အရှုံးဆိုတာ အပြုံးမဟုတ်ပေမဲ့
နှစ်သိမ့်ခြင်းမျက်လုံးတွေက
ဟန်ဆောင်ခြင်းမာယာနှင့်
အပြုံးတွေကို နှိပ်စက်ထားကြတယ်လေး
ဒဏ်နာဟောင်းလို့ပဲ…
တစ်ချက်ချက်တော့…
ဒေါသတွေက အပေါ်စီးရသေးတယ်

သတိရခြင်းကို မေ့ပျောက်ဖို့
အန်ကျလာတဲ့ စကားလုံးတွေကို
မြစ်ရေထဲ မျောချကြည့်တယ်
ရေပြင်ထက်မှာ ပေါနေစဲရယ်
နှစ်ကျအနည်ထိုင်ချင်ပေမဲ့
သေမဆုံးချင်တဲ့ မေ့မရခြင်းတွေက
လေလွင့်ရာ လွင့်ပါနေစဲရယ်

လွမ်းဆွေးခြင်းတွေကို ယုယဖို့
ပုခက်လေးတစ်ခု လွဲပေးနေတယ်
အတ္တဆိုတဲ့ ခြုံထည်လွှာကြားမှာ
ကြင်နာခြင်း အထိမ်းအမှတ်နဲ့
အတ္တတွေကို ထိန်းကျောင်းနေခဲ့တယ်
ငိုကြည်းသံတွေက ပူဆွေးရတယ်
ရယ်မောသံတွေက လှောင်သံတွေလား
အသက်ရှုသံတွေ မြန်မြန် အရွယ်ရောက်စေချင်ပြီး

ရူးသွပ်ခြင်းတွေက လှည့်စားလာသလိုပဲ…
မြေနီလမ်းက စောင့်နေဆိုလို့
ပန်းကတ္တီပါတွေ ခင်းနေတုန်းရယ်
နေခြည်နွေးနွေးလိုချင်တယ်ဆိုလို့
နေပူခံနေတုန်းရယ်
လရောင်အောက်မှာ မှေးစက်ပါဆိုလို့
ကြယ်ကြွေတွေက စိတ်ကစားနေတုန်းရယ်

ဆောင်းလေမဟုတ်တဲ့
မျှော်လင့်ခြင်း နှင်းကြွေကြားမှာ
ငါ ခြံစည်းရိုးခတ်ထားတယ်
ငါ့ စိတ်အလျင်တွေထဲမှာ
နှင်းဖတ်တွေက ငါ့အိမ်ခေါင်းမိုးပေါ်မှာ
ပြန့်ကျဲနေလို့ရယ်
စိတ်ညစ်ဖို့ အကောင်းသာလို့
ငါ မစွပ်စွဲချင်ဘူး
နေခဲ့တော့လို့လည်း
ငါ ဧည့်ဝတ်မပြုချင်ဘူး
နောက်ဆုံးတော့လည်း
သူတို့တွေကို ပစ်လွင့်မချင်ဘူးလေး
ဆက် ဆွေးနေပါရစေ…

တည်ငြိမ်နေတဲ့ ရေသွင်ပြင်က
ချောက်ချားစရာ အကောင်းသာ…
မာယာရှင် နတ်သမီးများ ပေါ်လာလေမလား
ပစ်လွင့်လိုက်တဲ့ ခဲသံတွေကြား
ဂယက်ကလွဲ ဘာသံတွေများ
နင် ထပ်ကြားချင်သေးလို့လဲ…
ကုစားမပေးချင်တဲ့ နှလုံးသားက
ယဉ်ယဉ်လေး ရူးနေကြတာ
အကောင်းဆုံးမဟုတ်လား….။     ။

နရီထက်
( ၁၇ ၊ သြဂုတ်လ ၊ ၂၀၁၁ )