ပိုစ့်မော်ဒန်မှ ကဗျာတဲ့လား

နင် ပြောခဲ့တဲ့စကား

အကြိမ်ကြိမ် မှားတယ် ။

ဟားတိုက်ရယ်မောခဲ့တဲ့ ကြက်ခြေခတ်တွေ

နင့်အတွက်နဲ့ ပြန်သုံးနေရ

ဝလုံးကတောင် ဒေါင်းယောင်ဆောင်လို့

ဆောင်းအခံနဲ့

ပြောင်းပြန်လှန် ပြလိုက်တယ် …

အဲဒါက သုည ။

ကုန်ဆုံးသွားတဲ့ တစ်ဝက်တစ်ပျက်စိတ်ကူး

ဘယ်အရာတွေအတွက် ဘုရားထူးမလဲ …

ဘယ်အရပ်ကလာတဲ့လေက မြူးမလဲ …

ဘယ်လိုလူက ရူးမလဲ … ။

နုပျိုသူမှ ဂုဏ်တင့်တယ်လား

အဲဒါကလည်း

ထပ်ခါထပ်ခါ မှားတုန်း … ။

ဟိုး အရှေ့က တောင်ကုန်းပေါ်ကသစ်ပင်

ဘယ်သူမှ မချစ်ရင်တောင်

သူက သစ်လွင်နေသယောင်မဆောင်ဘူး ။

မှောင်မိုက်ခြင်းကို ချခင်း

ဘယ်သူ့ကိုမှ တက်မနင်းဘူး ။

နေ့ဘက်ပူတော့ အရိပ်ပေး

ညဘက်အေးတော့ အနွေးထုတ်

သူ့အလုပ်ကိုပဲ သူဟုတ်အောင်လုပ်ပြတယ် ။

အကျိုးရှိမှ ညောင်ရေလောင်းမယ်တဲ့လား

ငါ မကြားချင်ဘူး ။

တမာရွက်ကို ခါးသက်သက်နဲ့မျိုချ

ပြန်မရသေးတာတွေမှ တောင့်တနေရအောင်

နင်က ငတ်နေတာလည်းမဟုတ်ဘူး

နင့် အသက် သေသွားမှာလည်း မဟုတ်ဘူး ။

နင့်ကိုယ်နင် မှန်ထဲမှာပြန်ကြည့်

နင် မသိတဲ့ အရိပ်မည်းတစ်ခု

နင့် အနားမှာ စာတန်းပြုနေတယ် ။

နင် ဘယ်တွေ့မလဲ …

နင် ကိုယ်တိုင်ပွေ့ထားတာကိုး … ။

ခပ်တိုးတိုးပဲ ကဗျာကို အဆုံးသတ်

နင် သုံးတတ်မယ်ဆိုရင်

ဒီကဗျာကို အစကပြန်ဖတ်

သုံးချက်လောက်မှတ်နိုင်ရင် တန်ပြီ ။

အဲဒါ ငါ့ရဲ့ ဟန်ပဲ …

ဘယ်လိုစံနဲ့ နင်တိုင်းမလဲ … ။