မေမေ…..

မေ ကို ပေး မဖတ်ဘဲ ပီ မေမေ အကြောင်းရေး ချင်တယ်။ မေ ကို ပေးဖတ်ရင် မေရယ်မှာ စိုးလို့ပါ။

ပီ ငယ်ငယ်တုန်းက မေ ကသိပ် မဝ သေး ဘူး နော်။ မေ ကျောင်းကြို တိုင်း မေ လက်ကို ကိုင်ပြီး လမ်းလျှောက် ရာတာ ပီကိုပီ သိပ်ဂုဏ်ယူတယ်။ သူငယ်ချင်းတွေက လမ်းမှာ နှုတ်ဆက် ရင် ပီမျက်နှာလေး ကို ပင့်ပြီး မော်မော် ကြွားကြွား နှုတ်ဆက်တာ။ မေ က ဘေး နား မှာ ရှိနေတာ ကြွားစရာ တစ်ခုလို့ ထင်နေမိတယ်။ ပြန်တွေး ကြည့် ရင် ပီမျက်နှာ အလိုလိုပြုံးလာရော။

မေ ကျောင်းလာမကြို ရင် ပီက အိမ်ပြန်လာ ရင် စိတ်ကောက်ပြီး ထမင်းမစားတော့ဘူး။ အမြဲ စိတ် ကောက်တတ်တဲ့ ပီကို မေ တော်တော စိတ်ညစ် မှာ ပဲ နော်။ အင်း……. မေ က တစ်ခါမှလည်း ပီ ကြောင့် စိတ်ညစ်တယ် မပြောဘူး။ ဟွန်း….

ပီ ငယ်ငယ်တုန်း ကအကြောင်း မေ နဲ့ ဖေ နဲ့ ပြောပြော ပြီး ရယ်ကြရင် .. ပီလည်း ပျော်တယ်။ အ အိပ်ကြမ်း တော့ မိုးလင်းရင် ပီတို့ အိပ်ရာဘေး က ဘီရို ကြီး အောက် ရောက်ရောက်နေတာလေ၊ ပီနိုးမှ မေ တို့ က ဆွဲဆွဲ ထုတ်ရ တာ။ မေ က ကျောင်းကသူငယ်ချင်းတွေကို ပြောပြမယ်လို့ စ ရင် ပီက အာပြဲ ပြဲ နဲ့ငိုတာဘဲ။ ဖေ ကြားပြီး လာချော့အောင်လို့ လေ။ ပီ က ငယ်ငယ် နဲ့ ဥာဏ်ကောင်း တယ် နော် မေ့..

ကျောင်းနေပျော်ပြီး စာမတော်တဲ့ ပီက လက်ရေးတော့ လှပါတယ် မေ ရ။ ဆယ်တန်း အောင်စရင်း ထွက်တော့ ပီ ရိုးရိုး ဘဲအောင်တယ်။ ဒီ မပါ တော့ မေ က မျက်ရည်ဝဲ တယ်။ ပီ က ဒီ မပါတာ ဝမ်းမနည်းဘူး။ ပီကြောင့် မေ ခံစား ရတာ ကို မြင်ပြီး ငိုမိတယ်။ နောင်ဘယ်တော့ မှ ပီ ကြောင့် မေ စိတ်မညစ်စေ ရဘူး လို့ အဲဒီ့ အချိန်ထဲက ဆုံးဖြတ်ခဲ့တယ်။ ပီ လုပ်ချင်တာတွေ ကို အမြဲ လုပ်တိုင်း မေ စိတ်မညစ်ရ မဲ့ အရာ တွေဘဲ လုပ်တယ်။

uni တက်တော့ သူငယ်ချင်းတွေ လျှောက်သွား ရင် ပီလည်း လိုက်ချင်တယ်။ သူတို့ က ရုပ်ရုင်တွေ ကြည့်၊ ဓါတ်ပုံတွေ ရိုက်နဲ့ ၊ ကျောင်းမှာ အားရ ပါးရ ပြန်ပြော ကျ ရင် ပီ မလိုက်ရ လို့ မေကိုစိတ်မဆိုးဘူး။ ပီ ငယ်ငယ်လေး နဲ့ ရီစား ရ မှာ မေ စိုးရိမ်တယ်ဆို တာ စာ တွေဖတ်တဲ့ ပီက သိတာပေါ့။ ရယ်လည်း ရယ် ရ တယ်နော် မေ့၊ ပီ အသက် နှစ်ဆယ်ခြောက် ပြည့် တော့ မေ က သမီးငယ် ရည်းစားလေးဘာလေး ထားအုံး လို့ပြောတာလေ။ နောက်လေး လ လောက်ကြာတော့ ပီ online ရည်းစား ရ ရော။ မေ က ဖုန်း လာရင် စိတ်တွေ ပူပြီး ရည်းစားဆိုတာ အတည်ထား ရတယ်။ online ရည်းစား က မကောင်းဘူး ဆိုပြီး ဆူတယ်လေ။

မေ့ သမီးငယ်က စိတ်ကောက် လွန်းတော့ online ရည်းစား လေး က ပီ ကို သီချင်း တစ်ပုဒ်နဲ့ နုတ် ဆက်သွား ရော။ ည ည ငို နေတဲ့ ပီ ကို မေ က မသိချင်ယောင်ဆောင်ပြီး စကားတွေ ပြော၊ ပီ က အိပ် ချင်ယောင် ဆောင် ပြီး အသံမထွက်ဘဲနေ၊ အသဲ ကွဲ တာ တော်တော် ဆိုးတယ်နော့မေ လို့ ပြောရင် မေ က ငါ မှ အသဲ မကွဲ ဘူးတာ လို့ ဘုပြန်ပြောတယ်။

မေပြောပြော ပြတဲ့ လူတွေ နဲ့ ပီ တွေ ကြုံ ရ တဲ့ လူ တွေ က အ တူတူ ပါ ဘဲ မေ ရယ်။ ကောင်းသူ ဆိုးသူ ၊ ငွေကြေး လောဘ နဲ့ တရား မျှတ မှန်ကန်သူ လူ အမျိုးမျိုး ပါ ဘဲ လေ။

လောက ဓံ ကို ငိုတလှည့် ရယ်တလှည့် ရင်ဆိုင်နေတဲ့ ပီ ကို ကြည့် ပြီး မေ ရင်မော နေတုန်းပဲလား ။

မေ ရေး ပေး ခဲ့တဲ့ စာ တွေ ပီ ခုထိ သိမ်းးထား တုန်း ဘဲ။ မှော် ဘီ မှာ ပီ GTI တက်တော့ နောက်ဆုံး နှစ်မှာ အဆောင်နေ ချင်တယ် လို့ ပီပူဆာလို့ သုံးလ နေ ခဲ့ ရတယ်လေ၊ မေက သူငယ်ချင်း နဲ့ ဟင်းတွေထည့် ပေး တိုင်း စာ တွေ ရေးပေးတယ်။ အနွေးထည်ဝတ်အိပ်ဖို့၊ စာတွေ ဖတ်ပြီး စိတ်ကူး မယဉ်ဖို့၊ ညည စကား များတဲ့ မီးငယ် မရှိလို့ အိပ်မပျော် တာတွေ၊

ခုပြန်ဖတ်လည်း ခံစားချက်တွေက အသက်ဝင်နေတုန်း။ သောကြာနေ့တိုင်း အိမ်ပြန်လာပင်မဲ့ မတွေ့ ရတဲ့ ငါး ရက်ကို အမေ နဲ့ သမီး လွမ်း လို့ ကောင်းခဲ့တယ် နော်။

ပီ ရော၊ လက်ထပ်ခဲ့ ရင် ဘယ်လို့ နေ ရ မလဲ မသိဘူး။ မေ့ ထက် ချစ်လို့ ခွဲ သွား တာ တော့ မဟုတ်တာ သေချာတယ်။ သူများ တွေလို့ လောကသဘာဝ အရ ပေါ့ မေရယ်။ လောလောဆယ်ဆယ် တော့ မေမေ မောတဲ့ အပျို ကြီး ပေါ့၊ မေ ခံ နိုင် ရည် ရှိအောင်သာ ပီ ကပြော ပြော နေတာ ၊ ပီ အဖြစ်မရှိမှန်း မေ သိသားနဲ့။

ပြောရင်း နဲ့ မေကို လွမ်းလာပြီ။ မေ ကို ဖက်ပြီး အိပ်ရတာ အား ရှိတယ်။ ည တုန်း က မေ က ညည်း ခလေး မဟုတ်တော့ ဘူးလို့ ပြောသေးတယ်။ စိတ်ကောက်ဖို့ မေ့သွားလို့။ အိမ်ရောက်မှ မေ့ ကို ဂျီကျ ရ အုံး မယ်။