လက်ခံနိုင်တဲ့ပမာဏထက်မကျော်လွန်ဘဲ အခွင့်အရေးရရင် ရသလိုကြီးကြီးမားမား မှားချင်နေတဲ့ဗီဇ ။

ကြည့်ပါလား . . . . . . အစကတည်းက ဒေါင်ကျကျပြားကျကျ ထောင့်မကျိုးဖြစ်နေတာ ။

သူ့ပုံစံကြည့်ရတာ တစ်ကိုယ်ကောင်းတောင် တစ်ယောက်တည်း ဆန်ချင်ပုံမရတော့ဘူး ။

ဘယ်သူခွဲခွာချင်မလဲကွာ ။

ချစ်သူရဲ့ဆံနွယ်တစ်ချောင်းစာ မိုးမမြင်လေမမြင် ။ အလင်းတစ်စက် . . . ။ အဲဒီတွယ်ငြိမှုက တစ်စဆွဲထုတ်

မိတာနဲ့ သံသရာမဆုံး ။ ဘယ်နှဘဝစာ ကြိုတင်ရှုံးစာရင်း ပေးလိုက်ရမလဲ ။ ဘီလူးဆိုင်းအောက် ရင်ခုန်သံ ။

စိတ်နာလွန်းလို့ “ကျွန်” နဲ့တူတာဆိုရင် ကြမ်းပေါက် “ကျွံ”တောင် မကြားချင်ဘူး ။ နွံထဲ ခြေဆုံးခေါင်းဆုံး ။

တွေး . . . . . . ။        ။   အဲဒီလောက်ကြီး ရက်စက်နေတာ ပျင်းစရာမကောင်းဘူးလား (မသိဘူး) ။

ငေး . . . . . . . ။        ။  ဓားနာတစ်လက်လို မည်းမည်းမြင်ရာ ထိုးစိုက်မိတော့မယ် ။

ဆွေး . . . . . . ။         ။  ထွက်ပြေးလည်း မလွတ်နိုင် ။

စိတ်ဘေးသင့်ပြည်သူတစ်ယောက် ။ ခြစ်ဖို့ပြင်ရုံနဲ့ ထတောက်ပေးရ ။ ပြင်းလွန်းတော့ အခါးသက်သက်

မြိုမချနိုင် ။ ဘာကြောင့်ေ –ာက်စကား များနေတာလဲ ။ ဒါ ကလေးကစားစရာမဟုတ် ။ လောကဓံစားဖို့

လူကြီးတစ်ယောက် ကဗျာချက်နေတာ ။

ရိုးသားကြောင်အ . . . ။ ရယ်စရာရှိရင် အော်ရယ် ။ မကျေနပ်တာရှိရင် ကတ်ကတ်လန် ရန်တွေ့ ။ အသက်ကို

မှန်မှန်ရှု ၊ စိတ်ကိုအေးအေးထား ။ သူ့လက်ကို ကျွန်တော် မကိုင်ရဲဘူး ။ သူ့ပါးကို ကျွန်တော် မနမ်းရဲဘူး ။

တစ်ယောက်တည်း ညလုံးပေါက် စကားထိုင်ပြောနေမိတယ် ။

                                                                                                            ကိုသျှား