ငါဟာ ဘယ်ကြယ်ကနေလာတာလဲ
ရာဘာပင်လို ခြစ်ယူလို့ရရင်
ငါ့ဝိညာဉ်ဟာ အပြစ်တွေနဲ့ စေးပျစ်နေရောပေါ့
အနားမှာ
အခြားသော အသက်ရှုသံတစ်ခု လှလှပပတညရှိစမ်း
အနမ်းရဲ့လမ်းကြောင်း မှန်ကန်အောင်တွက်ဆ
ငါ့ ရှပ်အင်္ကျီဖြူဖြူထဲ
ချောင်းဟန့်သံတွေ လောင်းထည့်တာများလွန်းတော့
ဇာတ်ခုံလိုဘ၀မျိုးပဲ ရတယ်။
တနင်္ဂနွေသားအတိုင်း
ကန်ရာသီဖွားအတိုင်း
ပြိုင်ကွင်းထဲက ဂျော်ကီတစ်ယောက်ရဲ့ သွေးအတိုင်း
ခပ်ရိုင်းရိုင်းစပရိန်ကို အရေပြားအောက်ဖွက်ထားပြီးတဲ့ အတိုင်း
မီးနီနေတဲ့ လူကူးမျဉ်းကြားလို
ကာယကံမှုကို ရပ်စောင့်နေပါတယ်
မင်းအလှအပဟာ
မီးချောင်းလိုကျွမ်းသွားရင်တောင်
မှန်စာတိုက်ပြီးစွန်ထောင်ဖြတ်လို့ရဦးမယ်ဆိုတာ
တစ်ပတ်မှာငါးရက်သတိရပြီး နှစ်ရက်ဆက်အိပ်မက်တော့ခက်ခဲ
သွေးကြောထဲတိုးဝင်လာတဲ့ပန်းသီး
ဒါမှမဟုတ် အယောင်ယောင်အမှားမှားမင်းအရသာ
ဘယ်လိုကန်ထုတ်ရမယ်နားမလည်တော့ဘူး
ကိုယ်ဖော့တတ်တယ်ဆိုပေမယ့်
သံသရာဖြတ်ကူးလောက်အောင် ရေပွက်ထဲ၏
စိတ်ကြီးဝင်သူ ရဲမှမရဲသေးတာ။   ။

ခိုင်မြဲကျော်စွာ
စရဏမဂ္ဂဇင်း- ၂၀၀၇

/* အေးအေးဆေးဆေးလမ်းကဗျာစာအုပ်ကပါ။ */