မေးခွန်းနံပါတ်(၁)

တီးလုံးသံအဆုံး
ကကွက်လည်းဆုံးပြီ။
အငွေ့တွေကြား
လျှောက်လှမ်းနေရသလို
အရာရာပြင်းရှရှနဲ့
ထောင့်ချိူးတစ်ခုအရောက်
မေးခွန်းတစ်ခုရဲ့
ချုံခိုတိုက်လိုက်မှုကိုခံရတယ်။
(လမ်းနဲ့ ငါဘယ်သူမှားလဲ)…တဲ့ 

“ငါ့ဦးတည်ချက်ကိုသူမဘာကြောင့်မမြင်နိုင်တာလဲ”

မေးခွန်းနံပါတ်(၂)

သူမနဲ့ ပတ်သတ်လာရင်

ပတ်ဝန်းကျင်မရှိဘူး…………
ကောင်းကင်မရှိဘူး……..

လေထုမရှိဘူး………
နွေဦးမရှိဘူး………..

တံခါးမရှိဘူး…………….
နားမရှိဘူး……………………
ပစ္စုပန်သည်
ရေငွေ့ရိုက်ထားသောဖန်ခွက်လို
မှုန်မှိုင်းမှု့တို့ ဖြင့်
မွန်းတည့်သွားသည်။
ဒါနဲ့ များ……..
စိတ်ပျက်စရာကောင်းတယ်
ဆိုသောစကားဖြင့်

“သူမဘာကြောင့်ကျွန်တော့ကိုကျော်ကျော်ကြည့်နေရတာလဲ။”

မေးခွန်းနံပါတ်(၃)

အသက်ရှုသံများအား
အတတ်နိုင်ဆုံးချည်နှောင်၍
သေသေချာချာကြည့်ဖြစ်လိုက်သည်။
အို………
ဘုရား…….ဘုရား…………….
သူမမှာ……
အရိပ်နှစ်ခုနဲ့ ပါလား………….။
နိမိတ်ပြစကားလုံးများထဲမှ
လက်တွေ့ ဘ၀ထဲသို့ 
အပြီးတိုင်ထွက်ခွာသွားခဲ့ပြီ။
ဘယ်တော့မှပြန်မလာတော့ရန်
ကျိန်ဆိုထားသကဲ့သို့ 
ခြေလှမ်းတိုင်း၌
ကျန်ရစ်သူခြေရာများအား
သူမကိုယ်တိုင်
မီးရှို့ထားခဲ့သည်။

အိပ်မက်၊သူမ၊ကျွန်တော်
အခွံ(၃)ခုရှိခဲ့ဖူးသည်။

“သူမသည်အိပ်မက်ကိုသယ်ပိုးသွား၍ဘာကြောင့်ကျွန်ုပ်ကိုမနှိုးပဲထားခဲ့ရသနည်း။”

(အဖြေ)

မည်သူမှမမှန်ခဲ့သလို
မည်သူမှမမှားခဲ့ကြပါ။
အဖြစ်အပျက်ဆိုသည်မှာ
အံဝင်ဂွင်ကျ
ဆောက်လုပ်ထားသော
စက္ကူဆက် ပဟေဠိကားချပ်တစ်ခုဖြစ်သည်။

သူမနှင့်ကျွန်တော်သည်
မျဉ်းဖြောင့်တစ်ကြောင်းထဲပေါ်၌
မျက်နှာချင်းဆိုင် ခရီးသွားခဲ့ခြင်းဖြစ်သည်။

                                                           terry(8.9.2011)9:00am
                                                                [email protected]