(3)“ရှေးရှေးက  ကဗျာများထဲမှ တောသူတောင်သား များရဲ့ဘ၀”(ဦးကြီ်း)

 

ဦးဆောင်းလို လွမ်းချင်းများကိုရေးဖွဲ့တတ်သူကတော့ စာဆိုတော်”ဦးကြီး” ဖြစ်ပါတယ်။

”ဦးကြီး” ရဲ့စာများက ကျေးလက်အဖွဲ့တွေအတော်လေးများတာကိုတွေ့ရပါတယ်။

 

စာဆိုတော်ဦးကြီး ကလည်းတောနေတောထိုင် ရွာသူရွာသားများအကြောင်းကိုသာအများဆုံးရေးဖွဲ့သူဖြစ်ပါတယ်။

”ဦးကြီး” ကတော့1201 ခုနှစ်ပါတ်ဝန်းကျင် အမရပူရခေတ်မှ မင်းတုန်းမင်းလက်ထက်

ရတနာပုံခေတ်ထိ ဘုရင့်အမူ့တော်ကိုထမ်းဆောင်သူဖြစ်ပြီး၊

အင်္ဂလိပ်များ မန္တလေးကို သ်ိမ်းယူပြီး မကြာခင်အချိန်လောက်ပျဉ်းမနားမြို့မှာ ကွယ်လွန်ခဲ့ပါတယ်။

သက္ကရာဇ္ဇ်1220နှင့် 1240အတွင်း လွမ်းချင်းပေါင်းများစွာကိုရေးသားထားခဲ့ပါတယ်။

                            

ဒီကဗျာလေးတွေကတော့ စာဆိုတော်ဦးကြီးရေးဖွဲ့ခဲ့တဲ့ တောဓလေ့ကဗျာများဘဲဖြစ်ပါတယ်။

ကျောင်းနေစဉ်တုံးကတော့ မြန်မာစာမှာ သင်ရိုးညွှန်းတန်းအဖြစ် ပြ ဌာန်းခဲ့ဘူးတော့

ဖတ်ဘူးကြမယ်တော့ ထင်ပါတယ်။

    ဒါပေမယ်လဲ့ တစ်စုတစ်စည်းထဲဖတ်ရအောင် ရှာဖွေတင်ပြလိုက်ပါတယ်။

 

    “ယဉ်ပေ့တောသူ  “

 လေပြေငယ်သုတ်ပါလို့  ရွှေဘုတ်က အိုးအီ၊

အုံ့မိူင်းငယ်ရီ     နေမီအောင်တခိုလှမ်းခဲ့ရ၊

ကောက်ငန်းက သူပြန်ပုံမှာ  ခတ္တာငုံပန်းနှစ်ဆင့်ငယ်နှင့်၊

ပန်းဝင့်လို့ရွာကိုဝင်  အမြင်ဆန်းပါဘိတယ်လေး။

 

ညဉ့်ချမ်းရယ်နေရီ၊

ချိန်တော်မှီ  ကေသီပန်းနှင့်၊

ရေခပ်လမ်းမှာ စခန်းသင့်လို့၊

ထက်ဆင့်နီရောင် ချည်စိမ်းပေါင်နှင့်၊

ယဉ်အောင်တောသူ  သနပ်ခါးကွက်ပါးမှာကူလို့၊

အမူကြီးကမ်းကုန်ကို ဘယ်မြို့ပုံသာချင်သောရယ်လို့

ပြောကြမယ်လေး။

 

ညနေအချိန်လယ်ယာလုပ်ငန်းက တက်သုတ်ရိုက်ပြန်လာရပေမယ့်လည်း

မိန်းကလေးပီပီ အလှအပတန်ဆာဆင်လို့လာပုံ၊

ညနေရေခပ်ဆင်းချိန်မှာလည်း သနပ်ခါးပါးကွက်ကြားနဲ့လှလှပပ ပြင်ဆင်လို့

ထားပုံကတော့ မြို့သူတွေထက် မနိမ့်ပါဘူးလို့ ပြောပြထားတဲ့ကဗျာလေးပါဘဲ။

 

“မောင်ကြီးတို့ ပျော်စံရာ  “

မလွမ်းရော့သော်ကော

ကျွန်းမော့မော့မြောက်ခွင်

မူးရေယဉ်လက်ျာစီးပါလို့၊

မောင်ကြီးတို့ပျော်တဲ့ရွာ။

မြောက်ညှာနှင့်တောင်စွယ်

လက်ကယ်က၊

အင်းနှစ်ဘက်ကာတယ်လေး။

 

တစ်ခေါက်ကယ်လမ်းဆုံ

ရွာသဘောကိုပြောမယုံသော်

ကြုံလျှင်ဝင်ခဲ့ပါလားနော်အဝေး။

နှစ်မပြာဖြူ ရောက်တော်မူလျှင်၊

မပူချမ်းငြိမ်း အခြင်ရယ်မြေနီး၊

ထန်းရွက်ကယ် စီးပါတဲ့၊

မောင်ကြီးအ်ိမ်မှာစည်းစိမ်ငယ်ခံ၊

ဟင်းချဉ်ပေါင်ဘက် ပြုတ်ဘူးရွက်နှင့်၊

ပိချက်ရေ ရံပြီးလျှင်၊

ဆန်ထမင်းရဲကျော်ကို

ဝန်ကတော်ပုံလောက်ပြေးအောင်၊

ကျွေးပမယ်လေး။

 

ဒီကဗျာလေးကတော့ မူးမြစ်ပါတ်ဝန်းကျင်မှာတည်ရှိနေတဲ့ရွာမှာနေသူ ယောက်ျားလေးက

မိန်းကလေးတစ်ဦးကိုဖိတ်ခေါ်ပုံဖြစ်ပါတယ်။

သူတို့ရဲ့ထန်းလက်မိုးတဲ့အေးချမ်းတဲ့အိမ်လေးမှာ ဘယ်လိုဧည့်ခံမယ်ဆိုတာကိုပြောပြတဲ့

ကဗျာလေးဖြစ်ပါတယ်။

 

 

 

 

 

  “ပျော်ပုံက သစ်သနှင့် “

 ပျော်ပုံက သစ်သနှင့် ငယ်ချစ်ကယ်လိုက်ခဲ့တော့၊

အကြိုက်ကတဲ့ တို့တောရွာမှာ၊

မိုးအကာ ပင်ယံထက်ဆီက၊

ထန်းရွက်နှင့်ဆင်သည့်အိမ်၊

ခြုံတင်းတိမ် နွားရေခင်းလို့

ညဉ့်တွင်းကို ပုလွေကျော်နှင့်၊

ဖျော်ပမယ်လေး။

ကိုက်ဖူးငယ်ညွန့်စီ ချဉ်ပေါင်နီကို၊
ရာသီဓလေ့ ပုစွန်လုံးခွံဖုံးထေ့လို့၊

တောလေ့ငယ်တဆင် လယ်ကြွက်ကင်နှင့်၊

တို့ခွင်ဖရုံ ဟင်းဘက်စုံလှ၊

မင်းပုံထယ်ထယ် နေစာပျို့အစ်ကို့ကိုတယ်ပမယ်၊

ဆောင်းနယ်ဝင်သည်ချိန်ကို ယစ်စီးစိမ်အဆီဖိန်းလို့၊

မှိန်းစေ့မယ်လေး။

 

ဒီကဗျာလေးကလဲ ရွာသူမိန်းကလေးတစ်ဦးက သူ့ချစ်သူကို ရွာလိုက်ခဲ့ရင်ဘယ်လိုဧည့်ခံမယ်ဆိုတာကိုပြောပြတဲ့ကဗျာလေးပါဘဲ။

ဒီကဗျာနှစ်ပုဒ်ထဲမှာ တောသူတောင်သားတို့ စားသောက်ရပုံလေးကို

ဖော်ပြထားတာကိုတွေ့ရပါတယ်။

ပထမတပုဒ်မှာတော့ ရဲရဲနီနေတဲ့ထမင်းကို ချဉ်ပေါင်ဟင်း၊ငပိရည်ကိုဘူးရွက်ပြုတ်တို့စရာနဲ့

ကြွေးမယ်လို့ပြောပြီး ဒုတိယတပုဒ်မှာတော့

လယ်ကြွက်ကင်ရယ် ချဉ်ပေါင်သီးနီနီကို လယ်ပုစွန်လုံးနဲ့ရောထောင်းတာရယ်တင်

မကသေးဘဲ ယာထွက်ဖရုံသီးဟင်းတောင်ပါသေးတယ်လို့ပြောထားပါတယ်။

  “ပျုိးခင်းကအပြန် “

    ပီလ၀န်း             ကန်စွန်းနှင့်ကင်းပုံ၊

ကင်းအငုံ             ပြင်းထုံထုံမိူသင်္ကန်းငယ်နှင့်၊

မောင်ဖမ်းတဲ့        လယ်ပုစွန်ကို  

အခွံကိုခွာမခွဲပါနဲ့   အထဲမှာအဆီကုန်ရော့၊

နီရုံချက်ပါ အမိရယ်လေး။

 တောခါချဉ်ကို       လက်ငင်ကိုင်ဆုပ် ငါးပိဖုတ်နှင့်၊

လဲ့လုပ်ကဲ့နန်းသူ    ပျုိးနှုတ်ရာယူခဲ့ပါ့၊

အိမ်သူရဲ့လမ်းတာကိုပက္ကလာမော်ကာမပါလို့၊ မျှော်ပါ့မယ်လေး။

 

 ဒီကဗျာလေးကတော့ လယ်ထဲဆင်းအလုပ်လုပ်နေသူ ယောက်ျားက သူ့ဇနီးဖြစ်သူ

ထမင်းလာပို့ချိန်ကိုမျှော်ရင်း သူစားချင်တဲ့ ဟင်းပုံစံလေးအတိုင်းချက်ပေးဘို့မျှော်တဲ့

ကဗျာလေးပါဘဲ။

လင်ယောက်ျားကိုယ်တိုင်ခူးလာ ဖမ်းလာတဲ့ချောင်းနံဘေးမှာအလွယ်ရနိုင်တဲ့ ပီလ၀န်း၊ ကင်းပုံ၊ မိူသင်္ကန်းစတဲ့အသီးအရွက်တွေကို လယ်ပုစွန်လုံးအထဲမှာပါတဲ့ အဆီတွေ

ကုန်မှာစိုးလို့ အခွံမခွာဘဲ နီတယ်ဆိုရုံလေးချက်ဘို့မှာသလို၊

တောခါချဉ်ကို ငပိဖုတ်နဲ့မြုတ်စားဘို့ ထမင်းလာပို့မယ့်လမ်းကိုမျှော်နေတာကိုဖွဲ့ဆိုတဲ့ကဗျာလေးပါ။         

 

ဆက်လက်ဖော်ပြပါမည်)

ကိုပေါက်လက်ဆောင် အတွေးပါးပါးလေး(ရှေးကဗျားများကို ကူးယူဖော်ပြခြင်း)

 

(4)“ရှေးရှေးက  ကဗျာများထဲမှ တောသူတောင်သား များရဲ့ဘ၀”(ဦးကြီ်း)

 

“ပေါ်မလာမျှော်ကာငို “

 ထိမ်သဖန်းငယ်နှင့်           လိမ်သန်းငဲ့ဖလံ၊

တယ်ပေါက်ကယ်သန်သည်  နယ်မြောက်ဌာန် ငါတို့တောဆီက၊

လေရောရာ မိုးတွေဆင်လျှင်        မရွှင်လွမ်းလိုက်လှနော်အဝေး။

စိမ်းမင်ကြောင်ငယ်                    ပေါင်တစ်ဖက်ထိုး၊

ကွက်ပုဆိုးနှင့်                 ရက်ပိုးမပါ၊

ပေါင်းပုဝါလည်း              ခေါင်းမှာပေညစ်၊

ဗလပွေရစ်လို့                 ထွေသစ်ကယ်မဆို၊

ကျည်းပင်လျှိုမှာ    နှစ်ကိုယ်ယှဉ်တွေ့၊

မြင်သနေ့ရယ်က   ကြင်ငွေ့ငယ်ဆုံသူ၊
အကျွန့်လူလည်း              ရွှံ့ထူမြေတာ၊

ဟိုတစ်ရွာက                  ပေါ်မလာလို့၊

မျှော်ကာသာငိုမိတယ်။

နေညိုစချိန်ဆီကို   တိမ်အနီ ပြာ အကွက်ကယ်က

ညှာဘယ်ကိုသူမပေးလို့ ဆွေးလှတယ်လေး။

 

ဒီကဗျာလေးကတော့ တောသူမလေးရဲ့ ပေါ်မလာနေနိုင်အားတဲ့ချစ်သူကိုမျှော်တဲအလွမ်းဒရာမာကလေးပါ။

သူတို့နေတဲ့အရပ်ရဲ့မြောက်ဘက်က လေရိပ်မိုးရိပ်ဆင်လာရင်

စိတ်မှာမရွှင်လို့လွမ်းပါသတဲ့။

သူတို့နေတဲ့အရပ်မှာ ထိန်ပင်၊သဖန်းပင်၊တယ်ပင်၊လိန်ပင်တွေပေါပါသတဲ့။

တစ်ရက် ကျည်းပင်လျှို (လျို=လမ်းမြောင်ကြား)မှာ ချိန်းတွေ့ကြတဲ့ရက်တုန်းက

သတ္တိနည်းလို့ ဆေးမင်ကြောင်တစ်ဖက်ထဲထိုးထားပြီး ခေါင်းပေါင်းပုဝါကလည်း

ညစ်ပေ၊၀တ်ထားတဲ့ပုဆိုးကလည်း ပိုးမပါတဲ့ ချည်ထည်လုံချည်အကွက်ဆင်၊

စိတ်ညစ်နေပုံနဲ့ထွေထွေထူးထူးစကားလဲပြောမသွားပါဘူးတဲ့။

တိမ်အနီအပြာတွေသန်းနေတဲ့ညနေချမ်းမှာ ရောက်မလာနိုင်တဲ့တစ်ရွာသားကို

လွမ်းလို့ ငိုရပါတယ်ဆိုတဲ့ တောသူမလေးရဲ့အလွမ်းပါ။

 

 

 

                   “စပ်ဟင်းချို “

 တခါလေလိုက်ခဲ့တော့       စရိုက်ကယ်ဘာသာ၊

တို့တောရွာမှာ                စားစရာဆန်ထမင်းမှာလ၊

မုရင်းနီတျာနှင့်               သီတာရောတဲ့ချိန်ကိုလေး။

စပ်ဟင်းချိုမူ                            ယုန်ကိုပြက်ပြက်

ကင်ပလင်း ဂုံမင်းဖက်လို့   ငါးပျက်ကယ်ရောရီ၊

လောရွှေပီပတီရုံး            ဗြုန်းစပ်ကာကျိုပြီးလျှင်၊

ဆီးချိုပင့်ရိပ်သာမှာ          နှစ်မျက်နှာယှဉ်ပြိုင်ပြုံးလို့၊

သုံးရအောင်လေး။

 “လွမ်းပါဘိ ငယ်ကျွမ်းဝင် “

 အရောက်ခက်ပါဘိ

မြောက်ဖက်ကယ်တဲ့တို့တောရွာ၊

ခုအခါ ရူ့စရာလယ်ညိုဝင်းချိန်မို့

ဆယ်လျှိုတွင်းပြန့်ပြက်တောမှာ

ကန့်ပက်ကာဆူတဲ့ငါးရယ်နှင့်။

အနားတွန့်ချဉ်ပေါင်နီကို   

ဒေါ်လီကျိုတဲ့ဟင်းကိုလေး။

 

တလင်းကျယ်မှာ                       မင်းဖွယ်စိုးလောက်၊

နွားရေမခင်းမြေတလင်း              ခွေထင်းခြောက်နှင့်

ခုံလောက်ကယ်ချ                      ဆန်နီမကို

တောင့်လှအောင်ချက်                 ကျွန်းဖက်ထက်မှာ၊

ခူးလက်ကယ်လျှင်စွာ၊                 ပြုပြီးကာမှ၊

အရသာကြီး                            ခြံစပ်သီးကို

မီးမှာ မဖုတ်                            ညှာမဖြုတ်ဘဲ

ကဗျာတုတ်ဆောင်း                    ဆုံဆိုးဆိုးမှာ ကျုိးအောင်ထောင်းလို့၊

စလောင်းငယ်လဘင်                  အဖုံးအင်နှင့်

ယခင်ချက်ဟင်းလျာကို               ချွင်းမညှာအကုန်မှောက်ပါလို့၊

နှစ်ယောက်ပြိုင်မျိုနေကြဟာမို့      ဟိုမြေက ငယ်ကျွမ်းဝင်ကို

နယ်မန်းခွင်စံတော်ကွန်းဆီက       လွမ်းလှတယ်လေး။

 

ဒီကဗျာလေးနှစ်ပုဒ်ကလည်း ဖော်ရွေတဲ့ခင်မင်တတ်တဲ့

တောသူတောင်သားတွေက သူတို့ဆီလာမယ့် ဧည့်သည်ကို ဘယ်လိုထမင်းဟင်းနဲ့ဧည့်ခံမယ်

ဆိုတာကို ပြောပြတဲ့ကဗျာလေးရယ် အဝေးတစ်နယ်မှာရောက်နေသူကို မြန်မာများရဲ့

“အစားကောင်းစားရင်ချစ်သူကို သတိရတယ်” ဆိုတဲ့စကားလေးအတိုင်း ထမင်းစားခါနီး

ချစ်သူကို သတိရလိုက်တဲ့အမျှော်စိုက်ကဗျာလေ

                                                 “ မောင်မမြင်စမ်းစေရ “

မိုးစရိုက်ပေမို့        ပျိုးစိုက်ကယ်ပျော်ပျော်

လက်စားငယ်ခေါ်သည်     မျက်ဝါးဖော်သူငယ်ချင်းတွေနှင့်

လယ်ခင်းပြန့်သမန်းပြင်မှာ အငန်းတွင်သူငါဆင်းပါလို့

မူရာချင်းမြို့သူမှီပေါင်        တို့တူညီသံချိုတေးငယ်နှင့်

ဖန်ချိုအေးချိန်လောက်ဆီကို

အိမ်ရောက်မှီကြဲပြန်ရတယ်လေး။

တို ထမီငယ်         ဟိုဆီဖုံးရုံ

အလုံးခြုံလို့ ကုန်းပုံကညီ

ခေါင်းရေနှက်တဲ့    တဘက်နီနှင့်

ပလီလိုက်ထာ။

ဂုတ်ပေါ်ရောက်တဲ့ ဆံထောက်ဟာကို

တကြော့ချည်ရုံး     လျှော့ရီထုံးလို့

ပွင့်လုံးငယ်ခတ္တာ ။

ယောင်မငိုက်အောင် ထောင်စိုက်ခါနှင့်

ကြိုက်ရှာတဲ့မောင်

မမြင်စမ်းစေရ ဘွင်ပန်းကာလောင်လိမ့်မယ်

တောခေါင်တဲ့ မြောက်ရွာကို

မရောက်လာမြို့တော်ယွန်းဆီက

ကန်သင်းခုံမို့မော်စွန်းကို လွမ်းလိမ့်မယ်လေး။။

 

ဒီကဗျာလေးတွေကတော့ လယ်သူမလေးတွေကောက်စိုက်ပုံကို

ရယ်စရာအသောလေးနဲ့ဖွဲ့စပ်ထားတဲ့ကဗျာလေးဖြစ်ပါတယ်။

ရယ်စရာပြုံးစရာရဲ့အဆုံးမှာ အလွမ်းလေးနဲ့အဆုံးသတ်ထားပုံက

တော့ လှပတဲ့လွမ်းချင်းတပုဒ်အဖြစ်ပိုခံစားရပါတယ်။

 

ဆက်လက်ဖော်ပြပါမည်)

ကိုပေါက်လက်ဆောင် အတွေးပါးပါးလေး(ရှေးကဗျားများကို ကူးယူဖော်ပြခြင်း)

 (5)“ရှေးရှေးက  ကဗျာများထဲမှ တောသူတောင်သား များရဲ့ဘ၀”(ဦးကြီ်း)

 

 

 

 “ဆယ်အိမ်မင်းစည်းစိမ်  “

 စည်းစိမ်ကြီးပါဘိ             ရုတ်သီးတောင့်ကိုင်၊

နှစ်ယောက်ကယ်ထိုင်                 ယှဉ်လက်ပြိုင်ကျယ်စပျစ်ကယ်နှင့်၊

ဖွယ်သစ်မြေအင်ရံလို့                 ဇွန်းမတန် ကန်ယောက်သွားငယ်နှင့်၊

ကြွက်နဖား                              ပုန်းရည်ကျိုသည်၊

အလိုဗျာ                                စားပုံတင့်ပါဘိ၊

ခေါင်းမင့်ဆယ်အိမ်ပေမို့    အခြေကြီးလှတောင်းကိုလေး။

 

စားသောက်ဖွယ်ရာ                   ပြီးသောခါဝယ်၊

ရသာချမ်းငြိမ်                           အခြင်မြေသက်၊

ပင်ထန်းရွက်နှင့်                        ခေါင်ပျက်အိမ်တွင်၊

စည်းစိမ်ကြီးရင်                        ခြေလ်ိမ်တင်လို့၊

ကုတင်ကြမ်းပေါက်          သုံးချောင်းထောက်မှာ၊
မှောက်ချည်လှန်ချည်                  အဆီရယ်ဖိန်း၊

မှိန်းတဲ့ချည်နှင့်                         မကြည်သမ်းဝေ

ထယ်မင်းပုံ                    နေလိုက်တယ်၊

နွားရေပြန့်အပေါ်မှာ                   ခေါင်းကတော်ကိုယ်တိုင်နှိပ်ခါမှ

သူအိပ်တယ်လေး။

“ဒြပ်ကြီးသည့် သမီးပျိုခင်”

 သာလွန်းလှသယ် အစ်မမယ်တို့ရွာ၊

အကာမှာ ပင်ဝါးရိုးငယ်နှင့်၊အမိုးမှာထန်းရွက်တင်၊

ကြမ်းပြင်မှာအင်ပေါက်ခင်းပါလို့၊ကာဝင်းမှာတော့နွယ်ဘူးလိမ်၊

ဆယ်အိမ်ခေါင်းတဲ့ မအေလေး၊

သမီးငယ်ပျိုခင်၊ဥစ္စာများလို့၊၀တ်စားငယ်ဆင်သယ်၊

အလိုမမြင်ဝံ့ပါလားနော်အဝေး။

အဘိုးတန်ရာ ဆင်သည်မှာလဲ၊

ခပ်ပြာညွှန့်ပေါင်း တွင်းနားတောင်းနှင့်၊ရောင်မောင်းရိုးခံ ။

ရွှေချည်ဝတ်မှာ လက်စွပ်တွေရံလိုက်လို့၊

ခေါက်ပြန်ကျောရင် ၊ကျောက်ပုတီးညီအောင်ဆင်လို့၊

အင်မတန့်အနေမှာ သူအမေဆယ်အိမ်မင်းပေမို့ တင်းလှတယ်လေး။

 

ဒီကဗျာလေးကတော့ တောရွာတစ်ရွာက ဆယ်အိမ်ခေါင်းမင်းတစ်ယောက်စည်းစိမ်ဘယ်လို

ခံတယ်ဆိုတာလေးကို ပြုံ့းစဖွယ် ရေးပြထားတာလေးပါဘဲ။

ရှေးကတောရွာတွေမှာအုပ်ချုပ်သူလူတန်းစားဆိုတာအားလုံးကလေးစားကြောက်ရွံ့ရတဲ့သူတွေလဲ

ဖြစ်ကြပါတယ်။

 

“ပြုံးမိတယ် “

လယ်ကညို့ငယ်နှင့်    မယ်တို့ရဲ့တောရွာ၊

ကောက်ငန်းငယ်သာ   သင်းပြာပြာဝေ ခတောက်ကယ်နှင့်၊

လေသောက်ရာထုံကြူ မစုံသူ ဖော်မလွမ်းသော်ကော့၊

ကန်စွန်းငယ်ရေဖောင်ဆင်လို့ ယဉ်လှတယ်လေး။

စစ်စလီငယ် ပြာပီရေကြက် မောက်တင်ငှက်တို့၊

လက်ကွက်တခို ရိုးကျလျှိုက၊

လူလိုဘဲကြင် လွမ်းစထွင်လို့၊

မရွှင်နေကုန် သည်တ၀ှမ်းမှာလ၊

အလွမ်းသာဆုံတော့ ဖော်မစုံတကိုယ်မှာ၊

ရွှေမိုးညိုပတ်ကာချုန်းပါလို့ ပြုံးမိတယ်လေး။

 “မန်ကျည်းသီး”

ထန်းစေ့ခွက်ကယ်နှင့် လက်ဖက်ကိုထည့်ကာ၊

တောငယ်ကလာ အိတ်ထဲမှာဘာပါသတုံးလို့၊

နှုိက်ကာမေးတဲ့ အမိရယ်လေး။

 ငယ်ငယ်တုန်းကလုံးထားကထစ်၊

ကျည်းချောင်ကျစ်ကယ်နှင့်

အဆစ်ကယ်ခွေခွေ မန်ကျည်းသီး၊

မောင်ကြီးချွေခဲ့တယ်

အ်ိမ်နေသူအသာရုံ့လို့ မြုံ့တော့ကွယ်လေး။

“ အမရွာပြန်“

 မလွမ်းသင့်သော်ကော့ ခွန်းဆင့်ငယ်ညီးကာ၊

ညဉ့်ဆည်းဈာမှာ        ရွှေဘုတ်ဝါ ပင်ညိုငြိမ့်ငယ်က၊

နေနိမ့်လို့ သူအီ          သီကရီ လှမ်းပါရတယ်လေး။

ယောက်ထည်းငယ့်တကိုယ်     လျင်စလိုငယ်၊

ခင်လျှိုရေကျ   သည်တောစက ၊

အမရွာပြန် ဖားအိုးအံနှင့်၊

ထက်သန်စီစီ ခရုချီလို့၊

နေရီမူန်မှင် အောင်တုတ်ကယ်ရောပါလို့၊

မြောက်တောသူဝင်ခဲ့တယ်၊

ရွာအပြင်တခိုမှာ ရွှေမိုးညိုတကိုယ်ရွှဲငယ်က

သဲခဲ့ပြီလေး။

  “ စိုးလှပါတယ်“

သပြေကသီးသနှင့်      ရေကြီးငယ်ဘောင်ဘင်၊

ထွန်ရေးငယ်ငင်သည် ပျို့ဦးရင် အပြန်ခက်ရှာလိမ့်၊

တဘက်က ချောင်းကာသည် ရွှေညာမှာ ညိုတဲ့မိုးငယ်မို့

ပျိုစိုးတယ် မောင်ငဲ့လေး။

 

ခါးမင်ကြောင်ငယ် ရွှေရောင်ဘယ်ဝေ့၊

အမယ်လေးဆိုတုန်းက ပျိုပုန်းလို့တွေ့သူမို့၊

တနေ့သာသာ တညဉ့်ကွာမူ၊

ဗျာပါသဲနင် တစ်နှစ်ထင်လို့၊

မရွှင်တမျှော် ရေရှင်တားလို့၊

ရက်အားပုံပေါ်ချည့် ချောင်းကျော်တဲ့လယ်နှယ်ကို၊

ကိုယ်တာတွယ် မစုံမက်သာဘူ့ တောတက်ဖေလေး။

 “ကျွေးချင်လှတယ်”

ခါတလှဲ့ လာခဲ့ပကျုပ်တို့ဆီ၊

ရာသီရောက်ကပေါ့

ဖားကင်ခြောက်ကျပ်တင်ဟာကို ငရုတ်ဝါစပ်တူထောင်းပါလို့၊

ဧည့်ကောင်းမို့တမင်ဆော် ။

တို့ကြီးတော်နွေကလှန်းပါတဲ့ ခရမ်းခြောက်ကျိုပုန်းရည်၊

တူနှစ်မည်ဆင်တဲ့ဟင်း။

ထမင်းပုသိမ်ဆန်နှင့် ကိုရင်ကိုကျွေးချင်လှတယ်။

 

ပဲနောက်နှင့်ပြောင်းဆန် ကောက်သားငယ်ရံ၊

ဝေဖန်နှောယှက် ရောကာချက်လို့၊

ပြောဘက်ကယ်မမြင်။

သြဇာပြွမ်းတဲ့ သုံးလွန်းတင်ကို

ခင်မင်ဖွယ်ရာ သည်ချိန်ကိုလာခဲ့ပ၊

တောရွာသူ့ခံ့ပုံကို

အသားကုန်လက်ပြိုင်ဆွဲလို့၊ နွှဲစေ့မယ်လေး။

 “ လာခဲ့ပကျုပ်တို့ရွာ“

 ခါတလှဲ့ လာခဲ့ပကျုပ်တို့ရွာ၊

ဝေးမကွာ ပြေးလာလျှင်တာမထောက်ပါဘူ့၊

ရွာမြောက်က မန်ကျည်းစင်။

ရွာဝင်မှာပင်စောင်ချမ်းငယ်နှင့်၊

မြောက်လမ်းကွေ့ အနောက်ဆွယ်မှာ၊

ကြောက်စဖွယ်မျက်နှာထားပါလုိ့၊

ရွာသားတွေအာဏာကြို့ရ၊

မင်းပြည်စိုးအိမ်အိုတောင်မှာ

အခေါင်စောက်နှင့်တဲကိုလေး။

 

ဖျာမလွန် နွားခွံအခင်း

မြေတလင်းမှာနေခင်းပျော်အင်၊

လိမ်းကျောက်ပြင်နှင့် ဗိုင်းငင်ဝါဖန်၊

အိမ်လုံးသာညံတော့၊

သန်းယံချိန်ကျော် လူချင်းကိုလှ၊

အပျင်းပြေဖျော်ရအောင်၊

လုံးတော်ပုပြောင်းဆန်ကို

ပေါင်းလန်အောင် အဖျော်ဟင်းငယ်နှင့်၊

ဦးရင်းရေမျိုချဉ်းအောင် သွင်းစေ့မယ်လေး။

 “ နှမလိပ်ပြာရွှင်စေ့မယ် “

ခါတခေါက် ရွာရောက်ကယ်လှမ်းခဲ့ပ၊

သာတမ်းဖြင့်ရှိစေတော့၊အမိတို့တောရွာအိမ်၊

သည်ချိန်ကိုပဲစင်အောက် လပြောက်မှာဗိုင်းငင်၊

ရွှေရင် အင်္ကျီသိုင်းလို့ တပိုင်းဘိုကရိုနှင့်၊

အကို့ ကိုဘမ်းပြလိုက်မယ်လေး။

 

တဘက်ကယ်မှောင်ကာ တခြမ်းဟာမှာ၊

နံ့သာလိမ်းကွက် လရောက်ပြက်မှာ၊

အသက်ကယ်နှင်းဆောင် ။

နွားခွံခင်းတဲ့တလင်းပြောင်ဝယ်၊

ရိပ်ရောင်မထင် လူခြေတိတ်ကိုမှ၊

ရွှေလိပ်ပြာရွှင်စေ့မယ်၊

ဦးရင်တို့မြို့သူလို တို့တောမူတယ်မကြမ်းပါဘူ့၊

ခြေရေကုန်လည်ဆံကမ်းချိန်မှ ဘမ်းပမယ်လေး။

 

 

အများအားဖြင့် “ဦးကြီး “ ရဲ့လွမ်းချင်းကဗျာတွေက သူတို့နေထိုင်ရာ ရွာလေးက ဘယ်လိုသာယာတယ်၊

သူတို့ရွာက တောသူများက မြို့သူများအတိုင်းယဉ်ကျေးတယ်၊ နေ့စဉ်ချက်ပြုတ်စားသောက်ကြတာကလဲ

တောထမင်းတောဟင်းပေမယ့်လည်း မညံ့ပါဘူ.း၊

သူတို့ရွာတွေကို အလည်လာမယ်ဆိုရင် ဧည့်ဝတ်ကျေအောင်ဘယ်လိုဧည့်ခံမယ်ဆိုတာကို ဖွဲ့ဆိုထားတာရယ်၊

ရိုးသားတဲ့တောသူမလေးရဲ့ သူ့ချစ်သူကိုလွမ်းတဲ့အကြောင်းတွေကိုရယ် လှပစွာဖွဲ့ဆိုထားတာများပါတယ်။

စကားအဆန်းမထွင်ဘဲဖတ်သူရဲ့ရင်ထဲကို လျှောခနဲ့ရောက်သွားအောင် နေ့စဉ်သုံးစကားတွေနဲ့ ရိုးရိုးလေးရေးဖွဲ့

ထားတဲ့ လှပသောကဗျာလေးတွေ ဆိုတာကတော့ အမှန်ပါဘဲ။

ဒါတွေကတော့ရှေးစာဆိုဦးကြီးးရဲ့တောဓလေ့လွမ်းချင်းလေးတွေပါဘဲ။

 

အခုနောက်ဆုံးတစ်ပုဒ်ကတော့ ထူးခြားတဲ့ ကဗျာလေးလို့ပြောရင် ရပါတယ်။

အိမ်အတွက် ဟင်းစားရှာတဲ့ မုဆိုးတစ်ယောက်အကြောင်းကို ဖွဲ့ဆိုထားတာပါ။

ဒီကဗျာလေးက ငယ်ငယ်တုန်းက ကျောင်းမှာ သင်ခဲ့ရတဲ့ကဗျာလေးလဲဖြစ်ပါတယ်။

  “လေးထမ်းတဲ့ဖေ “

တောင်ခါးပန်းရယ်နှင့်         ခင်တန်းကုန်းငယ်မြောင်၊

ကျော့ကွင်းကိုထောင်သည်  ခွေးညီနောင် တခင်ခင်နှင့်၊

ယုန်ရှင်ကို ဘမ်းခဲ့ပ           လေးထမ်းတဲ့ သည်ဖေကို၊

တဲအိမ်နေကြင်သူက         တအူအူ ဟစ်ခေါ်လို့၊

အမှာတော်ပါးလိုက်ရှာတယ်လေး။

 

အိမ်ကိုပြန်လျှင် အကျွန် ကျွနုပ် ၊

ယုန်တတုတ်ကို ခွာဆုတ်ရေလှန်၊

ကျပ်ခိုးခံလို့ ။

ပန်းရန်န၀ါ ရွက်နုညှာကို ၊

ဝါးပြာထည့်ကျို အိုးနားတိုနှင့်၊

ခပ်ချိုညစ်တေ ဆောင့်ကြောင့်ထိုင်မွှေလိုက်တယ်၊

ချိုပေစွ ဟင်းချိုကို စလောင်းတိုအခြေပဲ့ရယ်နှင့်၊

အာခေါင်မှာ ပူအောင်ထဲ့လို့ မျိုလှဲ့ကွဲ့လေး။

ကိုပေါက်လက်ဆောင် (ရှေးကဗျာများကို ပြန်လည်ကူးယူဖော်ပြခြင်း)