လေဖိအားနည်းလား ရပ်ဝန်းလား                                                    

ငွေဖိအားနည်းရပ်ဝန်းလား

မုန်တိုင်းတွေသိပ်တိုက်လွန်းတော့လည်း

လေငြိမ်ချိန်တောင်ရှိသေးရဲ့လား….ကိုလေး

ဟိုတဖက်မှာ

မသန့်တဲ့ လိပ်ပြာကအတောင်ပံခတ်တော့

ဒီတဖက်မှာ

အားလုံးကစဥ့်ကလျား ဖြစ်ကုန်တာရောဆန်းသလား

မလုပ်နဲ့ …..ကိုလေး

ဘယ်လောက်ပဲ နှုတ်ပိတ်ထားထား

ခင်ဗျားရင်ဘတ်ကြီး ဟောင်းလောင်းပွင့်နေတာပဲ

ယုတ္တိမရှိတာတွေကို ယုတ္တိရှိဖို့ မွမ်းမံနေရင်း

လမ်းလယ်ခေါင်မှာ ရပ်နေရတာ

ခင်ဗျားတယောက်ထဲမှမဟုတ်တာပဲ ….ကိုလေး

လမ်းကမလန်းတော့တာ တခုပဲ

ဘယ်လိုမှ အဖြောင့်အတိုင်းသွားလို့မရလို့

သိလျက်သားနဲ့ ခံလိုက်ရတဲ့ ထောင့်ချိုးတွေလေ

နောက်ကျော သိပ်လုံဖို့ ကြိုးစားခဲ့တော့

ရှေ့မှာ တစ္ဆေသရဲတွေနဲ့ တွေ့ရတာပေါ့

ပိတ်သားထက်က အတိတ်ဆေးသားတွေလည်း

စွန်းထေးညစ်ပေကုန်ပြီလား

ကောင်းကင်ထဲ မိုးတိမ်တွေ ပျံဝဲနေတာကိုကြည့်ရင်း

သံပြိုင်အပိုဒ်ရောက်ရင်တော့

(ကိုလေးရေ) ကမ်းခြေကိုမြင်လိုက်ရတဲ့စိတ်မျိုးနဲ့

အစွမ်းကုန်ကြုံးအော်လိုက်ကြစို့လား။    ။

                                                   (စတိုင်သစ်။ စိစစ်ရေးထိ)