ကိုယ်ပေးသလောက် ပြန်မရတတ်တဲ့
သဘောတရားကို
နားလည်နေလျက်နဲ့လည်း
ငါ …. တစ်စုံတစ်ရာကိုလည်း စောင့်မျှော်နေမိပြန်တယ် ချစ်သူရယ်။

မဖြစ်သင့်တော့တဲ့ အခြေအနေမို့
မေ့ပစ်လိုက်ဖို့ ကြိုးစားလိုက်တိုင်း
သတိရရလာတဲ့ စိတ် ၁ ခုကို တွန်းလှန်ဖို့အား
ငါ့ မှာ မရှိတော့ဘူး ချစ်သူရယ်။

နင့်ကို လွမ်းလွန်းလို့
ယောင်ချာချာဖြစ်နေတဲ့ ငါ့ စိတ်တွေဟာ
အခုဆို ကစဥ့်ကလျားနဲ့ပေါ့ ပြန့်ကျဲနေတာ
ငါ … ပြန်လည်ကောက်ယူနေလည်း
ပြီးဆုံးခြင်းကို မရောက်နိုင်သေးဘူး ချစ်သူ။

နင့်ကို မုန်းအောင် ကြိုးစားဖို့ထက်
ငါ့ ကိုယ် ငါ မညာမိအောင် ငါ ကြိုးစားနေရတာ
ပင်ပမ်းလွန်းတယ်ဟာ ……….

ငါ …….
မေ့ပစ်လိုက်ခြင်းဆိုတဲ့
ပညက်ချက် ၁ ခု ဖြစ်လာဖို့အတွက်တော့
အသက်ရူသံတွေ ရပ်တန့်သွားမှ
ဖြစ်နိုင်လိမ့်မယ် ချစ်သူ။

(၂၀-၁-၂၀၁၁)