ကြောက်ခမန်းလိလိကြေကွဲတဲ့

အလွဲသံစဉ်ဂီတထဲမှာ

ကျွန်တော်ဟာအဓိကဇာတ်လိုက်

အချစ်အတွက်ရူးမိုက်ခဲ့သူတစ်ဦးပေါ့

ဆောင်းရာသီတစ်ခုရဲ့ 

စုန်းတိုက်ခဲ့ရတဲ့နေ့ထဲ

ငါတစ်ကိုယ်တည်း

အချက်ပေးသံမပါဘဲ

အလွမ်းရနံ့တွေထဲမူးလဲခဲ့ရတယ်

မီးတောက်တစ်ခုလို

ယိမ်းပြိုဖွဲ့နွဲ့ဟန်နဲ့

ကျွန်တော်ဟာအမှန်တရားကို

ရင်ဆိုင်ဖို့အားမွေးနေရတုန်း……

(ကိုယ့်မေးခွန်းကိုယ်ပြန်ဖြေရတဲ့

 စာမေးပွဲဟာအခက်ခဲဆုံးမှန်း

 ကျွန်တော်မသိခဲ့ရဘူး)

လင်းမြချိုအေးတဲ့သူ့အပြုံးကိုမှ

တမ်းတမ်းစွဲဖြစ်နေရတာ

ဘာ့ကြောင့်များလဲကွယ်……

တုန်နေအောင်ချစ်ခဲ့တော့လည်း

ပီပြင်နေအောင်ကိုလွမ်းရဲပါရဲ့ 

တာရာစုံပေမယ့်လမင်းမပါတဲ့ညလို

မျှော်လင့်ချက်တစ်ခုကိုခပ်များများ

ပိုင်ဆိုင်ခဲ့တော့…………..

အားလုံးဟာ မှောင် မိုက် ခြင်း အ တိ နဲ့

နှလုံးသားလည်းပြဲရိစုတ်ပြတ်

ဝဲဘက်ရင်အုံတစ်ခုလုံးဟာလည်း

ပက်ကြားအက်နွေရာသီဖြစ်ခဲ့ရပြီပဲလေ….

(အလွမ်းသီအိုရီတွေကိုအဆုံးသတ်ပစ်ချင်ပြီ

 ချစ်ရသူရေကူညီပေးပါတော့)

                                            မိုးသစ်လေပြည်