Professional Authors

အလျှံညီးညီးနေ့များ

သူ့ရင်သွေးအတွက် ကော်ဖီပူပူကို အေးအောင်မှုတ်ပေးနေတဲ့မိခင်တွေကို မြင်တိုင်း
နာကျင်မှုဟာ ရင်ဆို့လာတယ်
အဆိပ်လူးမြားချက်ထိလို့ အသက်ပျောက်နေတဲ့မျောက်မိခင်ရဲ့ရင်ခွင်ထဲက
တင်းတင်းကျပ်ကျပ်ပိုက်ထွေးခံထားရတဲ့မျောက်သားငယ်လေးကို ကြည့်ရင်း
ဝမ်းနည်းစိတ်ဟာ ဘောင်ဘင်ခတ်လာတယ်

ပြန်လာစေချင်တာပေါ့
ဘယ်ဆီဘယ်ဝယ် အော်ခေါ်ခွင့်မရခဲ့ပေမယ့် မရှုနိုင်မကယ်နိုင်တမ်းတစိတ်နဲ့
ပြန်လာစေချင်ခဲ့တာပေါ့အမေရယ်

ဘ၀ဆိုတာ တော်လဲသံတွေ အပြိုင်ထစ်ချုန်းနေတဲ့တောကြီးမျက်မည်း
မိခင်ဝေးသူတစ်ယောက်ရဲ့ဘ၀ဟာ အထိတ်ထိတ်အလန့်လန့် တောနက်ခဲ့ရတယ်
ကြေကွဲဆို့နင့်မှုတွေ ဗွက်ပေါက်အောင် အိုင်ထွန်းနေတဲ့အခါ
ဦးခေါင်းထိုးစိုက်ပြီး ရှိုက်ကြီးတငင် ငိုကြွေးခွင့်ပေးမယ့်အမေ့ရဲ့ရင်ခွင်ကို ငတ်တယ်
ရိတ်သိမ်းခဲ့သမျှအသီးအပွင့်တွေ ကြွယ်ပိုးကြွယ်ဝ ရွှေရောင်တောက်နေတဲ့အခါ
အပြုံးရိပ်အောက်မှာ ခိုလှုံငြိမ်းချမ်းခွင့်ပေးမယ့်အမေ့ရဲ့မျက်လုံးတွေကို ဆာတယ်

အမေ မသိခဲ့ဘူး
အမေပြန်လာလိမ့်နိုးနိုးအိမ်မက်ဆိုးတွေနဲ့ ဂယောင်ခြောက်ခြား လန့်နိုးခဲ့ရတဲ့ညတွေအကြောင်း
အမေ မသိခဲ့ဘူး
အမေပြန်လာလိမ့်နိုးနိုးအတွေးတွေနဲ့ အယောင်ယောင်အမှားမှား ကျကွဲခဲ့ရတဲ့နေ့တွေအကြောင်း

မိသားစုတံတား ကျိုးပျက်သွားလို့ လမ်းချော်တိမ်းမှောက်ခဲ့ရတဲ့ရထားတစ်စင်းဟာ သမီးပါ
မိသားစုဂစ်တာ ကွဲအက်ကြေမွသွားလို့ အသံ,အခဲ့ရတဲ့ကြိုးလေးတစ်ချောင်းဟာ သမီးပါ

သူများတွေအတွက် မိခင်မေတ္တာဟာ ခေါင်းပေါ်မှာဝေနေအောင်ပန်ထားတဲ့အမြိုက်တရားလား
သမီးအတွက်တော့ အမေ့ရဲ့မေတ္တာဆိုတာ
ဖြေဆိုလိုက်တိုင်း မှားယွင်းသွားမယ့်ထောင်ချောက်ဆန်တဲ့မေးခွန်းပါ

ရင်လုံးကျွတ်ပွင့်နေတဲ့သံသယတွေနဲ့ လူပြတ်တဲ့လမ်းတွေကိုမှ ရွေးပြီး လျှောက်ချင်တယ်
ဝရန်တာပေါ် တသွင်သွင် စီးဆင်းနေတဲ့လရောင်ကိုတောင် စိတ်ချလက်ချ မဆုပ်ကိုင်ရဲဘူး
အာရုံအသေတွေ မွစာကြဲနေတဲ့အခန်းကျဉ်းလေးထဲ သမီးပိုင်ဆိုင်သမျှဟာ
ကျားနာတစ်ကောင်ရဲ့ခြေရာလက်ရာတွေသာ ဖြစ်မှာပါ

အမေ ပြန်လာခဲ့ပါ
သမီးရဲ့လက်ရာ အမေ့အတွက် ဆီကိုက်ဆားကိုက်ဖြစ်စေရပါ့မယ်
အမေ ပြန်လာခဲ့ပါ
အမေပြောပြမယ့် လောကနဲ့လူတွေအကြောင်း သမီး ငြိမ်ငြိမ်လေး နားထောင်နေပါ့မယ်
အမေ ပြန်လာခဲ့ပါ
“သမီးရေ . . .”လို့ ကြင်ကြင်နာနာခေါ်မယ့် အမေ့ရဲ့အသံကို ကြားရုံနဲ့
သမီးရဲ့သိမ်ငယ်စိတ်တွေ နာလန်ထလာမှာပါ

မျက်ရည်မကျဘဲ ငိုနေခဲ့ရတဲ့နေ့ရက်တွေ ဆက်ထုံးဗရပွ ချုပ်ရိုးရှည်ခဲ့တယ်
မငိုဘဲစီးကျလာခဲ့တဲ့မျက်ရည်တွေ ဘ၀တစ်ခုလုံး ပဲ့ကြွေအောင် တိုက်စားနေခဲ့တယ်
“ အမေရေ . . .”

                                                                                           ကိုသျှား

In: ကဗျာ Posted By: Date: May 4, 2012
Comment #1

ဘာနှစ်သိမ့်မှုမှ မပေးနိုင်ဘဲ ရင်ထဲမှာ စကားလုံးတွေ အနေမိတယ်
တကယ် ခံစားရတယ်

commentinfo By: mulaynwe at May 4, 2012
Comment #2

ohhhhhhhhh 🙁 ;(

commentinfo By: ei lay at May 4, 2012
Comment #3

ကိုသျှား…
တကယ်.ကောင်းတယ်ဗျာ.ခံစားသွားပါတယ်

commentinfo By: poem.poem28 at May 5, 2012
Comment #4

မျက်ရည်မကျဘဲ ငိုနေခဲ့ရတဲ့နေ့ရက်တွေ ဆက်ထုံးဗရပွ ချုပ်ရိုးရှည်ခဲ့တယ်
မငိုဘဲစီးကျလာခဲ့တဲ့မျက်ရည်တွေ ဘ၀တစ်ခုလုံး ပဲ့ကြွေအောင် တိုက်စားနေခဲ့တယ်

commentinfo By: May Kha at May 6, 2012
Comment #5

အမေ ပြန်လာခဲ့ပါ
သမီးရဲ့လက်ရာ အမေ့အတွက် ဆီကိုက်ဆားကိုက်ဖြစ်စေရပါ့မယ်
အမေ ပြန်လာခဲ့ပါ
အမေပြောပြမယ့် လောကနဲ့လူတွေအကြောင်း သမီး ငြိမ်ငြိမ်လေး နားထောင်နေပါ့မယ်
အမေ ပြန်လာခဲ့ပါ
“သမီးရေ . . .”လို့ ကြင်ကြင်နာနာခေါ်မယ့် အမေ့ရဲ့အသံကို ကြားရုံနဲ့
သမီးရဲ့သိမ်ငယ်စိတ်တွေ နာလန်ထလာမှာပါ

အမှန်ဘဲ . . (အမေ ပြန် လာ ခဲ့ ပါ)

commentinfo By: နတ်သမီး at May 7, 2012

Leave Comments

Name*

Email*
Website
Email me whenever there is new comment