နင်ကြေကွဲစေချင်တယ်ဆိုရင်….
ငါ…..ရင်နင့်စွာ ငိုပွဲဝင်မယ်
နင်သိနိုင်စေဖို့ ထည့်မတွက်
ကျန်ခဲ့ပါဆိုရင်….ငါ နေခဲ့ရုံပေါ့ဟာ…။

ဆွေးမိတယ်….တွေးမိတယ်….
ဝေးကွာခြင်းရဲ့နောက်ဆက်တွဲအတွက်
အကျိုးအပြစ်တွေ ရှိနေမယ်ဆိုတာလည်း….
နက်နဲစွာ နားလည်ပါတယ်….။

မလိုအပ်တော့တဲ့အခါ….
ရင်ခုန်သံတို့ မသက်ဆိုင်ခဲ့ကြောင်း
ဟိုး တစ်ခါကလည်း နင်…..ပြသခဲ့ဖူးပြီးသားပါ…။
ဒါတွေကို အမှတ်မဲ့
အခါခါယုံလွယ်မိတဲ့သူ….ငါ
အမှားတွေ ရှုံးနိမ့်ခြင်းတွေ သိမ်းပိုက်ထားမိတယ်….။

နင်မသိနိုင်တာလား….?
အတတ်နိုင်ဆုံး ချစ်ပေးခဲ့တဲ့ ငါ့ခံစားချက်တွေကို….။
နင်မှ နင် ……..ကြင်နာချင်ခဲ့လို့
လက်ဖ၀ါးနှစ်ခုရဲ့ အကွာအဝေးအောက်မှာလည်း
ကဗျာတွေ စာတွေ ဖွဲ့
“နေချင်တာ မင်းအနား” သီချင်း ဂစ်တာတီးရင်းညည်းရုံနဲ့
သတိရခြင်းတွေဖြေသာစေခဲ့တဲ့ လူတစ်ယောက်ဘ၀ ကို….။

အခြေအနေမပေးခဲ့လို့
နေထိုင်ရခြင်း ဟိုး အဝေးရောက်ခဲ့လည်း
နင်က ငါ့ရဲ့ ဘုရင်….
နင်ရှိနေတဲ့ နှလုံးသားနဲ့ အသက်ဆက်ခဲ့တယ်…
အနီးကပ် မပေးဆပ်နိုင်တာကလွဲ
နင့်တစ်ယောက်တည်းကိုပဲ
ငါ့ မျက်တောင် အဖွင့်အပိတ်တွေတိုင်း လွမ်းတယ်….။

အတိတ် အတိတ်က အရိပ်တွေနဲ့
အသက်ရှုသံတို့ ရပ်တန့်
ငါ …တကယ်ကို ပျောက်ကွယ်လိုက်ချင်ပြီ ချစ်သူရယ်….။
နင် မေ့ထားတယ် ဆိုတဲ့ အသိနဲ့
ငါ့ မနက်ဖြန်တွေ ရှေ့ဆက်ရမှာ အားငယ်တယ်…။

 ဘာတွေ ဆက်လုပ်သင့်လဲ….?
တစ်ယောက်တည်း မေးခွန်းတွေမေး
နွမ်းနယ်နေတဲ့ မျှော်လင့်ချက် ခပ်မှိန်မှိန်နဲ့
အနာဂတ်က လမ်းစပျောက်နေတယ်….။

ရင်မဆိုင်လိုတဲ့ မသိကျိုးကျွံပြုခံရခြင်းတွေအောက်
သစ္စာတရားတွေနဲ့ ငါ လုံးပါးပါးတော့မယ်…။

ဒီဝေဒနာတွေနဲ့ ရောထွေး
ငါ……….
ဘယ်အရာတွေနဲ့မှလည်း….မပြည်စုံပါရစေနဲ့
နင်ရှိမှ ……ရပ်တည်နိုင်မဲ့ငါ့အတွက်…
စာနာပေးခြင်းတို့ အနည်းငယ် စွန့်ကြဲ….
ရင်နာစရာ အဖြစ်ဆိုးတွေမှ
လွတ်မြောက်ခွင့်တွေ ပေးသနားလှည့်ပါ….။