အစမှာ . . . ငါက

ပန်းတိုင်ဆီ လှေကားထောင်ပြီးတက်ခဲ့တာပေါ့

ဘဝတံခါးကိုဆွဲဖွင့် ယုံကြည်ရာကိုရွက်လွှင့်ပြီး

ဘယ်အရာကိုမဆို ခေါင်းနဲ့တိုက်ဖို့ဝန်မလေးတဲ့စိတ်ဓာတ်တွေနဲ့

လောကဓံဟာ ပင်လယ်ဆိုရင် ငါကရွက်လွှင့်နေတဲ့ လှေငယ်တစ်စင်း

လိုချင်တာကိုရဖို့ ရတာကိုမယူခဲ့တဲ့ ငါ့အတွက်

ကံကြမ္မာကို ပခုံးပုတ်ပြီး အတင်အချလုပ်ခဲ့တဲ့ဟောဒီ့ဆိပ်ကမ်းမှာ

ဘဝကထူသားပေသားကျခဲ့တယ်

အစမှာ . . . အဲဒီပင်လယ်ကို

နှုတ်မဆက်ခဲ့မိရင်လဲ ကောင်းသား

လက်ပြမိကာမှ လှိုင်းလုံးတွေကကြီးလွန်းနေခဲ့

အော်ညည်းသံတွေက ဆူညံလွန်းနေခဲ့

ရိုက်ပုတ်သံတွေက ထူထဲလွန်းနေခဲ့

ဒီလိုနဲ့လှိုင်းလုံးတွေက သက္ကရာဇ်တွေကိုတိုက်စား

တဖန်သက္ကရာဇ်တွေက ငါ့ကိုတိုက်စား

တစ်စုံတစ်ယောက်ကို တစ်စုံတစ်ခုကတိုက်စားရင်း

ကြယ်လေးတွေလဲ အိမ်ပြန်လမ်းပျောက်ဆုံး

လမင်းကြီးလဲ ကောင်းကင်ပျောက်ဆုံး

ငှက်ကလေးတွေလည်း အိပ်တန်းပျောက်ဆုံး

ငါလဲ ဆိပ်ကမ်းပျောက်ဆုံး

(မာနတရားကိုကျောပိုးရင်း)

တဖြည်းဖြည်းနဲ့ . . .

လောကဓံဆိုတဲ့ငနဲကို

ခပ်တည်တည်ကြည့်တက်လာပြီ

နတ်သမီး