“…………. သလိုလို ”

ကပိုကရို စကားလုံးရိုးရိုး

ကျွန်တော်တို့ ခေါက်ရိုးကျိုး သုံးစွဲ

တဖြည်းဖြည်း …….

ဦးနှောက်တွေ မွဲလာတယ်

မှန်မကြည့်ရဲတဲ့ စိတ်က

ဘာလင်တံတိုင်းကို မဖြိုဖျက်ဖြစ်သေးဘူး

မေ့နေတယ်ဆိုတာ တကယ်မသိလို့ပါ

ကိုယ့်ဖဲကိုယ်ချိုးပြီး

စိတ်ကို စိတ်နဲ့ ခိုးဖူးတယ်

အရိပ်ကို မိုးစိုစေခဲ့ဖူးတယ်

အိပ်စက်ခြင်းနဲ့ မျက်နှာခြင်းဆိုင်မှ

ညီမျှခြင်းကို ကြက်ခြေခတ်

တတ်သလိုလို မတတ်သလိုလို

ဟုတ်သလိုလို မဟုတ်သလိုလို

ရှိသလိုလို မရှိသလိုလို

သိသလိုလို မသိသလိုလို

ယောင်ဝါးဝါးနဲ့ အလင်းတွေ ညိုခဲ့

အခုတော့ ကျွန်တော်လည်း ဒီကဗျာကို

ရေးသလိုလို မရေးသလိုလို ………..

ချီရွန် ( ပုလဲ )