ညဥ့်ဦးရဲ့ ကဗျာသံစဉ်

ဪ ဒီညမှာတော့
ဝမ်းနည်းခြင်း ကဗျာတစ်ပုဒ်
ဒါကို ကိုယ်ရေးနိုင်မှာပါ။

ရေးမည်…..
” တာရာတွေစုံနေတဲ့ ည
ဒီညရဲ့ ကောင်းကင်ပြာက ကြယ်ပွင့်လေးတွေ
သူတို့ကြားက ဝေးကွာခြင်းရဲ့ တုန်လှုပ်ခြင်း”
ဒါမျိုးတွေကို ရေးမည်။

ညဥ့်ဦးရဲ့ လေရူးကတော့ ဝေဟင်မှာ ဝေ့ဝဲပြီး
သူ့သံစဉ်တွေကိုတော့ သီဆိုဦးမည်ပေါ့။

ဪ ဒီညမှာတော့ ဝမ်းနည်းခြင်း ကဗျာတစ်ပုဒ်
ဒါကို ကိုယ်ရေးနိုင်မှာပါ။

တစ်ချိန်…
ကိုယ် သူ့ကိုမြတ်နိုးခဲ့မိခြင်း
သူလည်း တစ်ခါမှာတော့ ကိုယ့်ကို မြတ်နိုးမိခဲ့ပါ့။

ဒီလိုညမျိုးရဲ့ အဆုံးမရှိတဲ့ကောင်းကင်တွေအောက်မှာ
သူ့ရဲ့ထွေးပွေ့ခြင်းနဲ့ ကြင်နာခြင်းတွေ
အို……. သူ့ရင်ခွင်ထဲက အကြိမ်ပေါင်းများစွာ။

ကိုယ် သူ့ကိုမြတ်နိုးခဲ့မိခြင်း
သူလည်း တစ်ခါမှာတော့ ကိုယ့်ကို မြတ်နိုးမိခဲ့ပါ့။

ဘယ်လိုကြောင့်…
သူ့လှပနေသေးတဲ့ မျက်ဝန်းတစ်စုံကိုတော့
ဪ ဘာကြောင့်များ မချစ်ခဲ့မိပါလိမ့်။

ဪ… ဒီညမှာတော့ ဝမ်းနည်းခြင်း ကဗျာတစ်ပုဒ်
ဒါကို ကိုယ်ရေးနိုင်မှာပါ။

စဉ်းစားရင်း…..
သူ့ကို ကိုယ်မပိုင်ဆိုင်ခြင်းတွေ
ခံစားလျက်…..
ကိုယ် သူ့ကိုဆုံးရှုံးခဲ့ရခြင်း။

ကျယ်ပြောလှတဲ့ည
သူ့ကွယ်ရာမှာ ပိုပြီးကျယ်ပြောခဲ့ပြီလော။

ညမှာ မြက်တို့ရဲ့ စိုစွတ်လာခြင်းလို
ငါ့ဝိညဉ်မှာလည်း ကဗျာရဲ့ ပေါက်ဖွားခြင်းတွေ။

အို ဒါတွေပါပဲ….

ဟိုးအဝေးက တစ်စုံတစ်ယောက်ရဲ့ သံစဉ်တွေ
အဝေး ဟိုးအဝေး
ဪ… သူမရှိတော့တဲ့ ငါ့ဝိညဉ်
ပျောက်ဆုံးခဲ့ပါပြီလား။

အနီးကို ဆောင်ကျဉ်းလာနိုင်သလို
ဪ ငါ့မျက်လုံးရဲ့ ရှာဖွေခြင်းတွေ
ငါ့နှလုံးသားရဲ့ ရှာဖွေမှု
သူ့ကို မတွေ့ရတော့ပါတကား။

တူညီတဲ့ သစ်ပင်တွေကို
ဖြော့တော့စေခဲ့တဲ့ တူညီတဲ့ညတွေလို
ငါတို့,
ဟိုတစ်ချိန်က ငါတို့
ဘယ်တော့မှ မတူညီနိုင်တော့ပါလား။

ရပ်တန့်သွားပြီလား…
သူ့ကို မြတ်နိုးခြင်းတွေ
မှန်ကောင်းမှန်နိုင်ပေမဲ့
တစ်ချိန်က သူ့ကို မြတ်နိုးခဲ့ခြင်းတွေ
ဪ…. အခုတော့
ကိုယ့်ရဲ့ အသံကို သူများ ကြားနိုင်သေးရဲ့။

တစ်စုံတစ်ယောက်ရဲ့…..
တစ်ချိန်က သူဟာ
ငါ့ရဲ့ စိတ်ကူးယဉ် အနမ်းတွေမှာ
ပိုင်ဆိုင်ခဲ့ဖူးသလိုမျိုး…….

အခု သူဟာ တစ်ဆုံတစ်ယောက်ရဲ့
သူ့ရဲ့ အသံလေးတွေ
သူ့ရဲ့ကိုယ်
သူ့ရဲ့ အဆုံးအစမရှိတဲ့ မျက်ဝန်းတွေ
အို…. အခုတော့ တစ်စုံတစ်ယောက်ရဲ့။

ချစ်ခြင်းရယ်
ရပ်တန့်သွားပြီလား။
ဪ ချစ်နေပါသေးရဲ့။

တိုတောင်းလွန်းပါရဲ့….
ချစ်ခြင်းတရားက တိုတောင်းပါရဲ့
ကြာရှည်သည်ကသာ မမေ့နိုင်ခြင်း။

တမ်းတမိရင်း……
ဒီလိုညတွေမှာ
သူ့ရဲ့ ထွေးပွေ့ခြင်းတွေကို
တမ်းတမိရင်း,
ဪ သူမရှိတော့တဲ့ ငါ့ဝိညဉ်
ပျောက်ဆုံးခဲ့ပါပြီကော။

နာကျဉ်ရခြင်း
သူ့ကြောင့်နောက်ဆုံးနာကျဉ်ရခြင်းနဲ့
သူ့အတွက် နောက်ဆုံးသော ကဗျာတစ်ပုဒ်
ဪ….. ဖြစ်ကောင်းပါရဲ့။

မောင်ပိုင် (ဘာသာပြန်)

မူရင်းကဗျာ “Pablo Neruda” ၏ “Saddest Poem”
Original Poem: http://www.poemhunter.com/poem/saddest-poem/