မင်းဟာ ငါ့တစ်နေ့စာအကောင်းအဆိုးတွေကို လွယ်ပိုးပေးတဲ့ဒိုင်ယာရီစာအုပ်လေး

တစ်နေကုန်တစ်နေခမ်း ပင်ပင်ပန်းပန်းငါ့အကြောင်းတွေရေးလည်း မင်း မငြင်းပယ်ရက်ခဲ့
တစ်မြို့ဝင်တစ်ရွာထွက် မမောမပန်းလွမ်းခဲ့သမျှတွေရေးလည်း မင်း မပြောရက်မဆိုရက်ခဲ့
အမြဲလိုလို မြုံနေရတဲ့ငါ့ဒေါသတွေ မင်းရင်ခွင်ဆီ ထိမှန်ပေါက်ကွဲတဲ့အခါ မင်းဗွေမယူခဲ့ဘူး
တခါတလေလေးများ ငါရရှိလာခဲ့တဲ့ပျော်ရွှင်မှုတစ်စွန်းတစ်စ မင်းကိုဖဲ့ပေးလိုက်မိခဲ့ရင်
မင်းမှာ ပျော်မဆုံးမော်မဆုံး

ငါက ဘုရားဖြစ်မယ့်အုတ်နီခဲမဟုတ်တော့ မင်းရဲ့နားလည်ပေးမှုမှာ မသိနိုးနားဆိုးရွားခဲ့တယ်
ငါက ၀ါးထိုးခံနေရတဲ့ရေနစ်သူမို့ မင်းရဲ့တွဲကူထူမမှုကို ကောက်ရိုးတစ်မျှင်ဇာတ်သွင်းခဲ့တယ်
ငါဟာ စောင်းတန်းမှာ ကလေးတွေရောင်းနေတဲ့ လှောင်အိမ်ထဲကငှက်တစ်ကောင်ပါကွာ
ဇီိဝိတဒါနအနေနဲ့ မင်းဝယ်လွှတ်ပေးမယ်ဆိုရင်တောင် ငါ မင်းလက်ဖ၀ါးထဲကနေ
ဘယ်ကိုမှ ပျံသန်းမသွားတော့ဘူး

ဒိုင်ယာရီရေ . . . ဒီညတော့ မင်း ပျောက်ခဲ့ပေါ့
အမောတကောပြေးလာတဲ့ ငါ့ရင်ထဲကခံစားချက်တွေ စကားလုံးဘ၀မရောက်ခင် သေတယ်
ခိုးသားဓားပြတွေများ ငါ့ဘ၀အခန်းကျဉ်းလေးထဲ ကျူးကျော်ဝင်ရောက်ပြီး
မင်းကို ဖမ်းဆီးခေါ်ဆောင်သွားကြလေသလား
ငါရေးမယ့်မီးဆန်တဲ့ငါ့ပူပြင်းလောင်မြိုက်မှုအရာရာကိုများ မင်း ကြောက်ရွံ့ထွက်ပြေးခဲ့လေသလား

မင်းပျောက်တဲ့ညက ငါ သွေးရူးသွေးတန်း
သွေးရူးသွေးတန်း ငါ မင်းပျောက်တဲ့ညက
မင်းပျောက်တဲ့ညက သွေးရူးသွေးတန်း ငါ့မှာ . . .

                                                                                   ကိုသျှား