“ဆိုင်ရှင်ရှိ၏မရှိ၏ တန်ဘိုးထား၏ မထား၏”

ပြီးခဲ့တဲ့ လေးရက်လောက်က ကိုဇော်အေးနဲ့ကျနော် လက်ဖက်ရည်ဆိုင်ထိုင်ရင်းစကားတွေပြောဖြစ်ကြပါတယ်။

အားနေလို့ပြောတာကတော့ တောရောက်တောင်ရောက် ဗျသနပေါင်းစုံပေါ့။

ကျနော်တို့စကားပြောနေတုန်းအသက်သုံးဆယ်ပါတ်ဝန်းကျင်လောက်ဘဲရှိတဲ့လူငယ်လေး

တစ်ယောက် ကကိုဇော်အေးကို လာနုတ်ဆက်ပါတယ်။

ထုံးစံအတိုင်းအရောင်းအ၀ယ်ကောင်းလားဘာလားမေးတော့

အဲဒီကောင်လေးက “အရင်လောက်မဟုတ်ဘူးအကို”လို့ပြန်ဖြေပါတယ်။

“အကိုလဲ ကျနော်ဆိုင်ဘက်ကို မလာတာကြာပြီနော်”လို့ပြောတော့

ကိုဇော်အေးက “ငါလာတော့ လဲ မင်းက ဆိုင်မှာမှမရှိတာ။ဆိုင်လဲကပ်အုံးဟ တစ်ချို့က မင်းနဲ့မှညှပ်ချင်တာကွ”လို့ကိုဇော်အေးက ပြန်ပြောလိုက်ပါတယ်။

အဲဒီကောင်လေးထွက်သွားမှ ကိုဇော်အေးက

“အဲဒီကောင်က တော်တယ်ဗျ ဒါပေမယ့်ရေလိုက်လွဲနေတာ”ကအစချီလို့

ကောင်လေးအကြောင်းပြောပြပါတယ်။

 

“သူ့နာမည်အရင်းတော့မသိဘူးဗျ။

ကျနော်တို့ကတော့ သူ့ကို “အာကြီး”လို့ဘဲခေါ်လိုက်တာကြတာဘဲဗျာ။

သူက အာဆင်နယ်ပရိတ်သတ်စစ်စစ်လေ။

သူ့ကဆံပင်အလှပြုပြင်ရေးလုပ်တာ။

သူနဲ့ကျနော်သိကြတာတော့ဆယ်နှစ်ကျော်ကျော်လောက်တော့ ရှိမယ်ထင်တယ်။

အဲဒီတုန်းက ကျနော်ကလဲမြောက်ပြင်မှာနေတာ။

သူကလဲ ရွာကနေမြို့ရောက်ခါစ။

အဲဒီတုန်းက ဒီကောင်လေးအသက်နှစ်ဆယ် နီးပါးလောက်ရှိပြီထင်တာဘဲ။

ကျနော်ဆံပင်ညှပ်နေကျဆိုင်မှာ “အာကြီး” က ပညာသင်လေးပေါ့။

ဒီကောင် က အလုပ်လုပ်ဘို့ အဆင့်သင့်ဖြစ်နေသူ အမြဲတက်ကြွနေတဲ့သူလေ။

ကျန်တဲ့ပညာသင်တွေက အားရင် တစ်ယောက်နဲ့တစ်ယောက် စနေ ဆော့နေ။

သူကတော့ တံမျက်စည်းလှည်းချင်လှည်း၊စားပွဲပေါ်က ဆံပင်ညှပ်ကိရိယာတွေကို

သပ်သပ်ယပ်ယပ်ဖြစ်အောင် စီချင်စီ။

ဒါမှမဟုတ် ဆံပင်တွေစိုက်နေတဲ့ ပိတ်တဘက်တွေကို နေပူမှာလှန်းပြီးခါချင်ခါ၊

ဆံပင်ညှပ်နေသူဖြစ်ဖြစ်ခေါင်းလျော်သူဖြစ်ဖြစ်ရှိနေရင်ဖြစ်ဖြစ် အသေအချာရပ်ကြည့်

ကူသင့်ရင်ကူ နဲ့ တကယ့်ကိုအလကားမနေတဲ့သူပေါ့။

အဲတော့လဲ ရောက်လို့မှမကြာသေးဘူး သူ့ဆိုင်ရှင်က ဒီကောင်ကို ဆံပင်ညှပ်သင်ပေးတော့တာဘဲ။

ဒီကောင်ကမြင်လဲမြင်တတ်တော့ ခဏနဲ့ ဆံပင်ညှပ်ခုံကိုင်ရတော့တာဘဲ။

နောက်သူက စကားပြောကောင်းတာတင်မကဘူး အလိုက်အထိုက်လဲပြောတတ်တယ်။

နောက်ပြီးသူက စာလဲဖတ်တော့ ဗဟုသုတရှိတယ် အဲတော့ ဆံပင်ညှပ်နေတဲ့သူမပျင်းအောင်

လဲသူက ဧည့်ခံတတ်။

သူများခေါင်းကိုကိုင်တာကလဲညှင်သာ ညှပ်ပေးတာကလဲ သေသေသပ်သပ် ပုံလဲကျ

ဆိုတော့ သူနဲ့မှညှပ်ချင်သူများများလာတာပေါ့။

များများညှပ်ရတော့ ၀င်ငွေကောင်းသလို များများလေ့ကျင့်ရတော့ လက်ရာလဲ

ပိုကောင်းလာတာပေါ့ဗျာ။

သူဆရာဆိုင်မှာလုပ်လာတာလေးငါးနှစ်လဲရောက်ရော သူ့လက်ဦးဆရာက ဒီအလုပ်ကိုမလုပ်တော့ဘူးဆိုပြီး ဆိုင်ပိတ်မယ်လုပ်တော့ သူက ဒီဆိုင်ကို

ပြန်ဝယ်ယူလိုက်ပါတယ်။

သူမှာငွေရှိလို့တော့ မဟုတ်ဘူး။

သူ့ကိုယုံကြည်တဲ့လူတစ်ယောက်က ငွေစိုက် သူကလူစိုက် အမြတ်အစွန်းကတော့

တစ်ယောက်တစ်ဝက်ပေါ့။

သူကလဲ ကြိုးကြိုးစားစားလုပ်တော့ အောင်မြင်တာပေ့ါ။

ပြီးတော့ သူ့က သူဆိုင်မှာ ဖတ်စရာ ဂျာနယ်လေးတွေလဲထားပေးတော့ ဆံပင်ညှပ်ဘို့စောင့်နေရတာ မပျင်းဘူးပေါ့။

အဲတော့လဲသူ့ဆိုင်လေးက စည်ကားလာ သူကလဲ လူထပ်မွေးဆိုတော့

သူကိုယ်တိုင် တောင်ဝင်ပြီးဆံပင်ညှပ်မပေးတော့ဘူး။

နောက်တော့ သူက အပေါင်းအသင်းစုံလာတော့ မြေပွဲစားလိုလိုဆိုင်ကယ်ပွဲစားလိုလိုဖြစ်လာပါတယ်။

သွားလိုက်ရင် ဆိုင်မှာသူအမြဲမရှိ။

ပွဲစားတွေနောက် ကိုတကောက်ကောက်လိုက်။

ရှိပြန်ရင်လဲ အရင်လိုဖိဖိစီးစီးနဲ့ဆိုင်ကို မကွပ်ကဲတော့ပါဘူး။

သူက  ပွဲစားလိုလို ဘာလိုလိုနဲ့နေရတာကို ဘဲ သူ့ဘ၀မြင့်သွားတာလိုလို။

အဲတော့ ဆိုင်မှာအဆင်မပြောတာရှိရင်လဲဖြေရှင်းပေးသူ့မရှိ.။

ဆိုင်က ကလေးတွေကလဲ အထိန်းအကွပ်သိပ်မရှိတော့ ပေါ့ဆဆလုပ်။

နောက်အရင်ကဆို သူဆိုင်ထဲမှာ လောလောဆယ်ထွက်နေတဲ့ ဂျာနယ်တွေက ဖတ်စရာအပုံကြီး။

အခုတော့ သူရှိရင်ဝယ် သူမရှိရင်မ၀ယ်ဘူးဆိုတော့ အဟောင်းအစုတ်တွေဘဲ

ဖြစ်နေ။

ဆံပင်ညှပ်တဲ့ကောင်လေးတွေကလဲ ဆရာမရှိတော့ အလုပ်လုပ်တာ လေးတိလေးကန်။

သူတို့နဲ့ ခင်တဲ့လူငယ်ချင်းဆို စကားပြောရင်းညှပ်နေတာ အကြာကြီး။

ဆံပင်ညှပ်ချင်လို့ ထိုင်စောင့်နေတဲ့လူကလဲ စောင့်ရတာ တမေ့တမော။

ဆံပင်ညှပ်တဲ့ အခါ ပတ်ပေးထားတဲ့ပိတ်စတွေကလဲ အရင်လိုသစ်သစ်လွင်လွင်မရှိ။

ဒီလိုအဆင်မပြေတာတွေများလာတော့ ကျနော်ကိုယ်တို်င်လဲသွားမညှပ်တော့ဘူးဗျာ။

ညှပ်မိပြန်ရင်လဲ အိမ်ပြန်ရောက်တော့ စိတ်တိုင်းမကျဘူးလေ။

အဲတော့ ကျန်ာလဲသွားမညှပ်ဖြစ်တော့ဘူးဗျ။

တစ်ခါတစ်လေသူ့ဆိုင်ရှေ့ကဖြတ်သွားလို့ကြည့်ရင် ညှပ်တဲ့လူသိပ်မရှိဘူးလေ။

အမှန်ကသူ့အလုပ်ကို သူ ဖိဖိစီးစီးလုပ်ရမှာ။

စိတ်ချရတဲ့လက်ထောက်ရှိမှသူက အခုလိုအပြင်ထွက်လုပ်ရမှလေ”

လို့ပြောပါတယ်။

 

သူပြောတာကြားမှာ ကျနော်လဲ သတိရစရာတွေပေါ်လာပါတယ်။

ကျနော်တွေ့ဘူးတဲ့ တစ်ယောက်ကတော့ ဆိုင်ကယ်ပြင်တဲ့ကောင်လေးပေါ့။

အစကတော့ကုမ္ပဏီမှာ လခစားလုပ်တာ။

နောက်တော့ ကိုယ်ပိုင်ဆိုင်လေးထောင်ရော။

ပညာကတော့ တော်တယ် စက်နိုးကြည့် စမ်းစီးကြည့်တာနဲ့ဘာပျက်တယ်ဆိုတာပြောနိုင်တယ်။

သူလဲဆို်င်ဖွင့်တော့ လက်မလည်ခြေမလည်အောင်ကို ပြင်ရတာ။

နောက်တော့ သူလဲပွဲစားလိုင်းကူးသွားပြီး ဆိုင်ကို ကလေးတွေနဲ့ပစ်ထားပါတယ်။

အဲတော့ ဆိုင်ကယ်သွားပြင်ရင် တစ်ခါနဲ့မပြီး။

စိတ်တိုင်းမကျတော့ ခဏခဏပြန်သွားရ။

နောက်ကလေးတွေက မကျွမ်းကျင်ဘဲလုပ်တော့ နတ်တွေပြုန်းလို့ပြုန်း။

ဖြစ်တာက တစ်ခြား ပြင်ပေးလိုက်တာက တစ်မျိုး။

ဆိုင်လာပြင်တဲ့ဆိုင်ကယ်ကို ယူစီးချင်သလိုစီး နဲ့ပေါက်လွတ်ပဲစားဖြစ်နေပါတယ်။

ဆိုင်သွားရင် သူအမြဲမရှိ။

ရှိပြန်ရင်လဲ သူကဆိုင်ကယ်အကြီးတွေမှကိုင် ရိုးရိုးစူပါကပ်တို့ တရုပ်ဘီးတို့ဆိုစိတ်မ၀င်စား။

အဲတော့ သူဆို့လေးလဲကြာတော့လုံးပါးပါးသွားပါတယ်။

 

ဒီလိုဆိုင်ကိုပစ်ထားတဲ့ဆိုင်ရှင်လေးတွေအကြောင်းကြားရတော့ ငယ်ငယ်တုံးက

့ ဆိုင်ကနေဘယ်မှမခွာဘဲ ဂရိုတစိုက်နဲ့အလုပ်လုပ်တဲ့ ဆံပင်ညှပ်ဆိုင်ပိုင်ရှင် ဦးကျော်သိန်း ကို သတိရမိပါတယ်။

သူ့ဆိုင်ကတော့ “ကျော်သိန်းနှင့်ညီများဆံသ”ပါ။

အဲဒီဆိုင်က လမ်း80နဲ့26ဘီလမ်းဒေါင့်မှာရှိတာပါ။

ဆိုင်အ၀င်ပေါက်ဘေးက မှန်အချပ်ကြီးနဲ့ကာထားပါတယ်၊။

ကျုံးနဲ့နန်းတော်ကိုလှမ်းမြင်နေရပါတယ်။

ဆံပင်ညှပ်တဲ့ထိုင်ခုံနဲ့တည့်တည့်မှာ ဘယ်လဂျီယမ်မှန်ကြီးကြီးတွေကို

နံရံမှာထွင်းထည့်ထားပါတယ်။

မှန်တွေကြည့်ရတာကြည်တောက်ရှင်းပါဘဲ။

ဆံပင်ညှပ်တဲ့လူတွေထဲမှာ ၀န်ထမ်းလဲရှိသလို သူ့သားနှစ်ယောက်လဲရှိပါတယ်။

ဒါပေမယ့်သူ့အလှည့်နဲသူညှပ်။

ဖောက်သည်က တောင်းဆိုလာရင် တော့ ဖောက်သည်ရွေးချယ်တဲ့သူနဲ့ညှပ်။

ဆံပင်ညှပ်ရင် ပတ်ထားပေးတဲ့တစ်ဘက်တွေကလဲ သန့်သန့်ရှင်းရှင်း။

ဆံပင်ညှပ်ပြီးတာနဲ့ ဆံသဆရာက တံမျက်စီးလှည်း ဆံပင်ညီတွေကို အမိူက်ပုံးထဲ့ထည့်။

အမြဲသန့်ရှင်းလို့နေပါတယ်။

နောက်ထိုင်စောင့်စရာဆက်တီတွေလဲရှိပါတယ်၊။

စောင့်နေရင်းဖတ်ရအောင် နေ့စဉ်ထုတ်သတင်းစာ၊အားကစားဂျာနယ်တွေကလဲ အဆင်သင့်။

အဲတော့ မန်းလေးမြို့က အကောင်းကြိုက်သူ မှန်သမျှ ကျော်သိန်းဆံသမှာညှပ်ကြပါတယ်။

ဆိုင်ရှင်ကိုယ်တိုင်ကလဲ ညှပ်တဲ့အခါညှပ်။

ဘယ်မှလဲလျှောက်မသွား ဒီအလုပ်ကိုဘဲလေးလေးစားစားနဲ့လုပ်ပါတယ်။

အဲတော့ မန်းလေးမြို့ သမိုင်းပြောရင် ဒီကျော်သိန်းဆံသအကြောင်းမပါရင် မပြီးဘူုးလို့ပြောန်ိင်ပါတယ်။

မန်းလေးမြို့က မြို့မျက်နှာဖုံးတွေ အမြဲညှပ်တဲ့ဆိုင်လေးဖြစ်လို့ပါဘဲ။

 

(အခုတော့ အဲဒီဆိုင်လဲ ပိတ်သွားပါပြီ။သူတို့ငှားဖွင့်တဲ့နေရာက ဆက်မငှားတော့တာရယ်၊

ဦးကျော်သိန်းကွယ်လွန်သွားတာရယ်ကြောင့်ပါ)

 

အခုခေတ်လူငယ်များက ဆိုင်တစ်ဆိုင်ကို ဖြစ်အောင်ထောင်နိုင်တဲ့အစွမ်းအစတော့

ရှိကြပါတယ်။

ဒါပေမယ့် ကိုယ်ထူထောင်ထားတဲ့လုပ်ငန်းကို တန်ဖိုးမထားတတ်ကြပါဘူး၊

ကိုယ့်ပင်မအလုပ်ကို ဖိဖိစီးစီးမလုပ်ဘဲ ပစ်ပယ်ပြီး လိုင်းကူး လိုင်းပူးတတ်ကြလို့ပါဘဲ၊

ဆိုင်ပစ်ပြီး သွားချင်ရာသွားလုပ်ချင်ရာလုပ်ကြပါတယ်။

အဲလို ဆိုင်ရှင်မရှိတော့ ဆိုင်ကလဲဖြစ်ချင်ရာဖြစ်ပေါ့။

ဆိုင်ရှင်မရှိတော့ လာတဲ့ဖောက်သည်ကလဲအဆင်မပြေတော့ မလာတော့ဘူး။

ဒါကတော့ ကျနော်စိတ်ကူးထဲပေါ်တာလေးပြောကြည့်တာပါ့။

မိတ်ဆွေတို့ကရော ကြုံဘူးတာလေးကို ပြန်ပြောမပြချင်ကြဘူးလားဗျာ၊

 

 

 

ကိုပေါက်လက်ဆောင်အတွေးပါးပါးလေး

(5-12-2011)