“တံတားလေးတစင်း………………… ..ခင်းရအောင်”(အပိုင်းတစ်)

တစ်ရက်အလုပ်ကိစ္စရှိတာနဲ့ “ကိုမြသွေး” တို့ ရုံးကို ရောက်သွားပါတယ်။ ဖြစ်ချင်တော့ ကျွန်တော်ရောက်တဲ့အချိန်“ကိုမြသွေး” က အပြင်ကို ထွက်သွားတ်ာနဲ့ကြုံနေပါတယ်။ သူ့ရုံးကလေးတွေက ကျွန်တော့်ကို သူထိုင်တဲ့စားပွဲနားမှာဘဲနေရာပေးပြီးစောင့်ခိုင်းထားပါတယ်။ ကျွန်တော်ထိုင်နေတုန်းမှာဘဲ သူ့စားပွဲပေါ်က ဖုံးနှစ်လုံးက တစ်လုံးပြီးတစ်လုံးထ ထမြည်ပါတယ်။ “ အမိန့်ရှိပါရှင်-ဦးမြသွေးအပြင်ခဏသွားပါတယ်ရှင့် “ “ xxxxxxxxxxxxxxxxx “ “ ပစ္စည်းလိုချင်ရင် မှာထားခဲ့လို့ရပါတယ်ရှင့် “ “ xxxxxxxxxxxxxxxxx “ “ ပြန်လာရင်ဘယ်သူဆက်တယ်လို့ပြောလိုက်ရမှာလဲရှင့် “ “ xxxxxxxxxxxxxxxxx “ “ ပြန်လာရင်ပြောလိုက်ပါ့မယ်ရှင် “ ခဏနေတော့ သူ့ဟန်းဖုန်းလေးက မြည်လာပြန်ပါတယ်။ “ မဟုတ်ပါဘူးရှင့် ဆရာအပြင်ခဏသွားပါတယ်ရှင့် “ “ xxxxxxxxxxxxxxxxx “ “ဆရာ့ ဟန်းဖုန်းက ရုံးမှာကျန်ခဲ့ပါတယ်ရှင့်“ “ xxxxxxxxxxxxxxxxx “ “ အများဈေးဆိုရင် 34000ကအနည်းဆုံးပါရှင့် “ “ xxxxxxxxxxxxxxxxx “ “ ဆရာနဲ့မှ ဆိုရင်လဲရပါတယ်ရှင့် ကျမပြောတဲ့ဈေးက လက်ကားဈေးပါရှင့် “ “ xxxxxxxxxxxxxxxxx “ “ ကောင်းပါပြီရှင့် “ ကျွန်တော်ထိုင်စောင့်နေတဲ့ နာရီဝက်လောက်အတွင်း ဖုန်းက အကြိမ်ပေါင်းများစွာမြည်ပါတယ်။ ဖုန်းမြည်လိုက်တယ်ဆိုတာနဲ့ ဟိုဘက်က ဘာပြောတယ်တော့ မသိဘူး။ ဒီဘက်ကနေပြန်ဖြေတဲ့အသံကတော့ တစ်ပုံစံတည်းပါဘဲ။ ကျွန်တော့်အထင် အားလုံးက ကိုမြသွေးနဲ့ပြောမှဘဲ အရောင်းအ၀ယ်ဖြစ်မယ့်ပုံစံပါဘဲ။ “ကိုမြသွေး” တို့က စက်သုံးဆီတွေရောင်းလက်လီလက်ကားရောင်းတဲ့ ကုမ္ပဏီ ဖြစ်ပါတယ်။ “ကိုမြသွေး” က လဲ ဒီမှာလုပ်နေတာ ဆယ်ငါးနှစ်ကျော်ကျော်လောက်ရှိပြီဆိုတော့ လုပ်သက် အတော်ရင့်ပြီလို့လဲပြောလို့ရပါတယ်။ ဒီမှာထိုင်စောင့်နေရင်း စိတ်ထဲမှခံစားလာရတာကတော့ “ကိုမြသွေး” မရှိရင် ကိစ္စမပြီးဘူးဆိုတာကိုပါဘဲ။ နောက်ဆယ့်ငါးမိနစ်လောက်နေတော့“ကိုမြသွေး” ပြန်ရောက်လာပါတယ်။ ရောက်တယ်ဆိုတာနဲ့ သူအပြင်သွားနေတုန်း ၀င်လာသမျှဖုန်းတွေကို ပြန်ဆက်ပြီး လုပ်စရာရှိတာတွေ ကိုပြီးပြတ်အောင်လုပ်ပြီး ပြီဆိုမှာ ကျနော်နဲ့စကားပြောဖြစ်ပါတယ်။ သူနဲ့အလုပ်ကိစ္စတွေပြောလို့ ပြီးပြတ်သွားတဲ့အခါနေ့လည်ထမင်းစားချိန်ရောက်နေပါပြီ။ အဲဒါနဲ့ ဘဲ သူတို့ရုံးနားလေးက ‘ပုံ ‘စားရတဲ့ထမင်းဆိုင်လေးကိုနှစ်ယောက်သားချီတက်ခဲ့ကြပါတယ်။ ထမင်းဆိုင်ရောက်တော့ ကျွန်တော်က“ ခင်ဗျားအပြင်သွားတုန်းရုံးမှာက ဖုန်းတဂွမ်ဂွမ်နဲ့ဗျာ။ ဖုန်းဆက်တဲ့သူတိုင်းကလဲ ခင်ဗျားမရှိဘူးဆိုတာနဲ့ ကျန်တဲ့သူတွေနဲ့အလုပ်မလုပ်ဘူး။ နောက်မှပြန်ခေါ်မယ်ဆိုတဲ့လူတွေချည်းဘဲ။ခင်ဗျားနဲ့ဝယ်မှ ဈေးလျှော့ပေးတာတို့ အကြွေးဝယ်လို့ရတာတို့ ဆိုတာတွေကို ကန့်သတ်ထားပေးတာလား”လို့မေးလိုက်တော့။ “ကိုမြသွေး” က “ မဟုတ်ဘူး ကိုပေါက်ရ ကျနော်နဲ့ဝယ်လဲ ဒီဈေးဘဲ ၊သူတို့နဲ့ဝယ်လဲဒီဈေးဘဲ၊ ဈေးနူန်းကဘယ်လောက်ယူရင် ဘယ်ဈေးဆိုတာအတိအကျသတ်မှတ်ထားပြီးသားလေ၊ ၀ယ်ပြီးတာနဲ့ဘယ်ရက်မှာငွေချေရမယ်ဆိုတာလဲ သတ်မှတ်ထားပြီးသားပါ။ “ “ဒါဆိုရင်………………… “ “ကိုပေါက်ရာ အရှင်းဆုံးပြောရရင်တော့ ကျန်တဲ့လူတွေကဖောက်သည်နဲ့သူတို့ကြားမှာ “ယုံကြည်မူ့”ဆိုတဲ့ တံတားလေးခင်းမထားကြလို့ပါ“ “တော်တော်များများက ဖောက်သည်က ဘာဖြစ်ချင်တယ် ဘယ်လိုလုပ်ပေးစေချင်တယ်ဆိုတာထက် ကိုယ့်ဘက်က အသာစီးရအောင် အဆင်ပြေအောင်ဘဲ အမြဲစဉ်းစားလို့ ဆုံးဖြတ်ချက်တွေချပြီး ဟိုလိုမရဘူး ဒီလိုမရဘူးဆိုပြီး ငြင်းပယ်ပြီး လုပ်ကြတာများတယ်၊ အဲတော့ ကိုယ့်ဘက်ကတော့ အဆင်ပြေ ကုန်သည်ဘက်က အဆင်မပြေဖြစ်ကုန်ရော။ ကျွန်တော်ကတော့သူ့ဘက်ကိုယ့်ဘက် ကို မျှအောင်စဉ်းစားပြီး ကိုယ့်ကို ပိုင်ရှင်ကပေးထားတဲ့ဘောင်အတွင်းဝင်အောင်လုပ်ပေးလိုက်တော့ သူ့တို့ လဲအဆင်ပြေ စိတ်လဲကျေနပ်ပေါ့ဗျာ။ ဒီတော့လဲ တစ်ခါထဲကိစ္စပြတ်အောင်လုပ်ပေးတဲ့ ကျွန်တော်နဲ့ဘဲစကားပြောချင်ကြတော့တာပေါ့။ “ အဲတော့မှ သူပြောတာမှန်တယ်ဆိုတာက်ိုလက်ခံလိုက်ရပါတယ်။ ဘာလို့လဲဆိုတော့ ကျွန်တော်ကိုယ်တိုင်တောင်”စက်သုံးဆီ”၀ယ်ဘို့လာတာ “ကိုမြသွေး” ကို ထိုင်စောင့်နေလို့ပါဘဲ။ နောက်တော့မှ “ကိုမြသွေး” ကဆက်ပြောပါတယ်။ “ကိုပေါက်ရေ ဖောက်သည်ဆိုတာက ဘယ်သူဖြစ်ဖြစ် သူတို့ကိုဦးစားပေးခံချင်တာ သဘာဝဘဲဗျ။ဘာမဆို “မရဘူး၊မဖြစ်နိုင်ဘူး”ဆိုတာကိုတုံးတိကြီးပြောမယ့်အစား အကျုိးနဲ့အကြောင်းနဲ့ သေသေချာချာလေးရှင်းပြတာ ခံယူချင်တဲ့သူချည်းပါဘဲ။ ကိုယ့်ကို လဲဒီလိုလုပ်ပေးရင်ကျေနပ်တာပါဘဲ။ နောက်ကိုယ်ကရောင်းလိုက်တာဘဲဖြစ်ဖြစ် ၀ယ်တာဘဲဖြစ်ဖြစ် ကိုယ့်ဘက်က လဲ ထိုက်သင့်တဲ့တာဝန်ယူမူ့ကတော့ ရှိသင့်တယ်လို့ ယုံကြည်ပါတယ်။ တော်တော်များများကရောင်းတာ ၀ယ်တာကို ပါးစပ်လေးနဲ့ပြောပြီးသွားတယ်ဆိုရင် တာဝန်ကျေပြီလို့ ထင်ထားကြတာလေ။ရောင်းပြီး တဲ့အခါ ကိုယ်လုပ်ပေးရမှာတွေက အများကြီးရယ်” လို့ပြောပါတယ်။ သူပြောတဲ့ “ယုံကြည်မူ့” ဆိုတာလေးကို ကောင်းကောင်းအသုံးချသွားတဲ့ လူငယ်လေးတစ်ယောက်ကိုသတိရမိပါတယ်။ သူကတော့ ကျွန်တော့် သူငယ်ချင်းရဲ့ညီလေးပါ။ “စိုးလွင်ဌေး”လို့ခေါ်ပါတယ်။သူ့အလုပ်က ပွဲစားပါ။ သူကျောင်းသားဘ၀ကတည်းက နိုင်ငံခြားကလာတဲ့ တစ်ပါတ်ရစ်ပစ္စည်းတွေကို အရောင်းအ၀ယ်လုပ်ပါတယ်။ အရင်တုံးက တံခါးပိတ်ဝါဒ ကျင့်သုံးတဲ့အချိန်ဆိုတော့ ခုခေတ်လို လွယ်လွယ်ကူကူဝယ်လို့ရတဲ့ခေတ်မဟုတ်ပါဘူး။ နိုင်ငံခြားဖြစ်ပစ္စည်းဆိုတာ ရှားပါးပစ္စည်းထဲမှာပါ ပါတယ်။ သင်္ဘောသားတို့၊ပညာတော်သင်သွားတဲ့လူတွေ အားကစားသမားတွေ လို့အပြန်မှာသယ်လာမှ နိုင်ငံခြားနဲ့ အဆက်အသွယ်ရှိတဲ့သူတွေ၊ဆီကို ဟိုနိုင်ငံက ပို့ပေးလိုက်မှ ရနိုင်တဲ့ပစ္စည်းလေးတွေပါ။ အဲဒီအချိန်တုံးက ကက်ဆက်တို့ စပီကာတို့၊အမ်ပလီဖိုင်ယာတို့ ၊အီကွေလိုက်ဇာတို့ဆိုတဲ့ သီချင်းနဲ့ပါတ်သက် တဲ့ စက်ပစ္စည်းလိုချင်တယ်ဆိုရင်လဲ တစ်ပါတ်ရစ်ကောင်းကောင်းလေးတွေဘဲရှာသုံးရပါတယ်။ သူကတော့ အဲလိုပစ္စည်းလေးတွေကို အရောင်းအ၀ယ်လုပ်ပါတယ်။ သူဆီက၀ယ်လိုက်တယ်ဆိုရင် သူကအစအဆုံးကူညီလို့ပေးပါတယ်။ သူက သူ့ဆီက၀ယ်ထားတဲ့ပစ္စည်းဖွင့်လို့ ပြုလို့မရဘူးဆိုရင်လဲ နားလည်တဲ့သူဆီကိုပို့ပြီးပြင်ပေးပါတယ်။ မလိုချင်တော့လို့ပြန်ရောင်းမယ်ဆိုရင်လဲ ပြန်ရောင်းပေးပါတယ်။ သူဆီက၀ယ်ထားတာမဟုတ်ပေမယ့်လဲ မလိုချင်တော့ ဘူး ပြန်ရောင်းချင်တယ် အလဲအထပ်လုပ်ချင်တယ်ဆိုရင်လဲ အဆင်ပြေအောင်ရှာကြံလို့လုပ်ပေးပါတယ်။ သူက ဘယ်နေရာမဆိုရကောင်းစေရယ်လို့သဘော မထားဘဲကူညီပေးတတ်တော့ သူမှာမတောင်းဘဲလဲရနေပါတယ်။ ဒီတော့လဲ လူငယ်ပိုင်းရောလူကြီးပိုင်းရော တစ်ခုခုရောင်းချင်ဝယ်ချင်ရင် “ကိုစိုး” “ မောင်စိုး“ကိုဘဲသတိရလိုက်ကြပါတယ်။ သူလူကြီးပိုင်းရောက်လာတော့လဲ ပွဲစား အဖြစ်နဲ့အောင်မြင်လာပါတယ်။ အိမ၊်မြေကွက်၊ငှားမလား ရောင်းမလား ၀ယ်မလား လာခဲ့! ဖုန်းဝယ်ချင်သလား ငှားချင်သလား ပြန်ရောင်းချင်သလား အဆင်ပြေစေရမယ်! ကားဝယ်ချင်သလား အလဲအထပ်လုပ်ချင်သလား အိုကေစေရမယ်! သူနဲ့ဆက်စပ်ပါတ်သက်သူမှန်သမျကလဲ “ကိုစိုး” လုပ်ပေးတယ်ဆိုတာနဲ့ စိတ်ချပြီးသား ယုံကြည်ပြီးသား။ ယုံကြည်မူဆို့တဲ့ တံတားအစင်းပေါင်းများစွာခင်းထားသူလိုပြောမယ်ဆိုရင်မမှားဘူးထင်ပါတယ်။ ကျနော်တို့ငယ်သူငယ်ချင်းတစ်ယောက်ရှိပါတယ်။ ပိုက်ဆံလဲချမ်းသာ၊ရုပ်လဲဖြောင့်၊ပညာလဲတတ်၊ဥာဏ်လဲကောင်းဆိုတဲ့ သူငယ်ချင်းတစ်ယောက်ရှိခဲ့ဘူးပါတယ်။ သူငယ်ချင်းတွေစားကြသောက်ကြ သွားကြလာကြမယ်ဆိုရင်လဲ သူက အကုန်အကျခံရမှကျေနပ်တဲ့သူပါ။ ကျနော်တို့သူငယ်ချင်းတွေက သူနဲ့အလုပ်ကိစ္စတွဲလုပ်ဘို့ဆိုရင် အားလုံးက လက်ရှောင်ကြပါတယ်။ ဘာလို့လဲဆိုတော့သူနဲ့ပေါင်းပြီးအလုပ်လုပ်သူမှန်သမျှဟာ သူနဲ့မြန်မြန်ကွဲရင်ကွဲ မကွဲရင် မွဲသွားတာများပါတယ်။ ဘာလို့လဲတော့ မမေးပါနဲ့တော့ ဒီလောက်ဆိုသဘောပေါက်………………………………..။ သူငယ်ချင်းတွေအလုပ်ကိစ္စပြောနေဆိုနေတုန်းသူဝင်လာတာတွေ့ရင် အရေးကြီးတာတွေအကုန်ရပ်ဘဲ။ တော်ကြာငါလဲပါမယ်ပြီး ပြောလာမှာကိုကြောက်ကြလွန်းလို့ပါ။
(ဆက်လက်ဖော်ပြပါမည်)
ကိုပေါက်လက်ဆောင် အတွေးပါးပါးလေး(နေရေးထိုင်ရေး ဘ၀အရေး)www.kopaukmdy.info