သောကြာနေ့ ညနေတွေဟာ…
လွမ်းလို့ အကောင်းဆုံး နာရီတွေလို့ ဆိုပေမဲ့….
ဆောင်းမရှိတဲ့ ကျွန်းကလေးမှာ….
သောကြာနေ့ဆိုတာလဲ ရှိမနေဖူး…

သောကနဲ့ ပွင့်ဝေနေတဲ့…
လမ်းကလေးအတိုင်း ပြန်လာခဲ့တယ်…
ဖြေဖျောက်စရာ ဘာမှလဲမရှိနေဖူး…

ရှိနေတာက အိမ်အပြန်…
နှလုံးသားနဲ့ နမ်းမရတဲ့…
သူစိမ်းဆန်ဆန် အိမ်သားတွေရဲ့…
မိသားစု တပ်ဆင်မထားတဲ့ အိမ်ကလေးရယ်…

ကျောင်းကပြန်လာတဲ့ ချာတိတ်ကလေးလိုပေ့ါ…
လွယ်အိတ်ကလေး ပစ်ချပြီး…
ဆွဲငင်အားတွေအားလုံး…
အကြောတွေ ပြတ်ထွက်သွားလောက်အောင် ပျော်ဖို့…
ကစားကွင်းကလေးလဲ ရှိမနေဖူး…

အသက်ရှိတော့ စဉ်းစားတယ်…
မငြိမ်းချမ်းဘူး…
ပြတင်းပေါက်က ၀င်လာတဲ့…
လရောင်ကလည်း…
ငါ့ကို မငြှိမ်းသတ်နိုင်ဖူး…

သစ်ကိုင်းပေါ်ပွင့်နေတဲ့ ကျီးကန်းနဲ့…
မနက်ခင်းက တင်ဆက်တယ်…
အိမ်တန်းပြန်ငှက်ကလေးတွေရဲ့…
အသံစာစာကလေးတွေလဲ ရှိမနေပြန်ဖူး…

အရသာမရှိဖူး ချစ်သူ…
မျက်လုံးကန်းသွားအောင်လှလဲ…
အဲ့ဒါကို အဓိပ္ပါယ်ဖွင့်ဆိုဖို့…
သော့က ငါ့မှာမရှိနေပြန်ဖူး…

စိတ်ကောက်သွားတဲ့ ချစ်သူကို ချော့ဖို့…
ညနေခင်း အေးအေးလေးနဲ့ လုပ်ထားတဲ့…
သီချင်း ချိုချိုကလေးလည်း ရှိမနေပါဖူး…

အရာရာကို စိတ္တဇဆန်တဲ့ နင့်အတွက် မပြောနဲ့…
ငါဆိုတဲ့ ငါ့အတွက်တောင်…
ဘာဆို ဘားမှကို မရှိနေပါဖူး…………