ဒီမယ်ငါ့ကောင်ရ
ဒါဟာအသေအချာအစီအစဉ်တကျကို
မတော်တဆဖြစ်မှုတစ်ခုပဲ
အရောင်တွေမှာအသံရှိတယ်
အသံတွေမှာအရောင်ရှိတယ်
မျက်စိရှိတိုင်းမကြားရဘူး
နားရှိတိုင်းလဲမမြင်ရဘူး
ငါ့ပန်းချီကားကို
နားနဲ့ကြည့်ပြီးမျက်စိနဲ့နားထောင်
ဒါဟာပန်းချီရှုထောင့်မဟုတ်ဘူး

ဒီမယ်ငါ့ကောင်ရ
ဒါဟာအသေအချာအစီအစဉ်တကျကို
မတော်တဆဖြစ်မှုတစ်ခုပဲ
သုခဘုံနဲ့ဒုက္ခဘုံထဲမှာလူရှိတယ်
လူထဲမှာသုခဘုံနဲ့ဒုက္ခဘုံရှိတယ်
မျက်စိရှိတိုင်းမကြားရဘူး
နားရှိတိုင်းလဲမမြင်ရဘူး
ငါ့စကားကို
နားနဲ့ကြည့်ပြီးမျက်စိနဲ့နားထောင်
ဒါဟာဘာသာရေးရှုထောင့်မဟုတ်ဘူး

မင်းသိထားဖို့က
သီအိုရီတိုင်းမှာရလာဒ်ကောင်းရှိတယ်
ရလာဒ်ကောင်းမှန်သမျှသီအိုရီအတိုင်းဖြစ်ခဲ့တာမဟုတ်
ဖလင်းမင်းရဲ့မှိုတွေက မတော်တဆမဟုတ်
မတော်တဆတွေကမှိုတွေပေါက်ခဲ့တယ်

မင်းနားမလည်ဘူးလား
သင်ယူလိုက်လေ့လာလိုက်ပါ
မင်းနားလည်သွားပြီလား
အဲဒါအားလုံးမေ့ပစ်လိုက်ပါ
ဆုပ်ကိုင်ဖို့ထက်လွှတ်ချဖို့ခက်တာသိပြီလား
မေ့လို့ရမှအသစ်စနိုင်မယ်
ဒါဆိုဘာလို့သင်ကြားနေသေးလဲ
အဲဒီလိုမေ့ပစ်ဖို့ပေါ့ကွာဟုတ်ပြီလား
မသိပဲရမ်းလုပ်မလား
လုပ်ကြည့်လေ
မင်းရဲ့ပရမ်းပတာလုပ်နိုင်စွမ်းဟာ
အကန့်အသတ်သိပ်ကိုကျဉ်းတာသိလာလိမ့်မယ်
သင်ကြားမှုမှန်သမျှတတ်မြောက်စွာလွှတ်ချ
အဲဒီတော့မှအတိုင်းအဆမရှိပရမ်းပတာလုပ်နိုင်စွမ်းရှိမယ်

အေးလေ တကယ်တော့
မင်းကိုယ်တိုင်က
အစီအစဉ်တကျမတော်တဆဖြစ်မှုတစ်ခုပဲ
မင်းဟာမင်းမဟုတ်ဘူး
ငါဟာလဲငါမဟုတ်ဘူး
ငါဟာမင်းဖြစ်တယ်
မင်းဟာလဲငါဖြစ်တယ်
အဲဒီဗလာနယ်တစ်ခုထဲမှာ
မင်းနဲ့ငါဖြစ်တယ်
အဲဒီမှာမင်းနဲ့ငါမရှိဘူး

မင်းကိုယ်မင်းဘာမှမဟုတ်မှန်းသိသွားပြီလား
ဒါဆိုမင်းဟာသိပ်ကိုဟုတ်တဲ့အကောင်ဖြစ်သွားပြီ
ကြီးကျယ်ခမ်းနားမှုကိုလွှတ်ချပစ်မှ
အဆုံးမဲ့ကြီးကျယ်ခမ်းနားသွားတာ
အဲဒါဟာကြီးကျယ်ခမ်းနားမှုတစ်ခု
အဲဒါမင်းမဟုတ်ဘူး
အဲဒါငါမဟုတ်ဘူး
အဲဒါမင်းနဲ့ငါမဟုတ်ဘူး
အဲဒီမှာမင်းရှိတယ်ငါရှိတယ်
အဲဒီမှာမင်းရောငါရောမရှိဘူး
ဟုတ်ပြီလား
တကယ်တော့
ဒါဟာအစီအစဉ်တကျမတော်တဆဖြစ်မှုတစ်ခုပဲ
နားမလည်ရင်အစကပြန်ဖတ်
ပြီးရင်လွှတ်ချပစ်လိုက်ပေါ့ကွာ။
                  
                                         လဂွန်းအိမ်