လှည့်ဖျားတတ်တဲ့ရူပါရုံတွေနဲ့
အလှည့်စားခံချင်လွန်းလို့
တဆတ်ဆတ်တုန်ခါနေသူပါ။
ငါဆိုတဲ့ကောင်ကတော့
မအိပ်စက်ဘဲလည်း
အိပ်မက်တွေ အမြဲတမ်းမက်နေတတ်သူပါ။
နောက်တစ်ကြိမ် ကဗျာရေးတဲ့အခါ
ကမ္ဘာကြီးဆိုတဲ့စကားလုံးမပါဖို့
အကြိမ်ကြိမ်ငါဆုံးဖြတ်ခဲ့
အဲဒီဆုံးဖြတ်ချက် တစ်သက်လုံးငါတည်ဖို့ရာ
ငါ့ကိုယ်ငါဆုံးဖြတ်နိုင်ပါ့မလား။
ကမ္ဘာကြီး။
တစ်နေ့တစ်ကြိမ်
ငါ့ဦးခေါင်းပေါ် ဖြတ်ဖြတ်သွားတဲ့
နေမင်းကြီးလည်း နေ့တိုင်းပဲ လုံးလုံးဝိုင်းဝိုင်း။
ဒီလိုနဲ့
ငါမလိုချင်တာတွေငါပြန်ပြန်ရ
ငါထွေးပြီးသားတွေ ငါပြန်ပြန်မျိုချ
သုံးမရပေမယ့် လွှင့်မပစ်ရက်နိုင်တဲ့
ငါ့ဘဝကြီးကို ငါ ပြန်ပြီးတွယ်ငြိခဲ့ရပေါ့။
မေ့ပစ်လိုက်မိဝင်းရေ။
ဒီလိုနဲ့
ကွန်ဆာဗေးတစ်ဖြစ်လိုက်၊လစ်ဘရယ်ဖြစ်လိုက်
ရိုမန်တစ်ဖြစ်လိုက်၊အိပ်ဇစ်ဖြစ်လိုက်
မော်ဒန်နစ်မဖြစ်သေးတာတစ်ခုပဲ
အသည်းနာစရာပါကွယ်။
ငါမလိုချင်တာတွေပဲ ငါရပြီး
ငါလိုချင်တာ ဘာတစ်ခုမှမရခဲ့တဲ့
ကမ္ဘာကြီးရေ
အရက်ဆိုင်တွေမရှိတဲ့ ညနေခင်းဆိုတာ
ကျေးငှက်သာရကာတွေမရှိတဲ့
တောအုပ်တစ်အုပ်လိုပါပဲ။
သင်္ဘောမှောက်တဲ့ မိုးကောင်းကင်
ပင်လယ်အတုနဲ့လူမှုရေးအနုပညာ
အဟောင်းတွေကို ပြောင်းပြန်လှန်ထားတဲ့
မော်ဒန်အတုကို ငါမလိုချင်ခဲ့ဘူး။
ဟောဒီရင်ဘတ်ကိုစမ်းကြည့်လိုက်စမ်း
ခုန်နေတဲ့နှလုံးသွေးဟာ
မင်းကလေးတစ်ယောက်တည်းအတွက်ပါကွယ်။
ဒါ .. ဝူဒီအယ်လင်ရဲ့ပြက်လုံးမဟုတ်ဘူး။
ဆိုကရေးတီးဆန်တဲ့
အလွမ်းပြဇာတ်တစ်ပုဒ်လည်းမဟုတ်ဘူးကွဲ့
သားရေဖုံးပြီး
ရွှေစာလုံးနဲ့ကမ္ဗည်းထိုးရမယ့်
ပိုင်စိုးဝေပါ။
မေ့ပစ်လိုက်မိဝင်းရေ
မြက်ခင်းကသာ
နွားအုပ်ကိုရွေးချယ်ခွင့်ရှိသတဲ့။
ကိုယ့်အိတ်ကပ်ထဲ တစ်ပြားတစ်ချပ်မှမပါခဲ့ရင်
လမ်းပေါ်ကလည်း တစ်ပြားတစ်ချပ်မှ
ကောက်မတွေ့တတ်ဘူး။
ကံကြမ္မာဆိုတာ သည်လိုပဲ မျှားယူရသပေါ့။
အခုတော့ ငါဟာ
မရင့်ကျက်သေးတဲ့ ဖခင်အိုတစ်ဦး
ဖြစ်ခဲ့ပါပြီ။
မင့်နှလုံးသားဆီ အရောက်လာဖို့ရာ
အတောင်ပံမပါတာကလွဲရင်
အားလုံးထံ ငါပျံဝဲနိုင်ရဲ့။
အသည်းကွဲဖူးတဲ့ငှက်တွေသာ
ပျံသန်းခွင့်ရှိတဲ့ မိုးကောင်းကင်မှာ
ထင်ရာကိုငါစိုင်းခဲ့ပေါ့။ ။

ပိုင်စိုးဝေ
(ဟန်သစ်မဂ္ဂဇင်း၊ ဇန်နဝါရီ ၁၉၉၆)