အလျှံညီးညီးလောင်ကျွမ်းမှ

ထွန်းလင်းရမယ်တဲ့လား

နွေကောင်းကင်မြူတွေဆိုင်း

ထိုတချိန်က…ငါလည်း

ကြယ်တလုံးဖြစ်ခဲ့ဖူးပါရဲ့ ။

တိမ်လွှာကောက်ကြောင်းတွေရဲ့ နောက်

အမှီမလိုက်နိုင်ခဲ့ လို့

ကောင်းကင်ထောင့်တနေရာမှာ

ငိုကြွေး …

ဒီလိုနဲ့ … ထိုင်နေလိုက်တာ

ရောင်စဉ်တွေခမ်းခြောက်တဲ့အထိ … ။

ဖျစ်ညှစ်တောင့်ခံထားတဲ့

လက်တစုံ … မဖြူစင်နိုင်ခဲ့ဘူး

လမိုင်းမကပ်တဲ့အတိတ်ခါးခါးထဲမှာ

အဆိပ်ကိုမှရွေးသောက်မိတာကိုး

အိမ်မက်တွေကိုကျောသပ်

တဆစ်ဆစ်ထုံကျင်နေတဲ့

နှုတ်ခမ်းအစုံနဲ့ ဖွဖွလေး နမ်းလိုက်တယ်

…ကောင်ကင်ယဉ်ကျေးမှု

အလွမ်းကင်းကင်းထွန်းကားနိုင်ပါစေ ။

မနက်ခင်းနဲ့ငါ့အသက်ရှူသံအကြား

ဘယ်သူခလုတ်ပိတ်လိုက်တယ်မသိဘူး

အံလွဲမှုတွေတလဟောစီးဆင်း

ဘ၀က …

ပုံသေနည်းတအားဆန်တယ် ။

နီယွန်ညတွေအလုအယက်

ပြေးလွှားကျော်တက်

အလင်းတန်းအတောင်တွေဖြန့်လို့

အားကောင်းမောင်းသန်မာန်တ၀င့်ဝင့်

သွားနှင့်ကြကွယ်

ခမ်းခမ်းနားနားကျရှုံးချင်တဲ့

ဟော့ဒီငနဲ ဘယ်သူ့ကိုမှ

တံခါးဖွင့်မကြိုဆိုချင်သေးသမျှ

ကိုယ့်စာမျက်နှာတွေ ကိုယ်ရေးနေရဦးမယ်

(တတ်သလောက်မှတ်သလောက်)

ထိုင်နေကျခုံဟောင်းလေးပေါ်မှာ ။

လင်္ကာမချောရင်နေပါစေ

မုသားမသုံးချင်တော့ဘူး

အလျှံညီးညီးလောင်ကျွမ်းမှ

ထွန်းလင်းရမယ်မှန်း(စောစောကတည်းက)သိခဲ့ရင်

မီးသီးတောင်မဖြစ်ချင်ခဲ့ဘူး ။                 ။