Professional Authors

လမ်းနဲ့အလွမ်း (Number1Princess)

     ကျွန်တော်ဟာ ကောင်မလေးတစ်ယောက်နဲ့ ကောင်လေးတစ်ယောက်တို့ လျှောက်တဲ့ မြေနီလမ်းလေး၂ခု တွေ့ဆုံရာနေရာလေးတစ်ခုပေါ့။ ကျွန်တော့် တစ်ဖက်တစ်ချက်စီကနေ သူတို့နှစ်ယောက်ဟာ (အကြိမ်ရေမတူဘဲ) ခေါက်တုန့်ခေါက်ပြန် လျှောက်တယ်။ ပြီးတော့ ကျွန်တော်နားမလည်တဲ့ အရာတွေကို ကျွန်တော့်ကို တိုင်တည်ပြီး သူတို့အချင်းချင်း ငြင်းခုန်ကြပေမယ့် ဒီမြေနီလမ်းနှစ်ခုဟာ ကျွန်တော့်ဆီမှာ အဆုံးသတ်သလား၊ ကျွန်တော့်ဆီက ခွဲထွက်သွားခဲ့သလားဆိုတာကိုတော့ ကျွန်တော်သိအောင် မပြောပြကြဘူး။

    တစ်ခါတုန်းက ဒီနေရာလေးမှာ ပန်းကြိုက်တတ်တဲ့ ကောင်မလေးနဲ့ ပုံပြောကောင်းတဲ့ ကောင်လေးတို့ တွဲခဲတဲ့လက်တစ်စုံရှိတယ်။ အတူတူမက်ခဲ့တဲ့ အိပ်မက်တွေ၊ မရေမတွက်နိုင်တဲ့ အပြုံးတွေ၊ ကြည်နူးစရာ အမှတ်တရတွေနဲ့ နေ့ရက်တိုင်းဟာ ပျော်စရာအတိဖြစ်တယ်။ သီချင်းသံတွေ၊ အိပ်ရာဝင်ပုံပြင်တွေ၊ စီကာပတ်ကုံးပြောခဲ့တဲ့ စကားတွေကြားမှာ ကျွန်တော်က မိန်းမောနေခဲ့ရတာ။
    အခုတော့ ဒီနေရာလေးမှာ အသည်းကွဲနေတဲ့ ကဗျာဆရာတစ်ယောက်နဲ့ လောကကြီးကို အလိုမကျတဲ့ ကောင်မလေးတစ်ယောက်ရှိတယ်။ ကဗျာဆရာလေးက ဒီနေရာမှာ အမြဲတမ်း အဖော်တွေ တရုန်းရုန်းနဲ့ ကဗျာအကြောင်း စာအကြောင်းတွေ စကားလက်ဆုံကျနေလေ့ရှိပေမယ့် အိပ်မှုန်စုတ်ဖွားနဲ့ ကောင်မလေးကတော့ မေ့လောက်ရှိမှ ရောက်ရောက်လာတတ်တယ်။ လူတကာကို ဧည့်ခံနှုတ်ဆက်တတ်တဲ့ ကဗျာဆရာက သူမ ရောက်လာတဲ့အခါမှာတော့ မသိကျိုးကျွန်ပြုလေ့ရှိတယ်။ သူမကလဲ ပြောချင်ရာ ၀င်ပြောပြီး ပြန်ထွက်သွားတာပါပဲ။ ပြီးမှ သူမရဲ့မျက်လုံးမှေးမှေးလေးတွေနဲ့ လူပုံအလယ်က ကဗျာဆရာကို မမြင်ကွယ်ရာကနေ ချောင်းကြည့်ပြီး သက်ပြင်းတွေ လူနဲ့မလိုက်အောင်ချလေ့ရှိတယ်။ တစ်ခါတလေလဲ ခေါင်းတခါခါနဲ့ ဘယ်သူမှ မကြားမယ့်စကားတွေကို တစ်ယောက်ထဲ ရေရွတ်နေတတ်သေးတယ်။
~~~~~~~~~~~~~~~~~~~~~~~~~~~~~
ကဗျာဆရာ
    ကျွန်တော်က လမ်းဆုံတွေကို မြတ်နိုးသူတစ်ယောက်ပေါ့။ သူမနဲ့ကျွန်တော် ဆုံတွေ့မလားရယ်လို့ လမ်းဆုံတွေရောက်တိုင်း ကျွန်တော်ရပ်စောင့်နေလေ့ရှိတယ်။ များသောအားဖြင့်တော့ တစ်ခါက တူတူရှိခဲ့ဖူးတဲ့ ဒီလမ်းဆုံလေးမှာ ထိုင်ရင်း၊ လူတွေကိုငေးရင်း၊ ကဗျာတွေရေးရင်းနဲ့ ကျွန်တော်ဟာ ဒီလမ်းဆုံလေးနဲ့ ခွဲမရအောင် အကျွမ်းတ၀င်ဖြစ်မှန်းမသိ ဖြစ်ခဲ့ရတော့တာပါပဲ။
    ကျွန်တော်က ဒီလမ်းဆုံလေးမှာ အနေများသလောက် သူမက ဒီလမ်းဆုံလေးကို ရှောင်ဖယ်နေခဲ့တယ်။ ဘယ်လိုပဲဖြစ်ဖြစ် သူမ ရောက်လာချိန်မှာ ဒီလမ်းဆုံလေး သာယာနေဖို့ ကျွန်တော် နေ့နေ့ညည ကြိုးပမ်းတယ်။ လွတ်လပ်မှုကို မြတ်နိုးတဲ့သူမကို ထပ်မချုပ်နှောင်မိအောင် ကျွန်တော့်ကိုယ်ကျွန်တော်လဲ ကဗျာတွေကြားထဲ နှစ်ထားတယ်။ နောက် သူမ ပေးထားခဲ့တဲ့ ကျွန်တော့်ရဲ့ အလွမ်းတွေကို အဝေးက သူမ မြင်သာစေဖို့ ဒီလမ်းဆုံလေးမှာ အစီအရီ ခင်းကျင်းပြသထားလိုက်တယ်။ ကျွန်တော် ခင်းကျင်းထားတဲ့အလွမ်းတွေကို (သူမကလွဲရင်) ဒီလမ်းဆုံလေးကို ရောက်လာသူတိုင်းက အသိအမှတ်ပြုကြတယ်။ နောက်ပြီး သူတို့ရဲ့ အလွမ်းအဆွေးတွေ၊ ခံစားချက်တွေ၊ နာကြင်မှုတွေကိုလဲ ကိုယ်စီကိုယ်ငှ ထုတ်ဖော်ပြသွားကြသေးတယ်။ အဲဒီလိုနဲ့ပဲ ဒီလမ်းဆုံလေးမှာ အလွမ်းတွေ တပုံတပင်နဲ့ ဒီအလွမ်းတွေကို သိမ်းထုတ်ပေးဖို့ သူမ ပြန်လာမယ့်နေ့ကို စောင့်လို့ကောင်းတုန်း။
~~~~~~~~~~~~~~~~~~~~~~~~~~~~~~~~~
ကောင်မလေး
    လမ်းခွဲတွေကို ကျွန်မ မုန်းတယ်။ စဉ်းစားကြည့်လေ။ လမ်းခွဲတွေတိုင်းမှာ ၀မ်းနည်းမှုရှိတယ်။ နာကြည်းမှုရှိတယ်။ အဆုံးသတ်သွားတဲ့ မျှော်လင့်ချက်တွေရှိတယ်။ မပြောဖြစ်တဲ့စကားလုံးတွေနဲ့ မျက်ရည်စက်တွေ ရှိတယ်။ ကြည်နူးရိပ်သန်းတဲ့ လမ်းခွဲတွေ ယောင်မှားလို့များ မြင်ဖူးလုိ့လား။ ဒီလမ်းခွဲလေးကိုပဲကြည့်… အလွမ်းတွေ တနင့်တပိုးနဲ့။
    ကျွန်မ မရောက်ဖြစ်တဲ့ ဒီလမ်းခွဲလေးဟာ ကျွန်မ မဟုတ်တဲ့သူတွေနဲ့ အမြဲတမ်း စည်ကားနေလေ့ရှိတယ်။ ရာသီတွေပြောင်းသွားတဲ့အခါ ဒီလမ်းခွဲလေးက အပြင်အဆင်တွေ၊ ဖြတ်သွားဖြတ်လာ လုပ်သူတွေ ပြောင်းသွားပေမယ့် သူ ခင်းကျင်းပြသထားတဲ့ အလွမ်းတွေက နေရာမလပ် ရှိနေဆဲပဲ။ ဒီလမ်းခွဲလေးကို ရောက်လာသူတိုင်းက အဲဒီအလွမ်းတွေကို ကိုယ်ချင်းစာကြ၊ ဂရုဏာသက်ကြ၊ ခံစားနားလည်ရကြောင်း ထုတ်ဖော်ပြောနေကြချိန်မှာ ကျွန်မက အဝေးကနေပဲ မထုံတက်တေး ငေးကြည့်နေမိတယ်။ အပေါင်းပါတွေနဲ့ ရယ်မောပျော်ရွှင်နေတဲ့ သူ့အလွမ်းတွေဟာ မစစ်မှန်ဘူးလို့ ကျွန်မတွေးတယ်။ ကျွန်မရပ်နေရာအရပ်ကို တစ်ချက်တောင် လှည့်မကြည့်တာကို ကျွန်မအံ့သြတယ်။ နောက် ကျွန်မကို အလိုမရှိတဲ့နေရာမှာ ကျွန်မ ရှိနေဖို့ မလိုဘူးလို့လဲ ကိုယ့်ကိုကိုယ် သတိထပ်ပေးလိုက်တယ်။ အဲဒီလိုနဲ့ပဲ မပြောဖြစ်ခဲ့တဲ့ စကားလုံးတွေကို ဒီလမ်းခွဲလေးက အလွမ်းတွေကြား ထိုးဝှက်ပြီး လှည့်ထွက်ခဲ့လိုက်တယ်။
~~~~~~~~~~~~~~~~~~~~~~~~~~~~~~~~
    ဒီနေရာဟာ မြေနီလမ်းလေး၂ခု ဆုံတဲ့နေရာပါလို့ ကဗျာဆရာလေးက တဖွဖွပြောတယ်။ ကောင်မလေးကတော့ ခေါင်းတခါခါနဲ့ မြေနီလမ်းလေး၂ခုက ဒီနေရာကနေ ခွဲထွက်သွားတာလဲ ဖြစ်နိုင်တာပဲလို့ ငြင်းတယ်။ မြေနီလမ်းလေးတွေပေါ် အခေါက်ခေါက် အခါခါ ပြန်လိုက်သွားလိုက်နဲ့ လမ်းဆုံတစ်ခုဟာ လမ်းခွဲတစ်ခုလဲ ဖြစ်နိုင်တယ်ဆိုတာ အလွမ်းကိုယ်စီနဲ့ သူတို့နှစ်ယောက် သတိမထားမိကြဘူး။ အဲဒီလိုနဲ့ပဲ အခုအချိန်ထိ ကျွန်တော်ဟာ ကိုယ့်ကိုကိုယ် လမ်းဆုံတစ်ခုလား လမ်းခွဲတစ်ခုလားဆိုတာကို ဝေခွဲမရဖြစ်နေဆဲပေါ့။

Tuesday, August 31st 12:28 am
@ Rego Park, NY
 
ခေါင်းစဉ်ကို ချစ်သုဝေရဲ့ “လမ်းနဲ့အလွမ်း”သီချင်းခေါင်းစဉ်နဲ့ ကိုက်ညီနေတဲ့အတွက် ယူသုံးထားပါတယ်။
 

 

In: စကားပြေ Posted By: Date: Sep 1, 2010
Comment #1

(: (: တကယ်ကောင်းတယ်….
(:

commentinfo By: ဖြိုးဖြိုး at Sep 1, 2010

Leave Comments

Name*

Email*
Website
Email me whenever there is new comment