ရော့…ဒီမှာ
ငါ့မျှော်လင့်ချက်….
အဲဒါမင်းရိုက်ချိုးဖို့…
ဒါက ငါ့အနာဂတ်
မင်းဖျက်ဆီးပစ်ဖို့….
ဒီဟာက ငါ့အိပ်မက်တွေ…
မင်းမီးရှို့ပစ်ဖို့….
ဟိုဘက်ကဟာက
ငါ့မာနတွေ…
မင်းနင်းခြေပစ်ဖို့….
ဘာလိုသေးလဲ…
သြော်..မေ့နေတယ်
ငါ့အင်္ကျီအိတ်ကပ်နောက်မှာ
ငါ့နှလုံးသားရှိသေးတယ်…..
အဲဒါလေးတော့ ချမ်းသာပေး…
မင်းစိတ်တိုင်းကျ
ရက်စက်နိုင်ဖို့
ငါ..အားလုံးခင်းပေးထားတယ်
နှလုံးသားတစ်ခုတော့ချန်ထား…
မင်းကိုချစ်နေဖို့အတွက်
ငါ့နှလုံးသားကလွဲရင်
ဘာမှမလိုဘူး…
ဒီတော့….
ငါ့မှာရှိတာအားလုံး
မင်းဖျက်ဆီးပစ်လိုက်လို့ရတယ်
ဒါပေမယ့်…
ငါ့နှလုံးသားတော့မပါစေနဲ့…………။         ။