တွေ
ပိပိပြီးကျလာတာတွေကျားကန်ထားရ
စစ်နှင့်ငြိမ်းချမ်းရေးကလည်းခေတ်ပြိုင်အနုပညာနှစ်ရပ်လို
အော်သာအော်နေရတယ် ကိုယ်တိုင်ကတိုက်ချင်ခိုက်ချင်စိတ်နဲ့
ဂျွန်လင်နွန်ရဲ့ အင်မေးဂျင်းသီချင်းသာဖိနားထောင်နေရတယ်
မြန်နှုန်းတွေမြင့်လိုက်ပုံများ တခါတခါဒရွတ်ဆွဲမိတယ်
ရာစုကြီးကိုက ရုပ်ဝတ္တုဆန်တယ် လျှပ်ပေါ်လော်လီတယ် ရေတိုဆန်တယ်
အတွင်းသားအနှစ်မရှိဘူး  ( မိုးခါးရေတွေသောက်ကြဦးမလား )
အင်ဒီဝါဟိုးလ်ပြောသလို အနာဂတ်မှာလူတိုင်း ၁၅ မိနစ်လောက်တော့နာမည်ကြီးနိုင်တယ်
သေအံ့မူးမူးရူးလောက်တဲ့အခြေအနေနဲ့တော့မထားခဲ့နိုင်ဘူး
ငါတို့ရာစုသည် ငါသဏ္ဍာန်နိမိတ်ပုံ ငါတို့သမိုင်း
ငါတို့အိမ်ခေါင်မိုးမှာငြိမ်းချမ်းရေးအလံတွေထိုးစိုက်နိုင်ရမယ် ။  ။

                                    ကျော်ထူးဗလ