Professional Authors

အမေသို့ တမ်းခြင်း

အမေ့အိမ်က ထွက်ခဲ့တဲ့ သားက

အမှောင်ထဲမှာ

တ၀ဲဝဲလည်

ရွာနဲ့ဝေး ဆွေမျိုးတွေနဲ့ကွာ

တစ်ယောက်တည်းလျှောက်လာတဲ့

သက္ကရာဇ်ကို တွက်စစ်ကြည့်တော့

ဆယ်စုနှစ် သုံးခုတောင်

ကျော်ပြီပေါ့

ဆိုးလိုက်တဲ့အမေ့သား

အမှန်အမှားလဲ မကွဲ

အမေဆုံးမဲ့ နောက်ဆုံးနေ့နဲ့လဲ လွဲ

အဖေဆုံးတဲ့ နေ့နဲ့လွဲ

တစ်ယောက်တည်း ရှင်သန်ရင်း

အခုဆို အမေ့သားက

အချစ်အတွက်နဲ့ အသည်းတွေတောင်

ကွဲပြီးပေါ့

မြို့ပြ နိုင်ငံစုံ လူဂုဏ်တန်တွေကြားမှာ

မျှော်လင့်ချက်ပါးပါးကိုလေးကို

ခြုံထားတာကလွဲရင်

အမေသားလက်ထဲမှာ

ဘာမှမရှိတော့ဘူးအမေ

အမေ—-အမေ–အမေ

ဟိုတစ်ချိန်လို

အမေ့ထမီစလေးဆွဲပြီး နောက်ကလိုက်လို့ရရင်

ပြန်လိုက်ချင်သေးတယ်၊

 

 

In: ကဗျာ Posted By: Date: Sep 12, 2011
Comment #1

အမေ—-အမေ–အမေ

ဟိုတစ်ချိန်လို

အမေ့ထမီစလေးဆွဲပြီး နောက်ကလိုက်လို့ရရင်

ပြန်လိုက်ချင်သေးတယ်၊

Leave Comments

Name*

Email*
Website
Email me whenever there is new comment