ရွှေအိမ်နန်းနှင့် ၊ ကြငှန်းလည်းခံ
                            မတ်ပေါင်းရံလျက် ၊ ပျော်စံရိပ်ငြိမ်
                            စည်းစိမ်မကွာ    ၊ မင်းချမ်းသာကား
                            သမုဒ္ဒရာ          ၊ ရေမျက်နှာထက်
                            ခဏတက်သည် ၊ရေပွက်ပမာ
                            တစ်သက်လျာတည်း ။

                            ကြင်နာသနား ၊ င့ါအားမသတ်
                            ယခူလွှတ်လည်း၊ မလွတ်ကြမ္မာ
                            လူတကာတို့ ၊ ခန္ဓာခိုင်ကျည်
                            အတည်မမြဲ ၊ ဖောက်လွှဲတတ်သည်
                            မချွတ်စသာ ၊ သတ္တ၀ါတည်း  ။

                            ရှိခိုးကော်ရော် ၊ ပူဇော်အကျွန်
                            ပန်ခဲ့တုံ၏ ၊ ခိုက်ကြုံဝိပါတ်
                           သံသာစက်၌ ၊ ကြိုက်လတွန်မူ
                           တုံ့မယူလို ၊ ကြည်ညိုစိတ်သန်
                           သခင်မွန်ကို ၊ ချန်ဘိစင်စစ်
                           အပြစ်မဲ့ရေး ၊ ခွင့်လျှင်ပေးသည်
                           သွေးသည်အနိစ္စာ ၊ င့ါခန္ဓာတည်း ။
ဒီလင်္ကာကို သူသတ်တို့က ဘုရင်မင်းမြတ်ကိုဆက်သတဲ့အခါ ဒီလိုစိတ်သဘေားထားပြည့်ဝတဲ့အမတ်ကြီးကို သတ်မိတဲ့အတွက် နောင်တတရားကြီးစွာရခဲ့ပါတယ် ။ စာကိုမဆက်သပဲ သတ်ရကောင်းမလား ဆိုပြီး သူသတ်သမားတွေကိုလည်း နရပတိစည်သူကထပ်မံကွပ်မျက်ခဲ့ပါတယ် ။ နောင် သူအမိန့်ထုတ်ပြန်လိုက်တိုင်း မသတ်ဖို့ အချိန်တစ်ခုအထိဆွဲထားဖို့ အမိန်တော့ထုတ်ခဲ့ပါတယ် ။ ရက်စက်ကြမ်းကြုတ်လွန်းတဲ့ ဘုရင်မင်းမြတ်ရဲ့ နှလုံးသားကိုထိရှ ခံစားစေခဲ့တဲ့ ဂန္ထ၀င်လက်ရာမွန် အစောဆုံးလင်္ကာ ကဗျာလေးဖြစ်ပါတယ် ။
အစောဆု့းရေးဖွဲ့ခဲ့တဲ့အတွက် လင်္ကာတွေရဲ့ ဥပဒေသ ၄ ၊ ၃ ၊ န ကာရန်ကို မလိုက်နာနိုင်ခဲ့တဲ့ အပိုဒ်တွေရှိသလို လိုက်နာပြီးကွက်တိရေးထားတဲ့အပိုဒ်တွေလည်းရှိပါတယ် ။ ကာရန်ယူထားတဲ့စကားလုံးတွေကို
အရောင်လေးတွေနဲ့ ညွှန်းပြထားပါမယ် ။
                            ရွှေအိမ်နန်းနှင့် ၊ ကြငှန်းလည်းခံ
                            မတ်ပေါင်းရံလျက် ၊ ပျော်စံရိပ်ငြိမ်
                            စည်းစိမ်မကွာ    ၊ မင်းချမ်းသာကား
                            သမုဒ္ဒရာ          ၊ ရေမျက်နှာထက်
                            ခဏတက်သည် ၊ရေပွက်ပမာ
                            တစ်သက်လျာတည်း ။

ဒီအမျက်ဖြေ လင်္ကာလေးကို စေ့စေ့စပ်စပ် သေသေချာချာ ဖတ်ကြည့်လိုပါတယ် ။ သာမန်လူသားတစ်ယောက်အတွက် နှလုံးသွေးပျက်အောင်ခံစားနေရတဲ့ အချိန်အခိုက်အတန့်မှာ ခိုင်ကျည်တဲ့နှလုံးသား ကောင်းမြတ်တဲ့စိတ်ထားနဲ့ ဖွဲ့သီထားတဲ့ ဒီကဗျာလေးရဲ့ အလှတရားတွေ မြင်ကြစေချင်ပါတယ် ။ တကယ့်ကိုမတုန်မလှုပ်ပဲနဲ့ လောကမှာဖြစ်တတ်တဲ့ လူသားတစ်ယောက်ကောင်းဖို့ အတွက် လူသားတစ်ယောက်ကျ ပျက်စီးပေးရမယ် ။ လူသားတစ်ယောက် အောင်မြင်ဖို့အတွက် လူသားတစ်ယောက်က ကျဆုံးပေရမယ် ။ လူသားတစ်ယောက်ရှင်သန်စေဖို့အတွက် လူသားတစ်ယောက်သေဆုံးပေးရမယ်ဆိုတာ ဆန်းကြယ်တဲ့ တရားမဟုတ်ပါဘူးတဲ့ ၊ ဖြစ်တတ်တဲ့သဘော ဓမ္မတာတဲ့ ။  ဘုံပြဿဒ်အဆောင်အယောင်တွေနဲ့ ခန်းနားလွန်းတဲ့ ရွှေနန်းတော်ဘုရင်မင်းမြတ်တို့ရဲ့ အခမ်းအနားအသုံးအဆောင်ဖြစ်တဲ့ ကြငှန်းတွေ ခြံရံခစားနေတဲ့ မှူးမတ်တွေရဲ့ အလယ်က မင်းချမ်းသာကလည်း အနတ္တသဘောပါပဲတဲ့ ။  ရေမျက်နှာပြင်ထက်ကို ခဏလေးတက်လာတဲ့ရေပွက်ရေးလိုပါပဲတဲ့ ။ နောက်ဆက်ပြီးရေးဖွဲ့ပြန်တယ် ဒီအချိန်မှာ သူ့ကိုကြင်နာသနားပြီး လွှတ်ပေးလိုက်မယ်ဆိုရင်လည်း  တည်မြဲခြင်းကင်းတဲ့ သင်္ခါရနယ်ပယ်က လူသားတစ်ဦးမို့ တစ်နေ့နေ့မှာ သေခြင်းတရားနဲ့ မလွဲဧကန်ဆုံရမှာပဲတဲ့ ။ အနိစ္စဆိုတဲ့ တရားကိုလှလှလေးထုတ်ပြသွားခဲ့တယ်နော် ။ အလှဆုံးအပိုဒ်ကတော့ နောက်ဆုံးအပိုဒ်ပါပဲ အနန္တသူရိယအမတ်ကြီးက သူပေးချင်တဲ့messae ကို အဲဒီမှာ ကျစ်ကျစ်လစ်လစ်လေးပြဆိုသွားပါတယ် ။ သူ့ကိုသတ်ဖို့ကြံစည်တဲ့ ဘုရင်မင်းမြတ်ကို သူ့ရဲ့နှလုံးသားထဲကနေ မြတ်မြတ်နိုးနိုး ပူဇော်ကန်တော့ခဲ့ပါတယ် ။ စက်ရဟတ်လိုလှည့်ပတ်နေတဲ့ ရှည်လျားလွန်းတဲ့
သံသရာတစ်ကွေ့ကွေ့မှာ  သူ့ဖက်ကနေ တုန့်ပြန်ဖို့ အခွင့်အရေးရခဲ့မယ်ဆိုရင်လည်း အတုန့်အလှည့် မယူပါဘူး ။ ဘာတစ်ခုမှ မတုန့်ပြန်ပါဘူး ။ ကြည်ညိုသောစိတ် နဲ့ အပြစ်ယူမဲ့ တုန့်ပြန်မဲ့ စာရင်းကနေသခင်ကိုချန်ထားခဲ့မှာပါတဲ့ ။ သခင်မှာ ဘာအပြစ်မှ မရှိပါဘူးလို့မှတ်ယူထားပါတယ်တဲ့ ။ ဘာကြောင့်လေးဆိုတော့ သွေး တွေနဲ့ ဖွဲ့စည်းထားတဲ့ သူ့ခန္ဓာဆိုတာ အနိစ္စသဘောပဲဆိုတာ သူသိမြင်ထားလို့ပါပဲတဲ့။
ဒီကဗျာရဲ့ အလှတရားက တုံ့မယူလိုဆိုတဲ့စကားလုံးလေးပါပဲ ။ သူတစ်ပါးရဲ့ အမုန်းတရားကို မေတ္တာနှလုံးနဲ့ ခွင့်လွှတ်ပြီး အတုန့်အလှည့်မယူ ၊ သူတစ်ပါရဲ့ ရက်စက်ခြင်းကို နားလည်ခြင်းအတွေးနဲ့ ဥပေက္ခာပြု
သူတစ်ပါးက ပေးတဲ့နာကျင်မှုကို ပညာမျက်စိနဲ့မြင်အောင်ရှုပြီး ခွင့်လွှတ်သည်းခံ တုန့်ပြန်မှုမပြုတဲ့ ဗုဒ္ဓဘာသာဝင်ကောင်းတစ်ယောက်ရဲ့စိတ်ထား ၊ မြင့်မြတ်တဲ့လူသားတစ်ဦးရဲ့ နှလုံးသားကို ပြထားတဲ့
ဒီအမျက်ဖြေလင်္ကာလေးနဲ့ အစပြုခဲ့တဲ့ မြန်မာကဗျာဆိုတဲ့ အနုပညာကို လာခြင်းကောင်းသော မြန်မာကဗျာလို့ ညွှန်းဆိုခဲ့သော် အတိဿယ ဒေါသမသင့်ဘူး ၊ လွန်ကျူးမှု မဟုတ်ဘူးလို့ ယုံကြည်ထားပါကြောင်း
တင်ပြရင်းနဲ့  ဒီအပတ်အတွက် နိဂုံးချုပ်အပ်ပါတယ် ။
ဖတ်တဲ့သူများ ကဗျာကပေးတဲ့ အလှတရားလေးတွေကို မြင်တွေ ခံစားနိုင်ကြပါစေ ။