မီးစာတစ်ဖက်

ရေမှုတ်တစ်ဖက်နဲ့

ကောင်းကင်က

လူရိုသေ ရှင်ရိုသေ နံနက်ခင်းကို

ဖန်ဆင်းပြီးတဲ့နောက်

ညအတွက် အလုပ်ရှုပ်နေပြန်တယ် ။

ခပ်ပဲ့ပဲ့

စစ်တုရင်ခုံပေါ်

ရေလို လောင်းချ ပုံသွင်းခံထားရတဲ့

ကလေးမလေးခမျာ

နဂါးတွေ ၊ ကျားတွေ ၊ ဖားတွေကြား

ထိတ်လန့် ငိုရှိုက်နေရှာလေရဲ့ ။

(မကြာခင် မှောင်တော့မှာကိုး)

ဆီကုန်ခါနီး ဒို့ မီးခြစ်ဟာ

ဆေးပေါ့လိပ်တို အတွက် သက်သက်

ဒါ ကို

ငါ . . .   လက်မခံဘူး ။

မိုးမချုပ်ခင်လေး

ကြိုးစားခြစ်ကြည့်ရအောင်လားကွယ် . . .

တစ်ခါတစ်လေတော့လည်း

အလင်းတိုင် တစ်တိုင်အတွက်

မီးတောက်တစ်ခု ဖြစ်ကောင်းပါရဲ့။     ။

(ကလေးမရဲ့ ရယ်သံတစ်ချက် ဒီတစ်သက်တော့ ကြားချင်သေးတယ်)