(၁)

ဟောင်းနွမ်းစ
သစ်လွင်ဆဲ……..
သက္ကရာဇ်တောအုပ်ထဲသို့
သတ္တ၀ါတစ်ဦး
လေးလံစွာကူးခပ်လာသည်
ပစ္စုပန်ရာသီဥတုအရ
မိုးမခတိမ်တိုက်အချို့
စိုစွတ်စွာ ငိုက်မြည်းနေ၏

ရေခိုးရေငွေ့နဲ့တူတဲ့
ကျူပ်ကို
အလွမ်းလို့ ပဲခေတ္တသမုတ်လိုက်ရအောင်။

(က)

ဖြစ်တည်လိုက် ပျက်စီးလိုက်
ဘ၀ဟာ
မြင်သာထင်သာရှိတဲ့ ငရဲတစ်ခုပါပဲ
လက်ဖြောင့်တပ်သားမဟုတ်လို့ 
လွဲချော်မှု့တွေလည်း ရှိပါတယ်
သမားတော် အဖြစ်နဲ့
သဂြိုလ်ဖူးတဲ့ နေ့စွဲတွေလည်းရှိပါတယ်

ဟုတ်ပါတယ်……..
ကျွန်တော်လိမ်နေပါတယ်
နှလုံးသားတစ်ခုလုံးရင်းပြီး
လိမ်နေပါတယ်။

(၂)

အော်မြည်သံများယိမ်းထိုး
ဦးခေါင်းအထက်၌
လျှပ်ပန်းများပန်ဆင်လျှက်
ကမ္ဘာကြီးသည် ကဗျာလွတ်ကနေသည်
အမည်မသိ သံစဉ်တစ်ခု၏
နောက်ဆုံးခရီးသို့
လိုက်ပို့ကြသူများကျကျန်ခဲ့သော
ခြေလှမ်းများကြား
ဆူးပင်တစ်ချို့ ကမူးရှူးထိုးကုန်းထလာကြ၏

အမည်မတပ်ကြပါနှင့်……
ဒါပေမယ့်
ကျူပ်ကိုကျူပ်တော့ နာကျင်ခြင်းလို့  ခေါ်မယ်။

(ခ)

ပူလောင်နေဆဲပဲ….
နမ်းရှိုက်ချင်ဆဲပဲ…..
ကိုယ်ပိုင်လောကသာရှိရင်
အဲ့ဒီကောင်းကင်မှာ
နွေဥတုချည်း (ပွင့်) မယ်

နှစ်ချိုက်သည်ဖြစ်စေ….
မနှစ်ချိုက်သည်ဖြစ်စေ….
အဆိပ်အပြည့်နဲ့အိပ်မက်ကို
ဖန်ခွက်ကအရင်မက်လိမ့်မယ်

(၃)

လူသူမရှိသော
ကျောက်စရစ်ကုန်း တစ်ခု၌
ကြာဖြူပန်းတို့
အပြိုင်အဆိုင် ပွင့်ဖူးကုန်၏
ညနေခင်းကို
နတ်ဆိုးတို့ 
ချူပ်နှောင်
 ခေါ်ဆောင်သွားပြီ
သန်းခေါင်ယံသည်
အမှောင်တို့၏ကကွက်ကို
နှစ်ချိုက်စွာ ငေးမှိုင်နေသည်
မိုးသောက်ယံကတော့
စစ်သူရဲတစ်ဦး၏
အထီးကျန်ခြင်းမျိုးဖြင့်
စောင့်ကြိုနေပေလိမ့်မည်။

မဖြစ်နိုင်ခြင်းကို မယုံကြည်သော
ကျွန်ုပ်သည်
ထိုအခိုက်မှ…….
ကိုယ်ကိုတိုင်
မဖြစ်နိုင်ခြင်းဖြစ်နေမှန်းသိတော့သည်။

(ဂ)

ဆန္ဒရှိ၍လည်းရှင်သန်ခဲ့ပြီ
လိုအပ်၍လည်း သီးပွင့်ခဲ့ပြီ
ယခုတဖန်
နှုတ်ဆက်ချိန်ရောက်လာ၍
ပုံပြင်တစ်ပုဒ်လိုလည်း
ကြွေကျရစ် ခဲ့ပါပြီ………..။

(ဇာတ်ပေါင်း)

တီးလုံးသံများ ရပ်ဆိုင်းသွားသည်
လူအချို့လည်းသေဆုံးနေရာမှ
အသက်ဝင်လာကြသည်
ရုတ်တရက်မီးများ ပြန်လင်းလာသည်
အသံဗလံများ ပြန်လည်စည်ကားလာသည်

(ဇာတ်သိမ်း)

ကျွန်ုပ် သည် …………………
က ဗျာ တစ် ပုဒ် ဖြစ် သည် ။

                                                     terry (တနင်္လာ) ညနေ 3း00
                                    [email protected]