“ပါဝင်ကပြ ကြည့်ရူ့အားပေး ဝေဖန်သုံးသပ်”(အပိုင်းတစ်)

(မိအေး တဖြစ်လဲ ဝေမာရွှေစင်)

တကယ်သေသေချာချာ ပြန်တွေးကြည့်မယ်ဆိုရင်ကျွန်တော်တို့နေထိုင်ရာ ကမ္ဘာကြီးက အကျယ်ကြီး၊

လူတွေကလဲအများကြီး ဆိုပြန်တော့ ဘ၀တွေကလဲအများကြီးရှိကြတာပေါ့နော်။

တစ်ယောက် တစ်ယောက်ခြင်းစီရဲ့ဘ၀တွေမှာ အဖြစ်အပျက်တွေ ခံစားရတာတွေ ကြုံရတာတွေကလည်း ဆင်တူယိုးမှားတော့ ရှိကောင်းရှိနိုင်ပေမယ့်လည်းထပ်တူကျဘို့ ကတော့ ဖြစ်နိုင်ခြေနည်းပါးတယ်လို့ ထင်ပါတယ်။

လူ့တစ်ဦးစီ ဘ၀တစ်ခုစီရဲ့ဖြစ်ပျက်ပြောင်းလဲသွားတာတွေကိုတော့ ဘယ်သူမှ ကိုယ်ဖြစ်စေချင်သလို ထိန်းချုပ်လို့မရတာကလဲအမှန်ပါဘဲ။

ဒါကြောင့်လဲ” ဖြစ်ချင်သလိုမဖြစ်ဘဲ ဖြစ်ချင်တာတွေဖြစ်နေတဲ့လောကကြီး”လို့ ဆိုသကိုးဗျ။

လူရယ်လို့ဖြစ်လာမှတော့ ကောင်းသောဘ၀ ကောင်းသောအဖြစ်အပျက်ကို ပိုင်ဆိုင်ချင်ကြတာ

တော့ လက်တွေ့ကျတဲ့လိုအပ်ချက်တစ်ခုပါဘဲ။

ဒါပေမယ့်လည်း မမြင်နိုင်သော ကံစေစားရာအတိုင်း ဖြစ်ချင်သလိုဖြစ် ကုန်ကြတယ်ဆိုတာလဲ

ငြင်းပယ်လို့ မရတဲ့ အကြောင်းတရားဖြစ်နေပါလေရော။

လူရယ်လို့ ဖြစ်နေသမျှကာလပါတ်လုံး “ဘ၀”ဆိုတဲ့မဆုံးနိုင်သောဇာတ်လမ်းကြီးထဲမှာ

နေ့စဉ်နဲ့အမျှ ပါဝင်ပါတ်သက်နေရတာပေါ့။

တစ်ခါတစ်လေတော့ လဲ ကိုယ်တိုင် ပါဝင်ကပြသူ

တစ်ခါတစ်လေတော့လဲကိုယ်က ကြည့်ရူ့အားပေးသူ

တစ်ခါတစ်လေတော့လဲ ဝေဖန်သုံးသပ်သူဆိုတဲ့နေရာမှ ရောက်နေတတ်ပါတယ်။

ဒီတော့လဲ ပါဝင်ကပြသူနေရာကနေ စဉ်းစားရင်အမြင်တမျိုး

ကြည့်ရူ့အားပေးသူနေရာကနေရင်အမြင်တမျိုး

ဝေဖန်သုံးသပ်သူနေရာမှာဆိုရင်အမြင်တမျိုး အမျုိးမျုိးကွဲပြားသွားနိုင်သလို

ကိစ္စတစ်ခုကို တွေးမြင်ကြရာမှာလဲ

ကိုယ်အားသန်တဲ့ရူ့ဒေါင့်ကနေကြည့်ပြီး ကိုယ်သိသလောက် ကိုယ်ကျင်လည်ခဲ့ရဘူးတာတွေနဲ့ချိန်စက်ပြီး နိုင်းယှဉ်လို့ တွေးမှာကလဲအမှန်ပါဘဲ။

(လူမူ့ရေး၊စီးပွားရေး၊နိုင်ငံရေး၊ဘာသာရေး)အစရှိတဲ့စံတွေနဲ့ချိန်ထိုးကြည့်မှာလဲဖြစ်ပါတယ်။

တစ်ခါတစ်ရံ ပြဿနာတစ်စုံတစ်ခုကြုံလို့ဖြစ်စေ ကိစ္စတစ်ခုခုကို ဖြစ်စေ လူအများက ၀ိုင်းလို့ဝေဖန်ကြမှတ်ချက်တွေပေးကြရင် ငယ်ငယ်တုန်းက ဖတ်ဘူးခဲ့လို့ ရိုးတိုးရိပ်တိတ်မှတ်မိနေတဲ့

မျက်မမြင် ပုဏ္ဏား ခြောက်ယောက်ကဆင်တစ်ကောင်ကို တစ်နေရာစီခွဲလို့ လက်နဲ့စမ်းပြီး မှတ်ချက်တွေအမျိုးမျုိးပေးခဲ့ကြတာကို သွားလို့သတိရမိပါတယ်။

ကုန်လွန်ခဲ့ပြီးသောနှစ်ပေါင်းများစွာက ဆိုရှယ်လစ်စနစ်နဲ့အရင်းရှင်စနစ်ဆိုတဲ့စနစ်နှစ်ခု

ကမ္ဘာမြေပေါ်မှာအားပြုင်နေတုန်းကာလမှာပေါ့။

ဆိုရှယ်လစ်နိုင်ငံတစ်ခုဖြစ်တဲ့ပိုလန်နိုင်ငံမှာ ပြည်တွင်းရေးပြဿနာတက်ချိန်

အမေရိကန်သမ္မတက ပိုလန်နိုင်ငံရဲ့လက်ရှိဖြစ်ပေါ်နေတဲ့အနေအထားကို ဝေဖန်လိုက်

တဲ့အခါ ပိုလန်သမ္မတက ပြန်ပြောလိုက်တဲ့စကားလေးတစ်ခွန်းကတော့ ။

“ပိုလန်နိုင်ငံရဲ့အကြောင်းကို ပိုလန်ပြည်သူပြည်သားများကသာအသိဆုံးဖြစ်ပါတယ် “တဲ့။

ဒီစကားလေးကသာမန်တွေးကြည့်ရင် အလွယ်ပြောသလိုယူဆနိုင်ပေမယ့် ကျွန်တော်တို့ မြန်မာစကားပုံ

မှာပြောနေကြ “ ကိုယ့်ဝမ်းနာ ကိုယ်သာသိ“ဆိုတဲ့စကားပုံလေးလို ကိုယ့်ပြဿာနာကို ကိုယ်တိုင်ထက်

ဘယ်သူမှ ပိုမသိနိုင်တာကတော့အသေအချာပါဘဲ။

ဒါကလဲရာနူန်းပြည့်မှန်တယ်လိုတော့ မဆိုနိင်ပြန်ပါဘူး။

“ဘေးကကြည့်နေသူက ပိုမြင်ရတယ်”ဆိုတဲ့စကာလေးကလဲရှိနေပြန်ပါသေးတယ်။

ဟုတ်တော့လဲဟုတ်ပါတယ်။

ကိစ္စတစ်စုံတရာပေါ်ပေါက်ချိန်မှာ ကာယကံရှင်တွေက ထူပူပြီး မစဉ်းစားနိုင်လောက်အောင်

ဖြစ်နေချိန်မှာ ဒီကိစ္စနဲ့လုံးဝမပါတ်သက်သူများကတော့ ခေါင်းအေးအေးထားပြီး စဉ်းစားဘို့အခွင့်အရေးတွေရနေပြန်ပါတယ်။

ဒီတော့ မိတ်ဆွေများ အပျင်းပြေ တွေးကြည့် စဉ်းစားကြည့် ရအောင် ကျွန်တော်ကလည်းကြားဘူးတဲ့ ဘ၀လေးတွေရယ် တစ်ချို့သောမိတ်ဆွေများက ပြန်လည်ပြောပြလို့ သိခဲ့ရတဲ့ဘ၀လေးတွေရယ်၊

ကိုယ်ရှေ့မှာတင် ဖြစ်ပျက်သွားခဲ့တဲ့ တကယ့်ဘ၀လေးတွေအကြောင်းကိုပြောပြချင်ပါသေးတယ်။

ဖတ်ပြီးတော့ မှတ်ချက်တွေပေးတာကို နားထောင်ကြည့်ချင်လို့ပါနော့်။

ဒါပေမယ့် ဒီပို့စ်က (6)ပိုင်းတိတိ ပါဝင်မှာဖြစ်တော့ စိတ်ရှည်လက်ရှည်လေးတော့စောင့်ဖတ်ပြီး

တွေးရသမျှ ကိုယ်မြင်သမျှကို အားရပါးရပြောပေးစေချင်ပါတယ်။

အမြင်တွေမတူမှာကတော့ အသေအခြာပါဘဲ။

ကျွန်တော်တို့ ငြိမ်းချမ်းစွာသဘောထားကွဲလွဲကြည့်လိုက်ကြရအောင်နော်။

ဘယ်သူပြောတာမှန်တယ် မှားတယ်ဆိုတာထက် ကိစ္စတစ်ခု အဖြစ်အပျက်တစ်ခု

ကိုဘယ်လိုချဥ်းကပ်ပြီးသရုပ်ခွဲတယ်ဆိုတဲ့အမြင်လေးတွေကို ပြောပြကြရအောင်ပါနော်.

ရေးထားပြီးသားတွေကို တစ်ရက်တစ်ပုဒ်တင်ပေးမှာဖြစ်ပါတယ်။

(ဘ၀အပိုင်း တစ်- ဝေမာရွှေစင်)

ဝေမာ မန်းလေးကိုရောက်တာ သုံးနှစ်လောက်တော့ရှိသွားပြီ။

ဝေမာတို့အရပ်က မန်းလေးကနေ မြစ်ကြီးနားကိုသွားတဲ့ မဟာဗျူဟာလမ်းမကြီးရဲ့အနောက်ဘက်ခြမ်းတောခေါင်ခေါင်အရပ်ကလေး ကပေါ့။

ဝေမာတို့တုံးကတော့ အတန်းပညာလဲကောင်းကောင်းသင်ခဲ့ရတယ်မရှိပါဘူး။

ငယ်တုန်းတော့ သေစာရှင်စာလေးသင် အရွယ်ရောက်ရင် လယ်ထဲလိုက်၊

နောက်တော့လဲအိမ်ထောင်ကျ ဒါဘ၀ဘဲပေါ့။

ဝေမာတို့ရွာက “ မမထူး“က မြို့တက်ပြီးအလုပ်လုပ်ပါတယ်။

ရွာကလူကြုံများရှိတဲ့အခါ သူအိမ်အတွက်ပို့ပေးလိုက်တဲ့ မြို့အသုံးအဆောင်လေးတွေက

ဝေမာတို့လိုတောခေါင်ခေါင်ကလူအဖို့အံ့စရာတွေချည်းပါဘဲ။

သူပို့လိုက်တဲ့ပိတ်စဆန်းဆန်းလေးတွေ ကိုင်ကြည့်ပြီး အားကျခဲ့လိုချင်ခဲ့တပ်မက်ခဲ့ရတာ

အမောပေါ့။

တနှစ်ရွာဘုရားပွဲနဲ့အချိန်ကိုက်ပြီး “ မမထူး“ရွာကိုခဏပြန်လာပါတယ်။

သူဝတ်စားတာပြောတာဆိုတာက တကယ့် အလန်းဇယား။

လူကလဲတောမှာနေတုန်းကနဲ့မတူ ဖွေးဥလို့ပေါ့။

မမထူး ရွာမှာခဏရှိနေတုန်းရွာက အပျိုမတွေများ “ မမထူး“အနားမှာ ၀ိုင်းနေကြတာ ဆိုင်းဝိုင်းထဲက ပတ်လုံးတွေအတိုင်းပါဘဲ အဲဒီထဲမှာဝေမာလဲပါသပေါ့။

သူပြောတဲ့ မြို့အတွေ့အကြုံမစားရ၀ခမန်းကို တအံ့တသြနဲ့နေ့စဉ်ရက်ဆက်နားထောင်လိုက်ကြရတာ

ထမင်းမေ့ဟင်းမေ့ပါဘဲ။

အချိန်တန်လို့ “ မမထူး“လဲ မြို့ကိုပြန်မယ်လုပ်ရောမြို့ ကို“ မမထူး“နဲ့လိုက်ချင်ပါတယ်ဆိုပြီး အိမ်ကို ပူဆာကြတဲ့အရွာသူတွေထဲမှာ ဝေမာလဲတစ်ယောက်အပါအ၀င်ပါဘဲ။

ဒါပေမယ့် အဲဒီအခေါက်က အိမ်ကမထည့်တော့ ဝေမာ မလိုက်ရပါဘူး။

“ မမထူး“နဲ့လိုက်သွားသူတွေက ရွာကို လူကြုံတယ်ဆိုတာနဲ့ ပစ္စည်းတွေငွေတွေပို့ လို့ အဆင်ပြေနေတာကို

မြင်ရတော့ ဝေမာ ကိုမလိုက်ရဘူးလို့ တားတဲ့ အရီးလေးတို့ အဘတို့ ကို ရန်လုပ်လို့ကောင်းချက်ကတော့ ပြောမနေနဲ့တော့ဘဲ။

ဖြစ်ချင်တော့ အဲဒီနှစ်က ရာသီဥတုမမှန်ဘူး။

လယ်စိုိက်ရမယ့်အချိန်မိုးမရွာ အပင်သန်မယ့်အချိန်ကျတော့ရေတွေကြီး သီးနှံတွေပျက်တော့ ဝေမာတို့လိုတောင်သူတွေခက်တာပေါ့။

အဲဒီနှစ်ကဆိုးချက်ကတော့ ရွာဘုရားပွဲတောင်ချောက်တီးချောက်ချက်နဲ့ပြီးသွားရတာလေ။

အဲဒီနှစ်ဘုရားပွဲမှာ မြို့တက်ပြီး မမထူးနဲ့အလုပ်လုပ်တဲ့သူတွေပြန်လာတော့ သူတို့မိသားစုတွေငွေကြေးချောင်လည်ကြတာကိုတွေ့တော့ အိမ်ကလူကြီးတွေက ရွာမှာလဲ အဆင်မပြေတဲ့အတူတူ ဒီနှစ်မြို့လိုက်ချင်ရင်လိုက်

သွားဆိုတာနဲ့ ဝေမာလဲ မန်းလေးကို မမထူးတို့နဲ့ပါလာပါတော့တယ်။

ဟိုရောက်မှသိတာက အားလုံးတစ်နေရာထဲမှာအလုပ်လုပ်ရတာမဟုတ်ဘဲ တစ်ယောက်တစ်နေရာစီလိုဖြစ်နေတာကိုပါ။

အများအားဖြင့်ကတော့ ရှေးကတော့ ခေါက်ဆွဲဆိုင်အခုခေတ်မှာတော့ အသားကင်နဲ့ဘီယာစတေရှင်ပေါ့။

ဒါပေမယ့် ဝေမာကိုတော့လူသစ်ဆိုတော့ မမထူးအလုပ်လုပ်တဲ့ ဆိုင်မှာခေါ်ထားပါတယ်။

အမှန်အတိုင်းပြောရရင် မန်းလေးရောက်ကာစမှာတော့ တောင်ခေါင်ခေါင်ကလာတဲ့ဝေမာအဘို့

ယောင်တောင်တောင် နဲ့အထူးအဆန်းတွေချည်းပါဘဲ။

ဝေမာတို့လုပ်ရတာ စင်တင်တေးဂီတ လဲရှိ၊ကာရာအိုကေလဲရှိ

အရက်၊ဘီယာ၊အသားကင်တွေ ရောင်းတဲ့ဆိုင်မှာပါ။

စစခြင်းတော့ ဝေမာ မီးဖိုချောင်အလုပ်တွေဖြစ်တဲ့ အသီးအရွက်လှီး အသားတွေတံစို့ထိုးဆိုတဲ့

အလုပ်တွေပါ။ဝေမာအတွက်တော့ သိပ်ကိုလွယ်ကူတဲ့အလုပ်လို့ပြောရင်ရပါတယ်။

ဆိုးတာကတော့ရွာမှာတုံးက ညစောစောအိပ် မနက်စောစောထ။

ဒီမှာတော့ မနက် 6နာရီလောက်မှထ ညဆိုရင်တော့ သန်းခေါင်ကျော်မှအိပ်ရတာကိုပါ။

နောက်တော့လဲအကျင့်ရသွားပါတယ်။

တိုတိုပြောရရင်တော့ အဲဒီဆိုင်မှာ တစ်နှစ်လောက်နေပြီးတဲ့အခါမှာ မွေးရာပါအသံကောင်း

ရုပ်လေးရောကိုယ်အလှ ပါမဆိုးတဲ့ ဝေမာတစ်ယောက် မမထူးလို သီချင်းဆိုတဲ့သူတစ်ယောက်

ဖြစ်လာပါတယ်။

အဲဒီနေရာရောက်တော့ အရင်ကထက်စာရင်ဝင်ငွေကောင်းလာသလို အများအမြင်တင့်တယ်အောင်ဝယ်ရခြမ်းရ ၀တ်ပြရနဲ့ပိုကုန်လာပါတယ်။

သီချင်းဆိုတယ်ဆိုပြန်တော့ ဆုချကြ မိတ်ဆက်ကြနဲ့အပေါင်းအသင်းအသိအကျွမ်းလဲပိုပေါလာပါတယ်။

တစ်ရက်တော့ မမထူးနဲ့ ဆိုင်မန်နေဂျာစကားများပြီး မမထူး ဆိုင်ကထွက်သွားပါတယ်။

ကျမလဲ သူနဲ့လိုက်မယ်ပြောတော့ သူက မလိုက်ခဲ့နဲ့တဲ့ ငါနဲ့ဖြစ်တာ နင်နဲ့ဖြစ်တာမဟုတ်ဘူး

နင်ကိုလဲငါအလုပ်ချက်ခြင်း ရှာမပေးနိုင်ဘူး နောက်မှာ လာခေါ်သင့်ရင်ခေါ်မယ် ဆိုတော့ နေခဲ့ရပါတယ်။

စစခြင်းတော့ အားငယ်တာပေါ့။

အရင်က မမထူးနဲ့ဘဲသွားအတူလာအတူနေတော့ တစ်ခြားလုပ်ဖော်ကိုင်ဘက်တွေနဲ့

သိပ်ပါတ်ပါတ်သက်သက်မရှိ မေးထူးခေါ်ပြောလောက်ပါဘဲ။

အခုမမထူးမရှိဘူးဆိုတော့ သူတို့ကိုအဖော်လုပ်ရပါတယ်။

ဒါပေမယ့်လဲစိတ်ထဲမှာ သိပ်အခင်ကြီးရယ်တော့လဲ မဟုတ်ပြန်ပါဘူး။

အဲဒီလို အဖော်မဲ့ပြီး တစ်ယောက်ထဲပျင်းနေချိန်မှာ အပြောကောင်းတဲ့“ကိုငယ်” နဲ့စတွေ့ပါတော့တယ်။

အပွင့်လင်းဆုံးပြောရင်တော့ အချစ်ဆိုတာကို မကြုံဘူးတဲ့ ဝေမာ အယုံကြီးယုံပြီး

ကိုငယ် အပေါ်မှာ အပုံကြီးပုံလိုက်မိပါတယ်။

လေးငါးခြောက်လလောက်ကြာတော့ သူဝေမာကိုခွာသွားတဲ့အခါမှာမှ ဝေမာ့ကို

အပျော်ကစားသွားတယ်ဆိုတာကို လက်မခံချင်ဘဲလက်ခံလိုက်ရပါတယ်။

အဲဒီနောက်မှာတော့ အတူနေ ဘ၀တူများရဲ့( ယောက်ျားဆိုတာ သနားစရာမဟုတ်သလို

အလကားထားရမယ့်သူလဲမဟုတ်ဘူး သူတို့ဆီက ရသလောက်ယူထား)လို့ ဆိုတဲ့စကားကို

သဘောတွေ အကျကြီး ကျလို့ ဝေမာလဲ ချူစား ချွဲစား ဆိုတဲ့အုပ်စုထဲကိုရောက်မှန်းမသိရောက်သွားပါတယ်။

ကိုယ့်ဘက်က ပြန်ပါသွားတာကိုတော့ တန်ဘိုးမထားခဲ့မိဘူး။

အစကတော့ လာအီတဲ့လူတွေကို ချူစားပါတယ်။

ဓါတ်ကျတဲ့သူကိုတော့ သူုလိုချင်တာကိုယ်ပေးလိုက်ပါတယ်။

နောက်ကြာတော့ ဝေမာလဲ ပေးတာယူရာကနေလိုချင်တာကိုတောင်းတဲ့အဆင့်ရောက်မှန်းမသိပါတော့တယ်။

ခပ်ရိုင်းရိုင်းပြောရရင်တော့ ချွဲစား ချူစား အဆင့်ကနေ ကြေးစား အဆင့်ကိုရောက်သွားတယ်ဆိုတော့

ကိုယ့်ကိုကိုယ် မြင့်သွားသလား နိမ့်သွားသလားတောင်မသိတော့ပါဘူး။

တစ်ခါတစ်လေတော့ ငွေအရလွယ်တဲ့ အတွက် အိမ်ကိုထောက်ပံ့ပေးကမ်းနိုင်တာရယ် ကိုယ်သုံးချင်သလိုသုံးနိုင်တာရယ်ကိုတော့ စိတ်ထဲမှာကျေနပ်ပါတယ်။

ဒါပေမယ့်လည်း တစ်ခါတစ်လေတော့လဲ ကိုယ့်ကိုကိုယ်တန်ဘိုးမရှိတဲ့လူလို့ထင်မိရင် မျက်ရည်လည်ချင်ပါတယ်။

ဆိုင်မှာလာစားကြသောက်ကြတဲ့ အထဲမှာ အမျိုးကောင်းသားသမီးဆိုသူများလဲ ဝေမာတို့လို

ဝတ်စားထားပြီး ယောက်ျားတွေနဲ့ဘီယာတွေခွက်လှည့်သောက် ပြီးမူးနေတာတွေ တွေ့ရပြန်တော့လဲ ငါတို့က ၀မ်းရေးအတွက်ဘဲလို့ ကိုယ့်ကိုကိုယ်ပြန်လို့ဖြေသိမ့်ရပြန်ပါတယ်။

ဖြစ်ချင်ပြန်တော့လဲ တစ်မြေထဲနေ တစ်ရေထဲသောက် တစ်ရွာထဲကလာသူခြင်းပေမယ့် ဝေမာနဲ့အရောင်အသွေးမတူတဲ့ သူများက ဝေမာကို ဒီဘ၀မျုိးမှာကျင်လည်နေတာကို အလိုမတူတဲ့အတွက် အပြစ်တင်တာ မေးငေါ့တာ ဆုံးမတာ ခံရပြန်တော့လဲ အနေခက်ရပြန်ပါတယ်။

ဒီဘ၀ထဲကိုဘဲ ဝေမာက ၀င်သွားသလား ဝေမာ့ဘ၀ထဲကိုဘဲ ဒီဘ၀ကြီးက ၀င်လာသလား မစဉ်းစားချင်တော့ပါဘူး။

အိမ်က မိဘတွေကို ကောင်းကောင်းမွန်မွန်ထားနိုင်တယ် ကိုယ့်အောက်ကအငယ်တွေကို လဲ ကြည့်ရူ့ထောက်ပံ့နိုင်တယ်ဆိုတော့ ကျန်တာတွေအသာမေ့ထားပြီး

“ကောင်းပါတယ် ကောင်းပါတယ်”လို့ဘဲ စိတ်ထဲမှာထားလိုက်ရင် မွန်းကျပ်တာတွေနည်းနည်းတော့ လျော့ပါးသွားသလိုပါဘဲ။

ဝေမာတို့ရွာက အလုပ်လာလုပ်ကြတဲ့သူတိုင်းတော့လဲဝေမာလိုမဟုတ်တာအမှန်ပါ။

မြို့ဆိုတာ တောထက်စာရင်ငွေအရှာရလွယ်သလို ကုန်စရာများတာတော့လဲအမှန်ပါဘဲ။

တောဆိုတာက ငွေတစ်ရာနှစ်ရာ ရှာဘို့ခက်သလို ကုန်စရာလမ်းကလဲသိပ်မရှိဘူးလေ။

ဒါပေမယ့် “လူတင်ပါမှကျားနွားကိုက်တယ်”ဆိုတာလဲအမှန်ပါဘဲ။

ကောင်းကောင်းမွန်မွန်လုပ် ရလာတဲ့ငွေလေးကို သုံးသင့်တာကိုသုံး

ပိုလာတာလေးကို ကျစ်ကျစ်ပါအောင်စုလို့အိမ်ပြန်ပို့လို့အဆင်ပြေနေကြသူတွေလဲအများကြီးပါ။

ဝေမာသာ………………………………………………………………………….။

(ဆက်လက်ဖော်ပြပါမည်)

ကိုပေါက်လက်ဆောင် အတွေးပါးပါးလေး

 

“ပါဝင်ကပြ ကြည့်ရူ့အားပေး ဝေဖန်သုံးသပ်”(အပိုင်းနှစ်) (ဂျမ်းတောမ)

(ဘ၀အပိုင်း-နှစ်- ဂျမ်းတောမ)

“ဂျမ်းတောမ ……….ကန်အထုတ်ခံလိုက်ရပြန်ပလား ဒီအချိန်ထိ အိပ်ယာမထပုံထောက်ရင်”

ဒီအသံကတော့ ကျုပ်အကြောင်းကို သိလွန်းတဲ့ ကြီးစိန်မြရဲ့နံနက်ခင်းတေးသံသာပါဘဲ။

ထင်ဆိုလဲထင်စရာပါ ကျုပ်ကလဲ ပန်းရံဆရာက မခေါ်လို့ အလုပ်မရှိဘဲ နား နား နေရတာက

ခဏခဏကိုး။

အလုပ်မရှိတဲ့ရက်ဆိုတော့လဲ နေဖင်ထိုးအောင်အိပ်ရုံပေါ့နော။

ပုံမှန်သာ ကျုပ်အလုပ်သွားရမယ်ဆိုရင် မနက်အရုဏ်တက် တုံးမောင်းခေါက်သံကြားကထဲကထ၊

ရှိတဲ့ဆန်လေးနဲ့သားအဖတစ်တွေအလုပ်သွားရင်ထည့်သွားဘို့ ထမင်းထုပ်အတွက်

ထမင်းအိုးတည်၊

ချန်ထားတဲ့ဘဲဥနှစ်လုံးထဲကိုကြက်သွန်ခရမ်းချဉ်သီးရှိသလောက်အကုန်ထဲ့လို့ကြော်၊

ပြီးရင် သားအဖသုံးယောက်အတွက် မျှပြီးထမင်းထုပ်။

အိမ်ကျန်နေမယ့်နှစ်ယောက်အတွက်လဲမျှတော့ချန်ခဲ့ရပါတယ်။

မနက်အဆာပြေစားသွားဘို့ ညကကျန်တဲ့ထမင်းကြမ်းကိုဆီပူထိုး။

ပဲပြုတ်သယ်လာရင် ပဲပြုတ်တစ်ရာဘိုးဝယ် သားအဖငါးယောက်မျှတစားဘို့ ပုဂံလေးတွေထဲကိုခွဲတမ်းချ။

အဲဒီကိစ္စပြီးတာနဲ့ရေကမန်းကတန်းချုိး၊

“မိစိန်” စက်ဘီးကိုကပ်လိုက်ပြီးအလုပ်အတူသွားဘို့လမ်းမတန်းကထွက်စောင့်ရပါတယ်။

“မိစိန်”ကစက်ဘီးစိုက် အသွားအပြန်ကျုပ်ကလူစိုက်ပေါ့။

လူတစ်ယောက်ကိုတင်နင်းရတာ ပင်ပန်းပေမယ့် ငွေမကုန်ဘူးလေ။

တစ်ခုတော့ရှိတာပေါ့လမ်းမှာများ စက်ဘီးပေါက်ရင်တော့ ဘီးဖာခက တ၀က်စီခံ။

ဒီတော့လဲလမ်းအလုပ်သွားရင် ဘီးမပေါက်ဘို့ ဘုရားတနေရတာပေါ့နော်။

ကျုပ်တို့နေရတဲ့နေရာတွေကလဲ မြို့သစ်ဖြစ်လိုက် စက်မူ့ဘက်ဖြစ်လိုက်နဲ့ ကြုံရာကျဘမ်း ဆိုတော့ အတည်တကျမရှိပါဘူး။မရှိဆိုကျူးတွေကိုး။

ပိုင်ရှင်လာမနေသေးတဲ့မြေကွက်လွတ်တို့၊ဘယ်သူပိုင်ရှင်မှန်းအဖေမပေါ်သေးတဲ့မြေကွက်လပ်တို့အစိုးရပိုင်မြေကွက်လပ်တွေမှာတို့ လယ်ကွင်းဟောင်းတွေမှာ ကြည့်ကျက် ညှိညှက်ပြီးနေရတာပါဘဲ။

အလှူငွေတောင်းတယ်ဆိုထည့်လိုက် မပြေလည်တော့လဲတောင်းပန်ခယလိုက်။

တောင်းပန်ခယလို့လည်းမရ အလှူငွေလည်းလက်မခံဘူးဆိုပြန်ရင်တော့ လဲ……………..

ဒီနားကမနေရဘူးဆိုတော့လဲ အဖြစ်ဆောက်ထားတဲ့တဲလေးတွေဖျက် နီးရင်ခြေကျင်ဝေးရင်ဆိုက်ကားငှားးပြီး နေလို့ရမယ်နေရာလေးရှာကြံပြီး ပြောင်းရတာပေါ့ ဟိုနားကမနေရဘူးဆိုတော့ ဒီဘက်ပြောင်း ဒီဘက်ကမနေရဘူးဆိုတော့ ဟိုနားပြောင်းပေါ့။

အတည်တကျနေချင်ပေမယ့်လဲ ပန်းရံခံကြွေးအလုပ်နဲ့ကျပန်းဘောက်အလုပ်သမားတွေဆိုတော့

ဝင်ငွေပုံမှန်မရှိပြန်၊

ဒီတော့လဲ ကျောခင်းစရာတစ်နေရာအတွက်တော့ ဇာချဲ့မနေနိုင်သလို

ငှားနေဘို့ကတော့ဝေလာဝေး အမှန်ပြောရရင် တော့ အိမ်ငှားခကို တကယ်တတ်လဲမတတ်နိုင်ပါဘူး။

သူများတွေပြောကြတာတော့ ကြားရတာဂုဏ်တက်ချင်စရာ နိုင်ငံခြားမှာကျုပ်တို့လိုအတည်တကျမနေတဲ့

လူတွေကိုခေါ်တာ ဂျစ်ပစီဆိုလား ဂျတ်ပစီ ဆိုလား ကျုပ်တော့ခေါ်တတ်ပေါင်။

အခုလောလောဆယ်ကျုပ်တို့ နေတာကမြို့သစ် သိပ္ပွံလမ်းနဲ့ မနော်ဟရီကြား

အခု73လမ်းမရဲ့အနောက်ဘက်နဲ့ လေယာဉ်ကွင်းအဟောင်းစည်းရိုးရဲ့အရှေ့ဘက်လမ်းကြားက ကွက်လပ်မှာပါ။

ထွန်တုံးဘက်ကလာတဲ့ “မိစိန်”ကို 73လမ်းမကတက်စောင့်ပြီးအလုပ်သွားရုံပါဘဲ။

ကျုပ်တို့ “မိစိန်”တို့ကတော့ ကျုပ်တို့ပန်းရံဆရာချိန်းတဲ့နေရာကိုအရောက်သွားရတာပေါ့။

ကျုပ်တို့လိုနေ့စားတွေက ပန်းရံဆရာကျေနပ်မှနေ့စဉ်ထမင်းမငတ်တဲ့လူလို့ပြောရင်လဲမှန်ပါတယ်။

အလုပ်လိုချင်သူ လုပ်ချင်သူကပေါမှပေါရယ်။

အလုပ်သာမှန်မှန်ရနေဘို့အတွက် ဘယ်လိုနေရနေရဆိုတဲ့သူတွေကလဲ အပုံရယ်။

ပန်းရံဆရာများကလဲ သူတို့နဲ့ပလဲနံပသင့်သူကိုမှ အလုပ်ခေါ်တာကိုး။

သူတို့က နက်ဖြန်ဘယ်လာခဲ့ဆိုလဲ ဝေးဝေးနီးနီးသွားလိုက်။

နောက်နေ့မှလိုရင်လှမ်းခေါ်လိုက်မယ်ဆို ပြန်တော့လဲ အ်ိမ်မှနားပေါ့။

ကျုပ်စိတ်ကလဲ အလုပ်ဘယ်လောက်ပင်ပန်း ပင်ပန်း မဆလာဒယ်ကိုရွက်ပြီးဘယ်လောက်အမြင့်

တက်ရတက်ရ ဘယ်နှစ်ခေါက်တက်ရတက်ရ ကျုပ်ရွက်နိုင်တယ်။

ဒါပေမယ့် ကျုပ်ကို ထိကပါးရိကပါးလုပ်လာရင် လက်ပါလာရင် တော့ မခံနိုင်ဘူး။

ပန်းရံသမနဲ့ ကန်ထရိုက်၊ပန်းရံသမနဲ့ ပန်းရံဆရာ၊ပန်းရံသမနဲ့ပန်းရံဆရာလက်ထောက်၊ပန်းရံသမနဲ့သံလက်ကိုင်

ဖိုမဇာတ်လမ်းတွေခင်းကြတာအတည်ရော အပျော်ရော အပျင်းပြေရော ဆိုတာဒီလောကမှာ မဆန်းဘူးတောင်ပြောနိုင်ပါတယ်။

ဒါပေမယ့်အဲဒီထဲ ကျုပ်မပါချင်ဘူး။

ကောင်မက ဘာမှမရှိဘဲမာနခံတယ်ပြောချင်ပြော ကျုပ်ကတော့ အုတ်အရောရော ကျောက်အရောရောအဖြစ်မခံချင်တာတော့ အမှန်ဘဲ။

ကျုပ်တို့လို့ အန်ိမ့်စားနင်းပြား ပန်းရံသမဆိုတာ သူတို့လက်တဲ့စမ်းစရာလောက်သာသဘောထားတာ။

ပါးစပ်က နေသားပြောမယားပြောလိုပြော၊

လူလစ်တာနဲ့လက်ကဆော့ချင်နေကြတာ ကလည်းသူတို့ပိုင်ပစ္စည်းကျနေတာဘဲ။

အလုပ်မခေါ်မှာစိုးလို့ သူတို့ထိကပါးရိကပါးအပေါ်ယံလောက်ကတော့ ဘာမှမဖြစ်ဘူးလေဆိုပြီး

ငြိမ်ခံလိုက်ပြန်ရင် သူတို့ကနောက်တဆင့်တက်တော့တာပါဘဲ။

နောက်ဆုံးကျုပ်ဖြစ်ခဲ့တာကတော့ အတော်လေးပြဿနာကြီးသွားတယ်ပြောရမယ်။

“တေဇ”ဆိုတဲ့အကောင်က အစကထဲက ကျုပ်ကိုချိတ်တိတ်တိတ်လာလုပ်နေတာ။

လူလစ်တာနဲ့ “အသဲလေး”ခေါ်လိုခေါ်”စောစောပြန်ထမင်းချက်ထားနော် “ဆိုပြောလိုပြော

“ည ဗွီဒီယိုသွားကြည့်ဘို့လာခေါ်မယ် “ဆိုပြီး ချိ်န်းလိုချိန်းနဲ့

ပါးစပ်ကစတာလောက်ကတော့ ပဲ့ပါသွားတာမှတ်လို့ ကျုပ်ကသီးခံပါတယ်။

ဒါပေမယ့်အစကထဲကပြောပြီးသား လက်ပါလို့ကတော့ ပါးအကွဲဘဲဆိုတာ။

ပန်းရံဆရာက သူ့ကို သံလက်ကိုင်နေရာကို စပြီးစမ်းခိုင်းလဲခိုင်းရော

အုတ်စီတာ တတ်မတတ်တော့ မသိဘူး လက်ကတော့ ကမျဉ်းတတ်လာတယ်။

ကျုပ်တို့ပန်းရံသမအချင်းချင်းက ပြန်ပြောတော့ သိတာပေါ့။

တစ်ရက် လေးထပ်အမြင့်မှာကျူပ်မဆလာသယ်လာတဲ့အချိန် ဒီကောင်က မဆလာဒယ်

ချပေးတာလိုလိုနဲ့ကျုပ်ရင်ဘတ်လာကိုင်တာ ကျုပ်ကလဲဆောင့်ကန့်ထဲ့လိုက်တာ နောက်က ငြမ်းဆင်ထားတဲ့သံတန်းသာမရှိရင် အဲဒီကောင်လေးထပ်ကကျအသေဘဲ။

မဆလာဒယ်ကလဲသူအပေါ်ကျတော့ အဲဒီကောင်ခြေမကွဲထွက်သွားရော။

ပန်းရံဆရာက ကျုပ်ကို နှမချင်းမစာနာ “ဒီလောက်လေးနဲ့နင်ဘာဖြစ်သွားမှာမို့လို့လဲ”တဲ့။

ဖြစ်နိုင်ရင် အဲဒီပန်းရံဆရာပါ ပါးကွဲအောင်ရိုက်ထဲ့လိုက်ချင်တာ။

စိတ်တိုတိုနဲ့ပြန်လာလိုက်တာ့ အဲဒီနေ့ တနေကုန်အပင်ပန်းခံထားတဲ့လုပ်ခဆုံးသွားတာပေါ့။

ဒီလိုနဲ့ဘဲ ကျုပ်မှာအဆင်ပြေလိုက်မပြေလိုက်နဲ့တစ်ဖွဲ့ပြီး တစ်ဖွဲ့ပြောင်းလုပ်နေရတာ။

ကျုပ်ထိကပါးရိကပါးနဲ့လက်ဆော့တာလဲမခံချင်ဘူး။

မယားငယ်လဲအဖြစ်မခံချင်ဘူး။

ဟိုဟာလဲလုပ်မစားချင်ဘူး။

ပန်းရံဆရာတိုင်း အဖွဲ့တိုင်းမကောင်းဘူးတော့လဲ တစ်ထစ်ချပြောလို့မရပါဘူး။

အခုလုပ်နေတဲ့အဖွဲ့ဆိုအားလုံးသူ့စည်းကိုယ့်စည်းနဲ့တကယ်အဆင်ပြေတာပါ။

ဒီနေ့ကတော့ ကြီးစိန်မြပြောသလို ကန်ထုတ်ခံရတာမဟုတ်ပါဘူး။

မိစိန်က သူတို့ နေတဲ့ နေရာက ပိုင်ရှင်ပြောင်းလာတော့မှာမို့ အသိုက်ပြောင်းတော့ အလုပ်မဆင်းနိုင်ဘူးပေါ့။

သူမဆင်းတော့ကျုပ်တစ်ယောက်ထဲသွားရမှာခပ်ပျင်းပျင်းဆိုတော့ နားလိုက်သပေါ့။

ဒီလို မနားလဲ ထမင်းတစ်လုတ်အတွက် မသေမချင်း အလုပ်ကလုပ်နေရအုံးမှာလေ။

(ဆက်လက်ဖော်ပြပါမည်)

ကိုပေါက်လက်ဆောင်အတွေးပါးပါးလေး

“ပါဝင်ကပြ ကြည့်ရူ့အားပေး ဝေဖန်သုံးသပ်”(အပိုင်းသုံး)

( စမ်းစမ်းနွယ်(ခ) မပိ)

(ဘ၀အပိုင်း-သုံး စမ်းစမ်းနွယ်(ခ) မပိ)

ဒီနေ့အလုပ်ပိတ်ရက်ဆိုတော့ အိမ်မှာအားနေပါတယ်။

မနက်ပိုင်းလေးဘဲချက်ပြုတ်လျှော်ဖွတ် နေ့လည်ပိုင်းမှာမီးပူတိုက်ပြီး တာနဲ့ အားနေသလိုပါဘဲ။

အပြင်ကိုလဲ ဒီနေ့အဖို့သွားစရာမရှိဘူးဆိုတော့ (၀င်ငွေလဲမရှိတော့ဘူးပေါ့)လို့” မပိ”

တစ်ယောက်ထဲတွေးရင်းပြုံးနေမိပါတယ်။

ပြုံးတဲ့အပြုံးကကျေနပ်တဲ့အပြုံးလား မကျေနပ်တဲ့အပြုံးလားဆိုတာကိုတော့ လူမြင်တိုင်းပြုံးပြတဲ့အကျင့်ကိုရနေတဲ့ “ မပိ“တစ်ယောက် အပြုံးကို သရုပ်မခွဲတတ်တော့တာလဲအတော်လေးကြာပြီလို့တောင်ထင်မိပါတယ်။

တစ်ရက်ထဲမှာ ဘ၀နှစ်မျုိးနဲ့ကျင်လည်နေရတဲ့ “မပိ “အတိတ်ကိုပြန်တွေးမကြည့်ချင်တာကလဲအမှန်။

တွေးမိပြန်ရင်လဲ ကိုယ့်ဘ၀ကိုယ် အဖြစ်ဆိုးတယ်လို့ နာကျည်းချက်တွေနဲ့မျက်ရည်တွေဝဲလာမိတတ်ပါတယ်။

အဲဒီလိုအချိန်မျိုးမှာတော့အိပ်ယာပေါ်လဲနေတဲ့ အဖေနဲ့ လူကသာကြီးကောင်ဝင်လို့အရွယ်ရောက်လာတယ်

ဦးနှောက်ကအရွယ်မရောက်သေးတဲ့မောင်လေးတွေအကြောင်းစိတ်ထဲကို ပြန်ထည့် လို့ “သူတို့အတွက်ငါအသက်ရှင်ရအုံးမယ်”ဆိုပြီး အားတွေတင်းရင်းဝမ်းနည်းစိတ်တွေဖျောက်လို့ ကိုယ့်ကို ကိုယ်

ပြန်အားပေးရပြန်ပါတယ်။ဒါပေမယ့်လဲ ပြန်ပြုပြင်လို့ မရနိုင်တဲ့အတိတ်ကိုပြန်တွေးမိရင် စိတ်မချမ်းမြေ့သလို

ကိုယ်ကဘဲအလွယ်လမ်းကိုကြိုက်တာလား ရေသာခိုချင်တာလား စိတ်ဓါတ်ညံ့ဖျင်းတာလား

ပျော့ညံ့တာလား တရားမရှိတာလား ကိုယ့်ကိုကိုယ် တန်ဘိုးမထားတာလား

ကိုယ့်ကို ကိုယ်ဘဲအပြစ်တင်ရမလား ကံကြမ္မာကိုဘဲပုံချရမလား ဒီလောကနဲ့မ်ိတ်ဆက်ပေးသူ “နီမ”ကိုဘဲ

စိတ်ဆိုးရမလား လားပေါင်းများစွာနဲ့ဘဲအဖြေမရဘဲအတွေးတွေကိုရပ်လိုက်ရတာများပါတယ်။

“မပိ “တက္ကသိုလ်နောက်ဆုံးနှစ်မှာ ဖေဖေက ပင်စင်ယူုလိုက်ရပါတယ်။

ဖေဖေကဘာမှ ကိုယ်ကိုတိုင်သိပ်လှူပ်ရှားစရာမလိုဘဲ(အကျိုးဆောင်ခ)ဆိုတဲ့အမည်တပ်လို့

ခုံပေါ်မှာတင် တရားဝင် မိုးတွေရွာတဲ့ ဌာန က အရာရှိကြီးတစ်ယောက်ပေါ့။

ဖေဖေကောင်းစားစဉ်ကာလကတော့ သုံးဘို့ငွေဆိုတာ “မပိ“အတွက်ဖေဖေ့အံဆွဲထဲ

အသာလေးနှုိက်ယူလိုက်ရုံပါဘဲ။

အိမ်မှာက ဖေဖေရယ် မေမေရယ် သိပ်ကျပ်မပြည့်လို့ဘာမှမလုပ်နိုင်တဲ့မောင်လေးရယ်

“မပိ“ရယ်ဘဲရှိတော့ ကောင်းကောင်းသုံး ကောင်းကောင်းစား စိတ်တိုင်းကျနေချင်သလိုနေ

ခဲ့ကြပေမယ့် ဘာမှသိပ်တော့ စုစုဆောင်းဆောင်းမရှိခဲ့ပါဘူး။

ဖေဖေအရာရှိဘ၀ကနေအနားယူချိန်မှာတော့ နေစရာအိမ်လေးတစ်အိမ်ပိုင်တယ် အိမ်အသုံးအဆောင်လေးတွေလူတန်းစေ့တယ်ဆိုတာထက် ပိုပြီးမချမ်းသာဘူးပေါ့။

အပွင့်လင်းဆုံးပြောရရင် “မပိ”တက္ကသိုလ်တက်နေတုန်းကလဲ အရာရှိသမီးဆိုတဲ့အရှိန်နဲ့

တော်တော်လေးသုံးစွဲဝတ်စားခဲ့ပါတယ်။

အပေါင်းအသင်းတွေနဲ့လဲ ပျော်ပျော်ပါးပါး သွားခဲ့လာခဲ့ဆိုတော့ ချစ်သူလဲရှိခဲ့တာပေါ့။

လွပ်လပ်စွာနေနိုင်တဲ့အခွင့်အရေးကိုလဲ ချစ်သူဘ၀မှာ အစွမ်းကုန်အသုံးချခဲ့မိသပေါ့။

ဒါပေမယ့် မဆုံဆည်းလေတဲ့အချစ်များ ရဲ့တက္ကသိုလ်ဇာတ်လမ်းတပုဒ်လိုဘဲ ကျောင်းပြီးတာနဲ့

သူ့နဲ့ချစ်ခဲ့တဲ့ဇာတ်လမ်းလဲ တခန်းရပ်သွားသပေါ့။

ကျောင်းပြီးတော့ဖေဖေကလဲအလုပ်မရှိတော့ ၀င်ငွေမရှိ မေမေက အသိအကျွမ်းလေးတွေကိုပေးထား

တဲ့ ငွေတိုးချေးထားတာလေးဘဲဝင်ငွေရှိတော့ “မပိ“လဲဖေဖေအဆက်အသွယ်နဲ့ ရုံးတစ်ရုံးမှာစာရေးမ၀င်လုပ်ရပါတော့တယ်။

အလုပ်သာလုပ်နေပါတယ် “မပိ“ ရတဲ့လခက “မပိ“သုံးတာနဲ့ကုန်သွားတာပါဘဲ။

အိမ်ကိုသိပ်အများကြီးပြန်မပေးနိုင်ပြန်ပါဘူး။

မေမေက လဲ “မပိ“ကိုပြန်မပေးရရင်တော်ပြီလို့ဘဲသဘောထားပုံပါဘဲ။

ဒါပေမယ့်လည်း မေမေငွေတိုးချေးတာလေးက အဆင်ပြေနေတော့ သိပ်အခက်အခဲတော့လည်းမရှိပြန်ပါဘူး။

ကံကြမ္မာအလှည့်မကောင်းချင်တော့ ဖေဖေရယ်မောင်လေးရယ်မေမေရယ် ဘုရားဖူးထွက်ကြတဲ့အချိန်

ကားမှောက်ပါတယ်။

မေမေကတော့ နေရာတင်ဆုံးပြီး ဖေဖေကတော့ ခြေထောက်အောက်ပိုင်းဖြတ်ရမယ်ဆိုတာဖြစ်လာပါတယ်။

မောင်လေးကတော့ နည်းနည်းပါးပါးဘဲထိခိုက်ပေမယ့် နဂိုရ်ကမှ ပုံမှန်မရှိ တဲ့စိတ်ကလန့်သွားပြီးအရင်ကထက်

ပိုဆိုးလာသလိုပါဘဲ။

အဲဒီအချိန်မှာ မေမေကို မြေကျဘို့စီစဉ်ရ မောင်လေးကို ထိန်းရ ဖေဖေကို ဆေးရုံတင်ဘို့

လုပ်ရ ဗျာတွေများနေတော့ သူတို့ ယူသွားတဲ့ပစ္စည်းတွေကို သတိရတဲ့အချိန်မှာ ဘယ်သူ့ကိုမှ

မေးလို့မရတော့ ဘာမှပြန်မရလိုက်ပါဘူး။

အဆိုးဆုံးကတော့ မေမေသူများတွေကို ငွေတိုးချေးထားတဲ့စာရင်းစာအုပ်ကရှာလို့မရတာပါဘဲ။

ဘယ်သူတွေကို ဘယ်လောက်ချေးထားပြီးဘယ်လောက်ပြန်ဆပ်ပြီးသလဲ ရစရာဘယ်လောက်ကျန်သေး

လဲဆိုတာ “မပိ“လုံးဝမသိတာပါဘဲ။

“မပိ“ကိုဆက်သွယ်လို့ ပြန်ပေးမယ်ဆိုတဲ့လူစာရင်းကလက်တဖက်စာလူငါးယောက်တောင်မရှိပါဘူး။

မေမေအပြင်ကိုထုတ်ချေးပေးထားတဲ့ငွေ အတိအကျမသိပေးမယ့် ပေးစရာကျန်ပါတယ်လို့ လာပြောတဲ့

ငွေပမာဏထက်အများကြီး ပိုများတယ်ဆိုတာလောက်ဘဲ အကြမ်းဖျဉ်းသိတယ်ဆိုတော့ ဘယ်သူကဘယ်လောက်ကျန်တယ်ဆိုတာကိုလဲ လက်ဆုပ်လက်ကိုင်မပြနိုင်တဲ့အခါ ဒီငွေတွေက ပြန်ရဘို့ ဆိုတာကလဲ လမ်းစပျောက်လို့ဆုံးကုန်ပါတယ်။

“မပိ“ပြန်ရစရာတွေကသာစာရင်းပျောက်သွားတာ မထင်မှတ်ဘဲဖြစ်လိုက်တဲ့ က်ိစ္စအတွက် “မပိ“အတိုးနဲ့ယူ

ထားတဲ့ပိုက်ဆံတွေကတော့ တစ်နေ့ထက်တစ်နေ့တလထက်တလ အတိုးတွေက တက်တက်လာပါတယ်။

ဖေဖေခြေထောက်ဖြတ်ပြီးသွားပေမယ့် နေ့စဉ် ပြုစုဘို့ခေါ်ထားရတဲ့ နပ်စ်မအတွက်ကုန်ကျစရိတ်၊

နေ့စဉ်ဆေးဘိုး၊မောင်လေးမုန့်ဘိုး၊နေ့စဉ်စားသောက်စရိတ်တွေက “မပိ“အတွက်နေ့စဉ်ခေါင်းခဲစရာပါ။

“မပိ“ရင်ဆိုင်နေရတဲ့ ကိစ္စတွေကို ဘာတစ်ခုမှ အပြီးသတ်အောင်မလုပ်နိုင်သေး မဖြေရှင်းနိုင်သေးပါဘူး။

တလပြီးတလအတိုးဆပ်နိုင်ဘို့ရယ် လူမမာစရိတ်ရယ်နေ့စဉ်ထမင်းစားနိုင်ဘို့ရယ်မနည်းလုံးပန်းရတော့

စိတ်ရောလူရော ပင်ပန်းလိုက်တာမှ လူရုပ်တောင်ပျောက်နေသလိုပါဘဲ။

ကိုယ်ရစရာကသာ ပြန်မရတာပေးစရာကတော့ မပေးမချင်း လူတွေ့တာနဲ့တကျီကျီတောင်း ရုံးကို ဖုန်းတဂွမ်ဂွမ်နဲ့ဆက်ဆိုတော့ရှက်လဲရှက်ပါတယ်။

ချရောင်းစရာကလဲအိမ်အခွံနဲ့လူဘဲကျန်တော့တယ်ဆိုပြီးဖြစ်လာပါတယ်။

ဒီအခက်အခဲကို ဖြေရှင်းပေးသူက “နီမ”ပါဘဲ။

သူကတက္ကသိုလ်တက်နေတုန်းကလဲအတူတူ ကံများစပ်လိုက်ပုံကဒီအလုပ်ကို “မပိ”ရောက်လာပြီးလေးငါးလ

လောက်နေတော့ ဒီအလုပ်ကို “နီမ”လဲ ရောက်လာပါတယ်။

သူကတော့ “မပိ”အတွက်ဆိုးတိုင်ပင်ကောင်းတိုင်ပင် အားနည်းချက်တွေဖွင့်ပြောလိုက်လို့လဲ ရှက်ရမယ့်လူ

မဟုတ်ပြန်တော့ ကောင်းတာဆိုးတာအားလုံးကို “နီမ”ကိုအားလုံးဖွင့်ပြောမိပါတယ်။

“နီမ”ကိုပြောမိတာ မှားသွားလားမှန်ဘဲမှန်လားဆိုတာကတော့ အခုအချိန်အထိအဖြေမထွက်တဲ့ပုစ္ဆာလား

မေးခွန်းကဘဲမှားများနေလားဆိုတာကတော့ ဘုရားမှသိမယ်ထင်ပါတယ်။

တစ်ရက်အဖေ့အတွက်ဆေးထပ်ဝယ်စရာပိုက်ဆံကလဲမရှိ၊လခဆိုတာကလဲမျှော်စရာမရှိ

လခက ကြိုထုတ်ထားပြီး သား။

အရင်းမပြောနဲ့အတိုးတောင်မသတ်နိုင်လို့ အကြွေးရှင်တွေက တပူပူတဆူဆူနဲ့ဆိုတော့ “မပိ”တစ်ယောက်

“နီမ”ရင်ခွင်ထဲမှာခေါင်းထိုးပြီးရှိုက်ကြီးတငှင်ငိုမိပါတယ်။

အဲဒီအချိန်မှာ “မပိ”ကို “နီမ”ကစကားတစ်ခွန်းပြောပါတယ်။

လူ့ဘ၀မှာ တစ်ခါတရံမှာ အားလုံးကောင်းဘို့ကိုယ်က ချအနင်းခံရတာမျုိးရှိတတ်ပါသတဲ့။

ဒါကြောင့်လဲ ကမ္ဘာမီးလောင်သားတောင်ချနင်းဆိုတဲ့စကားပုံပေါ်လာတာဘဲ။

နင်ဒီအတိုင်းလုံးလည်ခတ်ပြီးသွားနေလို့ကတော့ စိတ်ဆင်းရဲတာနဲ့သေမှာပါဘဲ။

နင်သေရင် နင့်နောက်အလိုလိုနေရင်းလိုက်ရမယ့်လူ နှစ်ယောက်ကတော့အဆင်သင့်ပါဘဲတဲ့။

အဲတော့ ဒီလိုနဲ့ဘဲဒုက္ခခံမလား နင့်မှာရောင်းစရာရှိတာကိုဘဲချရောင်းမလား စဉ်းစားပါတဲ့။

အစကတော့သဘောမပေါက်ဘူး။ နောက်မှတွေးရင်းသဘောပေါက်လာတယ်။

လောလောဆယ်လူနေအိမ်ကိုချရောင်းလို့ဘယ်ဖြစ်မလဲနော်လမ်းဘေးမှာနေလို့မှမရတာ။

အဲတော့ ရောင်းလို့ရတာကိုဘဲ “နီမ”ပြောသလို ချနင်းလိုက်ရတာပေါ့နော်။

ဒါပေမယ့်အဲဒီအချိန်တုံးကတော့ ကောင်းလားမကောင်းဘူးလား သင့်တော်လား မသင့်တော်လား

ဆိုတာကို စဉ်းစားနိုင်လောက်အောင်ကိုအခြေအနေမပေးဘူးလို့ဘဲဆိုချင်ပါတယ်။

လက်ရှိရင်ဆိုင်နေရတဲ့ပြဿနာအတွက် အရမ်းကိုလိုအပ်နေတဲ့ငွေရဘို့ဆိုရင်ဘာလုပ်ရလုပ်ရ

ဆိုတဲ့အတွေးက စိုးမိုးနေချိန်လဲဖြစ်ပါတယ်။

ဒီလိုနဲ့ဘဲ” နီမ“ခေါ်သွားတဲ့တော်တော်လေးကို သီးသန့်ဆန်တဲ့ အေးချမ်းဆိတ်ငြိမ်တယ်ဆိုတဲ့

ဝင်းကျယ်ခြံကျယ်ကြီးတစ်ခုထဲမှာရှိတဲ့လူကုန်တန်များရဲစံပျော်ရာဘုံနန်းလေးမှာမင်းသမီးလေး

ဖြစ်လို့သွားပါတယ်။

ဖွင့်ထားတဲ့ ပိုင်ရှင်ဖြစ်သူတို့ကတော့ ဘယ်လောက်ရတယ်ဆိုတာမသိပါဘူး။

“မပိ”ခွဲတမ်းကတော့ တစ်ကြိမ်မှာ တပုလင်းခွဲပါဘဲ။

ဘယ်လိုဘဲပြောပြော ယိုင်လဲပြိုလဲတော့မယ့်အခြေအနေကနေ နည်းနည်းလေးတော့မတ်လာပါတယ်။

တကယ်တမ်းပြောကြစို့ဆိုရင် ပုံလဲသွားရင်တောင်မှထူပေးသူမရှိတဲ့“မပိ”ဘ၀မှာ နည်းလမ်းကျတာ

မကျတာ၊မှန်တာမမှန်တာ၊အပထား ကောက်ရိုးလေးတမျှင်ကိုဆုပ်မိတယ်လို့ဘဲခံစားရပါတယ်။

ကိုယ့်လက်ကိုပါ စူးနေယားနေအောင် အစွမ်းသတ္တိတွေရှိနေတဲ့ဒီကောက်ရိုးမျှင်လေးကို ဘယ်အချိန်

ဘယ်ကာလ ရောက်မှ လွှတ်ချနိုင်မယ်ဆိုတာကိုတော့ ………………………………….။

(ဆက်လက်ဖော်ပြပါမည်)

ကိုပေါက်လက်ဆောင်အတွေးပါးပါးလေး

 

“ပါဝင်ကပြ ကြည့်ရူ့အားပေး ဝေဖန်သုံးသပ်”(အပိုင်းလေး) (မနန်း)

(ဘ၀အပိုင်းလေး- မနန်း)

မနန်း ဖွင့်ထားတဲ့ စည်ဘီယာနဲ့အသားကင်ဆိုင်လေးကတော့ ညနက်လေလူစည်လေပါဘဲ။

ညည ကေတီဗွီကအပြန်မှာ “စင်တင်မယ်”ခပ်လန်းလန်းခပ်ဟော့ဟော့ကလေးမလေးတွေက မနန်းဆိုင်မှာလာထိုင်လေ့ရှိပါတယ်။

သူတို့ဆိုင်တွေကအလုပ်ပြီးလို့အပြန် သူတို့နဲ့ချိတ်ထားတဲ့သူတွေ နဲ့တွေ့ဘို့ ၊

တချို့ကလဲ သူတို့ကိုခေါ်မယ့်သူနောက်ကိုလိုက်ဘို့ မနန်းဆိုင်မှာစုရပ်လာလုပ်ကြတာပါ။

ပေါ့ပေါ့နေပေါ့ပေါ့စား ရသမျှအကုန်သုံး ရလာတဲ့ပိုက်ဆံတွေကို မစုဘဲအကုန်ဖြူန်းနေတဲ့ကလေးမ

များကို တွေ့ရင် သူတို့အစားမနန်းရင်မောပါတယ်။

“နင်တို့ဒီလိုဘ၀ကြီးထဲမှာအပြီးနေကြတော့မှာလား”လို့ သူတို့ ကိုမေးချင်ပါတယ်။

ဘာလို့လဲဆိုတော့ လွန်ခဲ့သော နှစ်များစွာက မနန်းကိုယ်တိုင်ကလဲ သူတို့လိုဘ၀မှာကျင်လည်လာခဲ့တာကိုး။

လွန်ခဲ့သောနှစ်ပေါင်း 20စွန်းစွန်းလောက်တုန်းက နန်းစိန်ဆိုတဲ့ ခပ်အအကောင်မလေးတစ်ယောက်

အောက်ပြည်အောက်ရွာကနေ အလုပ်ရှာပေးမယ်ဆိုတဲ့ပွဲစားမရဲ့စကားလေးကိုယုံစားလို့ တစ်ခါမှမရောက်ဘူးတဲ့မန္တလေးမြို့ကြီးကိုယောင်လည်လည်နဲ့ရောက်လာခဲ့ပါတယ်။

အိမ်မှာမိသားစုကများ စားဝတ်နေရေးအဆင်မပြေတော့ အိမ်ရှိလူကုန်အလုပ်လုပ်ဘို့ ကြံရတော့တာပေါ့။

မွေးရပ်မြေမှာအဆင်မပြေတော့ ပွဲစားအကူအညီနဲ့ တနယ်တကျေုးကို သွားပြီးလုပ်နိုင်အောင်စွန့်စားခဲ့ရပါတယ်။

မန်းလေးကိုစရောက်ရောက်ခြင်း စလုပ်ရတဲ့အလုပ်က ထမင်းဆိုင်မှာ ပုဂံဆေးရတဲ့အလုပ်ပါ။

ထမင်းစားရတယ် နေစရာပေးတယ် ရတဲ့လခကိုစုပြီး အမေတို့ဆီပို့ပေးလိုက်ရုံဆိုတော့ အဆင်ပြေပါတယ်။

အဲဒီဆိုင်ရောက်လို့လေးငါးခြောက်လကြာလို့နေသားလဲကျနေရော ပွဲစားမက ကျမအမေနေမကောင်းလို့ဆိုပြီး ပြန်လာခေါ်တော့ ဘုမသိ ဘမသိနဲ့ကျမ သူ့နောက်လိုက်ခဲ့ရပြန်ပါတယ်။

ရွာပြန်မယ်ဆိုလို့ အဟုတ်မှတ်ပြီးပျော်နေတာ တကယ်တော့ ပွဲစားမက လူလယ်လုပ်ပြီး

ကျမကိုနောက်တစ်ဆိုင်ကို ပွဲခယူပြီးထပ်ပို့တာပါ။

နောက်ဆိုင်ကလဲထမင်းဆိုင်ပါဘဲ။

ဒါပေမယ့်အရင်ဆိုင်က ထမင်းသက်သက်ဘဲရောင်းတာ။

အခုဆိုင်ကတော့အရက်လဲတွဲရောင်းသလို လာတဲ့ဧည့်သည်ကို ကောင်မလေးတွေနဲ့လဲဧည့်ခံပေးတယ်လေ။

ဖွင့်တာကတော့ ကားဂိတ်နားမှာဆိုတော့ လူအမြဲစည်ကားနေပါတယ်။

ရောင်းလဲတော်တော်လေးရောင်းရတဲ့ဆိုင်လေးပါ။

အစက ထမင်း ဟင်းချက်တဲ့နေရာမှာထားပါတယ်။

ဖြူဖြူသန့်သန့် စကားပြောတာလဲညက် ကြောက်လဲမကြောက်တတ်တဲ့မနန်းကို

နောက်တော့ ဧည့်သည်တွေကိုဧည့်ခံဘို့ ပိုင်ရှင် အမကြီးကပြောပါတယ်။

မနန်းလဲ အစကတော့ငြင်းပါသေးတယ် အေးအေးဆေးဆေးဘဲနေချင်လို့ပါ။

ဒါပေမယ့် အပြင်ထွက်ဧည့်ခံရင် လခလဲပိုရမယ်

ကိုယ်တာဝန်ယူရတဲ့ ဧည့်သည်တွေက ဟင်းများများမှာအရက်များများသောက် ပိုက်ဆံများများသုံးရင်သုံးသလောက်ကော်မရှင်လဲရအုံးမယ်

နောက်ဧည့်သည်ကျေနပ်လို့ပေးတဲ့ဘောက်ဆူးလဲရမယ်ဆိုတော့ ခေါင်းငြိမ့်လိုက်ရပါတယ်။

ဒါပေမယ့်နောက်ဆက်တွဲမှာတဲ့စကားကတော့ဧည့်သည်ကို သီးခံရမယ်

သူတို့စိတ်ကျေနပ်အောင်အပေါ်ယံလောက်ကတော့ခွင့်ပြုရပါမယ်တဲ့။

စစခြင်းတုံးက တော့ မနန်းတော်တော်လေးစိတ်လေပါတယ်။

မျက်စေ့အကျင့်နားအကျင့်မရှိတော့ စိတ်လဲကျဉ်းကျပ်ပါတယ်။

ဒါပေမယ့် ညအိပ်ယာထဲရောက်တော့ ခါးကြားမှာလိပ်ထားတဲ့ ပိုက်ဆံလေးတွေ

ကိုလက်နဲ့ပွတ်ရချိန်မှာတော့ နေ့လည်က အဆင်မပြေသမျှကိုမေ့ထားလို့ရပါတယ်။

ဧည့်သည်တွေနဲ့ထမင်းဝိုင်းမှာအတူထိုင် သူတို့ကြွေးတာကိုစားရေလိုက်ငါးလိုက်

စကားတွေပြော သားပြောမယားပြောတာကိုခံ။

လျှို့ဝှက်ထားရမှာတွေကို ဟိုမေးဒီမေးပေါက်ကရပြောတာကိုလဲပါးစပ်ထဲရှိတာဖြေ။

လူကိုဖက်ထားတာ ပါးနမ်းတာအပရိကလောက်ကို ဟိုထိဒီထိလုပ်တာလောက်ကတော့

ငြိမ်ခံနေရပါတယ်။ဒါမှလဲသူတို့အိတ်ထဲက ပိုက်ဆံက ကိုယ့်ခါးကြားထဲရောက်လာမှာကိုး။

ဒီထက်လွန်ကဲလာရင်တော့ အလိမ္မာသုံးရပါတယ်။

ထုံးစံကတော့ ယောက်ျားဆိုတာမူးလာရင် ယစ်လာရင် လူကိုလဲရစ်တာထုံးစံပေါ့။

မနန်းဒီအလုပ်မှာ တစ်နှစ်လောက်ကြာတော့ ပိုက်ဆံတော်တော်လေးစုမိချိန်မှာ ထမင်းဆိုင်မှာ

မိန်းကလေးတွေမထားရတော့ဘူးဆိုပြီးအမိန့်တွေထွက်လာတော့ မနန်းတို့တဖွဲ့လုံး ပုန်းရှိူးကွယ်ရှိူး

လုပ်ရတဲ့ ဘ၀ကိုရောက်သွားပါတယ်။

အရင်က အိနြေ္ဒရရလုပ်နေတာကနေ ပုန်းရှိုးကွယ်ရှိုး ခိုးလုပ်ရတဲ့ဘ၀ကိုရောက်သွားကြပါတော့တယ်။

ဒီတော့ အရင်ကလောက်တော့ ၀င်ငွေမကောင်းတာလဲအမှန်။

အဲဒီအချိန်မှာ မနန်းတို့ လို လူတန်းစားထဲကတစ်ချို့က အပေါ်ယံလိုက်လျောယုံတင်မကဘဲ

ကြေးစားဖြစ်ပြီး ပျက်စီးသွားတဲ့ကောင်မလေးတွေလဲရှိလာပါတယ်။

ကံကောင်းခြင်တော့ မန္တလေးတောင်ခြေနားမှာ စားသောက်ဆိုင်အသစ်ပေါ်လာပါတယ်။

မနန်းတို့အဲဒီဆိုင်မှာအလုပ်ဝင်လျှောက်တာ သီချင်းဆိုတတ်တယ်ဆိုလိုအလုပ်ရလိုက်ပါတယ်။

ဒီဆိုင်မှာက သီချင်းဆိုရတဲ့ စင်တင်ဂီတလဲပါ ပါတယ်။

အဲဒီအချိန်မှာမန်းလေးမှာကျောက်စိမ်းသူဌေးခေတ်ထတဲ့ကျောက်သမားမျက်နှာပွင့်တဲ့အချိန်ပေါ့။

စင်ပေါ်မှာ မနန်းတို့လို့ကောင်မလေးတွေက သီချင်းဆို အောက်က ထမင်းဝိုင်းက ဧည့်သည်တွေက

အားပေး အပြိုင်အဆိုင်ပန်းကုံးတွေစွပ် သရဖူတွေတင်ပြီးဆုတွေချကြ။

အပြိုင်အဆိုင်ဖြုန်းပြကြနဲ့ မနန်းတို့အတွက်ရတနာပုံဆိုက်တဲ့ခေတ်လက်ဖျားမှာငွေတွေသီးနေတဲ့ခေတ်လို့

တောင်ပြောနိုင်ပါတယ်။

မနန်းတို့အဆိုတော်တွေက သီချင်းဆိုနေချိန်မှာ လာဆုချတဲ့ပန်းကုံးတွေ သရဖူတွေများရင်များသလောက်

ဝင်ငွေတိုးပါတယ်။ပန်းကုံးတစ်ကုံးကို ဘယ်လောက် သရဖူတစ်ခုဆိုရင်ဘယ်လောက်၊နောက်နာမယ်တတ်ပြီး

သီချင်းတောင်းဆိုခံရရင်ဘယ်လောက်ဆိုပြီးကြေးသတ်မှတ်လို့ရတာကိုး။

အရင်ဆယ်ဂဏန်းနောက်တော့ ထောင်ဂဏန်းကနေ မနန်းတစ်ည၀င်ငွေက တစ်ခါတစ်ရံမှာ သောင်းဂဏန်းထိရောက်လာပါတယ်။

သူတို့ပေးတဲ့လခဆိုတာကမနန်းတို့လက်တိုလက်တောင်းခိုင်းတဲ့ကောင်လေးတွေကိုပေးတဲ့မုန့်ဘိုးဖြစ်သွားပါတယ်။ ပိုကောင်းသွားတာက 26ဘီလမ်းနဲ့လမ်း80ကျုံးဒေါင့်က ကျုံးရေပြင်ပေါ်မှာ စင်တွေထိုးပြီး

” ရေပေါ်တီးဝိုင်း“ပေါ်လာတာပါဘဲ။

အရင်က မန်းလေးတောင်ခြေမှာကသွားရလာရတာဝေးနေတော့ လာတဲ့သူနည်းပါတယ်။

အခုမြို့လည်ခေါင်မှာဆိုတော့ လာတဲ့သူများပြီး ၀င်ငွေပိုကောင်းလာပါတယ်။

ဒါပေမယ့်အရင်နေရာဟောင်းမှာကတော့ တကဲ့ကိုသုံးနိုင်ဖြုန်းနိုင်တဲ့လောပန်းတွေဘဲလာတယ်ဆိုတော့

ရတဲ့နေများဆိုရင် စို့စို့ပို့ပို့လေးရပါတယ်။

မကောင်းတာကတော့ ဒီ “ရေပေါ်”ကိုရောက်လာတဲ့အခါ ကိုယ့်အထဲက ၀န်ထမ်းတချို့က မနန်းတို့ကို

အပြင်က ပိုက်ဆံတတ်နိုင်သူတွေကိုပျော်တော်ဆက်ပေးဘို့ အောင်သွယ်လုပ်ပေးတော့တာပါ

ဘဲ။ရတဲ့ငွေကလဲမက်လောက်စရာဆိုတော့ လက်ခံတဲ့သူတွေကလဲလက်ခံပါတယ်။

အဲဒီတုန်းက မြို့သစ်က သိပ်မစည်ကားသေးပါဘူး။

မနန်းတို့ကို သိပ္ပွံလမ်း 68လမ်းလောက်မှာ ရှိတဲ့ ၀င်းခြံကျယ်ကျယ်နဲ့တိုက်တစ်လုံးမှာငှားပေးထားပါတယ်။

အဆောင်လိုစုနေရတာပေါ့။

ညနေလာကြိုတယ် ညပြန်ပို့တယ်ပေါ့။

ညနေရောက်တာနဲ့ မနန်းတို့အုပ်စုလိုက်ကြီး လှလှပပနဲ့ မိုက်သထက်မိုက်အောင်ပြင်ဆင်ပြီးကားနဲ့လိုက်။

သီချင်းတွေဆို ကြ ကကြ ။

ကိုယ်ကို ပန်းကုံးတွေ သရဖူတွေ ပိုက်ဆံတွေဆုချအောင် စင်ပေါ်ကနေ ညုတုတုလုပ်ပြီး အီပြကြ။

အဆင်တွေကိုပြေလို့ပါ။

လာပြီးအားပေးကြတဲ့တကယ်လောပန်းရော လောပန်းအယောင်ဆောင်ရော လောပန်းလောင်းရော

လောပန်းမဟုတ်တဲ့သူရော မနန်းတို့ကိုမျှော်လင့်ချက်တစ်ခုထားလို့ သုံးလိုက်စွဲလိုက်ဆုတွေချလိုက်

ကြတာငွေတွေမှဖွေးနေတာ ပါဘဲ။

ရလိုက်တဲ့ ပိုက်ဆံကို စုသူလဲစု သုံးသူကလဲ ပက်ပက်စက်စက်ကိုသုံးပေါ့။

သုံးတဲ့လူများပါတယ်။

ညအလုပ်သိမ်းလို့ပြန်ချိန်ကတော့ သန်းခေါင်ယံနီးနီးရောက်ပါပြီ။

မနန်းတို့က အပြန်မှာ ညလယ်စာစားကြဘို့ ရယ် 35လမ်းက မိုးအလင်းဆို်င်တွေကိုဝင်ပါတယ်။

မနန်းတို့ ကိုတွေ့ချင်သူ စကားပြောချင် သူစောင်မကြည့်ရူ့ချင်သူ

ကိုယ်ဖိရင်ဖိ ပြုစုချင်သူ ညမှာတစ်ယောက်ထဲနေရမှာကြောက်လို့ အဖော်အဖြစ်ခေါ်ချင်သူများက

ဒီမှာလာလို့ မနန်းတို့အပြန်ကိုစောင့်ပါတယ်။

မနန်းတို့ကလဲ စားရင်းသောက်ရင်း ဟိုရောက်ဒီရောက်စကားတွေပြောကြရင်းက ခေါ်ချင်သူနဲ့လိုက်ချင်သူတို့ ညှိကြပါတယ်။

နောက်တော့လဲ လိုက်ချင်သူကပါသွားပြီး မနန်းတို့လိုမလိုက်တဲ့သူတွေကတော့ အဆောင်ပြန်ပေါ့။

မနန်းကော မလိုက်ခဲ့ဘူးလားလို့မေးရင် လိုက်ခဲ့ဘူးတယ်လို့ဖြေရမှာပါဘဲ။

မနန်းဘ၀ကို မြင့်အောင်မြှ့င်တင်ပေးနိုင်မယ့်သူလို့ ထင်ရတဲ့သူနဲ့ လက်တွဲခဲ့ဘူးပါတယ်။

သူကတော့ မနန်းကို ငွေကြေးလက်ဆောင်ပဏ္ဏာတွေကို ပေးခဲ့ကမ်းခဲ့၊

မနန်းကတော့ သူ့ကိုမနန်းရဲ့ဘ၀တစ်ခုလုံးပေးခဲ့ရသလိုပါဘဲ။

နောက်တော့လဲ ထုံးစံအတိုင်းမနန်းတို့လိုလူစားမျုိးတွေကို ထားသွားခဲ့တာပါဘဲ။

ဒီလိုမနန်းတို့တစ်ထောက်နားတဲ့ဆိုင်မျုိးတွေက လမ်3း0အရှေ့ထိပ်66-67လမ်းလောက်

က အသားကင်နဲ့ဘီယာဆိုင်တွေအဖြစ်ပြောင်းဖွင့်လာကြတော့ မနန်းတို့လဲ အဲဒီဘက်ကို

ပြောင်းထိုင်ကြပါတယ်။

အဲဒီလမ်3း0ဘက်က ဆိုင်ကိုစပြောင်းစအချိန်မှာ မနန်းတစ်ယောက်”သူ”နဲ့ခွဲရလို့

အသဲကွဲနေချိန်စိတ်တွေလေနေချိန်ပေါ့။

မနန်းတို့ထိုင်နေကျ ဆိုင်က “မမရွှေ”နဲ့ခင်မင်လာရပါတယ်။

မနန်းကလဲ စိတ်ညစ်ရတာရော အသဲကွဲနေတာရော ဒီဘ၀ကလွတ်ချင်တာတာတွေရော ကိုယ့်ဘ၀အကြောင်းတွေရင်ဖွင့်မိပါတယ်။

သူကလည်းမနန်းကိုအားပေးပါတယ်။

နောက်နေ့လည်ခင်းအားချိန်ဆိုရင် သူ့ဆိုင်ကိုလာခိုင်းပြီး အသားကင်လုပ်တာတွေ

ရောင်းတာဝယ်တာတွေသင်ပေးပါတယ်။

သူနဲ့တွေ့ပြီး သုံးနှစ်လောက်အရောက်မှာခေါက်ဆွဲ ဆိုင်ဆက်မဖွင့်ချင်တော့တဲ့သူတစ်ယောက်ဆီကနေ

“မမရွှေ “ရဲ့ကူညီစောင်မမှု့နဲ့ အဲဒီဆိုင်လေးကို မနန်း ၀ယ်လိုက်ပါတယ်။

အစကတော့ ရောင်းရတာ စိတ်ပျက်စရာချောက်တီးချောက်ချက်။

အရင်းတောင်ပြန်မရချင်ဘူး။

မမရွှေကတော့ အားမလျှော့ဘိုး ကြိုးစားဘို့ အားပေးပါတယ်။

နောက်တော့ အရက်ကလေးဘီယာလေးတွဲရောင်းအပေါင်းအသင်းဟောင်းတွေကလာအားပေးတော့

ဘ၀လေးက စိုပြေလို့လာပါတယ်။

အိမ်ထောင်ကတော့မပြုချင်တော့ပါဘူး။

နောင်ကျဉ်သွားသလိုဘဲ ထပ်အညာခံရမှာစိုးတယ်လေ။

နယ်မှာရှိတဲ့မိဘတွေကို အားလုံးဒီမှာခေါ်ပြီးညီအမတစ်တွေဝိုင်းလုပ်ကြတာပေါ့။

အခုခေတ်မှာလဲ မနန်းတို့တုန်းကလို ဘ၀တွေရှိနေတုန်းပါဘဲ။

နှစ်တွေသာကြာသွားတယ် မနန်းတို့လို့ လူတွေလဲရှိနေတုန်းပါဘဲ။

သူတို့လေးတွေက မနန်းတို့တုန်းကထက်ပိုဟော့တယ် လန်းတယ်

ပိုလဲကဲတယ် ထင်တာဘဲ။

ရှာရသမျှကို အကုန်သုံးဖြုန်းနေကြတဲ့ သူတို့လေးတွေကိုမြင်ရင် မနန်းသူတို့အစား

ရင်မောပါတယ်။

တွေ့သမျှထဲက နားထောင်လောက်မယ်ထင်သူကိုတော့ မနန်းဘ၀နဲ့ယှဉ်ပြီး

ပြောပြပါတယ်။ပြောင်းနိုင်တယ်ဆိုရင်အခွင့်အရေးရတယ်ဆိုရင်ပြောင်းဘို့ပေါ့။

ဒါပေမယ့်လည်းကံကြမ္မာမျက်နှာသာပေးဘို့ကလဲ လိုသေးတယ်လို့ထင်ပါတယ်။

ကိုယ်ပြောင်းချင်တယ်ဆိုတာ “အပ်ချလောင်း”လို့အော်တာနဲ့ပြောင်းသွားတာမှမဟုတ်တာဘဲနော်.။

(ဆက်လက်ဖော်ပြပါမည်)

ကိုပေါက်လက်ဆောင်အတွေးပါးပါးလေး

 

“ပါဝင်ကပြ ကြည့်ရူ့အားပေး ဝေဖန်သုံးသပ်”(အပိုင်းငါး)

(ဖက်ဖက် သို့မဟုတ် မေခင်လေး)

(ဘ၀အပိုင်းငါး- ဖက်ဖက် သို့မဟုတ် မေခင်လေး)

မေခင်ဆယ်တန်းဖြေပြီးစမှာ ယိုးဒယားဘက်ကိုအလည်ခဏရောက်သွားခဲ့တယ်။

ရောက်ဆိုမေခင်တို့ ဘားအံဘက်ကလူတွေက ဟိုဘက်ကို သွားချည်ပြန်ချည်လုပ်နေတာ

မဆန်းပါဘူး။

အဲဒီမှာ အလည်သွားရင်း အမတွေကလဲ အလကားနေအလကားဆိုပြောတာနဲ့အလုပ်ဝင်လုပ်ပါတယ်။

အနှိပ်ခန်းတစ်ခုမှာပေါ့။

အစကတော့တောက်တိုမယ်ရ။

နောက်တော့ အမတွေက ဘယ်လိုလုပ်ဘယ်လိုကိုင်ဆိုတာကို သင်ပေးပါတယ်။

မေခင်တို့ လုပ်တဲ့ဆိုင်က တကယ့်သန့်သန့်လေးပါ။

ဒါပေမယ့်အောင်စာရင်းထွက်တော့အိမ်ပြန်လာရပါတယ်။

အဲဒီနှစ်က မေခင်ဆယ်တန်းကျပါတယ်။

နောက်တစ်နှစ်ဆယ်တန်းပြန်တက်ပေမယ့် မေခင်စာထဲစိတ်မပါတော့ပါဘူး။

ဟိုဘက်မှာတုံးက ငွေဝင်အောင်ရှာတတ်လာပြီကိုး။

စာထဲမှာမှ စိတ်မ၀င်စားတော့ ဆယ်တန်းထပ်ကျတာပေါ့။

အဲဒီအချိန်မှာ မေခင်ရီးစားလဲထားတတ်နေပါပြီ။

တစ်ရက်အိမ်ကမေခင်ကိုရီးစားထားတာရောဆယ်တန်းမအောင်တာရော

ပေါင်းပြီးအဆူခံရပါတယ်။

အဲဒါနဲ့ အိမ်ကိုိစိတ်ဆိုးပြီး မန္တလေးကိုအလုပ်သွားလုပ်မယ်ဆိုတဲ့အမကြီးနဲ့လိုက်လာခဲ့ပါတယ်။

အလှပြင်ဆိုင်အမည်ခံတဲ့ မာဆတ်ခေါ်အနှိပ်ခန်းကိုပေါ့။

မေခင်က နည်းနည်းကိုယ်လုံးပြည့်ပြည့် ဆိုတော့မေ့ခင်ကို ဖက်တီးမလေးလို့ခေါ်ရာကနေ

“ဖက်ဖက်”ဆိုပြီးချစ်စနိုးခေါ်တာကနေ “ဖက်ဖက်”ဆိုတဲ့နာမယ်ကတွင်သွားပါတယ်။

အဲဒီမှာခြောက်လလောက်လုပ်လို့ အဆင်ပြေခါစရှိသေးတယ် အိမ်ရှင်ကဆက်မငှားတော့ဘူးဆိုတော့

ဆိုင်ခဏပိတ်လိုက်ရပြန်ပါတယ်။

အဲဒီအခါမှာမေခင်ဖောက်သည် အကိုကြီးတစ်ယောက်က သူ့အသိဟိုတယ်မှာမေခင့်ကိုအပ်ပေးပါတယ်။

ဟိုတယ်က ခန်းခန်းနားနား ဈေးကလဲကြီးကြီး လာတဲ့သူတွေကလဲသုံးနိုင်ဖြုန်းနိုင်ခပ်ထည်ထည်ဆိုတော့

မေခင်လဲဝင်ငွေကောင်းပါတယ်။

ဒါပေမယ့် အရင်ဆိုင်မှာတုန်းက ဟိုဘက်ခန်းဒီဘက်ခန်း လိုက်ကာလေးဘဲခြားတော့ သိပ်ပြဿနာမရှိပါဘူး။

ဒီမှာကြတော့ ကိုယ့်အခန်းနဲ့ကိုယ်သီးသန့်ဆိုတော့ လွတ်လပ်ပါတယ်။

လွတ်လပ်တယ်ဆိုတော့လဲ ယေက်ျားများရဲ့ ထုံးစံအတိုင်း “ကဲကဲလေး”ဇာတ်လမ်းတွေစသပေါ့။

ဒီတော့လဲ ရုိးရိုးကတစ်ဈေး၊မရှယ့်တရှယ်ကတစ်ဈေး၊လုံးဝရှယ်ကတစ်ဈေးပေါ့။

ဒါပေမယ့်မေခင်က မရှယ့်တရှယ်လောက်ထိဘဲအလုပ်လုပ်ပါတယ်။

အဲဒီမှာလုပ်နေတုန်းမေခင် ပိုက်ဆံတော်တော်လေးစုမိသလိုမေခင့်ဘ၀ကိုပြောင်းစေမယ့်

သူတစ်ယောက်နဲ့တွေ့လိုက်ရပါတယ်။

တစ်ရက်မေခင်ကို ဒီကိုပို့ပေးထားတဲ့ “ ကိုကြီး“ နဲ့ပါလာတဲ့သူတစ်ယောက်ကိုမေခင်ဧည့်ခံပေးရပါတယ်။

ထုံးစံအတိုင်း ဟိုမေးဒီမေးပြောရင်းဆိုရင်းက မေခင်ဆယ်တန်းမအောင်တာကိုသိသွားတဲ့အခါ

သူ့ပါးစပ်က ထွက်လာတဲ့မှတ်ချက်တွေက ဆယ်တန်းမအောင်ရင်လူမဟုတ်သလောက်ကို

မှတ်ချက်တွေ ပညာမတတ်ရင်လူမဟုတ်သလောက်ကို ပစ်ပစ်ခါခါပြောသွားပါတယ်။

ညရောက်တော့ နေ့လည်က သူပြောတာတွေကို ပြန်စဥ်းစားရင်းစိတ်တိုတာကနေ ၀မ်းနည်းလို့

မျက်ရည်တောင်လည်လာပါတယ်။

ဒီအကြောင်းတွေ“ ကိုကြီး“ ကိုပြောပြတော့

“သူပြောတာကိုမခံချင်ဘူးဆိုရင် သူပြောတဲ့အတိုင်းမဖြစ်အောင်လုပ်ပေါ့”တဲ့။

ဒါနဲ့ဘဲမေခင် “ ကိုကြီး“အကူအညီနဲ့ဆယ်တန်းပြန်ဖြေဘို့ ကျူရှင်တွေတက်စာတွေကျက်လုပ်ရပါတော့တယ်။

စိတ်ကဘဲမခံချင်လို့လား ကံကြမ္မာအလှည့်ကောင်းလို့လားတော့မသိဘူးမေခင်ဆယ်တန်းအောင်သွားပါတယ်။

ဒီမှာအလုပ်ဆက်လုပ်နေရင်းကနေပြီး အဝေးသင်တက္ကသိုလ်ကို “အီကို”မေဂျာနဲ့ကျောင်းဆက်တက်ပါတယ်။

ဒါပေမယ့်လည်း မေခင်အဖြစ်နဲ့ကျောင်းတက်နေပေမယ့် “ဖက်ဖက်”ဘ၀နဲ့ဖောက်သည်များနဲ့ဆုံရင် စိတ်မလုံပါဘူး။ “ ငါ့အကြောင်းဘာတွေများပြောမလဲ“ ဆိုတဲ့အငုံ့စိတ်ကလေးနဲ့ပေါ့။

နောက်စာရင်းအင်းဝါသနာပါတဲ့မေခင်ကို “ ကိုကြီး“အစီအစဉ်နဲ့ခေတ်စားနေတဲ့ LCCI စာရင်းကိုင်သင်တန်းတက်ရပါတယ်။

“ ကိုကြီး“ကဒီလောက်ကူညီနေမှာတော့ မေခင်“ ကိုကြီး“ကိုကျေးဇူးတွေဆပ်ရ လိုက်လျောရတော့တာပေါ့။

သူ့ကြောင့်ချည်းဘဲလိုတော့မဆိုလိုပါဘူး။

မစွမ်းရင်းကလဲရှိ ကန်းစွန်းခင်းကလဲညှိချင်ချင်ကြောင့်ပါ။

သို့သော်လည်းပေါ့လေ“ ကိုကြီး“မှာအိမ်ထောင်ရှိပါတယ်။

မေခင်သူများအသိုက်အမြုံကိုလည်းမဖျက်ဆီးချင် မဖျက်ဆီးရက်ပါဘူး။

ဒါကြောင့်လဲ “ ကိုကြီး“ကိုမေခင့်ဘ၀ထဲအပြီးဝင်လာဘို့ မဆွယ်ပါဘူး။

တိုတိုပြောရင်မေခင် LCCI လယ်ဗယ်(3)ပြီးတဲ့အချိန်မှာ ကုမ္ပဏီတစ်ခုကနေ၀န်ထမ်းခေါ်တော့

မေခင်ဝင်လျှောက်တာ စာရင်းကိုင်အလုပ်ကိုမေခင် ရပါတယ်။

စာရင်းကိုင်အလုပ်က လက်ရှိအလုပ်လောက်ဝင်ငွေမကောင်းပေမယ့် မိန်းကလေးတစ်ယောက်အနေနဲ့

ဘ၀လုံခြုံသော အိနြေ္ဒရသော ဂုဏ်သိက္ခာရှိသောလူမြင်တင့်တယ်သောအလုပ်လို့ယုံကြည်တဲ့အတွက်

မေခင် ကျေနပ်စွာဝမ်းသာစွာနဲ့ရွေးချယ်ခဲ့ပါတယ်။

အဲဒီအချိန်ကစပြီး “ဖက်ဖက်”ဆိုတဲ့ဘ၀ဟောင်းထဲကနေ“ကိုကြီး“ဆိုတဲ့လူတစ်ယောက်အပါအ၀င်အားလုံးကို

စွန့်လွှတ်လို့ မေခင်ဆိုတဲ့ အမည်သစ်နဲ့ဘ၀သစ်ကိုစခဲ့ပါတယ်။

ဒါပေမယ့် “အတိတ်ဆိုတာ ဘယ်တော့မှ ပြန်ပြင်လို့မရဘူး”ဆိုတဲ့အတိုင်းပါဘဲတစ်ခါတစ်လေ

ကိုယ့်ကသိပ်မသိပေမယ့် လာနူတ်ဆက်တဲ့ယောက်ျားသားများကိုတွေ့ရင် “ ဖက်ဖက်“ဘ၀က

သိခဲ့တဲ့လူလားဆိုပြီး စိတ်ထဲမှာစိုးရွှံ့စိတ်တွေပေါ်လာရတာကလဲ ခဏခဏပါ။

မေခင် ဒီအလုပ်မှာအဆင်လဲပြေ စိတ်လဲချမ်းသာပါတယ်။

ဝင်ငွေနည်းသွားပေမယ့်လည်း သမ္မာအာဇီဝကျတယ် လူမြင်တင့်တယ် တယ် ဂုဏ်သိက္ခာရှိတယ်

လူရာလဲဝင်တယ်ဆိုပြီးကျေနပ်နေခဲ့ရပါတယ်၊

ဒါပေမယ့် အတိတ်ရဲ့အရိပ်ဆိုတာ လူနောက်ကို လိုက်စမြဲပါ။

အစမ်းခန့်သုံးလ ပြီးလို့ အမြဲတမ်းအဖြစ်စာချုပ် ချုပ်ဘို့လုပ်ချိန်မှာတော့ မေခင်ကြေကွဲရပါတယ်။

မေခင့်အထက်က အုပ်ချုပ်သူအမကြီးက

“ သမီးရေ သမီး ကြိုးစားတာလဲသိတယ် တော်လည်းတော်တယ်။

ဒါပေမယ့် သမီးကိုဆက်ခန့်လို့ မဖြစ်တဲ့အကြောင်းကတော့ သမီးအရင်လုပ်ခဲ့တဲ့အလုပ်ကြောင့်ဘဲ။

ဒီမှာက ကုန်သည်တွေနဲ့ထိတွေ့ဆက်ဆံနေရတဲ့အလုပ်ဆိုတော့…………………….“

အမှန်ပြောရရင် အဲဒီနောက်မှာ အမကြီး ပြောနေတဲ့ချော့မော့နှစ်သိမ့်တဲ့ စကားတွေမေခင်ဘာမှ မကြားတော့တာအမှန်ပါ။

လူကလည်းထူပူပြီးနေရာတင်အငွေ့ပျံပြီးပျောက်သွားချင်လိုက်ပါတယ်။

အလုပ်ကနေ မောင်းထုတ်လိုက်တဲ့အတွက် သုံးလစာတော့ ပေးလိုက်ပါသေးတယ်။

အဆောင်ကိုပြန်ရောက်လို့ ကုတင်ပေါ်မှာ အရုပ်ကြိုးပြတ်လဲနေရင်းမျက်ရည်တွေကြားကနေစဥ်းစားမိပါတယ်။

အခြေအနေတစ်ခုအရ နိမ့်ကျတဲ့ မကောင်းဘူးဆိုတဲ့ဘ၀ကိုရောက်ခဲ့ရတယ်။

မှားခဲ့တယ်။အမှားကိုမြင်လို့ အမှန်ကိုပြင်ဘို့ လုံးပန်းခဲ့တယ် ပြောင်းနိုင်အောင်ကြိုးလဲကြိုးစားခဲ့ပါတယ်။

နိမ့်ကျတဲ့ဘ၀ကနေ မြင့်အောင်ကြိုးစားလို့ပြောင်းချင်တာ ပြောင်းခဲ့တာကို ယဉ်ကျေးပါတယ်ဆိုတဲ့လူ့လောက

ကြီးက လက်မခံတော့ဘူးလား?

ပြောင်းလဲဘို့ အခွင့်အရေးလေးတောင်မပေးချင်တော့ဘူးလား?

မကောင်းတာလုပ်ခဲ့သူက သေတပန်သက်တဆုံး မကောင်းတာဘဲလုပ်တော့ဆိုတဲ့ စရိုက်သေ နဲ့ဘဲ နေရတော့မှာလား ?

ဆိုတာကိုပါ။

အခုတော့ အားလုံးကလက်ခံတဲ့ “ဖက်ဖက်”ဘ၀မှာဘဲ ကျင်လည်လို့နေပါတော့တယ်။

တရားဝင်တာ မ၀င်တာ ကောင်းတာ မကောင်းတာဆိုတာထက် ကိုယ့်ကို ကြည်ကြည်ဖြူဖြူလက်ခံတဲ့

နေရာမှာဘဲ ရပ်တည်နိုင်အောင်ကြိုးစားပါတော့မယ်နော်။

(ဆက်လက်ဖော်ပြပါမည်)

ကိုပေါက်လက်ဆောင်အတွေးပါးပါးလေး

 

“ပါဝင်ကပြ ကြည့်ရူ့အားပေး ဝေဖန်သုံးသပ်”(အပိုင်းခြောက်)

(ဘ၀အပိုင်းခြောက် – မြင်ကြားခဲ့သမျှဇာတ်လမ်းအစုံ)

ကျွန်တော့် ကျန်းမာရေးအတွက် နေ့တိုင်းနေ့တိုင်းမနက်53း0လောက်ဆိုရင်မန်းလေးကန်တော်ကြီး

(တက်သေးအင်း)ကန်ကြီးကိုပါတ်ပြီးလမ်းလျှောက်လေ့ရှိပါတယ်။

ကျွန်တော်တို့လိုလမ်းလျှောက်သူအချင်းချင်း တွေ့နေကျအချိန်တွေ့နေရာမှာဆုံလေ့ရှိပါတယ်။

ဒါလေးက အမှတ်တမဲ့ ကိုယ့်ဘာသာကိုယ်သွားလာနေရင်းက သတိထားမိလာတာပါ။

မနက်တိုင်းတွေ့နေကျ ထဲမှာ ကျွန်တော်နဲ့မျက်မှန်းတမ်းမိနေတဲ့မိသားစုလေးရှိပါတယ်။

ကျွန်တော်တို့ကကျန်းမာရေးအတွက်ဆိုပြီး အားအားယားယားလာလမ်းလျှောက်ပေမယ့် အဲဒီမိသားစုကလေးကတော့ထမင်းစားဘို့ အလုပ်ရှိတဲ့နေရာကိုလမ်းလျှောက်ပြီးသွားကြတာပါ။

သူတို့မိသားစုလေးက လူကြီးသုံးယောက် ကလေးနှစ်ယောက်ပေါင်း(5)ယောက်

အိမ်မှာဘယ်သူတွေကျန်သေးသလဲဆိုတာတော့ မသိပါဘူး။

ရုပ်ခြင်းနည်းနည်းလေးဆင်တဲ့မိန်းမနှစ်ယောက်က သံလက်တွန်းလှည်းကိုတွန်းလာပါတယ်။

ခြောက်နှစ်အရွယ်ကောင်မလေးကတော့ လမ်းလျှောက်လိုက်လာပါတယ်။

(2)နှစ်သားအရွယ်ကောင်လေးကတော့ လက်တွန်းလှည်းထဲမှာလိုက်လာပါတယ်။

ယောက်ျားဖြစ်သူကတော့ အိတ်ဆောင်ရေဒီယိုလေးကိုဘယ်ဘက်လက်ကကိုင် ညာဘက်

လက်တော့ ဆေးပေါ့လိပ်ကို ကိုင်။

ဆေးပေါ့လိပ်လေးဖွာလိုက် သီချင်းလေးနားထောင်လိုက်နဲ့နောက်ကလိုက်လာတတ်ပါတယ်။

သူတို့က အရှေ့ဘက်အသွား ကျွန်တော်က လဲအနောက်ဘက်ကို အသွားဆိုတော့

စကားပြောကြဘို့အခွင့်မသာပါဘူး။

မျက်မှန်းတန်းမိနေလို့ တွေ့ရင်ပြုံးပြပြီး နုတ်ဆက်ကြတာလောက်ဘဲရှိပါတယ် ။

တမနက်မှာ မထင်မှတ်ဘဲ မုိးသက်လေပြင်းကျလာပါတယ်။

အဲတော့ ကျွန်တော်လဲနီးစပ်ရာ သစ်ပင်အောက်မှာမိုးခိုဘို့ပြေးဝင်ချိန်မှာ သူတို့မိသားစုလေးက

အရင်ရောက်နေပါတယ်။

တွေ့တာနဲ့ပြုံးပြရင်းသူတို့ကို အရင်ကတည်းကစိတ်ဝင်စားခဲ့သမျှအခုမှ အင်တာဗျူးရပါတော့တယ်။

သူတို့မိသားစုရဲ့အလုပ်က မန်းစည်ပင်က အမှိုက်လာမသိမ်းနိုင်တဲ့အရပ်က အိမ်တွေကိုလိုက်ပြီး

အမှိုက်သိမ်းပေးတာပါ။

အများအားဖြင့် မဟာမြတ်မုနိဘုရားပါတ်ဝန်းကျင်ကအိမ်တွေမှာပါ။

အိမ်ပေါက်စေ့လိုက်ပြီး အမှိုက်ပစ်မလားလို့မေး။

ပေးလိုက်ရင်ယူပြီးတော့ အမှိုက်တွေကိုလှည်းပေါ်တင် ပြန်ရောင်းစားလို့ရတာလေးတွေကိုဖယ်ထား (ပလပ်စတစ်ခွက်တို့ဂျဒ်စက္ကူတို့လိုပေါ့၊)။

အမှိုက်တွေကို တော့ အမှိုက်ပစ်ဘို့သတ်မှတ်ထားတဲ့နေရာထိသွားပစ်ရပါသတဲ့။

ဝန်ဆောင်ခကတော့ သဒ္ဒါကြေးဘဲယူတာပါတဲ့။

တစ်ခါတစ်လေတော့လဲ သူတို့ကို အမှိုက်ပစ်ခိုင်းတဲ့အိမ်တွေကသူတို့ မ၀တ်တော့ တဲ့ အင်္ကျီဟောင်းထမီဟောင်းလုံချည်အကောင်းတွေကိုပေးကမ်းတတ်တဲ့အိမ်လဲရှိပါသတဲ့။

ယောက်ျားလုပ်သူကတော့ မြို့ထဲက ပွဲရုံတစ်ခုမှကုန်ထမ်းပါသတဲ့။

စာတိုက်ကွေ့ရောက်ရင်ယောက်ျားဖြစ်သူက မြောက်ဘက်ဆက်သွား သူတို့ကအရှေ့ဘက်တက်လို့

လမ်းခွဲပြီးလုပ်ငန်းရှိရာကို သွားကြပါသတဲ့။

ကျန်တဲ့ညီအမနှစ်ယောက်ကတော့ သူတို့ကလေးနှစ်ယောက်ကို ဘုရားကြီးနားက ဘုန်းကြီးကျောင်းထဲမှာ

ခဏထား ပြီး အမှိုက်သိမ်းတဲ့အလုပ်ကို လုပ်ပါသတဲ့ အဲဒါက မနက်ပိုင်း။

မွန်းတည့်ချိန်လောက်ဆို ကလေးနှစ်ယောက်ကိုခေါ် အဲဒီနားကဈေးသက်သာတဲ့ထမင်းဆိုင်က

ဝယ်လာပြီးကလေးနှစ်ယောက်နဲ့ သူတို့ညီမနှစ်ယောက်ထမင်းအတူစား။

နေ့လည်ကျတော့ တစ်ခါထပ်ပြီးအမှိုက်လိုက်သိမ်း။

တစ်ခါတလေကျပြန်တော့ အ၀တ်လျှော်ခိုင်းချင်တဲ့သူများရှိရင် လဲလျှော်ပေးကြပါသတဲ့။

အ၀တ်လျှော်ချိန်များမတော့ ကလေးနှစ်ယောက်ကို အ၀တ်လျှော်တဲ့အိမ်မှာခေါ်ထားပါသတဲ့။

ဒီအလုပ်က ပိုက်ဆံအများကြီးမရပေမယ့် သူတို့မိသားစုအတွက် ၀မ်းရေးကတော့ပြေလည်ပါသတဲ့။

ညနေစောင်းကျရင်တော့ ညီအမနှစ်ယောက်ကဘုရားကြီးဈေးက ဟင်းချက်စရာလေးတွေဝယ်ပြန်

အိမ်ရောက်မှချက်ပြုတ်စား(နေ့လည်စာကတော့ ကြုံရာဆိုင်မှာဝယ်စားပါသတဲ့)။

နေတာကတော့ ကန်တော်ကြီးအနောက်ဘက်ပိုင်း တာရိုးအောက်က ကျူးကျော်တဲလေးတွေရှိတဲ့အရပ်မှာပါတဲ့။

“ ဒီအလုပ်လုပ်စားရတာ သိမ်ငယ်တယ်တော့ လဲမဟုတ်ပါဘူး။

သူများဟာခိုးစား မကောင်းတဲ့ မိန်းမပျက်အလုပ်လုပ်စားတာထက်စာရင် အပုံကြီးကောင်းပါလေ့။

ဒါပေမယ့် တစ်ခါတစ်လေ ကျုပ်တို့ကို သူခိုးလိုလို ဘာလိုလို ယိုးစွပ်ချင်တဲ့သူများနဲ့တွေ့ရင်တော့စိတ်ချဉ်ပေါက်မိတယ်။

ဒါပေမယ့် သီးခံရတာဘဲ ကိုယ်က သူများလိုအရင်းအနှီးမရှိ ပညာလဲမတတ် လုပ်စားတတ်တာကဒါပဲလေ။

တ၀မ်းတခါး ပြေလည်တော့လည်းကျိတ်မှိတ်လုပ်ရတာဘဲ။

ညရောက်ရင်တော့ ညီအမနှစ်ယောက်တစ်ယောက်တစ်လှည့်စီနင်းပေးကြရတာပေါ့တော်“ပါတဲ့။

ဟုတ်တော့လဲဟုတ်ပါတယ်။

သူတို့နေတဲ့ကျုးကျော်တဲလေးတွေရှိတဲ့အရပ်ကလေးက အိမ်ဘုတ်စုလေးတွေစုနေသလို

လူတွေကလဲ အလုပ်ပေါင်းစုံ အကျင့်စရိုက်ပေါင်းစုံပါ။

ပလပ်စတစ်ကောက်တဲ့သူရှိတယ်၊ခါးပိုက်နှုက်ရှိတယ်၊သူခိုးရှိတယ် မကောင်းတာလုပ်စားတဲ့မိန်းကလေးတွေရှိတယ်။

အရပ်မသန့်တာနဲ့နေတဲ့လူအားလုံးမကောင်းဘူးဆိုတဲ့အမြင်ကလဲအမြဲတော့မမှန်နိုင်ဘူးလို့ထင်ပါတယ်။

မိုးတိတ်တော့ အိမ်ကိုပြန်လျှောက်လာတဲ့လမ်းမှာ မိဘနှစ်ပါးက အသင့်အတင့်ချမ်းသာ

ပညာလဲတတ် ကိုယ်ကိုတိုင်ကလဲပညာတတ်ပါရဲ့နဲ့ နွံထဲကိုခုန်ဆင်းသွားတဲ့ “မကွီး”လို့ကျွန်တော်တို့ သိထားတဲ့မိန်းကလေးတစ်ယောက်ကိုသွားပြီးသတိရမိပါတယ်။

သူအမေကတော့ လက်ဝတ်ရတနာပွဲစားပေါ့။

သူ့အဖေကတော့ ဌာနတစ်ခုကအရာရှိကြီးပေါ့။

သူ့မိဘများကလဲ အလွန်ကိုခေတ်မှီချင်ပါတယ်။ဝင်ဆန့်ချင်ပါတယ်။

နေရာတကာမှာ တလွှားလွှားနဲ့လူလုံးအင်မတန်ပြချင်ကြပါတယ်။

ဒီတော့လဲသူတို့ သမီးကပွဲလမ်းသဘင်များရှိရင်ရှေ့ဆုံးကရောက်တာ နေရာတကာပါရာစိန်ဖြစ်နေတာကို

ကျေနပ်နေပါသတဲ့ “အပေါင်းအသင်းဆံ့တယ် လူတောတုိးတယ် လူရာဝင်တယ်ပေါ့”။

ဒီတော့လဲသူတို့လို စိတ်တူသူချင်းတွေပေါင်းမိပါတယ်။

လန်ပျံ နေအောင်ဝတ်မယ် ဆိုင်ကယ်နဲ့မြို့ပါတ်မယ် အုပ်စုလိုက်ကြီးသွားချင်ရာသွားမယ်။

ယောက်ျားလေးတွေနဲ့နေချင်သလိုတရုန်းရုန်းနေမယ်။

ဒီတော့လဲ အချိန်မတိုင်ဘဲနဲ့ကျောင်းမပြီးသေးခင်ယောက်ျားနောက်လိုက်ပြေးပါတယ်။

အဲတော့ မိဘက ထုံးစံအတိုင်းသတင်းစာထဲမှာ အမွေဖြတ် ထည့် လိုက်တာပေါ့။

သူနဲ့ရတဲ့ကောင်လေးက သုံးပြဖြုန်းပြတော့ပိုက်ဆံရှိတဲ့သူဌေးသားမှတ်ပြီးအကြောင်းမသိဘဲနဲ့လိုက်ပြေးတာပါ။

နောက်တော့ မှ ကောင်လေးက လောင်းကစားနဲ့လုပ်စားနေတယ်(ဖဲရိုက်စားတဲ့)လူဖြစ်နေတာပါ။

အဲဒီကစလို့ လင်မယားနှစ်ယောက် ဖဲဝိုင်းတကာမှာအချိန်ကုန်ပါတော့တယ်။

နိုင်တဲ့နေ့မှာသူဌေးတစ်ယောက်လိုအသားကုန်သုံး၊ရှူံးတဲ့နေ့မှာတော့ ရှိတာထုတ်ရောင်းပေါ့။

ဒီိလိုပေါင်းသင်းနေကြရင်းနဲ့ကောင်မလေးမှာပါလာတဲ့လက်ဝတ်လက်စားတွေ ကုန်ခါနီးလေးအချိန်မှာ

ကောင်လေးက ဆုံးသွားပါတယ်။

မိဘအိမ်လဲမပြန်ရဲ ကိုယ်တိုင်ကလဲလောင်းကစားနဲ့နေရတဲ့ဘ၀ထဲမှာပျော်နေပြန်ပါတယ်။

သူတို့လိုလူတွေ ချင်းချိန်းပြီးရိုက်ကြတဲ့ဖဲဝိုင်းကလဲနေတိုင်းရှိ၊

သူကလဲဒီဖဲဝိုင်းမှာဘဲ အချိန်ပြည့် ရှိ။

ဖဲရိုက်တယ်ဆိုတာအမြဲတော့ဘယ်နိုင်ပါ့မလဲနော်။

သူ့မှာဖဲရူံးရင်အကြွေးဆပ်စရာတော့ လူဘဲရှိတော့ လူဘဲထိုးဆပ်တာပေါ့။

ရုပ်ကလေးကလှတပတ ကိုယ်လုံးကတောင့်တောင့်ဖြောင့်ဖြောင့် သူဖဲရှူံးပါစေဆုတောင်းလို့

ကူညီချင်သူများကလဲအပြည့်ပါ။

ဒီလိုနဲ့သူတို့ချိန်းတဲ့ဖဲဝိုင်းတကာကို သွားလိုက်ဖဲရှုံးရင်လူရောင်းလိုက်နဲ့လုပ်နေတာကနေ

ကြေးစားဘ၀ကို အပြီးရောက်သွားပါတော့တယ်။

အခုချိန်မှာတော့ သမီးလေးပေါင်းများစွာ ထိန်းထားတဲ့”မာမီ”ဖြစ်နေပါပြီ။

အရင်က မိတ်ပေါဆွေပေါဘ၀နဲ့နေခဲ့တာက သူ့အတွက်အသုံးဝင်နေသလိုပါဘဲ။

တစ်ခါတစ်ရံမှာ အဝေးကလာတဲ့ ဧည့်ကောင်းစောင်ကောင်းများကို သမီးလေးများနဲ့ ဧည့်ခံဘိုလိုအပ်တယ်

ဆိုရင် “မကွီး”ဆီကိုသာဖုန်းဆက်ပြီး လိုချင်တဲ့ပုံစံနဲ့နေရာသာပြောလိုက် အဆင်ပြေရပါစေမယ့်။

ဟိုအရင်ခေတ်မှာတော့ မကောင်းတာလုပ်စားတဲ့မိန်းကလေးများနဲ့ မိကောင်းဘခင်သားသမီးများ

ကြည့်ရုံနဲ့သိလောက်အောင် ၀တ်ပုံစားပုံ နေပုံထိုင်ပုံကွာခြားပါတယ်။

အခုခေတ်မှာတော့ ဘယ်သူက ဘယ်သူ့ကိုတုသလဲတော့ မသိဘူး။

ခွဲလို့ကိုမရတော့ တာပါ။အဲတော့ “မကွီး “ရဲ့သမီးလေးများကို “မကွီး “နဲ့အတူလာတာမဟုတ်ဘဲ

အပြင်မှာတွေ့လို့ကတော့ ဒါလုပ်စားတယ်ဆိုတာပြောရင်ဘယ်သူမှယုံနိင်မယ်မထင်ပါဘူး။

ဒီလို ကြေးစားမိန်းကလေးများနဲ့ပါတ်သက်လို့ လွန်ခဲ့သောအနှစ်သုံးဆယ်လောက်က စာပေလောကမှာ

အကြီးအကျယ်ကို အပြန်အလှန်ဆွေးနွေးခဲ့ကြသဘောကွဲလွဲခဲ့ကြဘူးပါတယ်။

တချို့ကတော့ ပါတ်ဝန်းကျင်ကြောင့် လို့ဆိုပြန်တော့ ပါတ်ဝန်းကျင်မကောင်းတိုင်းသာလူမကောင်းဘူးဆိုတာ သဘာဝမကျဘူးဆိုပြီး မဟောသဓါပြဇာတ်ထဲက ” နွံနဲ့ကြာပန်း”ကိုဥပမာပြလို့ငြင်းပါတယ်။

တချို့ကတော့ ဗီဇကြောင့်လို့ ဆိုပြီး ခြင်္သေ့မြက်မစား နွားအသားမစားတာကိုထောက်ပြပါတယ်။

တချို့တော့ခေတ်စံနစ်ဆိုးကြောင့်လို့အပြစ်တင်ပြန်တော့ လက်မခံသူများက ဟိုးရှေးရှေး ပဒေသရာဇ်ခေတ်ကနေ မြေပိုင်ရှင်ခေတ်ဆိုရှယ်လစ်ခေတ် အရင်းရှင်ခေတ်ဘယ်ခေတ်ဘယ်နိုင်ငံမဆိုဒီလူတန်းစားတွေရှိနေတာဘဲ ခေတ်ကြောင့်မဟုတ်ဘူး လူနဲ့ဘဲဆိုင်တယ်ဆိုပြီးပြောကြပြန်ပါတယ်။

ဆင်းရဲတဲ့နိုင်ငံတွေကို ဒီကိစ္စနဲ့ပါတ်သက်ပြီး နှိမ့်ချလို့ပြောရင် ဒီလူတန်းစားမရှိတဲ့နိုင်ငံထောက်ပြစမ်းပါ

လို့ ခွန်းတုန့်ပြန်ကြပါသေးတယ်။

တချို့ကတော့ တဏှာအတောမသတ်နိုင်တဲ့ ယောက်ျားတွေကြောင့်လို့ဆိုပြန်တော့

ငါတို့က ရေနစ်သူကိုကောက်ရိုးလေးပေးလို့ တနိုင်တပိုင်ကူညီတာပါလို့ချေပပါတယ်။

ကာလသားရောဂါဆိုးတွေ အေအိုင်ဒီအက်စ်လိုရောဂါတွေကို ပျံ့နှံ့ကုန်တာ ဒီလူတန်းစားကြောင့်လို့

ဆေးပညာရှင်တွေက ဆိုပေမယ် လူတစ်ယောက်ကို ဒုက္ခပေးတတ်တဲ့ရာဂစိတ်တွေ ပြေအောင် ဖြေဘို့ ဒီလိုလူတန်းစားတွေလိုအပ်တယ်လို့ စိတ်ပညာရှင်တွေက ဆိုပြန်ပါတယ်။

ဘာကြောင့်ဘဲဖြစ်ဖြစ် ဘယ်လိုဘဲပြောပြောဒီလူတန်းစားရှိနေအုံးမှာကတော့ အမှန်ပါဘဲ။

လောကမှာ အခက်အခဲရယ်လုိ့ကြုံလာရင် ဖြေရှင်းဘို့ကြိုးစားကြတဲ့အခါတစ်ယောက်ချင်းတော့ တူနိုင်မယ်မထင်ပါဘူး။

ဖြစ်ပေါ်လာတဲ့အခြေအနေအချိန်အခါကို မူတည်လို့ ဆုံးဖြတ်ကြရတာများပါတယ်။

ဖြေရှင်းဘို့ကြိုးစားကြတဲ့ စိတ်နေစိတ်ထားခြင်းလဲတူနိုင်မယ်မထင်ပါဘူး။

တချို့ကတော့ လောလောဆယ်ပြေလည်ရင်အေးရောလို့တွေးသလို

တချို့ကတော့လဲ သမ္မာအာဇီဝတို့ မျိုးရိုးဂုဏ်တို့ ရိုးသားမှု့တို့ကို အလေးထားလို့စဉ်းစားသူလဲအများကြီးရှိပါတယ်။

မကောင်းမှု့နဲ့အသက်မွေးနေသူများကို မြင်မိတဲ့အခါ

သနားကြင်နာသူရှိသလိုစာရိတ္တပျက်ပြားနေသူတွေလို့ မြင်သူလဲရှိပါတယ်။

ကံအကြောင်းမကောင်းလို့ဖြစ်ရတာလို့ သနားတွေးတွေးသူရှိသလို သူတို့ကိုကပျက်ချင်ချင်ပါကွာလို့

အပြစ်တင်သူလဲရှိပါမယ်။

သူ့ဘ၀နဲ့သူ ကိုယ့်ဘ၀နဲ့ကိုယ် ကယ်တင်ဘို့ဆိုတာဘယ်ဖြစ်နိုင်ပါ့မလဲလို့တွေးသူရှိသလို

ဒါမျုိးတွေပပျောက်အောင်ဘယ်လို့လုပ်ရင်ကောင်းမလဲလို့ကိုယ့်အရေးလိုသဘောထားလို့တွေးတွေးပြီးပူနေသူများလဲရှိပါသေးတယ်။

တကယ့်လက်တွေ့ဘ၀မှာ တော့ ဒီလိုကိစ္စမျိူးကိုင်တွယ်ရတာ တော်တော်လေးခက်ခဲမယ်ထင်ပါတယ်။

အများက သတ်မှတ်ထားတဲ့(မြန်မာပြည်အနေနဲ့ပေါ့နော်)မကောင်းတဲ့အလုပ်ကို လုပ်ကိုင်နေတဲ့မိန်းကလေးကို

ကောင်းတဲ့အလုပ်ကိုပြောင်းပေးမယ်ဆိုရင် အဲဒီအလုပ်ကို လုပ်နေသူ ကရောလက်ခံပါ့မလား ပြောင်းချင်ပါ့မလား?

(တစ်ခါမှာတော့ ထမင်းဆိုင်က ကလေးမလေးကို အတည်တကျလက်ထပ်ပေါင်းသင်းဘူးတဲ့ သူငယ်ချင်းတစ်ဦးရှိခဲ့ဘူးပါတယ်။

အဲဒီကောင်မလေးလုပ်တဲ့ဆိုင်ကို အသိတွေနဲ့လိုက်သွားရင်က သံယောဇဉ်ညှိတွယ်တာရော

ကယ်တင်ချင်တယ်ဆိုတာရော ကောင်မလေးအပြုအစုအပေါ်မှာသာယာတာရောပေါင်းလို့လက်ထပ်လိုက်ပါတယ်။

ဒါပေမယ့် အစကတော့ ဟုတ်တုတ်တုတ် ။

ကောင်လေးလဲခရီးသွားရော သူ့အပေါင်းအသင်းဟောင်းတွေကိုအိမ်ခေါ်လို့ပျော်ပွဲတွေကျင်းပပါတယ်။

နောက်တော့ သူ့ထက်ငယ်တဲ့ကောင်လေးတစ်ယောက်နဲ့ ဖောက်ပြန်ပါတော့တယ်။

ဒီတွေကိုယောက်ျားပြန်လာတော့ သိသွားတဲ့အခါ အိမ်ပေါ်က ကန်ချလိုက်ပါတယ်။

အဲတော့ မူရင်းနေရာဘဲပြန်ရောက်သွားတာပေါ့။

မေးကြည့်တော့ လူတစ်ယောက်ထဲရဲ့ဝေယျာဝစ္စတွေလုပ်ပေး လူတစ်ယောက်ထဲကိုပျော်တော်ဆက်နေရတာကို

ရင်မခုန်တော့လို့ပါတဲ့။)

မလုပ်ချင်ဘဲ လုပ်နေရသူတစ်ယောက်ကလည်း ကောင်းကောင်းမွန်မွန်လုပ်ကိုင်စားချင်ပါတယ်ဆိုရင်

လုပ်ငန်းရှင်တစ်ယောက်အနေနဲ့ကရော အလုပ်ခန့်ထားနိုင်ပါ့မလား?

(ခင်ဗျားတို့ကျွန်တော်တို့ရဲ့လုပ်ငန်းအတွက် လူလို လို့များ ၀န်ထမ်းခေါ်ကြတဲ့အခါ

မကောင်းတာလုပ်စားခဲ့ဘူးတဲ့မိန်းကလေးတစ်ယောက်ယောက်အလုပ်လာလျှောက်မယ်ဆိုရင်

ဝန်ထမ်းအဖြစ်ခန့်ဖြစ်မယ်မထင်ပါဘူး။

လူဆိုတာ အင်မေခ်ျ့ကောင်းမှ ဆိုတဲ့အချက်ကို ကိုင်ပြီးပယ်ချဖြစ်မယ်ထင်ပါတယ်။)

တကယ်လို့များဒီလိုဘ၀ကနေ လူကောင်းတစ်ယောက်ဖြစ်လာအောင် ပြုပြင်လာတဲ့မိန်းကလေးတစ်ယောက်ကိုများ

ကိုယ့်သား ကိုယ်မောင် ကိုယ်ညီ ကိုယ်တူ ကိုယ်ဦးလေးစတဲ့ ဆွေမျုိးတွေထဲက တစ်ယောက်ယောက်ကများကယ်တင်

ချင်လို့ဖြစ်ဖြစ် ချစ်လို့ဘဲဖြစ်ဖြစ် လက်ထပ်မယ်များဆိုရင် လက်ခံနိုင်ပါ့မလား?

(ကျနော်သူငယ်ချင်းရဲ့ညီလေးတစ်ယောက်ရှိပါတယ်။

ခပ်အေးအေးနေတတ်သူတစ်ဦးပေါ့။

ဒါပေမယ့် ခေါင်းကြောတော့မာပါတယ်။

စတေရှင်တစ်ခုမှာ သီချင်းဆိုတဲ့ကောင်မလေးကို လက်ထပ်မယ်ဆိုပြီး

အ်ိမ်ခေါ်လာတဲ့အခါ သူ့အမေက မေ့လဲသွားပါတယ်။

အဖေလုပ်သူကတော့ တောက်တစ်ခေါက်ခေါက်နဲ့။

ကျန်တဲ့အမတွေကများ ငိုလိုက်ကြတာ နာရေးရှိတဲ့အ်ိမ်အတိုင်းဘဲ။

အကိုတွေကလဲရိုက်မယ်နှက်မယ် တကဲကဲ။

ဒီလောက်နွားကျရသလားပေါ့။)

နောက်ဆုံးပိတ်အနေနဲ့ ပုံလေးတစ်ခုပြောပြချင်ပါသေးတယ်။

သိုင်းသင်တန်းတစ်ခုမှာဆရာကိုယ်တိုင်က ကိုယ် သဘောကျတဲ့ သင်တန်းသားတစ်ယောက်ရှိပါသတဲ့။ ကိုထွေးဘဲဆိုလိုက်ပါစို့ ။

သင်ပေးထားတဲ့ သိုင်းကွက်တွေကို များပြန်လေ့ကျင့်နေချိန်ဆို သင်တန်းသားအားလုံးကအားကျစိတ်နဲ့ဝိုင်းကြည့်၊

ဆရာကိုယ်တိုင်ကလဲ “ငါသင်ပေးထားတာ”ဆိုတဲ့ပုံစံနဲ့ ပြုံးပြုံးကြီးနဲ့ကြည့်နေတတ်ပါသတဲ့။

သိုင်းကစားတာ မာန်လဲပါ အကွက်ကလဲ့စေ့  လှလည်းအတော်လှဆိုဘဲ။

တစ်ခါမှတော့ လူမိုက်ပေါတယ်ဆိုတဲ့ တောင်ဘက်က ရွာဘုရားပွဲကို ကိုထွေးသွားပါသတဲ့။

တောင်ဘက်ရွာက ကာလသားတွေက သူတို့ရွာက အပျိုကို လာချိန်တာရယ် သုိုင်းတော်တယ်ဆိုတဲ့ နာမယ်ကျော်တာကိုပညာစမ်းချင်တာရယ်ကြောင့်ကိုထွေးကို ဘုရားပွဲခင်းထဲမှာ စိန်ခေါ်ပါသတဲ့။

ဒီရန်ပွဲအပြီးမှာတော့ ကိုထွေးက အဲဒီရွာသားသုံးယောက်ကို မထနိုင်အောင်လှဲသိပ်ပြီး ကိုယ့်ရွာကိုယ်ပြန်

ရောက်အောင် ပြေးလာနိုင်ခဲ့ပါသတဲ့။

ဒီသတင်းကြားတော့ သူတို့ရွာသားတွေက လဲကျေနပ်ဝမ်းသာ “ငါတို့ရွာကိုလာမစမ်းနဲ့ပေါ့”

သင်ပေးထားတဲ့ဆရာကလဲ ဂုဏ်ယူဝမ်းမြောက် “ဆရာကောင်းတပည့် ပန်းပန် ဆိုတာဒါမျိုး”ပေါ့။

ဒါနဲ့ညကျတော့ ဆရာက ကိုထွေးကို မေးပါသတဲ့။

ဘယ်အကွက်တွေနဲ့ဘယ်လိုခင်းပြီးဘယ်လိုဆော်ထဲ့လိုက်သလဲပေါ့။

“ ဆရာရေ တကယ်ဖြစ်ကြပြီဆိုတော့ ဘာသိုင်းကွက်မှ သတိမရလိုက်ဘူး။

ဘေးနားမှာထောင်ထားတဲ့ပေါင်းတင်းဝါး နှစ်လုံးပြူးကြီးနဲ့ မဲမဲမြင်ရာ ဆော်ထည့်ပြီးထွက်ပြေးလာတာ

ရွာအရောက်ပေါ့”ပါတဲ့။

ဒါတကယ့်ဘ၀အစစ်ပါဘဲ။

လောကမှာပြဿနာရယ်လို့ ကြုံလာရင် စိတ်တွေထူပူလို့ ဘာမှသေချာအောင်မစဉ်းစားနိုင်ဘဲလတ်တလော

ပြေလည်ဘို့လောက်သာ စိတ်ထဲမှာရှိတာကတော့ ကျွန်တော်အပါအ၀င်အားလုံးလို့ ယူဆပါတယ်။

မှန်သလားမှားသလားဆိုတာတော့…………………………………………….

(ပြီးပါပြီ)

ကိုပေါက်လက်ဆောင်အတွေးပါးပါးလေး။

(8-3-2011)