ညက နက်သထက် နက်လာတော့
အမှောင်ဟာ ခွေးတစ်ကောင်လို ရုတ်တရက် ထမာန်ဖီတယ်
တိတ်ဆိတ်ခြင်းတွေ ငါ့နားထဲ တ၀ုန်းဝုန်း ကျယ်လောင်လာခဲ့
အံတင်းတင်းကြိတ်စုံလုံးမှိတ်ထားတဲ့မျက်စိထဲ
အိပ်မပျော်နိုင်တဲ့အဖြစ်ဟာ အနိဋ္ဌာရုံတစ်ခုလို သွေးပျက်ဖွယ်
တချက်ချက်အော်ဟစ်ခြောက်လှန့်နေတဲ့စက္ကန့်တံအရွေ့က
တစ္ဆေတစ်ကောင်ရဲ့ထက်ရှတဲ့လက်သည်းရှည်တွေလား
ကိုယ့်နှလုံးခုန်သံ ကိုယ်ပြန်ကြောက်နေမိတဲ့ညပေါ့
တ၀ီဝီနှောင့်ယှက်နေတဲ့ယင်တစ်ကောင်ကိုတောင်
လက်နက်ချလိုက်ရတဲ့ညပေါ့
တစ်ကိုယ်လုံး ဖျင်ချခံထားရသလို လှုပ်မရတဲ့အခါ
လှုပ်လို့ရတဲ့စိတ်က အတိတ်သေတွေကို အသက်ပြန်သွင်းတယ်
အနာဂတ်ကို မှော်သွင်းအသက်နှုတ်တယ်
ဒဏ်ရာရသားရဲတစ်ကောင်က သူ့ဒဏ်ရာသူ ပြန်ရန်မူသလိုမျိုး
ဇောချွေးတွေပေကျံစေးကပ်နေတဲ့ငါ့ခန္ဓာဟာ လိပ်ပြာလွင့်မတတ် ခြောက်ခြား
ကိုယ့်အသည်းနှလုံးကတောင် ကိုယ့်ကို ငြင်းပယ်နေခဲ့တဲ့ငါ့အဖြစ်
အသက်ဓာတ်က မီးညှိထားတဲ့စီးကရက်လို တငွေ့ငွေ့လှိုက်လောင်လာခဲ့ပြီ

                                                                                   ကိုသျှား