တယ်လီဖုန်းမြည်သံတွေ…..အဆက်မပြတ်..
(လက်ခံမယ့်သူမရှိ)
စောင်းကြိုးပြတ်တဲ့အသံတွေလွင် …
တောင်စဉ်တွေအထပ်ထပ်ခြားခဲ့ပြီလား…

မေးထူးခေါ်ပြောတောင်လုပ်လို့မရတဲ့ကမ္ဘာ
အသံတွေကိုဆာလောင်မွတ်သိပ်လာတယ်
ဆက်သွယ်မှုဧရိယာရဲ့ပြင်ပမှာ
စာပို့သမားတွေလည်းမရှိကြဘူး။

စိတ်တွေကိုပို့လွှတ်လိုက်တဲ့အခါ
ပြန်လင်းတန်းတွေပျောက်ဆုံးလာခဲ့
လမ်းခုလပ်က နတ်ဆိုးများရဲ့ပွဲသဘင်မှာ
ပျော်ရွှင်စွာပျောက်ဆုံးခဲ့ကြပြီလား
စိတ်ကိုစိတ်ကခြားနေတယ်။

အဲဒီ ကမ္ဘာပတ်လမ်းက နဂါးကြီးကို
အိပ်မွေ့ချထားလိုက်စမ်းပါ ….မှော်ဆရာ
တစ်ခါတစ်ခါ ..သူအကြောဆန့်လိုက်တိုင်း
စိတ်ရဲ့အပိုင်းအစတွေဂျွမ်းထိုးမှောက်ခုန်
မရဏဗုံသံတွေသာ မြည်ဟည်းကျန်ခဲ့
ကမ္ဘာအထပ်ထပ်ခြားသွားခဲ့ရပြီ။

တရားနဲ့သာဖြေလိုက်ကြပါတော့
တိမ်မီးခိုးတွေကတော့လွင့်ပါးသွားခဲ့ကြပြီ
စိတ်နဲ့ဖမ်းယူရှိုက်သွင်းပစ်လိုက်ရင်း
ငါ့ တစ်ကိုယ်စာလက်ယက်တွင်းထဲမှာ
အနက်ရောင်တွေရွာချလာခဲ့တယ်။
မနော်ဟရီ

/* Credit:: အစ်မ မနော်ဟရီ*/