ထားခဲ့ရမယ့် အရာဆိုတာ

သိရက်နဲ့

အဲ့ဒီ … လက်ကျန်

အတ္တခပ်ပါးပါးလေးက

ရစ်လို့ ငင်လို့

တွယ်တာလို့ ကောင်းတုန်း

စွန့်ပစ်သင့်တယ်ဆိုတာ သိပေမဲ့ …

ဆက်လက်ဝတ်ဆင်ထားချင်သေးတဲ့

ကိုယ်နဲ့မသင့်တော်တဲ့

အင်္ကျီတစ်ထည်နဲ့တူတဲ့…

အဲဒီအချစ်က

အစိမ်းရောင်ဘာသာဗေဒနဲ့

ရက်လုပ်ထားတယ် ..

(သိပြီးသားပါပဲ)

နံရံတဖက်ခြားမှာတော့

ကွဲလွင့်ကြေမွနေတဲ့

လက်ကျန် အနမ်းတွေနဲ့ …

တိတ်တဆိတ် လုပ်ကြံခံလိုက်ရတဲ့

အဖြူရောင်ရက်စွဲ တချို့ ..

နတ်ဘုရားတွေ သတ်မှတ်ထားတဲ့

အလိုရမ္မက်မပါတဲ့

ကဗ္ဗည်းသက်သက်စာတန်းတချို့က

အဝါရောင်ဖျော့ဖျော့ ..

စိတ်လိုလက်ရ ပြုစုထားတဲ့

အချစ်အကြွင်းအကျန် တချို့နဲ့

အချိန်တစ်ခုကိုမျှားရင်း …

ရှေ့ခြေတစ်ခါလှမ်းတိုင်းမှာ

နောက်ခြေက သိသိသာသာ …

… ကျွံဝင်သွားတယ် …

နတ်သမီး