အို…ကမ္ဘာမြေ…
ဟန်ဆောင်ခြင်းတွေ ထည်လဲသုံးပြီး
သင်လည်းပဲ ရိုးသားစွာကောက်ကျစ်တတ်နေပြီ
ရိုးရိုးလေးပါပဲ။  
တစ်ချိန်က…
ဒန်တွေဝယ်တယ် ၊ ကြီး (ကြေး) တွေဝယ်တယ်
ဖြူစင်ခြင်းရဲ့ ဂုဏ်သိက္ခာတရား
ဘော်တယ်ကုလားဆီ လဲလှယ်လို့ ရရင်
ကျုပ်လည်း ထုတ်မသုံးဖြစ်ချင်တော့တဲ့
ရိုးသားခြင်းများ ဥပေက္ခာပြု ချောင်ထိုးထားချင်တယ် ။
အို…ကမ္ဘာမြေ…
သင်ကောင်းချင်ရင် ကောင်းတယ်
သင်ဆိုးချင်ရင် ဆိုးတယ်
နွေ ၊ မိုး ၊ ဆောင်း
အမျိုးမျိုးပြောင်းလဲ
သင်ကြိုးဆွဲတဲ့ ပြောင်းလဲခြင်းသစ္စာ
ကျုပ်လည်း မရူးယုံတမယ် ချာလည်လှည့်ပတ်
ချစ်တယ် ၊ မုန်းတတ် ပြောင်းလဲ တတ်ချင်တယ် ။
အို…ကမ္ဘာမြေ…
စုတ်ချက်တွေနဲ့  လှည့်စား
သင်ရေးဆွဲ တဲ့ ခွဲခွါခြင်း ပန်းချီကား
အရမ်း တဖက်သတ်ဆန်တယ်
ကြိုးမဲ့ ချည်နှောင်ခြင်း အတတ်
 သူမ တတ်မြောက်ခဲ့လေသလား
သစ္စာမဲ့ခြင်းဇာတ် အဆုံးမသတ်ခင်
ခြေဖျားထောက်ပြီးလှည့်ထွက်
ဝေးရာသို့ ထွက်ပြေး
ကျုပ် တစ်ယောက်တည်း
တိတ်တိတ်လေး အော် နေမိတယ်