ကျွန်မရဲ့ ဘ၀တစ်လျှောက် တစ်ကြိမ်တစ်ခါမှ မတွေ့ကြုံဘူးတဲ့ တွေ့ကြုံမှုတစ်ခုကို တွေ့ကြုံခဲ့ပါတယ်။ ဒါဟာ ဘာလဲဆိုတော့ ဗုဒ္ဓဘာသာမှာတော့ တစ်ခါဖူးမှ မကြားဖူးပါဘူး။ တရုတ်အခေါ်ဆိုရင်တော့ တစ္ဆေကြီးပွဲ ပုံစံမျိုးပေါ့။ တူ မတူတော့ မသိပါဘူး။ နှစ်စဉ်ကျင်းပခြင်းလည်း မရှိခဲ့ပါဘူး။ ပြောရရင် ‘ဒီလို အလှူဒါနမျိုးကို ခုမှသာ မြင်ရကြုံရခဲ့ရခြင်း ဖြစ်ပါတယ်။ ရွှေတိဂုံဘုရားအသင်းမှာ တစ်ပတ်တစ်ခါဆိုသလို တံမြက်စည်းလှဲ၊ သန့်ရှင်းရေးလုပ်၊ ဘုရားပန်းလဲ ဆိုသလို သွားရောက်ကုသိုလ်လုပ်ဖြစ်ခဲ့ပါတယ်။ ထူးထူး ခြားခြား ပြီးခဲ့တဲ့နှစ် လွတ်လပ်ရေးနေ့မှာ ရွှေတိဂုံဘုရားသန့်ရှင်းရေး အသင်းက ကြီးမှူးပြီး မကျွတ်မလွတ် သေးတဲ့ နာနာဘာဝတွေကို အစာသွားကျွေးမယ်လို့ ပြောပါတယ်။ မနောလည်း တစ်ခါမှ မကြားဖူး၊ မမြင်ဖူးလို့ သွားကြည့်ချင်တာလည်းပါတယ်လေ။ ‘ဒါကြောင့် လိုက်သွားခဲ့ပါတယ်။ ညနေဘက် ၅ နာရီ လောက် ရွှေတိဂုံဘုရားကနေ ကားထွက်မယ်။ ရေဝေးမှာ အစာ သွားကျွေးမှာတဲ့ လိုက်ရဲတဲ့သူမှ လိုက်ခဲ့လို့ ဘုရားဂေါပက လူကြီးကတော့ ပြောပါတယ်။ ဒါနဲ့ ကျွန်မလည်း သူငယ်ချင်းကို အဖော်ခေါ်ပြီး လိုက်သွားခဲ့ပါတယ်။ ပြီးတော့ ဒီလိုပွဲဟာ တစ်ခါမှ မကျင်းပဖူးဘူးတဲ့။ လိုက်တဲ့ သူတွေကလည်း လိုက်ရဲလို့ လိုက်တာ ဟုတ်ပုံမရပါဘူး။ မမြင်ဖူးလို့ ကြည့်ချင်တဲ့သူက များမယ် ထင်ပါတယ်။
ညနေ ၅ နာရီဆိုပေမဲ့ လူစုံမှ ကားထွက်တော့ ၅ နာရီခွဲသွားပါတယ်။ ဒါနဲ့ ကားက နှစ်စီးဆိုပါတော့ ပြီးတော့ ကျွေးမှာက ဒံပေါက်ဆိုပဲ။ ဟင်းနဲ့ သတ်သတ်လွတ်သီးစုံလည်း ပါတယ်။ ပင့်သံဃာက ၁၀ ပါး ပါပါတယ်။ ဘုန်းကြီးတွေကလည်း ဒီလိုပွဲကို တစ်ခါမှ မကြားဖူးဘူးတဲ့။ ဒါနဲ့ ရေဝေးရောက်တော့ ည ၇ နာရီထိုးနေပြီပေါ့။ အဲဒီမှာ သက်ပျောက်သပိတ်သွပ်တဲ့ခန်းမမှာ အလယ်ကနေ စည်းသဘောမျိုးနဲ့ ကြိုးတစ်ကြိုး တားပါတယ်။ ဘုန်းကြီး ၁၀ ပါးကတော့ ရှေ့မှာပေါ့။ ပြီးတော့ အဲဒီဝန်းကျင်မှာ စောင့်ရှောက်ကြတဲ့ ပုဂ္ဂိုလ်တွေလို့ပဲ ပြောရမှာပေါ့။ သူတို့ကိုလည်း ပင့်ဖိတ်နေတာကိုလည်း တွေ့ရတယ်။ မနောကတော့ လူတွေအတွက်လို့ ပြောထားတဲ့နေရာမှာ ထိုင်ပြီး လိုက်ကြည့်နေတာပေါ့။ စိတ်က အရမ်းအံ့သြဖို့ကောင်းတယ်နော်။ အဲဒီအချိန်ထိ ကြောက်လန့်တဲ့စိတ် မဖြစ်ပေါ်လာဘူး။ ပြီးတော့ အသင်းက ယောက်ျားလေးတွေက ဖယောင်းတိုင်တစ်တိုင် ကိုင်ပြီး၊ တစ်ယောက်က ကြေးစည်နဲ့ သုဿန်တွင်းမှာ ရှိတဲ့အုတ်ဂူတွေ ကြားတဲ့ တရားနာလာဖို့ သွားခေါ်တာကို တွေ့ရတယ်။ ပြီးတော့ စည်းတားထားတဲ့အထဲကိုဝင်ဖို့ ပြောတယ်။ ပြီးတော့ ဘုန်းကြီးတွေက တရားဟောတယ် ပြီးတာနဲ့ သုဿန်မှာ အစားတွေရယ်၊ ဖယောင်းတိုင်တွေရယ်၊ အမွှေးတိုင်တွေရယ် အစားတစ်ထုပ်မှာ တစ်တိုင်စီ ထွန်းရတယ်။ မနောက ဖယောင်းတိုင်လိုက်ထွန်းရတယ်။ အစာတွေချတဲ့အခါ တချို့နေရာတွေမှာ တူတောင်ပါသေး။ တူနဲ့မှ စားတတ်တဲ့နာနာဘာဝတွေလည်း ရှိတာပဲတဲ့။ ဒါနဲ့ မနောလည်း ဘယ်မှမကြည့်ဘဲ ဖယောင်းတိုင်လိုက်ထွန်းရော ဆိုပါတော့။ သွားရင်း သွားရင်းနဲ့ ရှေ့ဆုံးကို ရောက်မှန်းမသိ ရောက်နေတာကို သတိပြုမိပြီး ဘေးဘီကို ကြည့်လိုက်တော့ ရင်ခွဲရုံရဲ့ ဘေးချင်းကပ်ရက်နဲ့ တစ်ဖက်က အုတ်ဂူတွေနား ရောက်နေတယ်။ ဘေးမှာ ပါလာတဲ့ သူငယ်ချင်းက အမွှေးတိုင်ထွန်းနေတယ်။ မနောလည်း ဖယောင်းတိုင်ကို မီးအကူးမှာ လေကအဝေ့ ဖယောင်းတိုင်မီးက ငြိမ်းသွားရော ဒါနဲ့ မနောလည်း မကြောက်ဘူးဆိုပေမဲ့ စိတ်က နည်းနည်းချောက်ချားသွားတာပေါ့။ ဘေးက သူငယ်ချင်း ပခုံးကို လှမ်းကိုင်လိုက်တယ်။ ဟာ ဘာပြောကောင်းမလဲ ‘အဲဒီနေရာမှာတင် သူငယ်ချင်းက လန့်ပြီး ထအော်ပါတော့တယ်။ သူ အော်တော့ မနောလည်း အရမ်းကြောက်သွားတယ်။ ပတ်ဝန်းကျင်မှာက မှောင်မည်းနေတာကိုး။ နောက်က မိန်းမကြီးကလည်း ထပ်အော်ပြီး ပြေးပါလေရော။ လူတွေ ယောက်ယက်ခတ်ကုန်ရော။ ဘုရားဂေါပကလူကြီးတွေလည်း ဓာတ်မီးတွေနဲ့ ပြေးလာကြရော။ လူတွေ ပြောပါတယ်။ ဘာမှမဟုတ်ဘဲနဲ့လည်း စိတ်က ကြောက်နေကြတာလေ။ ဒါနဲ့ကျွေးပြီး မီးတွေ အကုန်ငြိမ်းတော့ ပြန်လာကြတော့တာပေါ့။ ပြန်ရောက်တော့အချိန်က ည ၉ နာရီထိုးနေပြီလေ။ ဒီလိုပွဲမျိုးကို ဒီတစ်ခါပဲ တွေ့ကြုံခဲ့ရပါတယ်။ ပြန်လာတော့ မှတ်သားစရာပါလာခဲ့ပါတယ်။ အတွေ့အကြုံသစ်တစ်ခုပေါ့လေ။ သြော်… သေခြင်းတရားဆိုတာ ဘယ်သူမှ မလွန်ဆန်နိုင်ပါလား။