လှုပ်ရှားနေသော ငြိမ်သက်ခြင်းများ

အိပ်မက်တွေလှပမှုမရှိဘူး
မိုးညမှာ ဂစ်တာအိုဟာငိုကြွေးနေရဲ့။
ကြယ်စင်တွေ ချပြတဲ့ အလင်းသံတွေ
တိမ်မိုက်တွေရဲ့ငိုချင်းတွေ
ဧပရယ်ဟာမရှုမလှကျဆုံးလို့။
ကံအကြောင်းမလှခဲ့ တဲ့ ရာသီဟောင်း။

ဓါးဒဏ်ရာက နောက်ကျောကနေ ရင်ဘတ်ထိစူးလို့။
ဒင်္ဂါးကိုဒေါင်ဘက်က လောင်းကြေးထပ်မိတယ်။
သွေးတစိမ့်စိမ့် နဲ့ အစိမ်းချုပ်ရိုးတွေက တစစ်စစ်မြည်နေလည်း
ဝေဒနာကိုကျေနပ်နေမိတယ် ။

တစ်ရာသီလုံးမျက်ရည်စတွေနဲ့
ကော်ဖီခွက်ထဲကျိန်စာတွေပါတယ်။
မှုတ်ထုတ်လိုက်တဲ့ မီးခိုးတွေကြားမှာ အတ်ိတ်တွေက
ခိုကပ်မြဲခိုကပ် ။ ခြောက်လှန့်နေတယ်။

ပြန်မကောက်နိုင်တဲ့ အတ္တနဲ့မာနကမိုးရေထဲစီးဆင်းလို့။
ဆယ့်နှစ်လရာသီမှာ ဂျူလိုင်က ငိုချင်းတွေဖွဲ့တယ်။
ရစ်သမ်မမှန်တဲ့ မိုးသံတွေ
နှလုံးခုန်သံနဲ့ရောပါနေတဲ့ မျက်ရည်စတွေ
သွေးသားတွေဟာ မည်းညစ်နေတယ်။
ထစ်ချုန်းနေတဲ့ကောင်းကင်နဲ့
ရက်စက်တဲ့လေပြေ အောက်မှာ
ဖယောင်းတိုင်ရဲ့ မနက်ဖြန်ရှိဦးမှာလား.။

တစ္ဆေခြောက်နေပေမယ့် ကမ္မ၀ါ မဖတ်ရက်ဘူး။
ဝင်သက်ထွက်သက်တိုင်းမှာ ဝေဒနာမကင်းနဲ့နာမည်တစ်ခု။
နှလုံးသွေးကြောတွေထဲ ငါးရှဥ့်တိုးတိုးလို့။
ကောင်းကင်မော့ကြည့်တိုင်း သူမမျက်နှာကလှောင်ပြုံးတွေပြုံးလို့
စိတ်ပြောင်းကိုယ်ခွာ အတတ်ကိုကျင့်ခဲ့တယ်
ခုမှပြန်ဖြည်မရတော့ဘူး။

ကြယ်စင်တွေကို အပြစ်တင်၊အင်းလျားကိုအပြစ်တင်။
သေနတ်ပစ်ရာ ရင်ဘတ်လျှိုမိတာ ဘယ်ဘုရားမှမကယ်နိုင်ဘူး။
အရှေ့အရပ်ကို နေပြန်မ၀င်ဘူး။

ဦးနှောက်ရဲ့အရေးအကြောင်းထဲမှာ သူမရဲ့ပုံရိပ်တွေသာပြေးလွှား
သွေးပေါက်ပေါက်ကျနေပါစေ ဒီငါးမျှားချိတ်ကိုဆွဲဖြုတ်ချင်ပေမယ့်
မြုံးထဲရောက်နေပြီမို့ ချော်လဲရောထိုင်။

မိုးညဂီတတွေဟာ စိတ်ကိုမလန်းဆန်းစေတာအမှန်ပဲ။
တစ်ဘ၀လုံးစာပါပဲ ယုန်တစ်ကောင်ကို အလှမွေးဖို့ကြံစည်ခဲ့တဲ့ကျား။
ယုံကြည်မှုကို အံစာတုံးပေါ်တင်လိုက်ရင် ရလဒ်က ဂဏန်းကောင်းမကျနိုင်ဘူး။
ကျွန်တော့် ရှေ့မှာမှောက်ထားတာ ဖြစ်ဖဲတွေမဟုတ်ဘူး.။
နွေခေါင်ခေါင်မှာ မိုးတွေရွာလို့ ဦးနှောက်ကို မိုးကြိုးမှန်သွားတယ်။
၂၃.၅ ကမ္ဘာ မှာ တစ်ယောက်တည်းတည့်မတ်စွာရပ်မိတယ်။
ကိန်းဂဏန်းတိုင်းဟာလူကိုခြောက်လှန့်နေသလိုပဲ။

နူးညံ့တဲ့လက်တစ်စုံက နှလုံးသားကိုခြေ မွှသွားလိုက်မယ်လို့
ဘယ်တုန်းကမှမထင်ခဲ့မိဘူး ။ စုတ်ပြတ်သွားတယ်။
ဖုန်မထလောက်ဘူးထင်ပေမယ့် စကြာဝဠာတစ်ခုလုံးတုန်ခါသွားတယ်။
ရွှေသားမင်းရောက်ရင် လျှပ်စစ်ကုလားထိုင်ပေါ်ထိုင်ရသလိုမျိုး။
နာကျင်တယ် ဆေးရှိတယ် မသောက်ချင်ဘူး။
ကျင်းနက်နက်ထဲက ဗိုင်းရပ်တစ်ကောင်သေသွားမှာကိုစိုးတယ်။
စကားလုံးတွေနဲ့ အလူးလဲကာကွယ်လို့။

ပတ်သက်သမျှအရာအားလုံးကို အခါခါရစ်ကြည့်နေမိတယ်။
နှုတ်ခမ်းဖျားက စုပ်မြိုမိတဲ့ အဆိပ်တွေ နွေကနေ မိုးကူးတဲ့အထိ ။
အိပ်မက်ဆိုးတွေမက်တုန်း။

မူပိုင်စိတ်ကူးတွေက
တစ်ယူသန်လမ်းစဉ်တွေလျှောက်တယ်။
အော်လိုက်ချင်တယ် တိမ်တွေပါကြွေကျသွားမလား။
ပိုက်ဆံအိပ်ကိုဖွင့်လိုက်ရင် သူမရဲ့ဆံနွယ်တွေကမျက်နှာကိုလာပတ်တယ်။

ကြိုးတပ်ပြီးလေထဲလွှတ်လိုက်တယ် ပြန်အဆွဲမှာ လေတံခွန်တစ်ခုဆုံးရှုံးသွားတယ်။
ကုဋေတစ်သန်းအတွက်နဲ့ နယ်ရုပ်တစ်ရုပ်ကို ဖက်တွယ်နေဖို့မတန်ဘူးလေ။
သူမရဲ့လက်ထဲ ဂျိုကာတွေချည်း။
ပထမဆုံးစင်ပေါ်အတက်မှာပဲ အလဲထိုးခံရတဲ့ ဒုတိယမြောက်ပြိုင်ဘက်။
ကြတ်ခြေခတ်ဖို့နှစ်ယောက်တည်းမလုံလောက်တဲ့အခါ
သူမက ဇာတ်ညွှန်းထဲ ဗီလိန်နှစ်ယောက်ထပ်ထည့်တယ်။

ပလတ်စတစ်အိတ်ထဲကငါးလို တ၀ုန်းဝုန်းရုန်းကန်နေတဲ့မျက်ရည်များ
သိက္ခာ က ဆန္ဒကိုမလှန်နိုင်ကျရှုံးသွာတယ်။
ကျွန်တော်မပါလို့ သူမရဲ့ဓာတ်ပုံလေးဟာ တစ်နိုင်တစ်ပိုင်လှနေတယ်။
ဖြူစင်မှုအတွက် ဒီလမ်းကိုတစ်ယောက်တည်းဆက်လျှောက်မယ်။
ဂျူလိုင်ရဲ့မိုးစက်တွေ ပါးကိုဘယ်ပြန်ညာပြန်ရိုက်လို့.။

စိုစေချင်လို့ ထီးကိုစွန့်တယ်။
စိတ်ဓာတ်တွေ ကန္တာရလို။
ညဘက်မှာကြယ်တွေကြွေတယ်၊ဆုတောင်းတယ်၊
နာရီတွေကပေါက်ကွဲနေတယ်။
၂၀ ဆိုတဲ့ကိန်းဂဏန်းကိုမုန်းတီးချင်သလို ။ မမုန်းနိုင်ဘူး။
ချောက်ကမ်းပါးပေါ်မီးခြစ်ဆံတစ်ချောင်းနဲ့စေလွှတ်ခဲ့တယ်။
ရှင်သန်လျက်နဲ့ပဲသေဆုံးနေတယ်။
သေဆုံးလျက်နဲ့ပဲ လျှောက်လှမ်းနေတယ်။
လျှောက်လှမ်းရင်းနဲ့ပဲ လွမ်းနေတယ်
လွမ်းရင်းနဲ့ပဲ ရှင်သန်နေတယ်။

အမှတ်တရတွေ ဗီရိုထဲမှာခုချိန်ထိ သိမ်းထားဆဲ။
တံခါးဖွင့်တိုင်း အလွမ်းတွေခုန်ထွက်လာတယ်။
ဝေဒနာတွေသံသရာအထိ အလံပါဖို့
ကော်ဖီခွက်ထဲမှာ ကျိန်စာတွေပါတယ်။

အောင်ကို
28/7/2011
*ခေါင်းစဉ်မှာ ဝေမှူးသွင်၏ ကျွန်တော်၏ချစ်သောချောကလက်ပုံပြင်မှဖြစ်သည်။