စံပယ်ပန်းလေးတွေဟာ
သိပ်မွှေးတာပဲလို့ ကျွန်မကပြောရင်
ရှင်ယုံမှာလား…

ကြယ်တွေကြွေအောင် ပြုစားတတ်တဲ့ ကဗျာဆရာရယ်
ရှင်ဟာ…တစ်ခါတလေမှာ
သူငယ်တန်းဖတ်စာအုပ်လေးဖြစ်သလို
တစ်ခါတလေမှာတော့
ရှင်ရေးလေ့ရှိတဲ့ မော်ဒန်ကဗျာတစ်ပုဒ်ဖြစ်တယ်။

ရှင်ပြောသလို
ကြယ်တွေကြွေတာ
အလင်းပြန်ရုံသက်သက်ဆိုရင်တော့
ဘယ်လောက်များ ၀မ်းနည်းဖို့ကောင်းလိုက်မလဲ။
တိမ်တွေပေါ်က ခုန်ချတဲ့ မိုးရေစက်တွေကမှ
ရင်ဖွင့်ကြိုမယ့် ကမ္ဘာမြေကြီးရှိသေးတယ်။

ပြောင်းလဲခြင်းတရားဟာ
ကျွန်မတစ်ယောက်ထဲအပေါ်မှာပဲ
သက်ရောက်နိုင်တာ မဟုတ်ဘူးဆိုတာကိုတော့
ရှင်သိနိုင်ကောင်းပါရဲ့။

ရှင်ကရော…
ကျွန်မကို
တစ်ခါတုန်းကလို ရင်ဖွင့်ကြိုနိုင်ဦးမှာတဲ့လား။

မကြိုဆိုနိုင်ဘဲတော့
လာချင်အောင် မပြုစားသင့်ပါဘူးရှင်ရယ်။

စံပယ်ပန်းလေးတွေဟာ သိပ်မွှေးတာပဲ။

အရိုးရှင်းဆုံး ၀န်ခံရရင်
လွမ်းတယ်…

Friday, August 13th 2010
2:40 pm