ကျွန်တော်တို့သည် မြန်မာလူမျိုးများဖြစ်သည့်အလျောက် ကိုယ်ပိုင်ယဉ်ကျေးမှုကိုမြတ်နိုးတွယ်တာထိန်းသိမ်းစောင့်ရှောက်လာခဲ့ပြီး သမိုင်းကြောင်းအစဉ်အလာလည်းလွန်စွာမှကြီးမားခဲ့ပါသည်။ သနားကြင်နာတတ်သော ရိုးသားသော ရိုင်းပင်းကူညီတတ်သော ပင်ကိုယ်ဓာတ်ခံကောင်းမွန်သောလူမျိုးများလည်းဖြစ်ပါသည်။ ထို့ပြင်မြန်မာလူမျိုးများနေထိုင်သောမြန်မာနိုင်ငံ သည်လည်း စိမ်းလန်းသောတောတောင်ပတ်ဝန်းကျင် လှပသောမြေနေရာအနေအထား သာယာသောရာသီဥတု မကုန်ခမ်းနိုင်သောသံယံဇာတများ စသည့်ကောင်းမွန်သော သဘာဝလက်ဆောင်မွန်များကို ရရှိပိုင်ဆိုင်ထားပါသည်။ ထို့ကြောင့်ပင်ကျွန်တော်တို့မြန်မာလူမျိုးများနှင့် မြန်မာနိုင်ငံကို ကမ္ဘာတစ်ဝှမ်းလုံးက အထူးပင် စိတ်ဝင်စားကြပါသည်။ ယခုအခါတွင်ကမ္ဘာတစ်ဝှမ်းလုံးကပို၍စိတ်ဝင်စားလာကြသည်မှာ ဒီဇင်ဘာလ (၁၁)ရက်နေ့တွင် မြန်မာနိုင်ငံမှ အိမ်ရှင်အဖြစ်    လက်ခံကျင်းပမည့် ၂၇ ကြိမ်မြောက် အရှေ့ တောင်အာရှအားကစားပြိုင်ပွဲ (SEA Games)ပင်ဖြစ်ပါသည်။ ဤပြိုင်ပွဲတွင် အရှေ့တောင်အာရှ နိုင်ငံများမှ အိမ်ရှင်နိုင်ငံဖြစ်သည့် မြန်မာနိုင်ငံသို့လာရောက်၍ အားကစားပြိုင်ပွဲမျိုးစုံကိုလာရောက် ယှဉ်ပြိုင်မည်ဖြစ်ပြီး ကမ္ဘာတစ်ဝှမ်းလုံးမှ ထိုပြိုင်ပွဲကိုစိတ်ဝင်စားနေကြသော ပရိသတ်များအပြင် ကျွန်တော်တို့နိုင်ငံ၏သဘာဝအလှတရားကိုစိတ်ဝင်စားနေကြသောနိုင်ငံခြားသားများလည်း မြန်မာနိုင်ငံသို့လာရောက်လည်ပတ်ကြည့်ရှုပေလိမ့်မည်။ ထိုအခါတွင် ကျွန်တော်တို့ကလည်း အိမ်ရှင်ပီသစွာဖြင့် နွေးထွေးပျူငှာစွာကြိုဆိုကြရပါမည်။ ထိုပြင် မိမိတို့နိုင်ငံဂုဏ်ဆောင်မည့်အားကစားသမားများကို ရွှေတံဆိပ်များစွာ ရယူပိုင်ဆိုင်နိုင်အောင် တစ်ခဲနက်ဝိုင်းဝန်း အားပေးကူညီကြရမည်။ ထိုသို့ အားပေးရာတွင်လည်း အားကစားသမားများကိုပုဂ္ဂိလ်စွဲ ဘာသာစွဲဖြင့် အားပေးခြင်းမျိုး (လုံးဝ) မပြုလုပ်ရန် အထူးပင်လိုအပ်ပါသည်။ ထို့ပြင်မိမိနိုင်ငံနှင့်လူမျိုး၏ ဂုဏ်သိက္ခာကို ထိခိုက် ညှိုးနွမ်းနိုင်မည့် အားပေးမှုမျိုးကိုလည်းရှောင်ရှားသင့်ပါသည်။ ထို့ အတူ ယဉ်ကျေးမှုနှင့်လျော်ညီစွာ အားပေးရန်လည်းလိုအပ်ပေသည်။ ကျွန်တော်တို့အားပေးမှုနှင့်အတူအားကစားသမားများသည်လည်း အပြင်းအထန် နေ့မအားညမနား နေပူမရှောင် မိုးရွာမရှောင် လေ့ကျင့်နေကြသည်မှာလည်း လွန်စွာမှကြည်နူး ဂုဏ်ယူဝမ်းမြောက်ဖွယ်ကောင်းပေသည်။ ထို့ကြောင့်ယခု ၂၇ ကြိမ်မြောက်အရှေ့တောင်အာရှအားအားကစားပြိုင်ပွဲ (SEA Games) တွင် နိုင်ငံ့ဂုဏ်ဆောင်အားကစားသမားများ ကျွန်တော်တို့နိုင်ငံအတွက် ရွှေတံဆိပ်များစွာ ဆွတ်ခူးရရှိပိုင်ဆိုင်နိုင်ပါစေလို့ ဆုမွန်ကောင်းတောင်းလျက် ရေးသားဂုဏ်ပြုလိုက်ပါသည်။