ဒီနေ့ကံမကောင်းပုံလေးကတော့ ကံမကောင်းရုံတင်မဟုတ်ဘဲ အရှက်ပါအစစ်ကွဲပါသေးတယ်.. ဇတ်လမ်းလေးကတော့

တနင်္ဂနွေနေ့လေးတစ်နေ့ပေါ့..။ အဲဒီနေ့ကကျမ ဒဂုံတက္ကသိုလ်မှာ ကျောင်းသွားတက်ပါတယ်..။ အဝေးသင်ဒုတိယနှစ်

တက်ဖို့ပါ..။ ထုံးစံအတိုင်းအိမ်ကထွက်လာပြီးကားစီး ကျောင်းထဲရောက်တော့သူငယ်ချင်းတွေနဲ့ တွေ့ပြီးကန်တင်းမှာမုန့်

စားပါတယ်..။ ညနေ practical နောက်ဆုံးချိန်ပြီးတော့ အဖွဲ့ထဲကအစ်ကိုကြီးက “ဒီနေ့ကျုရှင်ရှိတယ်နော်” ဆိုပြီးသတိပေး

ပါတယ်။ နောက်ဆုံး practical ချိန်ပြီးတော့ သူငယ်ချင်းကားလေးနဲ့ ကျောင်းကနေထွက်ပြီး လှည်းတန်းမှာရှိတဲ့ကျုရှင်အိမ်

ကိုသွားပါတယ်..။ ဒါပေမဲ့ ဒဂုံတောင်/မြောက် လမ်းဆုံနားရောက်တော့ ကားခဏရပ်ပြီး လ္ဘက်ရည်သောက်မယ်ဆိုတာနဲ့

အားလုံးကလဲသဘောတူပြီး လ္ဘက်ရည်ဆိုင်ထိုင်ဖြစ်ခဲ့ပါတယ်.. ပုံမှန်ဆိုကျုရှင်ပြီးမှ လှည်းတန်းမှာလ္ဘက်ရည်ဆိုင်ထိုင်ဖြစ်

တာများပါတယ်။ ဒီနေ့တော့ တောင်/မြောက်လမ်းဆုံမှာလ္ဘက်ရည်ဆိုင်ထိုင်ဖြစ်ပါတယ်..။ အားလုံးစားသောက်ပြီးတော့

လှည်းတန်းကိုထွက်လာပါတယ်..။ ကျုရှင်အိမ်ရောက်တော့နဲနဲနောက်ကျနေပါပြီ..။ ထုံးစံအတိုင်း ကျုရှင်ရောက်ရင်လွယ်

အိတ်ထဲပါသမျှပစ္စည်းတွေထုတ်ပါတယ်..ကျမအကျင့်ကစာသင်ပြီဆို လွယ်အိတ်ထဲမှာ ပါသမျှထုတ်ပြီးမှ စာသင်တက်ပါ

တယ်..။ ဆရာမသင်တဲ့စာအုပ်တွေ အလွယ်တကူထုတ်လို့ရအောင်ပါ..။ အဲဒီအချိန်ထိကျမကံကောင်းနေပါသေးတယ်..။

ကျုရှင်ချိန်ပြီးတော့ည၇နာရီလောက်ရှိနေပါပြီ..။ ပုံမှန်လ္ဘက်ရည်ဆိုင်ထိုင်နေကျပေမဲ့ ဒီနေ့တော့ ဗိုက်ကလဲပြည့်နေဘာမှစား

ချင်စိတ်လဲမရှိဘူးဆိုတော့..ဒီနေ့တော့လ္ဘက်ရည်ဆိုင်မထိုင်တော့ဘူးဆိုပြီး အားလုံးလမ်းခွဲကြပါတယ်။ ဒါနဲ့ကျမရယ်သူငယ်

ချင်းကောင်မလေးတစ်ယောက်ရယ် လှည်းတန်းမှာ ဘတ်စ်ကားစီးပြီးအိမ်ပြန်ခဲ့ပါတယ်။ ကျမအိမ်ကိုရောက်ဖို့လမ်းနှစ်လမ်း

ကနေသွားလို့ရပါတယ်..။ တစ်လမ်းကကားတစ်ဆင့်ပဲစီးပြီးအိမ်ရောက်ပါတယ်..ဒါပေမဲ့လမ်းတော့၁၅မိနစ်လောက်လျှောက်

ရပါတယ်..။ နောက်တစ်လမ်းကတော့ ကားနှစ်ဆင့်စီးမှအိမ်ရောက်ပါတယ်..ဒီလမ်းကတော့ ၅မိနစ်လောက်ပဲလမ်းလျှောက်

ရင်အိမ်ရောက်ပါတယ်..။ ဒါနဲ့ဒီနေ့တော့ကားနှစ်ဆင့်စီးမယ် ဆိုပြီးဆုံးဖြတ်လိုက်ပါတယ်..လမ်းသိပ်မလျှောက်ချင်လို့ပါ…။

ပထမတဆင့်စီးတော့ အတူပါလာတဲ့သူငယ်ချင်းက..ကားခ သူပေးလိုက်မယ်ဆိုပြီးပေးလိုက်ပါတယ်..ထွေရာလေးပါးပြော

လာလိုက်တာ..ကိုယ်ဆင်းရမဲ့မှတ်တိုင်ရောက်တော့မှာကို စပါယ်ယာအော်မှသတိထားလိုက်မိတယ်။ သူငယ်ချင်းကတော့

ဆက်စီးသွားမှာပါ..။ ဒါနဲ့ကိုယ်လဲသူငယ်ချင်းနှုတ်ဆက်ပြီးကားပေါ်ကဆင်းခဲ့ပါတယ်..။ ဖြစ်ချင်တော့ ကားပေါ်ကဆင်းဆင်း

ချင်းနောက်စီးမဲ့ကားကမှတ်တိုင်မှာရပ်ပါတယ်..ဒါနဲ့ကိုယ်လဲအားရဝမ်းသာပဲကားပေါ်တက်ထိုင်လိုက်ပါတယ်(အလယ်ခုံမှာပါ)…။ ကားပေါ်ရောက်ရောက်ချင်းပဲ ကားကလဲစထွက်ပါတယ်..။ ပြသနာကအဲဒီမှစတာပါ..ကျမပိုက်ဆံပေးဖို့ ပိုက်ဆံအိတ်

ရှာနေတာ စထွက်လာတဲ့မှတ်တိုင်ကနေဆိုရင် တစ်မှတ်တိုင်ကျော်နေပါပြီ..ပိုက်ဆံအိတ်ကိုမတွေ့ပါဘူး..။ နောက်ဆုံးလွယ်

အိတ်ထဲမှာရှိသမျှစာအုပ်တွေ အကုန်လုံးထုတ်လိုက်ပါတယ်..အပြန်ပြန်အလှန်လှန်မြေလှန်ရှာပေမဲ့ ပိုက်ဆံအိတ်ကိုမတွေ့

ပါဘူး..။အဲဒီအချိန်မှာ စိတ်အိုက်ပြီးထွက်လာတဲ့ ချွေးကတတောက်တောက်နဲ့ကိုကျပါတယ်။အရင်ကဆို အိတ်ထဲမှာအကြွေ

တွေရှိတက်ပါတယ်..။ ဒီနေ့ကျမှသူငယ်ချင်းကောင်လေးတွေက နောက်ပြီးရှိတဲ့အကြွေတွေကိုယူထားလိုက်ပါတယ်..။ ကျမ

ပေးရမဲ့ကားခက ၁၀၀ ကျပ်ပါ..။ မှတ်တိုင်ကလဲတစ်မှတ်တိုင်ပြီးတစ်မှတ်တိုင်နဲ့ ကျမဆင်းရမဲ့မှတ်တိုင်ကိုရောက်ဖို့တစ်မှတ်

တိုင်ဘဲလိုပါတော့တယ်..။ ဘာလုပ်ရင်ကောင်းမလဲဆိုပြီးခေါင်းငုံစဉ်းစားနေလိုက်တယ်..။ ဘေးဘီဝဲယာကိုအဲဒီအချိန်ကျမှ

သတိထားကြည့်လိုက်တော့ ကျမရဲ့ဘယ်ဘက်မှာလူလေးယောက်လောက်ရှိပြီး ..ညာဘက်မှာတော့ ကျမဘေးကအစ်ကို

ကြီးရယ် ကျမနောက်မှာကသုံးယောက်လောက်နဲ့ဘေးကအစ်ကိုကြီးဘေးမှာက ကောင်မလေးတစ်ယောက်ထိုင်နေပါတယ်

ကားစပါယ်ယာကိုတော့မကြည့်ရဲပါဘူး..ကြည့်လိုက်ရင်ကားခတောင်းခံရမှာကြောက်လို့ပါ..။အဲဒါနဲ့စဉ်စားနေတယ်..ဘာ

လုပ်ရင်ကောင်းမလဲပေါ့..နောက်ဆုံးထွက်တဲ့အကြံကတော့ စပါယ်ယာကိုပဲတောင်းပန်လိုက်တော့မယ်ပေါ့..ဒါပေမဲ့ ဘယ်လိုပြောရမလဲပေါ့..ပိုက်ဆံမပါလို့ကားဒီတိုင်းစီးသွားပရစေလို့ဘဲပြောရမှာလား..ပိုက်ဆံအိတ်ခါးပိုက်နှိုက်ခံရလို့…

ကားခမရှိတော့လို့ အလကားစီးသွားပါရစေလို့ပြောရမှာလားပေါ့..အဲဒီအချိန်မှာဘယ်လိုမှမပြောရဲဘူး.ငိုတောင်ငိုချင်လာတယ်..

ဒီလောက်လူတွေအများကြီးအလယ်မှာဘယ်လိုပြောရမလဲဆိုပြီး ခေါင်းမီးတောက်မတက်စဉ်းစားနေမိတယ် ရောက်တော့

မယ်….ဆင်းမဲ့ မှတ်တိုင်ရောက်တော့မယ် အဲဒီအချိန်မှာဘဲဘေးနားကအစ်ကိုကြီးက “ညီမလေး..ပိုက်ဆံအိတ်မပါဘူး

လားတဲ့” သူကအဲလိုမေးတော့ နဲနဲအားတက်သွားပါတယ်..အမှန်အတိုင်းပြောရရင်ကိုယ့်ဟာနဲ့ကိုယ်ကူကယ်ရာမဲ့နေတဲ့ အချိန်ဆိုတော့ သူမေးတော့တော်တော်လေးဝမ်းသာသွားပါတယ်..အဲဒီအချိန်မှာ စပါယ်ယာဦးလေးကြီးကလဲ ကျမကို

လှမ်းကြည့်ပါတယ်..။ ကျမလဲစောနကအစ်ကိုကြီးကိုပဲပြန်ဖြေလိုက်ပါတယ်..”ဟုတ်ကဲ့..ပိုက်ဆံအိတ်ခါးပိုက်နှိုက်ခံရတယ်

ထင်တယ်လို့” ပြန်ဖြေလိုက်ပါတယ်..။ အမှန်အတိုင်းပြောရရင်ခါးပိုက်နှိုက်ခံရတယ်သာပြောမိတာ..ကျမလွယ်အိတ်ကလဲ

အကောင်းကြီးပါ..။ ကျမပြန်ဖြေပြီးတော့ အဲဒီအစ်ကိုကြီးကပဲ ဒါဆို ရော့ ဆိုပြီး ၁၀၀ တန်တစ်ရွက်ထုတ်ပေးပါတယ်..။

ရုတ်တရက်ကျမလဲမထင်ထား ဘူးဆိုတော့ ကြောင်သွားပါတယ်..သူကလဲကျမကိုယူလေဆိုပြီး ထပ်ပေးပါတယ်..ဘေးမှာ

ရှိတဲ့သူတွေအားလုံးလဲ ကျမအဖြစ်ကိုသိနေပါပြီ..ကျမနဲ့အဲဒီအစ်ကိုကြီးကိုဘဲဝိုင်းကြည့်နေကြပါတယ်..။ အဲဒီအချိန်ထိ

ကျမစိတ်ထဲယူသင့်မယူသင့်နဲ့လွန်ဆွဲနေပါတယ်..။ ကျမတို့အဲဒီလိုဖြစ်နေတာကို စပါယ်ယာဦးလေးကြီးကလဲသိသွားပါ

တယ်..။ အဲဒီတော့သူကလဲ“သမီးပိုက်ဆံမပါရင်..မပေးနဲ့တော့ အလကားစီးသွား” ဆိုပြီးလှမ်းပြောပါတယ်..။ အဲဒီတော့

ကျမလဲအားရဝမ်းသာနဲ့ပဲ “ ဟုတ်ကဲ့ သမီးမှာပိုက်ဆံမပါဘူးလို့ပြောမိပါတယ်” ဒါတောင်ပြောရတာတော်တော်ဆိုးပါတယ်။

ဆင်းရမဲ့မှတ်တိုင်ကလဲရောက်ပါပြီ..။ ကားပေါ်ကမဆင်းခင် ဘေးနားကအစ်ကိုကြီးကိုလဲကျေးဇူးတင်ပါတယ်..။ စပါယ်ယာ

ဦးလေးကြီးကိုလဲ ကျေးဇူးတင်ပါတယ် ပြောပြီး ကားပေါ်ကနေဆင်းပြေးမိပါတယ်..။ ကားပေါ်ကအဲဒီအစ်ကိုကြီးကိုရော

စပါယ်ယာဦးလေးကြီးကိုရော တကယ်ကို လှိုက်လှိုက်လှဲလှဲကျေးဇူးတင်မိပါတယ်..။အဲဒီအစ်ကိုကြီးသာမမေးရင် ကျမဘယ်

အချိန်ထိပေကပ်နေမိမလဲ ဆိုတာမသိပါ ဘူး..။ အဲဒီနေ့ကတော့ ကျမကံမကောင်းယုံတင်မကဘဲ အရှက်ပါကွဲခဲ့ရပါတယ်..။

အဲဒီနေ့ကကျမအဖြစ်က ပြန်စဉ်းစားကြည့်တော့ တော်တော်လေးလဲရယ်စရာကောင်းပြီး စိတ်ညစ်စရာလဲကောင်းပါတယ်။

အဲဒါလေးကတော့ ကျမရဲ့မှတ်မှတ်ရရကံမကောင်းမှု့တွေထဲကတစ်ခုပါ…။

(PS တကယ်တော့ ကျမပိုက်ဆံအိတ်က ခါးပိုက်နှိုက်ခံရတာ မဟုတ်ပါဘူး..ထုံးစံအတိုင်း ကျမရဲ့ရှပ်ပြာရှပ်ပြာနိုင်မှု့ကြောင့်

ပိုက်ဆံအိတ်  ကျုရှင်အိမ်မှာကျကျန်နေခဲ့တာပါ ဆရာမကတွေ့လို့ကောက်သိမ်းပေးထားပြီး နောက်တစ်ပါတ်ကျောင်းပြန်

တက်တဲ့နေ့မှာ ပြန်ပေးပါတယ်..။)